陳漢記 (已結業)

大埔煲仔飯嘩~~~~咁多人俾笑ge~,入去睇睇先.我未去過陳漢記食0野.原來佢仲有好多出名0野係咁好.不過今次我ge 目的唔係食粥食腸粉,而係煲仔飯.早前睇過雜誌,介紹過大埔陳漢記煲仔飯.le 輪天氣涼涼地,就去試下先.7:30 去到,已經見到門口有人等緊位.咁我地又等啦. 等等下,又4位又3位,企門口個伙計又唔俾飛仔.我就諗緊會唔會俾人打尖.好彩佢仲有d 記性. 見佢地咁忙,入去前已經諗定食乜.坐低0左,舉手又叫都無人應,四四方方一間舖,伙計望ge 方向一係門口,一係樓面,我覺得佢地雙眼都係有問題.舉0左叫0左好多次,終於有人行過0黎.睇住佢晌袋拎單簿出0黎,行到0黎夠膽死放返落袋,行去後面清table,另一個伙計拎住個桶兩個人清半張table.佢地都係背住我,已經火都0黎再叫佢落單,我再發覺原來聽覺都有問題,完全唔埋我.清table,轉table,迎接下一班客.咁我再度舉手搵人落單,企門口0個兩個又係向住我地方向,但隻眼好似發青光,定係我地隱0左形,係完全無反應.(當時我後面兩個伙計仲未行開).又叫又舉手終於有個行過0黎落單.我地都有個決定,同時起身走人.:smile_22: 之後

間舖都好旺第一次黎我只係叫咗一碟叉燒腸諗住好食o既就外賣多兩碟啲拉皮真係好薄可能要健康啲冇咁肥膩所以唔係好滑豉油爭啲唔夠味我覺得豉油係腸粉既靈魂所以都冇叫到外賣啲粥都幾貴所以冇叫到(大埔黎講)腸粉一碟又唔夠喉

腸粉質素取決於粉漿開得好唔好呢度d粉漿好薄所以食落去夠哂滑推介蝦腸!!

碎牛粥好足料，夠綿，亦好夠味，都幾大碗，最好係食完唔覺口渴。另，腸粉皮好薄好靚，但叉燒太瘦太大粒。

見到咁多笑樣,當然要行過黎試試啦!!!今次同屋企人終於黎左試,老豆都話成日見到好多人食呢間野,應該係正野!去到7:00唔係太多人,有8成full!叫左1.义燒腸<$13>腸粉好滑,係即叫即做,义燒好多~好食2.花蟹粥<$22>:老豆話好食過水蟹粥!有肉wor!3.虾米腸<$11>:好食,好多虾米!4.排骨牛肉煲仔飯<$35>排骨好食!不過牛肉"那"得過左...冇牛肉味....同埋唔多油,好食呀!!!5.牛腩麵<$17>:屋企人話好正,今晚仲encore!overall,好好食呀真係,同埋佢地好新鮮d野,要等陣但係真係即叫即做,佢地都好乾淨,真係值得一試!!!!!!!!會再去!

今次叫左魚片牛肉粥+蝦米腸+菜因為食左野,所以只係癡左小小泥食魚片牛肉粥:清清地幾好.吃後不口乾,唔多覺有味精,不過冇食牛,但好似都幾滑蝦米腸:好多蝦米,正!菜:合格

當然係生滾牛肉河，食既時候另加少少豉油同辣油，碗粉拎到過黎用筷子翻起d河粉焗一焗d 半生牛肉片，就即刻可以食。碗粉曉發光架。

第一次黎陳漢記, 梗係想一次過試晒店內所有最出名既煲仔飯+ 腸粉+ 粥啦! 但係原來煲仔飯係下午六點後先有... 有好有唔好啦~ 缺點係無得試, 優點係可以留Quota... 哈哈~ (今次一共有四個站啊!)一行二人叫了叉燒腸+ 蝦腸+ 雞粥, 評價如下:腸粉- 味道屬中上級, 但略嫌粉左少少, 較易碎叉燒- 腸粉用既叉燒黎講, 算係好果隻, 仲要成條腸粉都包住好多叉燒, 絕無欺場蝦- 酒樓級水準, 和其他版友既comment 一樣, 每條腸粉得兩隻蝦, 真係少左D... 最大問題係, 我地果碟有其中一條腸粉得一隻蝦咋!!!!!!!!!!!!!雞粥- 本身已經好夠鹹味, 完全唔駛落調味料, 幾好味, 不過成碗粥只搵到雞頸同雞翼部份...總結: 有下次

6/4, 再戰「陳漢記」。上次去幾好味~今次再黎!7點多0的去到~都係8成滿叫左蝦腸、蝦米腸、窩蛋牛肉煲仔飯、雞粥。蝦腸0的蝦真係好大隻! 出面真係好難食到~不過滑~..我就唔覺得好滑~ 好似「發記」仲滑0的!蝦米腸係勁多蝦米~多到有0的離譜!不過佢\0的蝦米都算香~窩蛋牛肉煲仔飯原來唔係碎牛~有0的失望~因為上次已經試0左佢\個牛肉~今次想食碎牛既~~...雞粥0的粥好入味~ 我覺得佢\0的雞粥係好過「好好」0個0的~至少佢\唔會用雞翼呀!~...最慘係食完先知原來有「窩蛋碎牛煲仔飯」~~....頂!叫錯0左!!~~ 唯有下次再試啦!

久違左既搵野食感覺曾經有一段時間會專登走去搵野食~...呢晚我地再次出動!目的地係大埔~ 一間外表一0的都唔出眾既茶餐廳..陳漢記~搵左一段時間先搵到~ 呢度出名既係花蟹粥自己都未食過花蟹粥~ 所以一定要試!仲有就係蝦腸同埋bo仔飯!先講花蟹粥: 花蟹粥足有一隻蟹，蟹肉雖然唔多，不過味道都OK!我又唔覺得好鮮，叫做試過下啦!再黎蝦+叉腸: 蝦夠大隻，唔係死蝦,不過每條係得兩隻，太少~叉燒腸都OK~ 叉燒唔太瘦~幾好!BO仔飯: 我地叫左滑雞牛肉BO仔飯~ 滑雞都算滑，最好既都係牛肉! 牛肉完全唔「鞋」同埋真係好入味~

食左個窩蛋牛肉BO 仔飯，香噴噴，牛肉唔老好新鮮，加埋蛋汁好正！冬天黎食真係一流呀！仲叫左個叉燒腸粉，皮薄餡靚！炸兩就一般，可能Ｄ油炸鬼一早炸好左，所以硬硬地唔太新鮮。環境就差Ｄ，張檯好細都要搭檯～但整體黎講真係好抵食！

陳漢記o既腸粉真係夠薄夠滑﹐食過齋腸﹑蝦腸同叉腸($13)﹐蝦夠大粒﹐不過每條係得兩粒﹐個人口味最鍾意係食叉燒腸粉。食過裹蒸糉($16)﹐就好似之前有食評講﹐只係一隻大o既鹹肉糉﹐但都好味o既。反而煲仔飯就覺得麻麻地﹐好似白飯還白飯﹐料還料﹐而且料少飯好多﹐頂多覺得食緊醬油撈飯﹐自己鍾意食飯焦﹐但又刮唔到幾多。水蟹粥都試過﹐粥ok﹐蟹唔係好多肉不過算新鮮﹐只係粥冇蟹味......夜晚肚餓o黎食番餐暖肚都幾正﹐但就要帶定多包紙巾﹐桌面夥計抹完都有時油油地﹐地下就當然會出現o的被遺棄小雜物啦﹐如果可以改善就好喇﹗另外就係﹐冷氣好....凍....或者食粥熱辣辣就可以抵禦。

1/10(日) 12:30nn趁著假期,與男友一家到大埔吸吸清新空氣順道睇睇樓兼搵食.本想去東江雞,但男友極厭惡那惡劣環境,最後打包東江雞到此店送粥.一行5人像吃九大簋的餓鬼,點了油條,炸兩,叉燒腸,豬膶腸,碎牛魚片粥$22,蠔豉魚雲粥$28,艇仔粥$22,炸魚皮$16,爽腩雲吞墨丸麵$22,灼芥蘭,凍檸茶,茶走2杯,鴦走,凍鴦2杯.油條,炸兩--相同弊端,若不夠新鮮熱辣,根本沒甚可能會好食.叉燒腸,豬膶腸--腸粉依舊夠薄得透光,口感卻沒以往般滑溜,而餡料尚算新鮮.碎牛魚片粥,蠔豉魚雲粥,艇仔粥--粥底保持一貫高水準的綿,滑,鮮;魚片及魚雲沒半點魚腥.爽腩雲吞墨丸麵--爽腩似乎炆至過腍,口感全失!雲吞味道亦過濃,古月粉下得太多,徹底掩蓋蝦鮮,蝦隻略嫌太亁身.墨丸,麵底皆沒驚喜,食味不甚了了.灼芥蘭--份量談不上多,但最少爽脆鮮甜.凍檸茶,茶走,鴦走--味道對辦,若茶味濃些會更好.炸魚皮--魚皮偏硬,色澤帶黃,香脆欠奉;不值一試!此頓平民九大簋盛惠$193

自從上次食過之後，念念不忘，趁入開嚟大埔，帶女友嚟試試...粥底依然夠綿，蠔豉仍然夠香，新發現係魚腩好新鮮，比起巿區嗰D所謂嘅名店出色不知凡幾...炸両就比較普通，可能同D油炸鬼唔係現炸有關la..潤牛腸仍然出色，料夠新鮮，蒸嘅火喉亦剛好..依然冇得頂...

每次打完牌, 或者間場, 半夜三更搵食, 一定係陳漢記。今次打完牌, 由上水出返大埔, 3個人, 本來2位男士想吃煲仔飯, 點知2點收爐, 唯有選牛丸河同皮蛋瘦肉粥; 我出去見牛什檔有2舊爽腩幾靚, 叫左碗爽腩河扣底多青走腩汁; 另外一大隻裹蒸糉同豬膶腸粉。牛丸唔駛介紹, 不嬲都係陳漢記其中一樣得手之作; 皮蛋粥夠香綿, 皮蛋都幾靚。而我的爽腩爽唔曬, 不過切腩都幾夠肥, 唔錯, 唯一一舊瘦的部分, 我trade左粒牛丸, 令到成碗都咁好食! 值得一提, 扣底分量都仲係好多, 多青就真係好多青, 河粉好易出現斷層, 都係叫返米粉穩陣。據現場一位自稱鄉下裹蒸糉好出名的雀友稱, 這裡的裹蒸糉只不過係一隻大size的咸肉糉; 豬膶腸粉一向都好味, 稍嫌醬油味精多, 要成日飲水。係架, 陳漢記係幾貴架, 不過夜媽媽仲有咁似樣的宵夜食, 算係咁。