平時鍾意行D2 Place ，因為除咗有文青野睇，仲十分之Pet friendly，順便幫小狗一下零食、飾物，行到咁上下餐廳選擇又多！今次就揀咗間日本燒肉食，紓解一下我思鄉之🤣 入到去抽風系統好好，完全同普通餐廳冇分別，一啲煙都冇👍🏻而且非常之寬敞，坐得舒服，仲可以擺到戰利品。 🐂和牛極致四點拼盤-鞍下、亀之甲、羽下、肩三角，每個部位都富有牛肉既油脂，口感各有不同，鞍下薄片，係肉味同油脂晒均勻。羽下厚片多雪花油香出眾。肩三角則肉味最重。🐃 🦐海鮮三味-兩隻大蝦、全隻魷魚、帶子：性價比高，超推薦。先講魷魚大大隻，而且厚身，燒都差唔多熟，彈牙唔韌。另外兩隻大蝦好新鮮，肉質爽彈，開左邊但重有少少蝦膏。帶子就調好味，啱啱好。🦑 日本產豬豚肉-肥瘦一半一半，燒起帶油香，覺得太油膩可以放係瓜菜上一齊燒。🐖 蔬菜拼盤：有粟米、鮮冬菇、翠玉瓜、大蔥、同蒸熟左既南瓜。呢個蒸熟既南瓜好貼心，避免咗燒到燶但入面都未腍🎃 紫菜飯：食燒肉當然配白飯，加埋麻油香嘅紫菜，絕配！🍚 白土乳酸梳打 - 飲到有粒粒白桃肉🍑 3.5牛奶軟雪糕 - 上面仲有啲脆脆Topping，有少少似雪葩，唔會好🍦 日本柚子雪糕 - 相對牛奶軟雪糕比較甜。🍨

朋友聚會好耐無食中菜，今次係朋友揀，真心佢無介紹錯，食完立即解決咗下個月既母親節飯☺️ 店內裝潢較傳統同時給人中式的優雅感。由於高樓底所以唔會覺得侷促嘈吵。 🫖紫砂功夫燉湯 - 用紫砂茶壺延長左燉湯既保溫時間，而且可以少少咁飲，去㗳真湯既味道，燉湯加左花旗參、瘦肉等，清甜醇香。 🌟蜜汁叉燒皇（例牌）- 厚切叉燒，但入口鬆軟，肉中帶肥既五花腩，有少少焦香同蜜味，超級推薦。 🦐奶油大蝦 另配 手抓餅 - 呢個奶油蝦似曾相識，令我諗起沙巴之旅。今次以大頭蝦肉質結實有咬口，再沾滿奶油汁😋配埋手抓餅，真係令人食唔停口，清晒成隻碟。 🐥芝麻鹽焗雞（半隻） - 外皮又脆又薄皮，有芝蔴香，重點隻雞係好有雞味，而且唔會有肥膏。 🦀乾逼拆蟹肉粉絲煲 - 比平時的粉絲煲較清淡，真心可以當主食，而且炒得好乾身，上枱時可以睇到完整的蟹肉，之後樓面會幫我地炒勻，有蟹肉蟹籽一齊食。 紅棗桂圓燉雪耳 - 滋潤養顏，唔會好甜，重點係free的～

成日聽車友介紹半夜ride車🏍️🛵必去屯門飲朱古力，開得夠夜，又方便睇車都係原因之一。今晚終於都我入開黎，當然唔止試朱古力，重要食埋另一名物burger🍔。 dinner時間所以乖乖地泊返係出面既骨位，行入青棉徑，走到盡頭轉右就見到，望到呢個位置就知點解咁夠多車友推介🤭 貝羅菇漢堡：烤都外脆內軟既漢堡，夾住牛肉漢堡扒重有隻大啡菇，兩者都好juicy，一d都唔會食都口乾，而且配埋黑松露醬，每啖都係菇菌香味。而包重有芝蔴香，香噴噴熱辣辣👍🏻 朋友試 加菲漢堡，無雙層豬肉漢堡加芝士配甜甜地既將軍醬，食落甜甜地，但肉既分量多，平衡返，個包同樣係香脆軟熟既芝蔴漢堡包配埋半溶芝士。分量之大，男人都夠飽。 另一招牌當然係我地慕名而來既 香港人朱古力，係60%朱古力，會唔會好苦，可可既香，同時入口順滑，甜度好啱香港人口味。 港女當然要揀返杯伯爵奶茶朱古力，有伯爵茶香，又有朱古力既可可香，入口順滑，但朋友就話唔夾，但我又唔係咁覺得😌果然各人都有唔同既偏好。 同場set重可以配薯條或薯餅，正正常常！ 總結，即製漢堡juicy又香脆好食，推薦牛肉漢堡首選，而朱古力基本無得輸，放狗定ride車宵夜都好啱食😋

今晚試澳門過江龍，見到門口既米芝蓮logo已經心郁郁去試好耐🤤今次不負所望👍🏻 必試推介：招牌蝦籽撈麵配金錢肚、雲吞，先要講一定係手工竹昇麵，比一般的麵厚身啲、有質感咬口👍🏻而金錢肚爽口，雲吞係彈牙鮮蝦餡，係傳統的一口一雲吞。另外種配左炸墨魚餅，上枱分量超級足料。上層有大量既蝦籽佈滿，每一口麵都食到蝦籽😋 另一必試：澳門豬扒包，落單既時候好多偏好可以揀，但我就食返標準。包身熱辣辣鬆脆，豬扒調既味道啱啱好，配上炒香既洋蔥，加上少少咖哩香，再惹味d~ 其他野食都好好食，葡式香辣喇沙湯米粉：店主重講解一定要先將檸檬葉浸落喇沙湯一分鐘，先好放湯落米粉度，喇沙湯底香得黎又有少少檸檬既清新，配料上有烤雞翼、酸辣腩仔、炸墨魚餅。酸辣腩仔最為突出，酸酸辣辣，又香口。 小食：蜜糖豬頸肉，甜甜地但仍有燒烤香味。 飲品試晒兩款樽仔飲品：葡式焦糖咖啡，好香焦糖味，有少少似咖啡糖，但唔算好甜。葡式奶茶，係錫蘭茶葉味，無港式咁重茶香。 今次叫左個二人set加多個豬扒包，性價比高，唔洗過大海先食到澳門美食🤭贏晒～

韓大叔醬油拼盤$388 呢個醬油拼盤包左一隻醬油蟹、兩隻醬油蝦、兩隻鮑魚、一隻雞蛋同埋紫菜拌飯～ 唔使擔心個醬油會好鹹 食落甜甜地！店員建議將醬油蟹嘅蟹肉同蟹膏落落個紫菜拌飯度撈勻嚟食！食落同韓國嘅味一樣🥹蝦都好細心咁樣開左邊 而且鮑魚好淋好易咬👍🏻 芝士泡菜煎餅$78 泡菜既發酵味唔會太重！配埋煎餅食一流！ 韓式熔岩芝士蛋卷$78 識拉絲既雞蛋卷🤤 韓大叔牛肉水冷麵$98 牛肉水冷麵配埋泡菜食一流🤤 真露蒸蠔$138 店主煮嗰時倒咗成枝燒酒去蒸😯食嗰時可以點魚露 食落一啲都唔腥 好鮮好甜😋 荔枝梳打$38 飲落好清新！唔會有香精味～ 芒果真露梳打$48 酒味唔會太重 唔太飲酒既人都會飲到！店員仲會問使唔使要多shot😂鍾意酒嘅可以request返～ 店員仲話因為3月係soft opening 所以去到3月尾都會有全單85折～

收工過左朋友屋企附近食野，佢帶左我黎呢間小清新cafe! 香煎西班牙杜洛黑毛豬鞍架-超讚，味濃郁肉嫩多汁，配以蘋果醬。配菜更有煎香長柄西蘭花、烤薯粒，分量頗多。 北海道刺身帶子海膽汁意大利飯-帶子大粒厚肉，味道唔算好濃，又係大分量。 胡麻醬秋葵-好食，無得輸。 Tiramisu-口感較creamy，咖啡酒味比較少。 玫瑰燕麥咖啡-玫瑰味啱啱好，賣相好靚。 焦糖忌廉爆谷咖啡-朋友飲，但賣相又係打卡able 📸 叫主菜就可以半價叫野飲🤭唔錯～

小店位於條比較隱蔽的小路，正常人都唔會轉入嚟，但之前聽同事介紹過呢間西餐小店。今晚同朋友慕名而來，果然不負所望，食物高質，性價比又高。 簡單order左2人set, 已經可以試齊推薦食物： 🍲龍蝦湯配黑炭法包，法包香脆較淡味，配香濃龍蝦湯啱啱好。 🍟黃金炒薯條，呢個係我最期待，每一條都佈滿大量的咸蛋黃，而且炒得乾身，唔會油膩，而且係粗薯條炒，比例啱啱好。 🍕雙重芝士脆薄餅，揀咗Parma Ham on top，餅底又薄又脆口，面層目測有兩款芝士，一粒粒似係cream cheese，多左一層口感，加埋ham的咸香，推介。 🍝北海道帆立貝扁意粉配羅勒蕃茄汁，厚肉大粒的帶子配上開胃的新鮮蕃茄汁，而意粉口感適中，唔算驚喜，但有一定水準。 🍰最後order甜品，是皇牌之一的法國朱古力蛋糕，唔算好甜，朱古力味濃郁，而且內裡有兩層，一層是朱古力慕絲，內層是朱古力海綿蛋糕，海綿蛋糕好輕好軟熟，不同口感一次過夾集。咖啡是有機的，幫忙中和甜品的甜。

今次假日同閨密食晏，去左試呢間日式燒肉，我地一人叫左一個set share食， 有高級啲又有親民d， 綜合嚟講呢個價錢，可以食到呢個級數嘅牛肉，真心推薦。 頭盤都會有： 🥗野菜柚子醋沙律-味道酸酸地，新鮮開胃。 🥚茶碗蒸-材料充足，大大隻蝦、香菇，個蛋又鮮甜又夠滑。 🥣味噌湯-鮮甜，偏濃郁的味噌。 🍚白飯-特別介紹一下，係來自鳥取縣的星空舞白米，有幾出名上網都可以search到。分享下食完既感受，比較Q彈，唔會好黏，而且有獨特的米香。最明顯係好啱慢慢燒慢慢食，涼左口感都唔會變。 特選A5和牛燒肉配涮涮鍋 和牛分量多左，而且部位都較矜貴。可以燒又可以烚下烚下，但推薦一定係燒會好食啲，燒完迫晒油香出黎，和牛既油脂連埋白飯一絕。 西冷-其中的稀少部位，油脂最豐富最香，入口即化。 臀肉蓋-接近牛臀肉附近，但相對霜降較多，肉味濃郁。 牛上肩-唯一試左涮涮鍋食法，比清淡，有牛肉既鮮味。 牛背肉-口感比較均勻，膩而不溜。 另一個set就單純燒肉-精選A5和牛三點燒肉： 牛肩肉-肉質比較細膩軟嫩，肉味與油香中平衡。 腳三角-雪花分佈較多，三款中最為出色。 牛臀肉-肉味較為濃郁，口感紮實。 最後重甜品，日式蕨餅配咖啡，中和甜度。

老細話要搞team gathering， 想大家開開心心圍埋食餐好，我地人唔多但又想有私人空間，重點係要啱老細口味-中菜。終於搵到呢間私房菜，不單獨立包廂有獨立洗手間，重可以唱K。地方舒適寬敞，一邊係大圓枱，另一邊就係唱K區，有L型大梳化配大電視，設施好新淨，洗手間更十分乾淨。 江南涼菜三小碟 - 擺盤好有詩意，入口味道唔錯，鳳爪同雲耳同樣小小酸辣，而且用萵筍絲做襯托，爽口好食。 棗皇竹笙鳳尾翅 - 入口燉湯好郁濃，好清甜，再壓爛d紅棗重會再甜啲，鳳尾翅燉都好軟身，重有花膠竹笙等配料。 鮑魚扣鵝掌北菇 - 鮑魚則厚肉彈牙，鮑汁是其精華所在。鵝掌炆得好冧，入晒味，超贊。 紅油水煮牛肉片 - 呢個好夠麻香、小小辣，令食得勁爽，牛肉又夠滑，重有大豆芽、蓮藕、寬粉呢d配菜。 蒜蓉生炒鮮時蔬 - 菜心夠嫩口，清清地中和返啱啱的水煮。 南北匯富豪炒飯 - 飯炒得好夠乾身，好多蝦仁，好足料。 冰花鮮奶燉燕窩 - 一打開就見到大大份既燕窩🤩而燉鮮奶內裡好滑。

呢間環境好靚既新派泰國菜，不單裝飾靚靚，食物既擺盤都好打卡able! 想講我地係食都最後的一枱客😆 脆炸軟殼蟹米紙卷配牛油果醬-大大隻軟殼蟹十分厚肉，配埋薄片子薑包係米紙內，味道好特別，子薑唔會好搶，重可以減輕油膩感。 泰式鹹蛋黃金單邊雞翼-外層佈滿鹹蛋黃蓉，入口勁香，而單邊雞翼方便入口之餘，肉同蛋黃的比例更平均，鹹蛋黃愛好者必選。 脆炸豆腐配泰式魚露-外脆內滑，熱辣辣要小心食，配合魚露食落無咁熱氣之餘，又多左泰式風味。 濃汁冬陰功虎蝦海鮮燴飯-首先要講好多海鮮又蝦又青口又新魷，都係新鮮彈牙，而燴飯係比較濕身，呢個冬陰功重香茅味，惹味～ 阿閒泰奶茶配自家奶茶雪條凍-奶茶唔係好甜，泰茶專屬既茶香十分濃郁，冰凍就係源自支雪條，而多奶少奶都係自己話事。 泰式街頭椰子雪糕-足足有兩大球，好香椰子味，偏向椰奶香，入口特別細滑有厚度，配埋糖衣包裹的合桃，增加香脆口感。