隨心 (已搬遷) 新店位置

💭唔知道你地會唔會有陣時突然好想食東南亞野! 呢日熱辣辣,突然好想食海南雞飯!就專登係office附近簡左間東南亞餐廳食lunch~🤭🤭🤭🌸無骨海南雞飯🌟🌟🌟🌟同一般既海南雞飯一樣！呢個海南雞飯有三個醬😝一個辣醬一個甜豉油同一個薑蓉👍🏻無骨海南雞食起上黎好爽！d🐔好嫩～ 配埋個黃油飯真係好好食！雖然黃油飯比白飯更容易飽🥳但我覺得好滿足！🌸拉茶🌟🌟🌟我本人好鍾意飲拉茶呢d 香料味道重既奶茶😏我覺得呢被拉茶略嫌香料味唔夠濃😳但都叫好飲既😎

出開鰂魚涌「隨心」地行一間新加坡餐廳，一坐低就嗌咗個招牌嘅隨心海南雞飯，貼心地已經去骨，雞肉非常嫩滑，個人最鍾意嘅甜豉油，蒜油同辣椒醬等我哋可以按個人口味調整，而且仲送埋有個湯添soup🍲小食就嗌咗個新加坡炒蘿蔔糕，份量比想像中大，而且非常惹味，蘿蔔糕外脆內嫩，味道十分豐富，有小小小小辣，我同個friend都食唔停口~另外仲叫咗個海南雞喇沙，湯底嘅味道非常濃郁，有好香嘅椰子味同咖哩味，亦都非常鮮甜，配料有豆芽同豆卜，米粉份量亦非常十足，食完之後成個人都暖曬🍜飲品方面我哋叫咗個檸檬薏米水同金桔檸檬，薏米水仲要係低糖版本，小小甜非常解渴，薏米煙煙靭靭咁，好似健康版嘅台式飲品咁XD，金桔檸檬嘅金桔味有少少重，亦都冇出面嗰啲咁甜，大推大推！🤤

Lunch time 鰂魚涌，間間都多人排隊咁啱呢間大家都係等緊外賣，冇人排隊等堂食所以我就入去試吓Lunch time繁忙時間，侍應個個都好忙碌所以我都等咗一陣先落到單⭐️古法燒雞飯⭐️本身配油飯，不過我轉左白飯，健康啲👍🏻嘢飲要加$8 (凍飲同熱飲都係一樣價錢)落完單，野食5分鐘後就到燒雞好大件🤤份量好足夠肉質嫩滑👍🏻唔會燒到乾晒涼拌雲耳，調味啱啱好酸酸地，好開胃👍🏻 如果份量多啲會就好啦Lunch menu 選擇都幾多有喇沙，咖喱，海南雞，燒雞，炒貴刁，等等下次試吓其他😋

🍴海南雞喇沙 $82 (7/10)湯底有淡淡椰汁香，少少鹹味帶微辣，略厭有香味但唔夠濃，口味比較清淡，配菜有芽菜小棠菜豆卜，兩溝左米粉米線(似幼嘅老鼠粉質感)，米粉爽口，米線軟滑，一碗有兩種口感，海南雞份量都足，入口幾凍，口感都滑，雞皮微彈牙，有三種汁都正常，酸辣汁比較開胃，總體嚟講ok啦🤣🍴紅棗茶 +$8 (7/10)甜甜哋，正常。推薦指數: 7/10正常冇伏，都ok 但食完冇咩卬象同再想食，但質素ok的，食得過。

平時鰂魚涌返工見到間新加坡隨心餐廳好多人食，收工之後就約左朋友try try佢👍🏻餐廳環境都幾寬敞，位置間隔都坐得舒服👍🏻我地叫左3樣嘢食同1杯嘢飲，上菜速度好快，10分鐘左右已經上齊晒😆新加坡炒貴刁 $89餐廳用河粉夾雜油麵一齊炒，配埋豆腐乾、臘腸，食落口感好豐富🥰炒貴刁因為用新加坡香料炒，食落微辣好惹味🔥食唔停口魚蛋魚片喇沙 $65喇沙湯頭好香椰奶味但又唔會膩，入面仲有魚片、魚蛋、蛋、豆卜、芽菜，吸晒湯嘅精華，配埋米粉米線好好食🤤😋新加坡炒蘿蔔糕 $58同中式蘿蔔糕唔同，蘿蔔糕係一粒粒同各種香料炒製而成，口感綿軟之餘幾惹味青檸梳打 $28青檸梳打正正常常，飲落清新爽口，夏天必叫餐廳嘢食整體好食又唔貴，服務員服務態度都好好，值得一試👍🏻

在商廈林立的鰂魚涌，有一間名為隨心的食肆，以新加坡美食，好似海南雞飯，串燒，喇沙，肉骨茶等等，吸引一聚上班族OL。餐廳牆上有：魚尾師圖案，眾所周知係新加坡的標誌。肉骨茶，可以選一人份量$48或一大窩$128非常足料有紅棗，杞子，冬菇，豬肉，當歸，黨参等等中藥材當歸能補血止痛；杞子能明目、抗青光眼；南棗能潤燥止咳、滋腎補肝；黨參能潤肺生津，非常有益海南雞飯同喇沙都係新加坡美食呢間餐廳十分靈活可以叫海南雞喇沙$88把兩者結合海南雞雞肉十分嫰滑係靠近雞脾肉的位置喇沙平時食開係米粉加油麵呢度既特色係瀨粉溝米粉口感非常特別椰汁咖啡$28好有南洋風味

呢間餐廳位於鰂魚涌A出口行過去大概5分鐘，今日咁啱嚟到鰂魚涌呢邊做嘢就決定同朋友試吓呢一間餐廳，上網睇咗呢一間餐廳嘅喇沙幾好食，我同朋友都非常有興趣，午飯時間餐廳都幾多人，我哋好快到安排到入座 好彩我哋都唔使等咗好耐! 首先推介有佢嘅海南雞喇沙，海南雞做得非常鮮嫩，啲雞都唔會有雪味，佢仲有三種唔同嘅醬汁俾我哋點，配搭上亦都同傳統嘅海南雞食飯非常相似，份量嚟講都算幾多，我同朋友都非常滿意！佢嘅喇沙湯底非常香，粉麵嘅軟硬適中，控制得非常好，唔會有太軟既口感，喇沙湯底味道層次，相當豐富、風味獨特，就算食完都唔會有太鹹，都唔會係出面好大味精湯既咸，湯底嚟講合格有餘！聽日嘅香煎蘿蔔都做得唔錯，蘿蔔糕口感好香，煎得香脆，份量嚟講都算幾多，呢個價錢對得住！我同朋友都幾鍾意食香口嘢，所以都覺得呢個蘿蔔糕係值得推介！最後想推介嘅食物有新加坡炒貴刁，炒貴刁做得非常惹味，而且非常有鑊氣！，配搭係好似炒河粉同埋油面咁樣，第一次食呢一個口感都覺得幾新奇特別，而且調味都做得唔錯！總括嚟講，有機會會再返嚟幫襯！用餐經驗亦都愉快😀

從來冇寫過食評 但係員工服務太好了值得我寫一篇今日夜晚去全場一枱客都冇 心諗會唔會中伏點完菜好快就上菜樣樣都幾好食 特別係嗰馬拉盞菜重點係員工全程好有禮貌仲幫我哋慶祝生日臨走都有祝多次生日快樂夠鐘收鋪我哋仲食緊蛋糕都冇趕我哋走Overall野食係好食 有誠意過同價位嘅其他新加坡菜/馬來菜最緊要係員工質素 我覺得係最提升到用餐體驗會再嚟支持❤️❤️❤️

無骨鳳爪 - 浸完水擺上碟咁，無味嘅，無酸無辣，只有青瓜味。應該叫白雲青瓜鳳爪墨魚餅叻沙 - 街市打邊爐墨魚餅，煮嗰位仁兄/留好評嘅各位，你食過叻沙未？又稀又淡，我肯定唔同大家講，大家唔會食得出係一碗叻沙肉骨茶 - 個湯叫做無咁衰，不過你落粒紅棗落去做乜。甜味藥材肉骨茶。嚿肉用人類嘅牙係咬唔開。新加坡炒貴叼 - 食完之前幾味個人盲目咗，叫做無咁難食，可能因為係廣東炒貴叼。得個辣字。上面寫稿各位真心服咗你哋，我跌錢唔緊要，挨一餐飯食屎好攰咖

最近都係多雲有雨嘅日子，一時晚飯唔太知食咩好，行行下經過見到呢度有食海南雞，店名「隨心」很貼合我宜家嘅心態，而海南雞啖啖肉都幾符合我心水環境闊落，坐得舒服仲有一個新加坡標誌嘅立體打卡位📸隨心海南雞飯(無骨）🐓嚟到緊係要試佢嘅招牌海南雞飯啦～都幾大碟，比較少見有黑木耳做伴碟，亦會附送一個雞湯，同三款醬料，分別是黑醬油、薑蓉，以及辣醬雞件夠嫩滑，油飯唔會太油比較爽身，亦唔會太濃味，唔使怕越食越鹹海鮮喇沙🍜材料十分之豐富😍：有蝦🦐，帆立貝，魚片，蟹柳，雞蛋🍳，豆卜，芽菜湯底有滿滿嘅椰香味，辣度亦容易接受😋佢嘅麵係摻摻即兩溝，但並非一般常見用油麵溝米粉，而係用瀨粉溝米粉，口感會比較彈牙爽口👍🏻新加坡黑蘿蔔糕係餐牌見到佢已經即時激起我嘅好奇心，加上都鍾意食蘿蔔糕，就一試佢會同平時嘅蘿蔔糕有咩分別原來佢嘅黑色係來自黑醬油，有些蒜味和辣味，外層煎得微脆，裏面軟綿綿，非常香口惹味椰香咖啡☕️🥥自己幾鍾意椰子味嘅食物，所以見到有椰香咖啡，就毫不猶豫咁叫咗一杯品嘗果然冇令我失望，幾重椰香味，椰子嘅香甜大大減低咗咖啡嘅苦澀味，咖啡又平衡返椰子嘅甜膩感，彼此相得益彰，讚😆

今晚我地都係隨心咁黎到「隨心」食飯，呢區平日晚市雖然較靜，但呢間仍有數枱客食飯傾計呢。呢間食店有海南雞、有喇沙、有乳鴿、亦有酸菜魚呢，風味頗廣。點左兩杯飲品，分別係tiger 啤酒🍻同埋青檸梳打水，為初夏消消暑氣。二人份量食物如下：海南油雞飯可選白飯或油飯，不過我地覺得要食海南雞當然係配油飯啦！😎😎😎味道不錯的，油飯雖然唔突出，不過勝在無咁重罪惡感，唔會好油膩，雞肉份量比想像多，雞肉有口感，厚身，配醬食不錯。海鮮喇沙呢度既摻摻係米粉加瀨粉😳😳😳唔知有冇人食過呢種配搭？我平時食開米粉加油麵架🫣🫣，可能有啲唔慣， 口感較為「林」身，不過份量係比返十足的，但係海鮮還不錯，湯底惹味，亦頗有喇沙感。

放工晚飯去了附近食店隨心，港鐵鰂魚涌A出口，步行3至4分鐘，交通很方便。店內面積頗大，整齊清潔衞生，座位相當寬敞，室內裝修充滿星馬風格，自然舒適。菜譜非常豐富，各有特色的新加坡菜、馬來西亞菜、咖哩、喇沙、川菜、還有廣東菜等，真是應有盡有。服務員禮貌招待，推介各樣食譜菜餚。無骨鳳爪$48肉質爽脆又彈牙，酸甜味適中，配上適量青瓜絲和蕃茄片，滋味又惹味，是一道很好的醒胃小食前菜。海鮮喇沙$88食材鋪滿喇沙上，非常豐富，有半隻烚蛋、大蝦、帆立貝、魚片、蟹柳、豆腐卜，各樣海鮮都很新鮮美味。食麵彈牙幼滑浸透香濃喇沙湯汁，夾雜少許芽菜更覺爽口惹味。海南雞飯$85是店內的招牌美食，海南雞飯上枱擺盤很有特色，肉質嫩滑多汁，雞皮與雞肉之間充滿啫喱，雞味濃郁美味，配上3樣醬汁，令雞肉提鮮又惹味。雞油香脂，飯粒分明，配上小許酸甜木耳絲和菜絲，口口彈牙又好味。跟餐還有一杯雞湯，鮮甜雞味更覺滿足。

今日路過quarray bay, 好多鋪頭都沒開。經過這間看起來舒適的店，就試試。點左新加坡炒貴刁，等了五分鐘就上食物了。食物超級油，好恐怖。吃到滿嘴都是油，味道也麻麻地。不會再幫襯。

今晚去左鰂魚涌醫肚平時鰂魚涌午市超多人，星期日比較適合黎食d 想試好耐既餐廳😋去左「隨心」餐廳食飯，呢個餐廳好闊落，同埋都好乾淨，環境不錯呢今次我哋食咗佢哋嘅海南雞飯、沙嗲串燒（牛、雞）、冰粉同熱檸檬薏米水首先係佢哋嘅海南雞飯雞肉好嫩滑，米飯好香椰味，完全係食到滿滿既誠意！❤️❤️❤️佢哋嘅沙嗲串燒亦都好好味，肉質好鮮嫩，沙嗲醬汁又唔會太辣，啖啖都好好食，如果再多d 花生係醬汁會更好🥳冰粉味道清甜，食材既組合令味道好豐富有爆珠、提子乾、花生粒、果凍、爽口丸子口感好特別，都幾解渴😝最後就係熱檸檬薏米水，味道清新，薏米份量好多如果想健康d，就要叫無糖啦!😆「隨心」唔單止食物好味，員工服務態度亦好好係值得encore 既餐廳呢!🧡

睇裝修門面，好似啲舊派南亞菜，叫左一個酸菜魚，菠蘿咕嚕肉同炒菜，估唔到都幾有驚喜喎，酸菜魚食落去有陣香味，諗左一陣原來係加左香茅，食落去有陣清新既感覺。咕嚕肉除左有新鮮菠蘿一齊炒之外，仲有新鮮荔枝肉，咕嚕肉又炸得夠脆口，估唔到菠蘿咕嚕肉又有驚喜喎！😆😆😆