陳漢記 (已結業)

20051203 7pm男友有事要到大埔, 乘機入埋去食陳漢記, 因為我好掛住佢o的腸粉, 我曾經覺得佢係全港最好食o既腸粉o黎o架! 都有幾年無食過啦我諗.咁耐無o黎, 當然盡量試得幾多得幾多, 2人order-* 豬潤腸粉- 係即叫即蒸, 但係豬潤太熟, 豉油又好似唔同o左味無咁好食, 同埋好濕, 唔夠滑, lor.* 粉腸滑牛粥- 唔錯, 牛肉都幾好食, 剛灼熟, 夠滑! 粥都幾夠味.* 滑魚皮- 全晚最讚竟然係滑魚皮! 份量極大! 魚皮配合生菜絲薑絲荵絲得製豉油! 真係無得頂! 同男友合力清佢碟!* 臘味雞煲仔飯- 好食, 有飯焦但唔會過份, 証明火喉剛好, 不過臘味唔夠靚, 煲仔飯這回事始終都係西環坤記正.* 忌廉x 1(支裝)* 凍檸茶x 17pm 咁早o黎到都8 成爆~ 環境比早年好o左, 乾淨o左又光猛o左, 好事.total $122, 我諗我兩個都真係好誇張.另一問題, 食完全晚勁口渴狂飲o野, 味精頗勁, 應該關個粥事.overall comment, 已經覺得唔值得特登入o黎食了.

第2站:我地叫左下午茶粥餐--艇仔粥+魚片腸$22,另外再叫左油條$5,齋腸$8及熱奶茶$8.艇仔粥---粥底夠綿,稀杰度適中,亦很足料!魚片腸,齋腸---腸粉薄到見到裏面d薑絲同魚片,真系令人髮指大開眼界!口感亦一流!腸粉相當滑!魚片新鮮!系我食過既3大正腸粉之一!油條---吾脆,吾新鮮!熱奶茶---茶味香濃!茶與奶取得平衡點,但滑d會更好!埋單$43,咁既水準,吾止值咁既價!環境同服務跟一般粥麵店差不多啦!

個日同男朋友去左食..我叫左一個花蟹粥..幾好味...真係好大隻蟹.-3-都幾甜架..呢度食消夜係最好既!

大埔區無邊幾間食野的店開到半夜、仲要有水準的、就得陳漢記一間、就算唔係宵夜都時時去食、Ｄ煲仔飯一流、腸粉就仲正、好滑、因即叫即蒸、好新鮮、炸魚旦都好好味、様様野都好好、蟹粥好鮮、但都幾貴、不会比出面市区平、,服務都好好、Ｄ伙記好快手、不得不提的是、煮麺的那位亜哥、個様勁似竹野内豐、個個ＦＲＩＥＮＤ都話好似。

呢間野我去個陣仲係好殘,好dirty,擺到出路邊,不過野好食,最好就係煲仔飯,不過價錢唔平,好似最貴成50蚊,但好好食,腸粉就推介豬粉腸同蝦米腸,一絕.而家可能有錢搵到食裝修好左,其餘普通,服務見仁見智,地粗鄙睇你咩心態啦

19號夜晚打完波同d fd 去食煲仔飯！可能係佢唔夠爐，我地七個人叫七煲飯都等左成半個鐘…好彩可以吹水打發時間遮…d 煲仔飯的價格都唔算平，普通的窩蛋牛煲仔飯都要成三十蚊！我要左個臘味滑雞煲仔飯(四十大元)，佢收咁貴結果都冇令我失望，的確係好正！尤其係d 飯煲既時間掌握得幾好，煲底有厚薄適中既一層飯焦，唔似廟街果d成半煲飯焦，食完都唔記得有冇食過飯咁！有兩個fd 叫左窩蛋牛，佢地都冇約而同話d 牛肉好正，拎黎整牛粥一流咁話喎！

返回大埔, 第一件事當然又係要補給, 此店強項是煲仔飯, 但以我功力, 似乎仍未去到此級數, 此店又沒有強調有自家製魚蛋之類的作品, 所以只點了基本炸雞翼公仔麵餐配奶茶餐, 奶茶有茶味但入口頗鞋, 雞翼是剛炸起的, 炸得不差, 外表夠脆而肉質又不會過火, 可惜味道略鹹, 麵入口幾爽口又不會過林, 可惜配有多油湯底, 要有點技巧才不會把麵條"high油"。

呢度ｄ腸粉．．無論有餡冇餡都咁好味腸粉既薄且滑．．我真係冇食過比呢度滑既腸粉！除左腸粉外．．呢度既粥同煲仔飯絕對可以一試還有黑牛柏葉．．味道比普通牛柏葉濃．．好味不過呢度既價錢．．比起大埔區其他的食店貴少少但係比其他地方既食店．．．呢度好大眾化～可能大埔既食店大多都好平．．所以覺得呢度貴少少不過咁好食既腸粉同煲仔飯．．貴少少無所謂的。

同個friend 去食，叫左免牛粥同咸肉糉。一黎既咸肉糉幾夠熱，d 糯米飯軟熟。friend 碟炸兩都唔錯，腸粉好滑。免牛粥好大碗又綿，不過免牛比較少... 還是以前大元大排檔好d, 肉味重好多。

大埔區，真係冇乜邊個唔識陳漢記，就算我呢區外人，入親佢總要幫襯，就知點解佢越做越旺。食物雖然都係大路，勝在樣樣都幾有水準。腸粉皮薄又夠滑，粥底就夠晒錦，煲仔飯就大大煲，熱辣辣兼料又正。加上價錢又唔算貴，食物又有番咁上下，正係佢屹立大埔多年原因。

即叫即蒸, 就算係蝦米腸都咁滑! 好正.d粥底都好綿. 見到枱枱都食煲仔飯,下次都要試o下先!

蝦腸wonderful蟹粥very good白蟮 煲仔飯just OK(編按：Foodpicker 您好，請注意，由於你其他的食評沒有要點，都已被刪除，不便之處，敬請原諒。)

水餃味道非常好....粥底夠綿.....但腸粉做得最出色... 好滑...即叫即蒸...係我宵夜首選....

煲仔飯~~正呀！！我呢個星期試個兩次，一次堂食一次外賣。煲仔飯佢呢到好出名架，又多款揀。貴就貴的，好足料，加辣仲正。佢呢度既腩河都唔講得少，唔肚餓都一定要食碗。包話掂！的伙記幾好，好nice 好爽手。