雄記美食

營業中

休息中

要搵屬於香港人嘅餐廳，今日就試咗呢間車仔麵。睇咗網上食評之後，叫咗蘿蔔牛腩同埋雞翼，加咗咖喱汁。蘿蔔好冧冇渣牛腩好冧入味同埋唔難咬，個人覺得比九記更加好食。雞翼都好冧、好入味、好易食同好好味。湯底唔錯，食完唔會好口乾！兩個人埋單$100有找，好抵食！👍🏻

一個人的lunch，又係時候試下新野，最近食飯都有一個新指標，你懂的，今次去的良心小店，招牌懷舊牛什、豬裝骨粥及蝦米腸粉等地道小食，我地呢班打公仔，彈性食飯時間，一於去食下午茶，店子位於食肆林立的街道，綠色的門面都幾搶眼好易搵。 小小的店子，燈光明亮，有電視睇，牛什粥粉麵招牌及一些擺設，帶有懷舊之感，牆上兩層木架擺放了多款模型及玩具，十分觸目，但最令人關注的，當然是牆上的文宣張貼，播放著願榮光歸香港歌曲。 見到下午茶，都幾抵食，本身叫想要喳咋＋香煎蝦米腸粉，但腸粉太受歡迎賣晒了。 之後見到另一個餐牌﹐見咖喱牛腩幾吸引，一於叫呢個試下。 咖喱牛腩撈麵﹐＄45，牛腩份量適中，肉質軟腍鬆化，細細粒薯仔食得方便，而撈麵及咖喱份量頗多，麵條幼身爽彈，每啖撈麵都食到滿滿的咖喱好滿足，咖喱味道濃郁少許辣，味道不俗呢。食物味道幾好，老板娘好nice~ 下次一定要試香煎蝦米腸粉呢。

好鍾意食車仔麵嘅我又黎踩踩點🤟🏻點樣為之一碗好食嘅車仔麵呢❓🔎湯底：濃&食到最後唔會因為多味精得嚌而口渴🔎餸：e.g.蘿蔔冇渣係最基本今次係度食呢碗車仔麵完全滿足到我對湯底同餸嘅要求🤩叫左雞翼 蘿蔔 豆卜油麵湯底叫左牛湯&咖哩汁 所以係非常濃味~~🤤雞翼超級淋 吸住d湯 食到淨返d骨🦴蘿蔔冇渣😌有d後悔嘅係應該叫牛腩 會再去試埋用$狠狠懲罰佢嘅😂😤仲有自家製野飲😗叫左薏米水 重料到~~滑滑的帶有小小黏稠🤤Yum yum😋其實係喺黃店list見到👀💛小店有人情味☺️雖然好早11點幾去食 已經見到店員(?)定老板娘(?)同兩枱街坊傾計 有講有笑😇見到我想睇電視但個位睇唔到 好親切咁叫我過對面睇😝btw冇播cctvb抵讚對住外國客人同樣親切 對答自然 仲有特登播英文版嘅願榮光歸香港👍🏻香港人加油💪🏾🇭🇰🇭🇰

雄記餐廳細細但有飯有牛雜有車仔麵粥有腸粉仲有中式甜品俾大家選擇岩晒我呢種鐘意一次食唔同野嘅人.................平時食開車仔麵今次因爲整牙唔舒服所以走黎食粥同好出名雞蛋炒腸粉花生元貝皮蛋豬骨粥好好食棉滑嘅粥底大大舊豬骨食落好舒服....................雞蛋炒腸粉仲好味本身個混醬已好味煎左雞蛋嘅腸粉加上醬汁我真係食唔停口...................服務嘅員工都好好同好有禮貌一定不停幫襯！

之前係利東站附近食過，炒腸粉加蛋，已經一食難忘，好彩依家係灣仔有得食， 唔太餓時做lunch 一流， 最重要係呢度係咁播金曲，食得好安心舒暢。#香港人加油#人情味小店

原本今日想去食芝士撈公仔麵，點知佢執咗於是乎呢咗雄記呢度食嘢， 店舖入面擺滿咗 東主嘅收藏品譬如：可口可樂， 高達同一啲模型， 如果你係收藏家就唔可以錯過呢間食肆， 不過邊間食肆嘅嘢食我就覺得麻麻地， 雖然都係50蚊左右👉 一個午餐快飯， 不過我覺得係美食專區嘅灣仔，有更多更好嘅選擇， 今日叫做一個咖哩牛腩飯， 佢完全係日本嗰啲甜咖哩嘅味道而加咗一啲辣落去， 好彩嗰啲牛腩無筋都常算食得落另一個係茄汁黑椒雞扒飯， 個汁偏鹹都係普通茶餐廳嘅快飯， 不過份量算大兜， 如果隔離餐廳冇位都可以嚟食一食

先講嘢食，呢碗車仔麵$42，最好味係個湯底，即使冇叫牛嘅餸都可以要牛湯+咖哩汁，個咖喱汁望落以為好少，但食落好香仲有少少辣，加上有個牛湯做底，唔係仲有少少理智真係想隊埋個湯底。個餃黎架雞翼都幾入味，豬紅就一般，但因為個湯底好味，你會覺得每一啖麵都好好食！一個女仔食晒都好飽，加$5玻璃裝汽水，真係勁好味朋友的牛雜麵，佢話又入味又夠淋其實鋪頭唔係好多位，鋪頭得2個人，已經忙到踢晒腳，有啲粥仲賣到冇晒，但冇任何一個食客會躁或者不滿。點解？因為呢碗麵仲有一種香港味。

朋友介紹去呢間試下我食左個咖哩牛腩飯 同 腐竹糖水先講咖哩牛腩飯 佢有分小 中 大辣顧到食唔到辣既朋友 我個人好鍾意食辣 所以叫大辣講埋個腐竹糖水 有啲冰片係入面發現係腐竹黎 有時間一定會再返黎食過

同阿媽行完街，本來想去華星冰室食，點知大把人排隊，老人家唔想等，見隔離有間牛什舖就入咗去。間舖唔多大，但幾乾淨。個阿姐話今日有飯賣，不過我哋都係試D招牌牛什麵。牛什食落幾好味，湯頭清香濃醇，辣椒油加落又更好味，油菜浸清湯算中規中矩，阿媽讚D料乾淨新鮮，成日煮餸嘅人平時最鍾意嫌，今次居然係讃。今日同埋叫咗酸梅湯都唔錯，但食牛什好似又習慣配汽水多D。無點腸粉因為係煎嘅，但隔離枱見有人食腸粉加蛋煎，睇嚟又好似幾好味咁，下次或者可以試吓。

中午食飯時間，成條食街周圍都係人。見到呢一間鋪頭，好似新開，又冇乜人，所以入去試一試。點知原來真係中伏。裝修唔太差，起碼乾淨。但係坐落左之後，就真係發覺座位安排不太方便。無論點坐都好，起身同坐低一定撞到身邊啲人。最奇嘅係，唔知點解落單嗰個阿姐，永遠都好似同佢溝通唔到。明顯佢係打工嘅，因為老闆娘成日都點佢。嘢食唔可以叫做貴，$45蚊一碗麵，現今世界來講可能叫合理。分量亦唔算太細。不過可以肯定嘅係，真。係。唔。好。食！我嗌左碗咖喱牛腩撈麵。係，我明白，撈麵係可以有不同嘅面。但係叫得做招牌貨，我叫得撈麵，你都唔使同我講有咁多款面，等我都唔知揀邊款！？碗咖喱牛腩撈麵，嚟到之後。最震驚嘅係，竟然啲咖喱味同日本買返嚟嗰啲即食咖喱係同一個味道！咁都唔奇怪，最搞笑嘅係，佢竟然將啲薯仔亦都切到細細粒，好似日本咖喱嘅造型！😂🤣🤣🤣個撈麵，我叫咗撈幼面。個面超唔得，非常之林，最古靈精怪嘅係，竟然喺面入邊加咗喼汁。真係唔知師傅係邊個鄉下。大佬呀，我係叫咗碗咖喱撈麵㗎！唔係碗仔翅啊！！牛腩切得細細粒，絕對多唔過八粒。朋友叫咗個清湯牛腩面。嗰啲牛腩先係最唔掂，好肯定係生平食過最硬嘅牛腩。一定硬過樹皮。現在真係明白

老老友推介這店，終於可試試，果然好味道，食物水準高，服務親切，食物報告描述，首先花生元貝皮蛋豬骨粥-粥底濃稠足料好味；炒腸粉加蛋-配上麻甜辣醬更香口美味；牛肚牛筋蘿白-腍滑淸甜冇渣；渣咋-足料好味！下次再試其他食物，而我必定成常客了。

雄記牛什出自廿幾年家傳祕方，之前係已經幫襯過幾次依家終於喺灣仔有得食！今次叫咗車仔麵外，仲叫埋炒腸粉，老闆娘建議加埋蛋去食，果然係更加好味！下次一定再嚟一定再加蛋！好好味

之前在鴨利洲食過， 知道他們於灣仔克街開店 ， 今日到新店一試。美味牛什粥、煎腸粉加煎蛋是我最愛， 加埋杯自家制酸梅湯，看出廚師用心烹調， 食完唔會要飲水， 真材實料！努力！支持小店。同老闆娘傾計， 知道他們跟灣仔「強記美食」一家人， 現自己出黎開， 除強記嘅野食外， 另加「牛什、牛腩、車仔麵、酸梅湯等食物」真材實料，兩夫妻一齊做，認真佩服。別外， 裝修簡潔，雖不是坐得如餐廳舒服，但食物質素高，用心。同看見老闆把自己心頭好 （懷舊玩具、擺設) 放在店內， 童年回憶湧上心頭。（好懷念嘅 - 黃金戰士）真係 ： 又有得食、又有得睇！