雄記美食

營業中

休息中

次次想嚟食都摸門釘，所以真係要留意住佢IG，佢會更新自己放假同營業時間。今日1:30pm尖沙咀落堂即刻趕嚟，等咗前面兩枱就有位，10分鐘都唔洗，好彩一早諗好想食咩，因為接着我之後落order嘅人，都分別聽到冇豬紅、糯米飯同河粉。今次叫咗兩樣樣嘢，分別係：#雜錦糯米飯 🍚$70一嚟到就香噴噴，咁啱今朝得10度，食佢就啱曬，「暖粒粒」！好足料，有好多臘腸片同膶腸片，面頭仲有粒大冬菇同均勻佈滿飯面嘅葱花，糯米嘅黏稠但又唔會痴埋一舊，呢種口感無得頂，加上呢個年代要搵「糯米飯」食已經唔易，值得嚟食！#雞蛋香煎蝦米腸粉 $24見好多人推介，仲大家再用甜醬係上面唧唔同圖案，我都唧返個字先🤭！點知一用筷子夾開已經好有驚喜，原來佢唔止好似有塊煎蛋咁包住啲腸粉，仲夾開入面有蛋汁流出嚟，唔洗點甜醬都好味，因為有蛋汁當醬汁！

一間長期有人龍的小店，在午飯時間，無論堂食或外賣，都有好多附近上班族幫襯。這天轉程來吃，排隊排了接近半小時才有位。點了出名的咖喱牛腩撈粗麵，選了小辣，咖喱味好濃好香，牛腩同蘿蔔份量多，吃得很滿足。午市可以優惠價$10加凍腐竹糖水（用杯上），腐竹味好香好濃，感覺很足料，食完濃味的咖喱再飲，好解渴。小店除了食物出眾之外，其佈置亦非常有心思，牆上掛滿電影海報、唱片封面、收藏機械人等，凸顯老闆所屬的年代。

香煎蝦米腸粉 $18 （加雞蛋 +$6）腸粉煎得金黃香脆，腸粉煙韌滑溜，撈埋半熟嘅雞蛋汁，黑白芝麻，好香好好食😋牛雜湯河粉 $50牛雜處理得好乾淨，個湯飲完都唔會頸渴，但除咗牛肚之外，每一款牛雜都係得一件，份量偏少，完全唔夠喉😅芫荽餃 $48芫荽味好香，餃子皮唔會過厚，西洋菜同白蘿蔔都好清甜，整體唔錯。油鴨髀糯米飯 $140油鴨髀極鹹，冇可能食得到⋯⋯反而糯米飯質地煙韌，配料有潤腸、臘腸、冬菇等，香氣十足，幾好食。〰️〰️〰️〰️〰小店乾淨企理，款式亦唔算單一，有飯有粥有麵有腸粉，而且仲有限定menu，例如糯米飯，芫荽餃，羊腩飯等。小食店嚟講，價錢可能偏高，但食物質素唔錯，值得一試嘅~可能因為太多食客太忙嘅關係，老闆娘嘅態度真係好一般，雖然口講多謝，但個心絕對係想趕你走咁，好在佢其他員工態度友善，只要唔同老闆娘講嘢就得🫢食店開11:00至17:00，賣哂就收工，想食好嘢就要早啲嚟，嚟之前最好就望一望佢social media睇下有冇開門先，廢事摸門釘啦😉〰️〰️〰️〰️〰️食物: 4/5性價比: 3.5/5 環境: 3.5/5服務: 3/5Revisit: Yes

耳聞過呢間唔知開唔開，開咗又好多人排嘅雄記，好彩第一次去就食到。佢哋Instagram會公佈當日營業狀況，記得留意住。一個人lunch time食，等左10分鐘左右就有位。好多款野食都想試，但大部分選項都係主食，最後揀左牛雜粥、煎蛋腸粉。-煎腸粉賣相之吸引，睇到都正。蝦米腸同雞蛋煎到好香脆，中間仲有啲蛋汁，配埋芝麻、甜醬、花生醬，正！-牛雜粥第一次聽，食落幾有驚喜。粥底唔係杰撻撻個隻，比較稀，有種飲湯嘅順滑感。牛雜新鮮無異味，幾特別嘅組合，值得一試。餐廳環境好乾淨，亦有唔少老細嘅心頭好玩具，成個感覺好有屋企味，加埋食物出色，難怪咁多人等佢地開門。

上次試過雄記既蝦米腸粉一直念念不忘，難得星期六可以休息下有少少metime，要再encore佢地既蝦米腸粉，今次試埋佢地另一樣人氣推介既芫茜餃 (有咩驅使我呢個唔食芫茜既人走去叫呢個芫茜呢，係愛啊~)芫茜餃 ($48/5隻)上次試過佢地既牛雜今次一於試下佢地既芫茜餃，即叫即煮既芫茜餃製作需時，幾時都話好食既野係值得等待既，湯底可以揀牛湯或者清湯，我梗係揀左牛湯啦，芫茜餃皮薄餡靚，可能加左肉既關係，芫茜味比我想像中冇咁濃 (岩哂我呢啲唔食芫茜既人)，牛湯同上次一樣咁清甜，連湯都要飲埋先得香煎蝦米腸粉 ($18; 加雞蛋+$6)食上癮既煎蝦米腸粉加雞蛋是常識吧，煎到金黃色好靚，可以自己按喜好落甜醬，今次搞搞新意思用甜醬畫個哈哈笑，腸粉口感好滑溜，配埋麻醬同甜醬一齊食好好食自家製腐竹糖水 ($10)飲品方面一定要試下佢地自家製既糖水，今日有檸檬薏米水同腐竹糖水，豆味香濃而且口感嫩滑，每次黎到都必點既飲品

喺附近翻工，經同事介紹，lunch一齊黎食，佢話呢間既腸粉係世一，果然冇講錯！由於我地lunch一般食得比較遲，去到通常都2點3左右，好多嘢有機會賣曬，當我地食完大概2點8，店家已經話冇野食 準備收舖～我地嗌左咖喱牛腩撈粗/河粉（$50）同埋蝦米煎蛋腸粉（$24）由於太肚餓，腸粉係影唔切相既🤣咖喱牛腩同配菜份量好足，麵底亦好大餅👍🏻😋，咖喱汁掛曬喺麵度，好惹味✨👍🏻，而蘿蔔、薯仔等配菜亦唔馬虎，蘿蔔好清甜，薯仔好粉👍🏻係相當好食既小店✨💛

兩點鐘去到灣仔，見到雄記唔洗排隊，終於有機會去試吓啦！掃完針咭，有三張枱老闆娘任我揀，我坐喺最近廚房嗰張。呢間店最特別之處，就係有好多玩具同舊海報，仲有兩張舊戲院櫈，雖然雜物多多，但你唔會覺得佢亂。準備嗌嘢食，老闆娘第一時間同我講飯已經賣晒，咁就一碗牛雜河，加多一杯是日特飲冬瓜茶。牛雜係好味嘅，牛肺啱啱好，牛肚有彈性，不過牛腸就好韌，勉強先咬得爛嘅，湯底好好味，我差唔多飲晒！辣椒油都正。其實呢個質素嘅牛雜，好多地方都做到，不過呢度有一樣嘢，真係未必間間舖做到，就係佢哋嘅清潔，真係黐線咁乾淨，枱面啲玻璃一啲油漬都冇，隔板一啲污漬都冇，間鋪感覺好似新嘅一樣，所以鍾意清潔嘅朋友，呢間嘢200%推介

第一次遇到咁鬼蠻橫跋扈嘅店家。openrice評價800幾家，呢家係有史以來遇過最無恥嘅。.周末專登同老公去到灣仔想試網上話好食嘅腸粉煎蛋，點咗兩份，第二份攞嚟時蛋已經變黑焦，試下味道極苦，就話畀店員知。.結果一位個身材豐滿嘅女店員大聲講每份都唔同，焦係正常，並大聲呵斥「愛食唔食」後就直接收走，仲未影像留證.仲未完，更可怕嘅係男店員立刻跑過嚟，將我食緊嘅甜品馬來喳喳即刻收走，氣勢洶洶，口中大放厥詞「唔歡迎你們食飯，即刻走！」我話我仲未吃完憑咩趕人，佢話呢度係佢嘅，唔敢相信，今時竟然有呢樣嘅店！.之後我話會投訴，男店員立刻衰咗跑開，女店員話佢睇唔到以為食完？？我即刻舉報食環署☎️呢種小人絕唔可以姑息養奸！

次次去食都係食淨餸，牛腩牛筋唔乾淨，次次食都要自己掹毛，份量又少…孤寒到乜咁，得嗰兩舊，仲要好細舊，牛肚還可以，不過通常你1:15後去可能啲牛什都已經賣晒，豆卜有5舊仔，細粒到乜咁，等位又等得耐…魚蛋係我中意食嘅細粒陳皮魚蛋但佢煮到實的的咁又唔入味，都係麻麻… 次次埋單都差唔多成$60先勉強夠飽，車仔麵嚟講，呢個份量呢個質素，寧願食隔離明X… 次次食完都都要過隔離街買啲小食或珍奶充肚如果唔係啲同事話要食，我真係唔會去。

港式加甜醬麻醬嘅腸粉就食得多 但係呢度嘅叉燒蛋煎腸粉真係超級特別！！出面真係好少見😍😍蛋漿加埋腸粉煎到脆卜卜🤎外面脆脆地 又夠爽滑😎再加埋底嘅叉燒 真係超級正呀！！

終於嚟到雄記美食，之前嚟咗幾次都摸門釘，今次終於入到嚟叫咗咖喱牛腩撈麵，本來係叫清湯腩嘅，點知隔離幾個人都食咖喱，落單時忍唔住叫店員幫我改咗做咖喱，呢度貼深度㗎呢度有得揀大中小辣，即係唔係做完一煲，就咁不上去個碗到咖喱好香，材料切到好細粒，牛腩炆到好林，薯仔入味，撈埋麵食，味道簡直一流，略嫌個汁比較稀，唔夠杰身蝦米煎腸粉加蛋：呢個煎到好香脆，微微朝香，隻蛋唔會煎到全熟，仲有啲蛋汁喺中間流出，開埋個腸粉食，真係好香，我仲忍唔住將啲腸粉墊埋落個咖喱汁度食，原來都好夾，唔怪得知佢有得叫咖喱牛腩腸粉最後今日賣晒腐竹糖水，店員推介冬瓜茶，唔算太甜，有冬瓜嘅甜味，解渴一流值得一題，正值午市去食，店員好忙，但係都好有禮貌，抹枱都好細心。

超人氣食店，賣晒所有食物便告關門；當日我們因晏去，又在門口排了一陣隊，入到去已接近三點，很多食材已經售罄，只有少量可供選擇；而之後再來的客人選擇更少，有人因不滿什麼也沒有，還和店員大吵大鬧，認真誇張！奉勸各位有心來幫襯的客人，還是預時間早一點來吧！言歸正傳，小小的店舖內裡擺放了很多懷舊玩具、超合金、塑膠模型公仔、不同類型的可口可樂樽、古董手錶、李小龍及許冠傑的海報、電影院的舊式座椅，更離譜嘅係還不停播放著許冠傑嘅舊歌；真係猶如進入到一個小小博物館，令人看得眼花撩亂！因很多食材沒有，最後我們只叫到香煎蝦米腸粉加雞蛋、芫茜湯水餃、豬紅粥、腐竹糖水和車仔麵(蘿蔔、魚蛋、豆卜、油麵)。而最出色又印象最深的，就是這個「香煎蝦米腸粉加雞蛋」，腸粉滑溜，加上煎蛋香脆的口感，想不到又真係幾好食喎；豬紅粥，粥底帶有濃濃的腐竹香味，味濃可口，也是很不錯！喜歡吃芫茜的，這款芫茜湯水餃，你必定會喜歡。臨走前聽到老闆和熟客談起，他自己就最鍾意吃炒河粉加蛋，可惜自己已吃得差不多，就留代下次再試吧！最後不知是否老闆聽到我說「這裡的喳咋好出色」，埋單時老闆忽然送上兩碗熱辣辣的喳咋給我們，還說回家放入雪櫃雪凍佢會更加好

味道淡, 餸冇特別,湯也非常普通 ! 牛腩牛肚完全唔好食 , 呢個價錢有更多更好選擇。豬紅鞋鞋哋，又係非常普通… 辣椒油完全冇味，又唔香又唔辣…. 我諗唔到有咩好食之處…..

香煎蝦米腸粉(+雞蛋) $24為這個腸粉而來，絕對值得一試！一定要加蛋！蛋煎到脆脆的，裡面仲有蛋漿coat住啲腸粉又多一份蛋香 🤩 腸粉好高質，腸粉皮薄而且超級滑，再配麻醬同自己加甜醬真係正到爆！好食到下次要一人叫一碟先夠😆牛什麵 $50牛筋牛腩豬皮米 $46牛什有牛腸、牛肚、牛肺、牛膀，份量偏少，除咗牛肚之外每樣得一嚿… 幾鐘意個牛湯，濃味得來食完唔口喝，淮山麵有驚喜，比想像中有口感唔會好淋，好食。扣底後麵的份量女仔啱啱好，唔會浪費。牛筋牛腩正常發揮。價錢略為進取，不過係灣仔區都無可厚非。繁忙時間最低消費$50，如果淨係嚟食腸粉要揀啱時間。去之前要check佢IG睇下個日開唔開，咁就唔使摸門釘啦！

🌟牛什粥 $35好足料嘅牛什粥‼️必食推薦我哋兩個人都覺得好好食，粥好濃，牛什好新鮮！乾淨👍🏽👍🏽🌟三餸麵 $46叫左牛腩，牛肚同蘿蔔‼️牛方面唔洗多講，食雄記都係食佢個牛什😋蘿蔔係精華，好食。可惜當日去到想食冬菇同魚蛋都冇，所以叫左三餸就收手🤣🌟香煎蝦米腸粉+雞蛋 $24極度推介‼️必食必食必食‼️一定要加雞蛋🥚食過唔少蛋炒腸粉，但雄記呢個一定係TOP3🍳腸粉煎好上碟感覺好懷舊，上面灑左芝麻好香口，同埋好少有唔係散上嘅煎腸粉😜加左雞蛋，煎得好香脆。一食落口外脆內滑，誠意推薦‼️（趁對面未吱好甜醬我已經偷食緊🐷）🌟腐竹薏米糖水 （跟餐+$10）當我哋諗緊點叫夠最低消費嘅時候，鋪頭姐姐叫我地試下佢地嘅腐竹糖水，試左真係唔錯👍🏽好似豆漿嘅口味OVERALL：牛什同腸粉真係出色，值得去食🫶🏼灣仔平價選擇之一，服務態度好好。記得午餐時間堂食有最低消費，如果想食就要留肚去食🤰🏻同埋最最最緊要係》要留意雄記ig有冇開🤣冇靚牛什就唔開架啦，睇清楚就唔洗摸門釘