雄記美食

營業中

休息中

同阿媽行完街，本來想去華星冰室食，點知大把人排隊，老人家唔想等，見隔離有間牛什舖就入咗去。間舖唔多大，但幾乾淨。個阿姐話今日有飯賣，不過我哋都係試D招牌牛什麵。牛什食落幾好味，湯頭清香濃醇，辣椒油加落又更好味，油菜浸清湯算中規中矩，阿媽讚D料乾淨新鮮，成日煮餸嘅人平時最鍾意嫌，今次居然係讃。今日同埋叫咗酸梅湯都唔錯，但食牛什好似又習慣配汽水多D。無點腸粉因為係煎嘅，但隔離枱見有人食腸粉加蛋煎，睇嚟又好似幾好味咁，下次或者可以試吓。