陳通記

營業中

休息中

難得入嚟長洲，終於一試聞名已久嘅沙嗲牛肉米通。沙爹牛湯底，確實好多花生醬，不過我就覺得味道偏淡，同朋友傾開，佢之前食開嘅湯底比較濃，佢話都覺得當日嘅湯底比較淡， 唔知係咪因為人多關係，湯底已經唔夠，所以溝淡咗。不過天氣真係好熱，如果坐唔到室內冷氣地方，坐喺出邊真係好似焗爐。如果唔係沙爹牛超級愛好者，我覺得都係緊天氣清涼啲再去慢慢品嚐。另外就叫咗一個雜肉米通，反而呢個有一個驚喜，本身想叫咸瘦肉，但個靚姐就介紹呢一款，價錢差不多但夠多餸。果然不錯，所因為佢入邊有好多唔同嘅配料，包括咸瘦肉，火腿，紅腸。俾小朋友食一流。

今次入長洲係為左慶祝媽咪同預祝🐥生日，竟然🐥未去過長洲🤭咁就大家約埋入去玩返一轉啦😬 可能當日落雨既關係，我哋開住google map 都搵唔到陳通記🤣佢係要行入幾步既～😉同埋大家唔好坐錯隔離啲枱枱凳凳呀🙈果日落雨 我都等左一陣3-4分鐘就有位坐啦～無冷氣～😂特別有風味😛食飽先有力氣踩單車😉鮮牛肉通粉 $28係🐥叫既，試完咁多碗，我最鐘意鮮牛肉通～本身我叫左沙嗲牛肉通既，發覺佢沙嗲唔好好濃，同埋自己唔太like 沙嗲😂呢碗個湯幾鮮，牛肉好滑🥰通粉比較長～吸多啲湯～好正☺️☺️咸牛肉治 （烘底）$14幾好味😋 咸牛肉有啲咸 ！一定要烘底！！一定要烘底！！一定要烘底！！😂💕下次會食牛肉豬潤通☺️豬潤都好滑滑～佢哋會俾豉油你點黎食～點左豉油=鮮味upupupupppppppp🥰味道：⭐️⭐️⭐️🌜 （3.5/5）環境：⭐️⭐️⭐️ （3/5）服務：⭐️⭐️⭐️ （3/5）衛生：⭐️⭐️⭐️ （3/5）抵食：⭐️⭐️⭐️⭐️ （4/5）總分：❤️❤️❤️🤍 （3.5/5）📍 陳通記 (長洲)長洲海傍街熟食中心13號舖

食咗沙嗲牛肉米通同埋西多士兩樣都好食同埋有驚喜沙嗲汁味道幾好，同埋都幾濃，食落仲要有唔少嘅花生粒反而，牛肉就一般，唔算難食，但未至於好食，無咩沙嗲味且偏鹹米通食落無咩味，但個口感唔錯，夾埋啲湯一齊食就好好食，個人黎講就幾鐘意<3最驚喜嘅係西多士！牛油同埋花生醬都比得好足食過嘅西多士入面數一數二好食超好食呢！！呢個質素再加呢個價錢，其實真係好抵食呢間店絕對係正評(⁎⁍̴̛ᴗ⁍̴̛⁎)4.6.2022

長洲嘅陳通記已經有好多人介紹過，話佢哋嘅沙嗲湯底同埋牛肉係必食，難得去到長洲特登早啲入去食下個早餐，雖然係大排檔形式環境就唔算特別舒服，而且Menu都係單點形式，但真係真材實料，好好食，價錢又唔貴，值得去食。🍴沙嗲牛肉米通 $34 (10/10)份量超級多，女仔可以兩個人share，好飽肚！沙嗲湯好香，未算好濃，唔鹹，食到有花生碎，牛肉鮮牛，嫩滑有口感，有少少牛味，米通好滑煙煙銀銀，好好食！🍴西多士 $24 (8.5/10)即叫即炸，好香口，焦香金黃，麵包香脆，唔油膩，花生醬都好香濃，雖然查得唔算多但真係啱啱好唔會太膩，配埋煉奶一啲都唔會太甜，好香口，好邪惡。🍴鮮牛蛋治 $24 (9.5/10)蛋治烘過底，麵包好香脆，仲搽咗牛油，好香因為太熱下面個底係濕咗冇咁脆，雞蛋唔係嫩滑，但唔乾身，牛肉好滑有牛肉味，有口感但唔會鞋口同韌。🍴熱奶茶 $16 (8.5/10)奶茶香濃茶味，入口好滑。淡奶微香，有少少茶嘅澀味，但唔苦，冇落糖都好飲。

聽咗陳通記大名聽咗好耐，終於找得著時間入長洲食足全程。😋到達嘅時候已經係晏晝2點，加上係平日，人流剛剛好唔算太多。搵路花咗少少時間，呢度提提大家，落船轉右行大街街到熟食檔轉入去就搵到㗎喇！🗺既然一場嚟到，除咗馳名天下嘅沙嗲牛肉米通，仲叫咗一份煉奶咖央西多士。真的沒誇張，沙嗲湯底非常濃香，配上米通呢個罕見又十分配嘅組合，真係會忍不住清咗成碗，但由於我地食得重口味啲，如果湯底再濃厚啲米通再爽身啲啲就perfect。而同檯嘅咖央西多亦平分秋色，一點都唔輸俾隔離沙嗲牛米通，咖央椰香恰到好處，炸得酥脆而不油膩。🎖沙嗲牛肉米通賣相：⭐️⭐️⭐️⭐️⭐️味道：⭐️⭐️⭐️⭐️價錢：⭐️⭐️⭐️⭐️⭐️煉奶咖央西多士賣相：⭐️⭐️⭐️⭐️味道：⭐️⭐️⭐️⭐️價錢：⭐️⭐️⭐️⭐️⭐️由於想留肚食喺長洲食多啲飲多啲，飲品我地今次就無叫了，不過聽到隔離講呢度奶茶都不錯。大家個肚有位置都不妨試埋！一句總結，為咗陳通記特登入長洲也是不枉此行🫶🏽聽咗陳通記大名聽咗好耐，終於找得著時間入長

撞正星期日入長洲，多人到不得了，未食晏就諗住醫肚就諗起陳通記，其實食過好多次，係我衰，唔應該星期日食陳通記，外賣叫左碗沙嗲牛通同什肉米通加凍奶茶去個朋友度食，收錢就快呀，等左成4、5個字講緊係叫外賣咋，仲要收錢個男人寸寸貢咁，叫我自己問下落單果個同埋都唔知搵唔搵得番張單喎，見到佢係負責收錢，妹妹行埋去比錢就好禮貌又撩佢地傾計呀剩，可惜我就唔係妹妹仔喇^_^下次咪搞我，入去長洲都唔會再幫襯。👋🏻

去到長洲必食啊！一路已經久仰大名！點知真係咁好味😻😻😻（1）沙嗲牛米通🐮完全係平靚正之選，牛肉嘅份量啱啱好，口感亦都係食到肉嘅質感，但又唔會太靭🔥個湯底係好濃，但又冇味精感，唔會令到你好口渴🙌🏻，食每一啖米通都好掛汁，每一啖都有足夠嘅味道！至於個米通，平時真係冇咩地方可以食得到🥰所以入到嚟長洲絕對可以試一試🤭（2）鹹牛肉蛋治🥪呢個三文治就係正常質素😄佢有得比你揀要唔要烘底，烘底都唔需要加錢🤑如果你有quota先叫嚟食啦～長洲有咁多特色餐廳，又唔使特登試。

疫情下冇得搭飛機去旅行，只好搭渡海小輪去長洲 staycation。第二日checkout後，揀了這間很多長洲街坊都會幫襯嘅名店「陳通記」。不過，檔口招牌明明寫着「通記」，點解全部人都叫呢間茶檔做「陳通記」？小店位於露天熟食中心，不過很多露天位置已經用帆布覆蓋多年，並且擺滿了枱枱凳凳，再無法分辨清楚熟食中心原本的室內檔口佈局。細心留意，又發現原來「陳通記」佔據了幾個檔口，但枱櫈擺放實在很混亂，根本分不清那一張枱屬於那一個檔口。其中一個梗檔門口有塊膠牌寫上「今日冇鮮魷」，本來唔知點解。搵位坐下來後聽見鄰枱有個男人（似乎係熟客）問了一句：「今日冇鮮魷呀？」落單阿姐回答：「係呀！」之後再看看餐牌，就明白點解。原來其中一款名物正是鮮魷魚！反正並非小編目標，冇所謂。順便截住阿姐落單，揀了另外一款名物沙嗲牛肉公仔麵。其實最出名係米通（後來才知道），即是用米漿做的通心粉，相信係全港獨家；不過，落單時未清楚底蘊，所以冇叫到，只好留待下次再探長洲。餐牌上仲有一種古怪飲品「榨橙」，有熱有凍；再問阿姐，原來係榨橙汁！好懷疑 ⋯⋯ 點解會有「熱」嘅？又要留待下次證實。沙嗲牛肉公仔麵（$34）顏色未算特別吸引，

一共叫咗一個咸牛肉蛋治 同埋一個沙嗲牛米通！米通爽口好好食 沙嗲湯底更加唔話得 非常濃郁 有好香花生醬味 同一艘食嘅一pat沙嗲醬好大分別咸牛肉蛋治入味 好味 下次嚟會想食咖央多士！

今次去長洲飲飲食食🫣要特別講下 陳通記真係勁多人等位 而且落左單之後都差唔多等左半個幾鐘先上菜🥲不過最後食完覺得係值得嘅🫶🏻·沙嗲牛肉通粉($34)超濃郁沙嗲味 佢係成個湯底都係沙嗲湯！好重花生味 美中不足就係通粉煮得有啲淋😢但個沙嗲湯真係世一‼️ 我差唔多飲晒成碗湯

提起長洲，依家令人聯想起既除左大魚蛋，芒果糯米糍之外，陳通記都成為好多人首推之選。趁放假終於入去睇下佢有咩吸引之處！行到街市旁，望過去會見到連住有幾間港式茶記痴埋一齊，只要落下眼力搵下個「陳通記」招牌同埋觀察下沿路啲檯面寫住咩店鋪，好快就搵到佢。去到要自己等位，好快手就有得坐，環境係正常大排檔feel，勝在風扇都多唔會太焗。哥仔埋黎即刻就叫「必食」既沙爹肥牛米通，同埋鹹牛蛋治。醒目既我有做功課，湯底特別叫佢煮濃啲，多士都要烘底。等左陣就黎到，碗粉真係超級大，兩個人就算有男士都絕對夠食（畢竟一場入到黎當然要留肚掃街）。忍唔住即試湯底…..有啲失望🥹望落色水好夠，不落啲湯都好厚身，但估唔到飲落居然無咩沙爹味？！啖啖花生香，都確實有好多花生粒，不過佢唔算好鹹，食到後尾唔會好口喝👍🏻第一次食米通，通心個下幾得意，索晒啲汁，但傷心地好多米通都煮唔透咁，仲黏住一舊舊好硬，影響唔少口感🥲。肥牛方面係就唔硬，但唔知點解好騷🥺最後愛牛之人都無食曬。鹹牛蛋治就…賣相不錯，食落無咩牛肉，味道亦完全唔係個會食，偏淡，普普通通唔會推薦～整體黎講如果順路入長洲就可以一戰（但都好難順路啦😂😂），始終山長水遠又好頂胃

香港地無咩地方去，久唔久都會去離島行下，又入左長洲基乎每次入長洲都會黎食呢個長洲名物沙嗲肥牛米通真係好正，夠晒香濃，2個人share岩岩好，唔洗太飽西多士又係一個名物，必食!!所有用料份量都岩岩好，會食唔停口

長洲作為本地其中一個知名離島，每逢假日，總會有大量遊客慕名而至：大魚蛋🍢、巨型薯片🍟、芒果糯米糍🥭……這些都是外來人必試的美食😋近年來，有一間餐廳的名字在我心中留下深刻印象：它的環境、餐廳設計並不起眼，但不少人願意花上一個多小時的時間，等候品嘗餐廳的名物———沙爹牛肉米通粉😯要知道，提供沙爹牛肉麵、米通的食肆在市區大有人在，為何要山長水餐來品嘗如此平凡的食物？這使我忍不住一看究竟，去了解它吸引大量遊客的原因🫢環境🌴餐廳位處長洲熟食市場內，位置不太起眼，要繞一個圈才找到🏃🏽‍♂️因室內面積不大，食客使用的枱面和桌椅主要置於餐廳外面，店內只有少量座位，人與人之間的距離頗近；雖然位於熟食市場，但餐廳的衛生不差，桌面擦得乾淨，地下沒有濕濕澀澀的情況💦食物🥟餐廳提供上湯粉麵為主：除了知名的沙嗲牛肉米通粉之外，一些簡單配料和粉麵例如午餐肉、雞扒、米粉、公仔麵均有供應🍜1. 沙爹牛肉米通粉🐮（$34）🔸 沙爹湯底感覺杰身，沙爹味香濃，而且有適量花生粒，它的味道主導了整個牛肉米通，但仍然吃到少量牛肉味；牛肉相比平時餐廳吃到的沙爹牛肉不算太韌，有咬口；最欣賞餐廳的米通粉，浸在湯內一段時間仍非常彈牙，不錯👍

早前襯Long weekend，同朋友去了一個長洲半日遊，行山之餘再食好西。一早入到長洲，當然先食個Brunch，今次我們揀了網上有海量好評的陳通記。餐廳只係一間位置平民熟食中心內，由碼頭行過去都只是3-5分鐘。餐廳係自行揾位，大家只要揾相應店舖的枱坐，坐了隔離舖無得食㗎。餐廳主打粉麵，不過我見在場8成人都係食沙嗲牛。雖然餐廳無套餐，不過價錢仍然相宜，一碗麵加杯熱奶茶都係$50。最快到了的係飲品，熱奶茶茶味香濃，整體不錯。我們後加的咖央多士亦即叫即製，咖央有別一般的咖央醬，佢有陣淡淡的奶黃味，而且份量不會孤寒，咖央醬厚厚的搽上暖暖香脆的多士上。沙嗲牛米通是網上最享負盛名之作，除了沙嗲牛的汁香濃，而且好香花生味，此外米通亦係少有。米通其實係直的通粉，由於中間通洞，所以可以滿載沙嗲汁的精華。此外，牛肉係新鮮的牛肉，咬落爽口，加埋充滿花生香氣的湯底，難怪咁多人會大愛呢碗粉。沙嗲濃湯比一般市面見到的更濃郁，而且非常掛麵。沙嗲湯配合充滿麻油香氣的彈牙爽麵，榮升了我心目中全港沙嗲牛麵No.2的王位。如果大家都來試的話，不仿早少少入長洲。我去餐廳的當日為假日，而且所有食物都是即叫既即煮，我們3碗麵都

兵仔一早聽過呢間陳通記！超級想食佢嘅米通😍假期入到去，下就三點就賣曬🥲如果想帶娘娘食又要早起身喇～💂🏻‍♀️《沙嗲牛肉麵加紫菜》$34+6兵仔超推薦嘅食法！大家一定要試下～叫左兩碗，加紫菜係濃郁好好好多😍牛肉份量又好多，係花生味重嘅沙嗲。紫菜索曬汁，成碗變稠咗，半湯撈一流😆😆評分: 90/100💂🏻‍♀️《沙嗲牛肉麵》$34佢個份量一樣唔少，但個湯就清啲稀少少，不過一樣食到好重嘅花生味，牛肉份量都係好多唔係Hea你👀評分: 85/100💂🏻‍♀️《鹹牛肉蛋治》$18第一啖咬落去個感覺好飽滿，牛肉有鹹香又唔會太死鹹，呢個價錢幾抵食，不過啲料側埋一邊，到邊位就白包居多😮評分: 75/100總結：沙嗲牛真係值得一試！希望下次可以試佢個米通🥲食麵嘅再加三文治話一人一碗真係食唔晒。呢度搵位係要自己企喺隔離等人走再攝入去，如果高峰時期嘅話，係會比壓力人再受番下一位嘅壓力😂😂😂頒發軍階：上將🎖🎖🎖🎖