隨變火鍋

營業中

休息中

今晚去咗銅鑼灣V Point食火鍋，餐廳喺23樓，望出去風景好好，服務亦好貼心，每張枱都有tempo同濕紙巾。先嚟一個前菜夫唱婦隨（金錢肚牛舌），金錢肚夠爽，好有咬口，牛舌牛味重，口感軟腍。咁啱撞正推廣，可以用優惠價叫象拔蚌刺身拼封門柳，非常抵食。象拔蚌鮮甜爽口，份量都好多。封門柳肉身軟腍，又夠重牛味。我哋叫咗麻辣湯底，好惹味。另外加咗好滑嘅鮮豆腐同好嫩嘅娃娃菜。當然唔少得麻辣湯底必配嘅萵筍，味道又夾又有助解辣。雖然已經叫咗微辣，不過朋友仍然頂唔順，叫咗杯凍檸茶。嚟到發現杯茶上面仲有隻用凍檸茶冰做嘅熊仔，好可愛，最緊要係杯茶唔怕溶咗會變淡！仲叫咗串燒鵪鶉蛋，細細粒好好食，用咗椒鹽調味。燒生蠔都好好肉好juicy。燒多春魚燒得好好，魚皮有焦香，而且魚身夠厚，魚春又有口感。燒白鱔燒到魚皮好脆好香口，白鱔好肥美，啖啖肉。

#銅鑼灣地膽 今次去隨變火煱，飲靚湯打邊爐！地點喺銅鑼灣V Point 23樓；格局開揚，木系裝潢簡約舒適！餐牌主打雞煲、燒烤及乾鍋；自助醬料在門口附近，用餐費 $20/ 位！🍲 原味清湯雞煲 $188/半隻同行朋友唔想食辣，試下原味清湯雞煲！湯頭清甜細膩，雞肉超軟滑！肉嫩彈牙！半隻雞份量都幾多！配料有洋蔥、香蔥等，令口感同層次豐富！🍖西班牙黑豚肉 $138朋友獨愛豚肉，滿滿色澤亮麗嘅黑豚肉，大大片脂肉均勻，厚薄適中，肉味香濃！相當唔錯！🥟 四寶餃拼盤 $78/8粒 四寶餃有鮮蝦雲吞、手工韮菜餃、菜肉雲吞及魚皮餃四種；個人最鐘意手工韮菜餃，滿滿餡料勁好味！ 🍢四寶丸拼盤 $96/8粒 有手打黑松露蝦丸、芝心墨魚丸、墨魚丸及貢丸四種；有手打黑松露蝦丸較為出色！香氣撲鼻！🍠 隨變粉 $36 隨變粉跟左個小隔籬，用黎盛住D粉黎煮；夾起更方便，隨變粉滑溜爽彈，吸收哂雞湯十分入味！隨變火鍋地址📍：銅鑼灣登龍街18號V Point 23樓

OpenRice 見到隨變火鍋大鑊好評，於是約朋友一齊chill 番餐。二人餐好抵食，不過我同朋友下午茶都食咗啲嘢，所以感覺會食唔晒。花甲雜菌煲：鮮甜花甲與多種菌類交織，仲有洋蔥提升甜味，辣辣地，味道豐富濃郁。黑松露蝦丸：蝦肉與黑松露香氣相融，口感鮮嫩彈牙。黑豚肉：細嫩多汁的黑毛豬肉，濃郁的肉香令人垂涎欲滴。脆炸響鈴：如果冇估錯，響鈴係自家製。其口感非常香脆，是打邊爐不可錯過的單品。油麥菜：清爽脆嫩的葉菜，帶有淡淡的甘甜風味。椒鹽豆腐：有時打邊爐都想食吓小食，呢啲椒鹽豆腐外酥內軟，令人非常開胃。

銅鑼灣超人氣火鍋店，位於V Point商場的23樓，環境乾淨企理有落地大玻璃的卡座位置，居高臨下，維港美景當前，真係格外寫意主打乾鍋及招牌湯鍋這次選了半隻原味清湯雞煲，鍋內有半隻滑嫩鮮雞，湯底驚熬製過後，依然清澈！必點的脆鯇片，有厚切腩位，魚片肉質夠爽口豬肉片的肥瘦比例極佳，肉質嫩滑完全不羶，打邊爐一流，必試。最喜歡即炸響玲卷豆味香濃金黃又乾身，完無油淋淋感覺，放進鍋底內幾秒經已吸收到雞湯精華，滋味無比，必點之選！手工魚皮餃外皮口感煙韌，餃肉肥美而肉汁豐富，皮薄餡靚！牛丸牛味濃，咬落去非常彈牙！蔬菜份量絕不吝嗇冰凍檸樂及檸茶，上面均有一隻可愛熊啤啤冰粒，溶化後都不會沖淡飲料味道，打卡一流

好耐冇食雞煲，見隨變都有唔少人推介，主打麻辣好似幾吸引，就黎食下。隨變麻辣雞煲(半隻) $208叫左微辣但辣度相當強勁，麻香感夠刺激，雞肉質頗嫩滑，可惜半隻唔太夠喉，如果多啲唔同部位食下就更正。叫麻辣雞煲火鍋當然唔少得有蔬菜減膩，叫左娃娃菜($38) 同金菇 ($38)，新鮮又爽口，索盡湯底既精華。牛舌心串燒 $68叫左小辣味道剛剛好，口感帶嚼勁，又鎖住肉汁。椒鹽豆腐 $58冇諗過咁大一碟，同朋友食完之後都覺得好飽。椒鹽鹹香突出，豆腐外脆內軟，口感幼滑富豆香。

📍銅鑼灣 《隨變火鍋》    #極推介環境舒適邊爐串燒店  ✨乾鍋醬汁雞煲 $𝟐𝟔𝟖 每舊雞𝐬𝐢𝐳𝐞都好平均，而且沾滿雞煲汁🤩 我哋唔係好食得辣，嗌左微辣，但依然好惹味🥰  雞皮都唔肥，平時會去雞皮嘅我都連皮食哂🤣 除左雞仲有好多蔬菜🥬同細細片年糕，好夾好好味👍🏼  ✨冬瓜湯 嗌左雞煲就會分開送個邊爐湯，唔似其他店直接加水落雞煲鍋，好欣賞🤩而湯底材料除左冬瓜仲用左瑤柱、金華火腿🐷 所以飲落清清地之餘都好夠味，好適合食完雞煲解膩☺️   ✨燒多春魚 $𝟑𝟖 一碟四條多春魚🐟 每條都燒得好均勻， 食落每個部位都好脆口，睇得出師傅嘅用心😋   ✨燒一夜情 $𝟐𝟖 見到個𝐦𝐞𝐧𝐮第一下就吸引左我哋注意😳 即刻嗌嚟試下，原來燒一夜情係去骨雞翼包著條腸仔🤣 燒得勁好味！完全有出面𝐛𝐛𝐪嘅味道🤩  呢個絕對係必點𝐢𝐭𝐞𝐦🤤   ✨燒芝士年糕 $𝟐𝟖 燒到外脆內軟，而且溫度啱啱好， 一咬入面啲芝士就會爆出嚟😙  ✨牛油燒香菇 $𝟐𝟎 原本上碟見到舊菇乾乾地，好似唔多吸引，點知食落好驚喜，𝟑舊香菇都燒到索哂牛油🧈😍  ✨芋頭貢丸 $𝟑𝟖 食落就係貢芋泥加貢丸味🤣  芋泥控表示每次打邊爐都必點🥰  ✨手工韮

今日同男朋友book左一間位於銅鑼灣既火鍋店<隨變火鍋>，聽講餐廳有落地玻璃，景觀一流。由於餐廳位於23樓高層，所以窗邊既景觀特別開揚，幸好我地一早預留位置，可以坐窗邊位，能夠一邊食一邊欣賞港島既繁榮街景，真係一件賞心樂事由於我不太吃辣，所以叫左招牌酸燙豬肚雞煲。呢道菜以豬肚、雞肉、酸菜等為主要材料，搭配酸湯底煮熟，味道酸酸的，超級開胃！另外雞肉的肉質非常嫩滑，每咬一口都感受到juicy既肉汁，令人回味無窮。除左湯底足料，味道出色外，我地仲叫左另一招牌小食-椒鹽豆腐，呢道小食差唔多每枱都必定會叫，係一道受歡迎既開胃小吃。豆腐新鮮炸起，味道外酥內嫩，而且椒鹽既香氣令豆腐更加惹味，一瞬間就比我地食晒成碟至於火鍋配料方面，午餐肉令我特別難忘，餐廳非常有心思地把午餐肉既形狀切成心形，非常特別。而牛筋丸亦爽口彈牙，而且完完全全地吸收左火鍋湯汁，非常好味！另外韭菜餃相信係自家包製，皮薄而且餡料多，味道一流！最後不得不提隨變粉，份量比想像中多，煮熟後就會變透明，味道比一般平常的烏冬更煙韌更有咬口，真的必定要一試！飲品方面，我叫左凍檸茶。原來檸檬茶既冰係一隻熊啤啤，好得意，岩晒我地一邊

隨變火鍋 (銅鑼灣)銅鑼灣登龍街18號V Point 23樓話到明係 隨變火鍋，即係點變都得啦。銅鑼灣一間 喺樓上嘅隨變火鍋好多唔同品種嘅火鍋 你會發現原來火鍋都可以有好多變化 今次我同朋友就叫左隻蜆鍋 因為其他地方都食唔到。一邊食一邊望住個靚景真係好自如如果你嘅手打肉丸，好高汁。仲有特色嘅檸檬茶，一個好可愛嘅啤啤熊喺上面，如果你同小朋友食就一定啱晒啦。出面仲有自助火鍋醬料區，胡炅甜酸苦辣任你揀。🍽🍽🍽🍽🍽🍽🍽🍽🍽好味程度：🌕🌕🌕🌗🌑抵食 : 🌕🌕🌑🌑🌑環境 : 🌕🌕🌕🌖🌑#香港食評#飲食推介#相機食先#食得是福#民以食為天#餐廳推介#飲食情報#食評#hkfood#foodie#food#foodreview#foodblogger#blogger#instagrams#restaurant

隨變火鍋位於銅鑼灣登龍街的V Point 23樓，是一家以火鍋為主題的餐廳。這裡的特點在於它位於高層，擁有無敵的海景，為用餐環境增添了一份奢華感。湯底方面，我點了他們的招牌菜─花甲雜菌煲。這道菜以新鮮的花甲和豐富的雜菌為主要材料烹製而成。煲中的湯底鮮香濃郁，花甲的鮮甜和雜菌的鮮美相互融合，帶來了豐富的口感和層次感。每一口都充滿了海鮮和菌菇的風味，令人回味無窮。另外，我點了一些小食和配菜來品嚐。四寶餃拼盤包括了韭菜餃、雲吞王、魚皮餃和木耳餃。每一款餃子都精心製作，皮薄餡多，口感彈牙。特別要提及的是雲吞王，其餡料豐富，搭配滑嫩的皮，帶來了愉悅的咀嚼體驗。此外，牛柏葉和豬皮作為配菜，提供了豐富的肉質口感，而支竹和芝士腸的清爽口感則為整個火鍋增添了一份清新的風味。總的來說，隨變火鍋以其位於高層的優越位置、無敵海景和寬敞的環境吸引了我的注意。食物的質素也不遑多讓，花甲雜菌煲的鮮美和豐富口感令人難以忘懷，四寶餃拼盤的各種口味餃子和豐富的配菜提供了多樣的選擇。如果你正在尋找一個能夠同時滿足視覺和味覺享受的地方，隨變火鍋絕對是一個值得一試的選擇。無論是與朋友聚餐還是與家人共享美食，這裡都能帶給你一個難

銅鑼灣 VPoint近地鐵又多餐廳搵食非常方便，今日約咗朋友，順便去食飯。朋友話想打邊爐，所以揀咗位於23樓嘅隨便火鍋。開到晚上12點，啱晒我哋慢慢傾。窗邊卡位可以遠望維港景色。提供紙巾，非常細心。除咗雞煲、火鍋，仲有串燒。醬油為自助區，可以自由混醬。酸燙豬肚雞煲酸菜加上多種香料，湯底酸辣惹味。雞肉新鮮，肉質緊實，有彈性。豬肚爽口，味道鮮甜，口感有層次。台灣Q彈鴨血口感滑順，緊實細緻，飽滿彈牙。四寶丸拼盤手打丸非常彈牙，味道鮮甜。推介芋頭貢丸，貢丸包裹芋泥，表面爽口彈牙，內裏綿滑鬆軟，兩種口感集於一身。即炸響鈴卷即叫即炸，入口酥脆，入湯數秒即可享用。随變粉嫩滑有嚼口，順口彈牙。最後食個雪糕糯米糍，完美。

最近去咗銅鑼灣依間「隨變火鍋」打邊爐，依度嘅雞煲價錢同坊間嘅差唔多，酸菜魚煲份量正常，但略嫌價錢偏貴、定價比較進取。沸騰酸菜魚煲（單點$338），小辣，本身朋友擔心辣度Order中辣會太辣，所以Order咗小辣，但小辣嘅湯底飲落完全唔辣，1分辣都無，所以建議各位可以Order中辣起跳，魚片肉質嫩滑，味道鮮甜，食落啖啖肉，內有大量酸菜、蜂巢豆腐、腐竹、芽菜、菊花瓣、芫荽、指天椒、花椒，湯底飲落味道酸溜。西班牙黑豚肉（單點$138），肉質肥瘦適中，肉味濃厚。稻庭烏冬（單點$28），口感煙韌。阿華田迷你雪米糍（跟餐$0），阿華田味道濃香。

我哋都好鍾意食辣一致認為銅鑼灣隨變火鍋好正有多款辣或唔辣嘅鍋物、小菜、串燒而我就最愛哩度嘅麻辣雞煲🌶️如果你同我一樣食開三哥2小辣嚟到呢度叫小辣就啱啱好湯底好舊藥材香料味麻辣十足！d雞好滑~ 煮到入晒未👍🏻鍋入嘅洋蔥都煮到好香甜好好食！小食叫咗麻辣豬肚絲揀咗中辣醬汁似係用咗豆醬、麻辣、醋調配口味好濃郁 而且好夠辣好爽！炸豆腐係我次次嚟都必食🩵外脆內嫩 加上調味粉 香口好食火鍋料中蜂巢豆腐吸滿麻辣汁邪惡又滋味自家製韭菜餃皮滑餡香邊食邊嘆巨型檸檬茶仲有熊仔造型嘅冰再望埋個靚景簡直係一大賞心樂事呀👍🏻

之前約了我的老師在銅鑼灣食生日飯😊話說「隨變火鍋🍲」名字取得很好，隨意變動。有種百貨應百客，要什麼都可以變出來的感覺。·生蠔🦪 很新鮮，價格很公道，size不是超大，但勝在味鮮😋·花甲雜菌湯 🍲聽呀以為很清淡？原來很多配料，香濃得來少少辣，而且我是配料怪😂 我把配上的蔬菜🥬全吃掉了，因為加上上湯的蔬菜，其實很入味😋老師說我是她第一個見過會把配菜吃光光的人😆而且重點是吃得很滋味，搞得她也想試試😂·韭菜餃 🥟 穩陣款，大家都喜歡吃韭菜😁 新鮮就好了，這道菜不會出事☺️·隨變粉 🍜有驚喜，可能名字就是這樣來的。 會隨着溫度而變透明，原本還以為像薯粉，但是偏向軟一點，要在剛好變透明的時候把它撈起來，不然就會斷掉哦😉· 新鮮滑牛肉 🐮都係穩陣款，其實見到有封門柳，即是牛的橫膈膜，但是不知道老師吃不吃得慣，所以還是選擇穩陣的。兩個女生吃其實有點多。吃得飽飽的。·田雞 原來老師喜歡吃田雞😂 但是我也發現在內地越來越多的田雞窩，好像是趕上潮流了😃 我也不抗拒，但是通常只吃雞髀🍗 🤭🤭 滑滑的，非常新鮮。 上碟的時候還一直在動😱 影片會看得比較清楚～ 最後值得一提的是，服務態度挺好的，看你在舉棋不定的時候

今日探索吓銅鑼灣有什麼好食，上網見「隨變·火鍋」食評唔錯，位於銅鑼灣登龍街V-point 23樓全層，高居臨下，一於同友好去試試。這裡環境舒適，裝修華麗，高級感十足。侍應安排我地二人卡坐窗邊位，美景盡入眼簾。這裡招牌干燒煲，我們點了醬汁蠔煲，凡選乾鍋，即送湯底一個供打邊爐用😍😍我想清清地就點了冬瓜湯。火鍋湯先上，也有十件左右的冬瓜，很多瑤柱，湯底鮮甜味美，估計是用雞湯制而成。羊肉卷🦙-切得很薄，黏著丁點羊脂，入口有濃郁的羊味，肉質嫩滑，一點也不騷，我食唔停口。🥢🥢脆鯇腩片-一碟有魚腩又魚片，脆鯇非常新鮮，手切薄片，爽脆彈牙。蘿白片，切得很薄，一點也不像平時吃的白蘿白，味道清新爽甜，原來也有這種食法。白柏葉- 咬口爽彈，打邊爐不能缺少。🔥醬汁蠔煲，一上枱香氣四溢，好多好多蠔，煎到個邊少少脆但一啲都唔會乾，又大又肥美。配料除了有蔬菜，還有我煙煙韌韌的年糕，香脆內軟，吸收了醬汁，很惹味!😋😋另外，我們也點了串燒試試，孜然牛肉串，牛肉燒得好香，配上孜然粉，少少辣又野味!雞軟骨串，我特別鍾情這個，軟骨有咬口，灑點鹽，簡簡單單已經好好味。最後送上餐廳送上雪米糍，yumme食咗咁多野, 校係要飲返杯

今天來到銅鑼灣的「隨變火鍋」，在黃金地段的高樓下打邊爐，景靚到呢～一望無遺，夜晚仲可睇到激光匯演。半隻原眛清湯雞煲只需$188。這道湯底清澈，雞香四溢，濃郁滋味的雞件，直頭「滑」入口！椒鹽豆腐，$58，外酥內軟的豆腐搭配椒鹽的香氣，外脆內軟。櫻花蝦滑，$108，滑嫩的魚漿中夾帶著鮮美的櫻花蝦，鹹香入味，爽口彈牙！芹菜木耳餃，$38，餃子皮薄嫩滑，充滿著芹菜和木耳的清新味道，是一道清爽的美味。稻庭烏冬，$28，細緻的麵條搭配鮮嫩的蔬菜和肉片，清淡的湯底更顯出食材的鮮美。羊肉卷，$98，優質的羊肉，每一口都嫩滑可口，肥瘦均勻，入口即化！唐生菜，$38，爽脆的生菜配上特製的沾醬，開胃又清爽。最後來杯檸樂，$38，清涼的口感帶來了一絲微酸的檸檬風味，還有cute爆熊仔。「隨變火鍋」食的除了美食，還有美景！#隨變火鍋 #銅鑼灣美食 #火鍋控 #美食評價 #食評推薦 #美食之旅 #餐廳評論 #香港美食 #舌尖上的饗宴 #美食愛好者 #美食探險#hotpot