陳漢記 (已結業)

原本想吃齋飯，但如吃飯的話又飽得吃不下甜品，最終還是去吃一碗粥算了。此裡的粥品比起同街次苑記稍勝，但絕不能說出色，可說粥底幾有點鮮的味道，但不要爭論是否用了味精打底，吃後不口乾已當作沒有用加工材料的了。聽說此裡腸粉不錯，見同檯的蝦腸油光滿面，下次來再試時，記著提醒要走油。上次來時，店內牆邊檯腳遺有有煙蒂、廢紙，今次來似乎沒有改善過。

我以為大埔墟d食肆好平但差唔多全部都尖咀/銅鑼灣價咁果度d粥廿幾三十蚊碗,d煲仔飯最平三十,最貴五十蚊都有(田雞腊鴨比飯)三個人試左水蟹粥(22蚊,比起其他算抵),有隻幾兩隻蟹,粥底真係一流,綿,鮮甜,但就未煲出d蟹味囉不過好食過澳門乙水仔誠昌多多聲(未去過千祈唔好去,又貴又唔好味又激多味精隻蟹都\"梅\"過人)隻蟹係新鮮既,好甜,肉仲係滑既建議含住一啖蟹肉再食啖粥,咁就perfect另外叫左豬潤腸同牛腸真係薄同滑,但缺點係食唔出腸粉味但豬潤多過腸粉,足粉啦,d豬潤都好食牛腸一般算係無白行一趟諗住留肚過轉角去群記食爽腩點知八點就乜都賣晒收鋪!搞到我唔拖唔水,激死p>s.聞到隔離枱d咸魚好香,下次要試下

心情苦悶琴晚同朋友仔專登入大埔食飯順便呼吸下清新d既空氣叫左花蟹粥($22),蝦腸($13),爽滑魚皮($26)同田雞豬腰粥($28)花蟹粥足足有一隻半蟹肉雖然唔多但味道真係好鮮呢個價錢自己煲都未必得啦朋友仔既田雞豬腰粥試左一啖都鮮味但o個種鮮又唔同我個花蟹粥田雞唔韌豬腰爽口但就仲有少少"壓"味兩個粥都加左薑一齊煮唔會腥蝦腸明明係新鮮整但都只係暖暖地無錯係晶瑩通透但唔算真係好正第一次食灼魚皮大大件好爽口又唔腥豉油另上可以自己選擇加唔加茶餐廳地方唔可以expect有咩services可言只可以話反應快

若翻看筆者的食評，好幾篇都談到粥粉篇，當然首推是在國內海鮮沙窩粥，但能與其能相提並論的香港食肆的話，暫未能找出。去開大埔工業村後到大埔墟走一趟順道拜訪張漢記，未來幫襯前已得悉此食肆的知名度，今趟到來都希望能一嚐她們的蟹粥及腸粉。在落單前問清店員時說鮮蝦腸粉是即時鮮拉的，當然絕對相信，就點了蠔豉花蟹粥及鮮蝦腸粉；鮮蝦腸粉上臺時看見深黑色及滿滿的醬油時心往下一沉，想唔死咸就係那些醬油好極有限，但一試，腸粉滑漏，醬油原來得個樣，有甜味，但豉味較為薄弱，鮮蝦需不夠新鮮但有蝦味，頗大隻，以每碟十三紋錢的價錢絕對超值。花蟹粥要等陣才上臺，花蟹及蠔豉的分量真係好足，組合起來看到的是足一隻半花蟹來泡制因，粥底是預制品故是綿底，再加上花蟹及蠔豉滾制的，兩者味道需沒法完全熔入到，但因材料夠多而補夠，粥內鮮味可以，而粥內的花蟹仍有鮮味，淨食隻半花蟹已經好滿足。雖然食味不是嚐過最好的，但算是不俗；分量足夠；環境干干淨淨，招呼不錯，起碼麻煩這樣那樣都沒有不滿，明白為什麼這食肆在大埔站得這樣多年的原因。

星期4晚, 與家人外出食飯。去了陳漢記, 早前跟同事去陳漢記食飯, 冇以前咁好食, d炸云吞又細隻左, d腸粉係凍既, 煲仔飯又冇以前咁好食。諗住係上次黑仔, 今次應該會ok啦。今次叫了一碗肉丸粥, 一碗牛肉粥, 一碗炸醬面, 一碟粽, 一煲窩蛋牛肉煲。牛肉粥和肉丸粥跟之前一樣好味, 肉丸好食呀。之後黎左碟粽, 哇!真係唔掂當呀, 好難食。之後食窩蛋牛肉煲, d飯好似好\"行\"咁, 唔識形容, 冇以前咁好食。唔知係唔係冬天食, 會感覺唔同d呢?但屋企人話退步左囉。

嘆完群記後，就順步轉個街口嚟呢度。睇見門口貼咗好多有關煲仔飯嘅食評，諗住叫個食吓，點知原來要過咗六點先叫得，於是就叫碗蠔豉花蟹粥，另加一碟豬潤牛肉腸。粥底係我近來食過水準最高嘅 --- 夠綿夠滑，啖落有陣陣米香，食到落碗底D粥都仲幾綿；花蟹比平時食開嘅較大隻，相當好肉地，有D仲食到有糕添，一碗粥入面有三隻大爪加一隻蟹蓋，份量十足；蠔豉切成粒粒，好香好惹味，為個粥底生色不少。總體嚟講係冇得頂嘅，自己覺得呢度水準比上環生記、灣仔李景及靠得住靚粥更出色...腸粉亦係超水準之作--- 皮薄，薄到連入面D餡都睇得清清楚楚，簡直可以用"晶瑩通透"去形容，係明符其實嘅布拉腸粉；豉油調得微甜，不太鹹，味道啱啱好；豬潤好新鮮爽口；更令人讚嘆係D牛肉望落去紅噹噹，以為未熟，實情食落去係啱啱好，鮮甜得有D過份....完美嘅一餐，好感動...好"滿粥"..^_^..向各位誠意推介(絕對唔係賣緊廣告)..

7.6(四)同屋企黎食dinner叫左花蟹粥,白鱔排骨煲仔飯,魚片腸粉,炸鯪魚球同蝦醬通菜煲仔飯同腸粉依然keep到水準~花蟹粥有成隻蟹,粥底鮮甜,但煲得唔夠綿,不過$22實在好抵食不過有個新黎既waiter好冇禮貌~好似唔願落單咁~

22蚊..都幾平...平時一碗碎牛粥都要24,5 la...呢到成隻花蟹俾你...出面食起碼4,50大元...講番d粥,個texture 麻麻..落多左粉...but非常有蟹味...我食蟹粉小籠包都冇咁鮮...good

已過了中午吃飯時間...無咩胃口...只要了白粥和豬潤腸....白粥大大碗都幾綿...不過...都有啲鹹...如果唔加會好清啲! 腸粉即做既...好多豬潤...皮簿....不過...無想像中咁好食...!P.S. 間鋪頭都幾多五湖四海既人幫襯!

最鍾意食佢既叉燒腸, d 皮夠薄, 又多叉燒, 仲係半肥瘦既, 真係超正, 另外牛腩米, d 牛腩好滑又夠味道, 總之次次去親我都必食呢兩樣啦! 另外有一之點左水餃同雲吞米, 原來都係正爆, 大大粒, 又爽又有口感又夠味道, 一個字正~~ 不過地方環境就麻麻, 有少少污漕, 不過咁好味又唔理得咁多啦! 侍應都好好, 雖然唔係話好有禮貌, 但係叫親都必應, 而且行動又快, 又好努力幫你搵位, 都算係咁啦

我經常幫襯陳漢記,啲 腸粉好滑,好多料.<br />什麵亦都好好食<br />但如果要食粥,唔好朝早啱 啱 開鋪果陣食,因為比較稀同無味.

7/5(日) 2pm去完東江雞食雞飯,味雷尚未滿足,於是行過黎此店再接再厲,同男友點左花蟹粥$22碗,鮮蝦腸$13.花蟹粥---用中型湯碗盛上,份量不少,粥底極之鮮甜,粥入口又綿又滑,米已煲到開花,花蟹相當新鮮富鮮味,讚!鮮蝦腸---腸粉雖說即拉,但今次顯然無之前所食到既咁滑!而且蝦隻吾爽兼霉,要扣分!服務及環境都系一般粥麵舖大相逕庭,好極有限,$35埋單,抵!

講左好耐話要去陳漢記, 因為見到食評講到d腸粉ok好味,仲要有相睇!!大胃王同事話好似好正但係唔識去,於是琴日夜晚我同大胃王同事收工就去e度食!!我地都幾麻煩,一入到去唔想同一對情侶坐,於是去左第2邊!點知個邊好多人吸煙!但係我地已經坐左個死角位!!個亞叔仲要比左2杯水我地!!由於真係有d咩呼吸困難!所以我地好樣衰咁拎住2杯水去番對住情侶個張台度!但係個d亞哥亞叔都好好人話"你鍾意坐e度就坐啦!"我地叫左魚片腸粉,窩蛋牛肉煲仔飯,大胃王同事洗筷子點知倒潟水!!笑死我!但係有個亞叔拎左塊布同廁紙比我地!我覺得d服務幾好!有個亞叔拎飯比對面情侶,開住好熱0既蓋:落豉油啦~好搞笑!之後我地個d0黎喇~魚片腸粉!!d腸粉真好滑好味!!不過入面因為係新鮮鯇魚肉(應該)所以有d骨!!如果無左d骨會好d!!大胃王同事話份量好少,我就覺得ok!個窩蛋牛肉煲仔飯!個蛋好正!!牛肉超滑!!好好味!!大胃王連飯焦都唔放過!!問亞哥:有冇野比我整d飯焦?亞哥一手拎左個煲用匙跟刮2野搞掂!好神奇!!都唔錯d飯焦!!食到差不多,我地覺得唔係好飽所以叫左個艇仔粥,無想像中咁好食!!17蚊~相比其他野食都幾貴!!總括

絕對同意對腸粉的評價! 差左!粥都唔多唔少有d msg架喇。論好的生滾粥(大埔區), 八號花園果頭廣記係至好, 但如果夜食, 大埔中心苑記比呢度好, 而呢度又比大埔壚苑記好。之但係喎, 佢魚旦同牛丸都唔差架喎! especially魚旦, 平時我都麻麻地食魚旦的, 不過去到呢度一定叫淨魚旦share! 仲有辣椒油都係香口選擇, d渣較乾身果隻, 好香。不過記住量力而為, 我好多朋友賴過野。呢度選擇又少, 地方又dirty, 收得又貴(一個油菜成15蚊!), 侍應生又真係好串! 唔係食佢d魚旦真係啋你都傻!

睇番之前位食評小姐所講腸粉皇不再,的確如此,我真係可以話畀你地聽之前既"陳漢記"既腸粉真係我食過咁多間最好味既...皮薄靚..入口即溶...wow...真係好正嫁!佢地係有一位專人整腸粉嫁...個師傅留住鬍鬚,做係腸粉果時手勢佳...真係難得一見嫁~但你地又知唔知道個腸粉師傅已經冇做..我有好幾次去都唔見左佢lu..之後我試左2 次都冇好味過..我就冇再去..以前"陳漢記"晚晚都開到出街..而家...你地得閒去睇下啦!~*ps..竹野內豐係整面果個,定係侍應呀?