隨變火鍋

營業中

休息中

喱到座位非常闊落，落地玻璃外望到維港景色，本身諗住黎試下火鍋，但見到乾鍋個圖相當吸引，就叫咗個乾鍋醬汁雞，*凡選擇一個乾鍋會贈送一個湯底，即係可以打埋邊爐，我初初以為係食完個雞煲，再加啲湯落去打邊爐，原來係分開兩個鍋，我就揀左饞咀湯底，微辣，有少少中藥味，放個響鈴吸晒啲汁，非常惹味，係想完會想再食嘅味。乾鍋雞肉鮮嫩而且非常入味，連啲椰菜都入味，份量亦很多，兩個人絕對飽飽。(小)牛頸脊$288，油脂分布均勻，啲色都靚，肉質夠冧。啤啤檸樂

朋友提出想打邊爐，去在位於銅鑼灣v point 23樓，地點方便，朋友食過話不錯，今晚就試試點了干窩送邊爐湯底，點了清湯-有洋蔥🧅，大蔥，配料都小小滿。田雞-上枱時仲有小小微郁，新鮮即劏，放入清湯更食到田雞新味，腿部肥美，好滑。黑松露蝦丸-重黑松露味，蝦肉爽脆皇帝菜-清爽可口，配清湯更一流鮮腐竹-比較簿皮，但好皇豆香味，不錯干窩醬汁蠔煲-開蓋超香，蠔有好多隻，中等，咬開入面仲有好肥美蠔汁，邊位小小脆，配料有西蘭花，椰菜及年糕，年糕好煙韌，特製醬汁格外惹味整體環境，服務超好，望到夜景及見有獨立房間，下次約一班朋友再食先😍

呢間店比我嘅感覺係會覺得好高級好貴的感覺，如果唔係朋友好想食都真係未必會試，但！！！試過你就會一試再試😚一入到去成間店的感覺好舒服，服務都好好，店員一見到我地就即刻安排我地坐低，見到現場都有好多人食緊雞煲同邊爐，聞落好鬼香，即刻諗都唔諗叫左雞煲！ 食完雞煲仲可以打邊爐，簡直啱曬有選擇困難症的朋友！😚干鍋醬汁雞煲半隻 微辣$268:一開始都有少少覺得貴，但個雞煲一上枱就完全覺得好抵！先講個香味先，香到真係好吸引，聞到個醬好正應該係好好食，叫左半隻但兩個人都好夠食，個醬唔會好鹹唔會好淡，味道啱啱好，另外再送左個湯底，要左冬瓜湯，好清甜小安格斯肥牛$218:上枱嗰下覺得哇，啲牛好靚，啲油脂分佈得好平均，加埋冬瓜湯好夾！牛筋丸$38:我鐵意食牛但唔太食丸，都覺得個牛味十分濃！幾好食，鍾意牛味濃可以試呢個四色餃子拼盤$68:呢個餃子就麻麻，我自己冇特別鍾意食！芝士腸$23:正正常常的芝士腸，冇特別但整體呢間係幾正！推薦指數：9/10🔥

餐廳位於銅鑼灣V Point 23樓，所以景觀好好。裝修簡潔企理，座位闊落，又有大片落地玻璃，所以用餐環境幾好。我們叫了一個雞煲，可以吃到一半時，加入其他食材，作火鍋吃。一煲兩吃😊。‖ 隨變麻辣雞煲(半隻) ($208) ‖湯底好香濃，裡面材料都幾豐富，麻辣味吃得好過癮😋。雞肉好滑，滲透麻辣香，份量不小。‖ 紐西蘭羊卷肉 ($98) ‖羊肉都幾新鮮，頗有羊味😋，雖然切得有點薄。‖ 四寶餃拼盤(8粒) ($68) ‖粒粒包得脹卜卜，皮薄餡靚，當中最好味是黑松露餃😋，好香黑松露味。‖ 田園拼盤 ($88) ‖各款蔬菜有點，都新鮮爽脆，不過價格定得略為進取。‖ 椒鹽豆腐 ($58) ‖大大一碟，賣相吸引。粒粒外面脆脆地，椒鹽鹹香，調味得宜，裡面豆腐極幼滑水嫩，好好味😍。推薦要點。‖ 洛神花果茶 ($29) ‖微微甜，清清淡淡，沒有很冰涼。餐廳服務好好，店員都好周到有禮。最後提提，這裡除加一外，還會另收每位用餐位費$20。

朋友推薦，說環境超棒很有feel，某日下午逛銅鑼灣，一於試試。餐廳位處於V Point 23樓，景觀開揚，玻璃窗偌大，可以遼望維港和銅鑼灣一帶，心情頓然開朗。居高臨下，美景當前，在餐廳火鍋度過休閒的下午，挺寫意的。餐廳屬中高檔次，有較平民的招牌煲，有雞煲、雜菌煲、酸菜魚煲、龍蝦煲、蟹煲、蠔煲等，三百多就有一鍋。我們貪吃，選了個價格較貴的象拔蚌刺身併封門柳（$498），另併清湯底($118)。價格略貴，但食物相當高質，封門柳肉質鮮嫩，象拔蚌新鮮爽口。看餐牌選擇蠻多的，下次再來！

不嬲好鍾意花甲😗前排見到「隨變火鍋」有得食花甲煲🔍就去咗試下😌.花甲雜菌煲🍲有大量鮮甜花甲🐚仲有雞脾菇、秀珍菇、鮮冬菇等雜菌🍄雜菌吸收晒花甲精華😋鮮美帶微辣🌶️.三星蔥爆漿貢丸(4粒)🍢貢丸質感爽彈😝一咬滿滿濃郁蔥香嘅爆漿喺口腔噴發💥好鍾意呢款丸🤤.不可錯過手工雲吞王(4粒)🥟雲吞皮好薄😬雲吞餡料飽滿😍有新鮮蝦肉同豬肉🦐🐖真材實料😉啖啖鮮味，值得一試👍🏻.油麥菜🥬.稻庭烏冬🍜口感彈牙😆.迷你雪米糍(2粒)🍨.藍梅洛神花果茶🌸酸酸甜甜，好解渴☺️

聽過呢個名好多年，原來而家開咗新舖，個景好靚，望住維港海景，店內空間感好好，食飯勁舒服。以前聽同事講話放工成日去食雞煲，而家除咗雞煲仲有好邊爐今日就先食個雞煲，酸湯豬肚雞煲，用砂鍋上，更有味道，唔係出面一黎就邊爐煲咁求其。其中一欄係手工丸餃，平時自己打邊爐好少食丸，因為大部分買到嘅都係好渣，出到黎就梗係想試招牌手工野，手打芝士墨魚丸，棍打牛筋丸。芝士同墨丸兩溝，都得喎！食開牛筋丸係返唔到轉頭的，又有咬口又多汁！食唔返普通牛丸啦！有膏鵝腸(?)有分有無膏嘅咩？try點少得炸魚皮！識叫就要叫凍豆腐呢d吸湯嘅野大推！牛胸爽！勁重牛味嘅爽爽口感部位！有即叫即食嘅熟食，重口味嘅我要咗孜然牛肉串同羊肉串，佢無孜然羊肉啊，所以咪兩款都叫囉。每樣一串咋嘛，今日係黎打邊爐咖，但勁好食，即叫即燒，又夠重口味！百花韭菜芝麻煎餅，唔知邊度仲有得食！勁薄！外面兩邊全部都係芝麻！超香嘅，入面就全部都係韭菜哈哈，勁好食，似d手工小食咁仲有雪米糍送，開心

📍隨變火鍋（銅鑼灣）朋友話呢間雞煲好好食 我一路都未食過😆今次同屋企人一齊黎食～餐廳環境幾靚 落地大玻璃可以遠眺維港景色🥰呢到唔止有邊爐 仲有串燒食👍🏻▫️ 麻辣雞煲（微辣）我地叫左一隻雞 有紫洋蔥 乾辣椒等配料 叫微辣真係岩岩好 我地兩個都唔係好食得辣 ～食落雞件嫩滑 麻辣湯底都好惹味！▫️脆鯇腩片我屋企人嘅至愛😆打邊爐佢一定要食 夠新鮮 脆鯇片爽口 👍🏻▫️黑松露餃子黑松露餃好飽滿 餃子皮好薄 入口好香黑松露味 🥰▫娃娃菜▫️燒芝士年糕勁中意食佢！係燒唔係炸所以無左油炸果種油膩感 煙煙韌韌加埋芝士嘅咸香 好好食🤤

今日去開港島行街，就同老公去食麻辣火鍋，因為老公最愛吃辣。朋友就向我推介呢間餐廳，因為環境舒服乾淨，而且仲可以望到靚景，打住邊爐睇住靚景，心情更佳。餐廳有多款鍋物可選擇，可以食雞煲、乾鍋煲等，再打邊爐。老公一見到餐牌上有蠔煲，他便說一定要食蠔煲了，而其他食材就我再點選了少少。因為吃乾鍋會再送一個火鍋湯底之後打邊爐的，這樣都唔錯，可以一邊食乾鍋一邊打邊爐。先介紹一下呢個乾鍋醬汁蠔煲，呢個蠔煲果然好足料，入面有超過十隻蠔，而每隻蠔都好飽滿，好肥美肉厚，好正呀。而且鍋煲都可以點選唔同的辣度，由於我吃唔到太辣的口味，所以點了微辣。呢款微辣好香好惹味，吃起來少少辣少少刺激，但又未至於辣到流淚的，所以岩曬唔多食到辣但又想食濃味一點的食客。呢個味道相當之唔錯。同埋蠔真係好鮮，醬汁又好味，每隻蠔都做到外面脆脆，中間仍是嫩滑的口感，一流。乾鍋內除了蠔外，還有一些椰菜花、菜類及年糕，食材全吸入了醬汁，超惹味。之後就介紹一下呢款微辣的麻辣火鍋，呢度既湯都唔少，又有辣度揀。點了少少食材，因為蠔煲份量都不少，我們二人都吃得飽飽。火鍋食材我們點了雲吞皇、蔥爆貢丸及午餐肉。雲吞皇真係好正，好足料，入面有大大隻既鮮蝦

隨變火鍋餐廳名有特色，餐廳環境很舒適，足夠空間感，侍應招待親切有禮。今晚跟朋友上去食飯。我們選了濃湯豬骨湯底，肉件頗多，足夠二人份量，味道好濃郁。另外我們也選擇了新鮮的生蠔。生蠔肉質鮮甜，大大隻，令人十分飽足，價錢亦很合宜。不過不振就是即場即燒的燒肉串，十分之惹味，令人很開胃。最後我們叫了一個公仔麵，打邊爐點可以缺少的一部份就是享受最後的湯底濃郁嘅味道。總結來講，這間餐廳很適合朋友相聚，一邊打邊爐一邊暢談。

隨變火鍋乾鍋醬汁雞色澤油亮，香氣濃郁誘人的乾鍋雞，雞肉軟嫩醇香，吸飽醬汁。乾鍋嘅熱力令雞肉帶有一層煎香嘅效果，份外香辣可口。其他材料包括椰菜花，年糕，芫荽，洋蔥等，十分豐富。火鍋湯底係消暑冬瓜湯消暑冬瓜湯清甜得可以直接當湯飲，冬瓜消暑健康。中和乾鍋醬汁雞嘅濃郁味道。萵筍片萵筍片顏色清綠，口感爽脆，令人感覺舒服。紐西蘭羊肉卷紐西蘭羊肉卷肥瘦比例極佳，肉質嫩滑羶味少。能夠輕鬆烹煮，可以享受獨有的鮮甜肉汁和細緻口感，打邊爐一流，羊肉控必試。四寶餃拼盤打邊爐點少得各種餃，四寶餃拼盤有水餃、雲吞、魚皮餃、韭菜餃。餃肉肥美而肉汁豐富，皮薄餡靚。

來到交通方便的銅鑼灣登龍街VPoint 23樓的隨變火鍋午膳，這店佈置簡單，地方寬敞，枱與枱之間擺放闊落，令人感覺舒適又輕鬆，頗有私隱度；還有最吸睛的落地大玻璃窗，可俯瞰維港一帶景色，既可欣賞美景又可享受佳餚。我先選了至愛的清湯雞煲，要了一隻雞，雞的味道清香可口，肉質幼滑，加上各類配菜，令整道菜更鮮甜。意猶未盡加追新鮮滑牛肉，牛肉新鮮爽口，加上雞湯的香味，更提升了牛肉的鮮味。正當猶豫不决之際，看見餐牌上的午市套餐，立刻追加酸菜魚連白飯套餐，熱氣騰騰的一道菜，有大量芽菜搭配魚片的鮮嫩，味道微微酸辣，魚肉嫩滑芽菜彈牙，用來送飯實是絕配，這裏的午餐可說是豐儉由人，確實吸引，值得一訪。

今日同老友嚟到”隨變火鍋”食晚餐，真係好正！佢地打邊爐外，仲有串燒🍢、涼拌小菜，一邊食一邊飲🍹，不錯選擇！鍋底有兩種：乾鍋&湯鍋!乾鍋選擇：雞、蠔、龍躉背翅、田雞及大腸雞主等，每款併上秘製醬汁，即叫即炒，仲可以加湯再打邊爐，如果想要鴛鴦鍋只需加$50，個人應為呢個鍋適合4-5個人頭，咁會食得多款火鍋配料~湯鍋選擇好特別：饞咀麻辣雞、酸燙豬肚雞、原味清湯雞、滋味花膠雞、花甲雜菌煲、瑤柱冬瓜煲、酸菜魚煲等…💥香辣雞煲(半隻)老友選左香辣雞煲-小辣：醬汁濃郁，香辣得黎又帶有刺激感，味道不似麻辣火鍋般嗆喉，小辣不算太辣；雞件咬落嫩滑，記住要盡快食，以免雞件過熟!! 香辣湯底愈煲愈惹味，熱辣辣的雞肉愈滾愈香濃，令人難以抗拒~💥牛頸脊-小碟牛頸脊好嫩，牛味好重，帶有適量油脂，肉質鮮嫩爽滑，與辣鍋湯底一齊食，絕配!💥鵝腸帶有脂肪，肯定係新鮮絕不是冰鮮! 每條都很寬厚，而且洗得乾淨在鍋中約碌15秒，己經微微髮捲，收縮不算太多，咬落爽口脆身，正!💥田雞(2隻)好少火煱菜單有田雞，仲要係即叫即整；朋友見到上枱時仲郁郁下，即時嚇到企左係度，店員見到好細心，拎走係旁邊話過一陣再上! 田雞白滑肥美，碌起香辣煱中

以前都到過時代廣場旁邊V Point 搵食好幾次， 到 發現好一兩間食火鍋的，但特別想介紹下今日第一次嘗試主力食雞煲的隨變火鍋。座落於23樓的確零舍開揚， 一入場已經見到幾面都是落地大玻璃， 少有的餐廳可以飽覽整個銅鑼灣區。 設計光猛潔淨得來亦都富現代感， 空間同樣闊落舒適。 員工一早已經放好餐牌， 可以隨時點菜。這裏雞煲的款式選擇也很多， 其中辣雞煲已經細緻的分為兩三款， 有的比較濃味或有的相對清淡但麻香特出， 連辣度都有四個層次選擇，亦有一兩款係非雞煲例如酸菜魚煲，花甲 雜菌煲等選擇。今次選的是隨變麻辣雞煲（半隻雞）， 一上枱已經香味撲鼻， 配料包括青椒，洋蔥， 紫洋蔥等， 增加層次， 這些配料炆淋後都非常入味香口， 絕對不可錯過。 但當然雞件先係主角， 非筆墨所能形容的嫩滑， 而且就算煲耐了依然保留到， 同時雞味非常香濃， 有理由懷疑不是冰鮮雞， 雞皮亦沒有多餘肥膏， 配合雞煲辣汁非常惹味。對於兩個人來說吃完雞煲， 已經有少少飽肚感，但還是因為唔想浪費美味煲汁，所以依然叫了少量配料打邊爐， 鴨血幼滑香濃， 烏冬好彈牙，但當中最喜歡要數到即炸響鈴卷， 真的比一般脆口而且豆味香濃，

*炎夏火鍋之選*位於銅鑼灣 V Point 的隨變火鍋，提供了一個風景優美的用餐環境，讓客人們在品嚐美食的同時欣賞維港的美景。餐廳空間寬敞，落地大玻璃設計帶來充足的自然光線，是一個非常舒適、愉悅的用餐體驗。這次用餐，我點了乾鍋醬汁蠔煲和湯底火鍋。其中乾鍋醬汁蠔味道相當不錯，蠔肉鮮嫩多汁的口感，搭配微辣的醬汁，讓人一口接一口地想品嚐。此外，鍋內的小年糕增添了口感的層次，讓人感受到不同的口感和嚼勁。整道菜的味道非常濃郁，讓人回味無窮。火鍋湯底我選擇了消暑冬瓜湯，湯底的金華火腿、瑤柱和冬瓜片的搭配非常恰到好處，湯底口感鮮美，很適合在炎炎夏日裡食用。金華火腿和瑤柱讓湯底更加濃郁，而冬瓜的清甜則平衡了湯底的味道，讓人感受到一種清爽的口感。這樣的湯底非常適合在炎炎夏日裡食用，可以幫助消暑解熱，讓人感到舒適愉悅。火鍋配料有白鱔片、皇帝菜和四寶餃拼盤。其中，白鱔片鮮甜，皇帝菜清爽可口，而四寶餃拼盤則包含了黑松露餃、魚皮餃、韭菜餃和芹菜木耳餃，每種餃子都有其獨特的口感和風味，非常值得一試。總體而言，隨變火鍋提供了優美的用餐環境和美味的菜餚，讓您在享受美食的同時，也能欣賞到壯麗的維港美景。食物的品質和口感