隨變火鍋

營業中

休息中

好耐都冇食火鍋，趁着天氣有啲涼就去左銅鑼灣隨變火鍋，暖暖的最啱這個天氣食。平時火鍋多數食濕鍋，乾鍋比較少食，隨孌招牌乾鍋都有幾款選擇，今次我就食咗乾鍋醬汁雞＄278，醬汁雞好香，揀咗微辣，醬汁果然好特別好好味😋 除咗雞之外仲有好多蔬菜洋蔥，吸了醬汁的精華非常惹味。乾鍋包一個自選湯底，揀咗雜菌湯底，裏面有好多菇，個湯又清清地，仲有淮山。乾鍋特別之處，是分開兩個鍋，所以湯底與醬汁雞可以是完全不同口味，而且不會覺得很油膩。如果食得辣的話，選擇都好多，有麻辣湯底、香辣湯底、饞咀湯底、酸菜湯底，全部湯底都可以選擇微小中大辣。乾鍋除咗雞之外，仲有龍蝦、蠔、龍躉背翅、海蝦，最特別的就是田雞，而且是即劏，田雞而家真係唔係周圍有得食。特別一提呢度食火鍋仲有海景，望着藍天白雲，食飯都特別開心，環境非常乾淨舒服。