隨變火鍋

營業中

休息中

銅鑼灣登龍街一向係餐廳集中地，我同朋友揀咗呢間樓上火鍋店， 一入去就係全開放式座位，冇任何遮擋下無論坐邊都可以見到窗外夜景！剛好放工時間過嚟六點半唔多人可以直入，之後陸陸續續見到圍枱、vip房已經坐滿。員工好主動介紹餐廳牌上嘅食物，有招牌乾鍋／火鍋／雞煲／燒物／小食，最後我哋決定打邊爐，揀咗原味雞湯湯底（半隻），之後再叫其他配料！湯底加入雞件同洋蔥令到個湯好濃郁，好飲！雞件新鮮滑身，份量足，兩個女仔岩岩好！未開始打邊爐先叫兩款燒物，可以自選辣度😋✨️蒜蓉燒扇貝 簡單用蒜蓉米粉已經可以帶出扇貝既鮮味！✨️鵪鶉蛋（微辣）燒過依然保持軟嫰口感，灑上辣粉增添惹味！火鍋配料到喇😃✨️頂級手切牛頸脊（小）雪花紋細緻且均勻，食落有嚼口，肉味濃😍✨️鱸魚片平時食酸菜魚就食得多，打邊爐食都係第一次，無論滾幾耐魚肉都係非常之嫰滑，口感超好👍 鍾意魚肉滑捋捋既人必選～✨️招牌手打蟹籽墨魚滑墨魚滑爽滑彈牙，當食到蟹籽時會有爆脆感~✨️油麥菜食肉同時都要食啲菜！特別油麥菜維生素C含量高，非常有益!呢個龍蝦餐勁多野食好吸引，員工話雖然寫住二位用但係可以四個人食，下次朋友飯局可以諗諗佢🤭