隨心 (已搬遷) 新店位置

午餐配熱飲原來額外要+$8, 唔抵。。 叫咗熱拉茶，飲落就係普通熱奶茶 仲要+$8 。。 唔怪得星期六無咩人，之前有下午茶都還好，唔會再去 仲要加一，食物其實味道一般。附近有更好嘅選擇。

位於海光街十二號地舖的這間名叫（隨心）馬拉菜餐廳！餐廳位置交通方便，地方寬闊！擁有多張餐檯，坐位舒適！裝修也別具風格！海南雞飯海南雞雞肉香滑，蘸上餐廳自製的三款醬汁！更令海南雞的口感鮮明！海南雞飯也香味濃郁！隨餐還奉上少許開胃前菜！少許酸甜的感覺！😋肉骨茶香味撲鼻的肉骨茶，聞到濃濃的香味，湯汁喝起來感覺甘香，肉排淋滑！配上香脆的油條吃起來更好吃😋喝下去感覺全身暖暖的！好有滋補養生的感覺😋慢煮牛肉喇沙熱氣騰騰的慢煮牛肉喇沙，賣相討好！香味俱全！只看賣相已令人食指大動！😋牛肉淋而且很入味，魚片也好有口感，濃濃的椰漿香味湯底帶有少許辣味，吃起來更加開味！再吃上爽脆的芽菜！更令這碗滲滲喇沙加分👍

中午去到鰂魚涌搵朋友食飯，佢講咗句「隨心啦。」原來係食新加坡、馬來西亞的食肆。午餐都很多選擇，一半喇沙，一半飯。慢煮紅咖喱牛肉喇沙$78咖喱很香，不辣，牛肉軟淋，配上與魚片、豆腐、雞蛋。無骨海南雞飯 $75大大一碗油飯，有雞髀及雞胸，雞很滑，有雞油味配菜是酸木耳絲、紅蘿蔔絲。還有一杯小小的雞湯。加$12小食，燒椒醬皮蛋金黃色的皮蛋4塊，燒椒醬一啲都唔辣，少少鹹香，去除了皮蛋的小苦澀味，唔錯。加$8要了 馬拉奶茶，比普通的馬拉奶茶好飲，奶茶非常絲滑，茶味帶有花香的味道，很特別，很好飲。總括來說還是不錯的，頗具特色，價錢唔算太貴，兩點後還有下午茶。

最近咁多好戲上畫，約左朋友食完飯去太古睇戲。見呢到裝修幾有特色，而且晚市的主餐牌選擇夠多，就入黎試試店舖主打星加坡菜，亦都有香港人至愛嘅川菜，特別係水煮魚、酸菜魚之類，我地就係咁被吸引左水煮魚、酸菜魚見得多，第一次見貴州酸湯魚 ($198/2人份)，既然咁特就點都試下啦~! 2人份都算好大份，一個大盆上枱，而家天氣凍，好貼心咁有火熱住，唔會食到凍晒味道好特別，除左聞到酸酸嘅味道，亦有好濃濃的香茅味，果然係帶有東南亞菜星加坡嘅風味魚片份量多，每一塊都係厚肉、嫩滑又不散開，底下加了厚身寬薯粉、青瓜、本菇及秀珍菇等，薯粉口感煙煙韌韌，好味又飽肚 荔枝灣咕嚕肉 ($128) 咕嚕肉外層炸得很香脆，每件豬肉似梅頭肉，有口感但不肥膩，而且唔係排骨咁得肥肉同骨配菜有有原粒荔枝肉，新鮮菠蘿片(係新鮮的~唔係罐頭)，洋蔥，紅黃椒等，配上酸甜度調校得剛好的咕嚕汁，水準不錯🤤🤤 有菜有魚，都要叫碟菜。叫左份姜汁炒芥蘭($88)，芥蘭嫩口無渣，亦炒得爽脆。

好耐都冇去過星加坡，特別掛住D坡菜，所以今日特別嚟回味坡菜。海鮮喇沙，睇個樣就夠殺食，好似好辣，但食落就啱晒我唔食得辣嘅人，正中下懷，料足($88)。海南雞飯，要肶加$10，賣相同埋味道跟星加坡的差不多，而且夠件口，大件夾抵食（$95）。肉骨茶一鍋上，足夠四人份量，啱我喜歡偏小小甜的人仕口味（$108)。外婆肉絲煎麵，又係夠份量，嗰啲麵煎得脆卜卜，鋪上一層肉條，什菇芽菜等的芡汁，十分好味（$118）。 好似越嚟越開胃，再嚟多一個廚皇炒飯，又係料多夾大碟（$108）。

鰂魚涌海光街兩旁盡是餐廳其中呢間主打冇味精美食食好嘢之餘，又食得健康外婆肉絲煎面($118)真係好鍾意食呢個家常小菜 煎麵炸到脆卜卜雙層嘅肉絲芡汁味道剛好 又多雜菌配料海鮮喇沙($88)出奇地係唔辣鍾意食辣嘅朋友可能有啲失望 不過就啱晒嗰啲唔食得辣嘅人喇沙湯底椰香味濃烈 最重要係飲晒都唔緊要因為冇味精㗎～真係好難得無骨海南雞飯要雞髀($95)雞皮比較厚身 不過唔肥雞肉滑溜 不過有點凍廚王炒飯($108)大大碟新鮮炒起嘅炒飯熱辣辣配料簡單有菜粒蝦粒和蛋 但係已經好滋味馬來西亞肉骨茶($108)呢個價錢一大鍋好抵飲基本上有成七、八碗肉骨茶藥材味當中帶點甜 口感特別有多件豬骨 食落好食

平日繁忙嘅午市，好多人幫襯嘅星馬菜館，估唔到餐牌上選擇愈來愈多✅連川菜同中式小菜都有🌶️🥢天氣咁凍真繁好想食辣野暖吓胃😋環境光猛，乾淨企理坐得幾舒服👏🏻招牌沸騰魚 $198以為主打星馬新加坡菜嘅舖頭，川菜都做得唔錯，佢哋嘅招牌沸騰魚，新鮮滾熱辣味道，味道香辣惹味，冇水煮方式紅噹噹同麻辣，咁就可以飲到魚湯，鮮甜美味，大大件魚片滑溜，好食呀❗️麻香辣子牛柳粒 $168一口牛柳粒，size啱啱好入口軟冧唔會韌，牛油味濃同麻香好夾又惹味😋配料中加入香脆可口腰果，增加咗呢道菜嘅口感，十分滋味👏🏻避風塘生蠔 $168好少喺出面叫炸蠔，因為質量唔好肉質死實外，粒肉仲有機會大縮水面頭覆蓋住大量炸蒜，裡面約8隻大生蠔，薄脆漿包裹厚肉生蠔去炸，外脆亦保持裡面juicy

收工返鰂魚涌，原本同朋友係想食喇沙，點知入到餐廳，侍應同我地介紹新野，川菜麻辣沸騰魚，講到好吸引，重點係開正我麻辣既開關掣。估唔到入星馬餐廳竟然係食川菜，重要有水準～招牌沸騰魚個湯好濃郁鮮甜，少少麻辣，小辣但夠麻，又唔會麻好耐，而且有啲胡椒味。魚就超滑、而且勁足料，成個菜重有青瓜、秀珍菇、寬粉等配菜。上枱重有個火熱住佢，唔怕凍左。麻香辣子牛柳粒望落勁多辣椒，但都係小辣，啱啱炒出黎勁香，重有炸到好香脆嘅腰果，而牛柳粒係一口一粒，小小肥，唔會靭，好食～欖菜肉未炒秋葵呢個叫既時候無估到都係香辣野🤣，點知上到枱先發現原來都係辣炒，同埋肉碎欖菜一齊炒，勁香。呢個秋葵係可以空口食，好夠味，但想食埋d欖菜肉碎，最好配個白飯，偏濃味。重叫左凍檸檬薏米水同桂花紅茶。我係飲檸檬薏米水，有得飲又有咬口，同埋係低糖，唔太甜👍🏻

落雨濕淋淋我地係海光街揀左間馬來西亞菜食野以前食過喇沙今次見餐牌出左川菜新菜式招牌沸騰魚端上來的時候已經香氣撲鼻,,湯底用上多種唔同既辣椒,味道鮮甜,而且夠哂辣度同麻辣,加埋有酸菜,菇等既配料,魚肉嫩滑新鮮,魚肉份量到唔少,兩個人吃都足夠霸王辣子雞用左好多紅辣椒乾、花椒香味十足,辣子雞炒得極香口脆卜卜,很惹味,雞丁仲要連埋雞皮愈食愈停唔到口最岩無辣不歡既朋友黑蒜煎牛柳粒煎牛柳粒香氣逼人，牛柳肉汁豐富,配搭夠哂特別既黑蒜醬,味道好夾,香濃美味

<讚👍🏻>.🥣招牌酸菜魚（2人份）🥣：💰$1982人份都有好多魚片，每塊都大大片，肉質彈牙又新鮮！鍋中有好多辣椒，但其實唔會太辣，酸菜魚配白飯一流！底部仲有薯寬粉，吸晒啲汁好入味，辣辣的，一盤2人食夠晒飽肚！🥣荔枝灣咕嚕肉🥣：💰$128配菜有幾款，有原粒荔枝肉，菠蘿片，洋蔥，紅黃椒，酸酸甜甜，咕嚕肉炸皮唔會太厚，每粒肉唔會太大舊，可以一口食，夠脆嫩。🥣香辣海鮮粉絲煲🥣：💰$198有幾款海鮮，幾隻彈牙爽口蝦，4大粒帶子，好多小小元貝，成鍋有好多粉絲，每條粉絲都勁入味仲有啖啖海鮮味，估唔到呢鍋會辣過酸菜魚😆🥤桂花紅茶（熱）🥤：💰係冇糖茶，好香桂花味，配濃紅茶底，可以解解油膩感。🥤柚子檸檬汁（凍）🥤：💰$28有3片鮮檸檬，配甜甜柚子蜜，勁解膩開胃！.好味程度：⭐⭐⭐⭐抵食指數：⭐⭐⭐⭐環境指數：⭐⭐⭐⭐💸人均消費：$200另收加1️⃣服務費：✅再食 ENCORE：✅

同個老友食飯就佢, 約響佢公司樓下食.由佢隨心揀咗"隨心".Lunchtime當然勁爆, 晚市仲有一家大細, OT客, 連佢D鬼佬上司都經常落嚟食.<<貴州酸湯魚>>一上枱, 酸微微嘅香氣已經令人流口水.份量十足, 除咗魚片, 仲有蕃茄, 青瓜, 菇同寬薯粉.上面仲有D蔥花.湯底鮮香濃郁.因為有蕃茄, 酸辣而帶甜, 唔係死辣. 大大片魚仍能保持嫩滑兼食到鮮味, 沒有被酸湯淹蓋.寬薯粉煙煙韌韌, 仲好掛湯.<<荔枝灣咕嚕肉>>咕嚕肉配以菠蘿, 洋蔥, 三色椒同荔枝.酸酸甜甜好開胃! 咕嚕肉炸得脆卜卜, 外酥內軟.每件梅頭肉都掛滿醬汁! <<福建炒米粉>>炒得夠乾身, 香噴噴.材料豐富, 即炒熱辣辣.食飽仲可以沿鰂魚涌公園行路返屋企, 當消化下. 

12月join咗跳舞嘅showcase成日都要去鰂魚涌排舞，於是會喺附近搵吓嘢食😋 今日見到呢間大大間嘅星馬泰菜，見佢除咗可以嗌唔同嘅魚鍋之外，仲可以嗌下小菜就決定去試吓～ 餐廳嘅職員非常友善\(//∇//)\ 有少少溫馨嘅感覺👨🏻‍🍳🤳🏻招牌酸菜魚本身怕辣你想叫佢比最少辣，之後個職員笑笑口同我哋講話唔會好辣佢fixed嘅小辣都OK所以就嗌左😚 份量超多!! 魚肉大塊都嫩滑，仲有幾多唔同嘅配料，最鍾意薯粉🥳🥳仲有啲唔同嘅菌類，好多都好入味～ 個酸菜魚嘅湯底幾惹味，唔算超油，酸酸麻麻咁🫶🏻👨🏻‍🍳🤳🏻香辣海鮮粉絲煲又係超足料，2個人真係食唔曬。。。 粉絲軟身好有味，仲有蝦同貝全部都大大舊好香口🤓🤓 好食到我食唔曬都決定打包拎翻屋企😝👨🏻‍🍳欖菜肉鬆四季豆想食個菜中和下就嗌咗呢份四季豆～ 又係好好味😻😻四季豆都好爽脆，佢仲有啲調味唔錯嘅肉碎，呢個菜送飯一流😛呢到嗌咗3個菜夠我地食2餐!!! 同埋幾欣賞佢地嘅小菜都咁好水準，係高質家常便飯嘅餐廳😋😋✨

約咗朋友去太古城睇戲，趁空檔過嚟鰂魚涌食個 early dinner。朋友提議去海光街嗰間「隨心」，原來餐廳除了主打星馬菜外，最近更增添咗唔少新菜式，例如沸騰魚、水煮牛肉、紅燒乳鴿、避風塘生蠔等。朋友想食貴州酸湯魚，而我就睇中咗咕嚕肉同粉絲煲，就一於三樣都點晒，然後齊齊分享。第一次食呢款貴州酸湯魚 ($198/2人份)，原來味道非常特別，湯底以大量蕃茄同辣椒等熬製而成，真材實料，入口蕃茄味非常濃郁，微辣配茄酸，非常夾。魚肉大大片，份量十足，入口啖啖肉，滑嫩又無骨，正！至於其他配料就仲有青瓜、雜菌同寬薯粉。寬粉厚度充足，也夠煙韌，有嚼頭，加上吸收晒湯汁嘅精華，吃起來蠻過癮。另外呢客荔枝灣咕嚕肉 ($128)  水準亦一流，咕嚕肉外層炸得很香脆，粉漿份量剛好，個汁嘅酸甜度亦調校得恰如其分，配上爽口嘅甜椒、多汁嘅菠蘿同甜美嘅荔枝，絕對係開胃之選。最後上桌嘅香辣海鮮粉絲煲 ($198)  賣相亦非常吸引，用料一啲都唔手軟，有大蝦、帶子、元貝仔同大量粉絲。大蝦爽彈鮮甜、帶子肥大肉厚，粉絲入味得嚟又帶少許香辣，夠晒惹味。飲品點咗凍柑桔檸檬 ($28) 同 青檸梳打 ($28)，兩款飲品都做得唔錯，

每次到鰂魚涌做野 一定來隨心吃個地道海南雞飯 很有水準也會食華人喇沙和肉骨茶今次做完野 黃昏時間經過寧靜的海光街 看到招牌發亮的隨心 晚市的主餐牌 選擇很多除了星加坡菜 也有港式和川菜特別是幾款酸菜魚/水煮魚 好吸引難得跟同事 食個晚飯才回家就決定食下小菜 加個酸菜魚口味有驚喜 以為只有海南雞出名原來每樣小菜都唔錯 值得再來! 店舖很大 座位以4人座為主座位間 有通道和隔板就算平時午餐時坐滿 也不覺得擠逼後期加大的舖位 有燈牌和掛燈裝飾 //招牌酸菜魚(2人份) $198//餐牌上有酸菜魚同酸湯魚可供選擇細心的店員解釋當中之分別原來酸湯魚比較傾向酸的方面個人比較享受口感有酸帶麻所以選擇了酸菜魚(小辣） 先喝一口湯 湯底加了好多酸菜口感帶出麻味  但仍可清楚地帶出濃郁的酸味非常之開胃 魚片每一塊都厚肉不散開肉質鮮嫩而不會食到魚骨害怕食到魚骨的我表示讚賞！湯底加了寬粉 寬粉口感煙韌完全吸收了酸菜魚湯配菜仲有菇菌都是吸汁嘅食材最驚喜是加了青瓜帶有酸辣味而咬落清爽 口感又幾特別 //荔枝灣咕嚕肉 $128//咕嚕肉炸粉夠薄，炸得脆卜卜每件梅頭肉掛滿醬汁外酥內軟 肉質嫩滑再加上荔枝肉及菠蘿的香甜

去完日本一個禮拜，其實都真係有少少掛住中餐，同朋友去左鰂魚涌呢間餐廳，本身想食下海南雞同酸菜魚，但望到有新奇野又想試下。① 貴州酸湯魚 $198酸菜魚同水煮魚就食得多，酸湯魚第一次食，呢種酸唔同酸菜，而係蕃茄果種酸，酸中帶甜幾開胃，比酸菜魚更加鮮甜。魚肉幾多，肉質嫩滑兼無骨，正！另外仲有雜菌，青瓜，加埋煙煙韌韌既寬薯粉，幾好。② 隨心棒棒雞 $62繼續試下新鮮野，呢個幾特別，我唔去形容呢個調味醬汁，唔辣，亦唔係麻醬，我覺得幾好味，等大家有機會自己試下。我只係會話雞肉幾嫩，幾有驚喜。③ 荔枝灣咕嚕肉 $128平時食開咕嚕肉的配料都係菠蘿，三色椒及洋蔥，呢個加埋荔枝，味道好似無太大分別，不過荔枝好味。而咕嚕肉大件亦脆口，好食！