陳漢記 (已結業)

二月十六日(星期六)聽日就係渣打馬拉松既大日子!今年我第一次跑...老公今日特登黎搵我跑下步!跑左陣海濱之後,就去左呢度食early dinna 喇!都係要早d食,食完早d訓,聽日要最佳狀態出戰!陳漢記既煲仔飯真係好出名,連u magazine同埋新假期都有講過,而我之前都同屋企人黎試過,真係唔錯,佢其他野都好食架!咁當然要帶老公黎試下啦!講左咁耐,終於有機會喇!唔單止要凍凍地,而且仲要我地"有空檔"黎食!今日咁好機會就黎啦!!反正老公又好耐冇食煲仔飯!去到都唔算多人!我地好快就叫左野食,因為老公仔好想試呢度既黃鱔白鱔煲仔飯!我就食窩蛋免牛煲仔飯!黃鱔白鱔煲仔飯:老公話好食,不過黃鱔都係炒好食d!呢度算整得唔錯!同埋armarm好!窩蛋免牛煲仔飯,好食呀!!!!d雞蛋+免牛正!蝦米腸,老公話ok,不過我覺得好食,佢係即叫即整!同埋好多料!生菜,都焯得唔錯!而佢既炸魚皮真係好正,又薄又脆!!!!!老公加埋佢比既湯一齊食,佢話辣辣地!好食!呢度真係唔錯架!唔怪得知咁多人食,開到成4點!yeah!我地終於食左煲仔飯喇今個冬天!....

中午同大頭特登出去大埔食野因為之前同學仔係咁推介大埔的美食可能因為中午所以冇咩人我地叫左一個艇仔,一個蝦腸粉,一個炸雞脾+薯條個粥好綿,正常偏高水準蝦腸粉好味,我覺得叫叉燒腸可能仲好食炸雞脾+薯條即場整...好難唔好食值得再來多次....因為好想食下佢d煲仔飯

小弟第一次寫,多多指教.見這麼多食家推介,今日就趁行完山試下,叫蟹粥,伙記話冇蟹(下午三時左右),唯有叫及第粥和蝦米腸,粥就普通,有三塊豬潤,兩條豬腸,蝦米腸好多蝦米,幾有蝦味,吾錯

去完山頂繼續下半場車行大運...今次去大埔遠足, 來回烏蛟騰至三椏村, 2 個鐘! 於是我提議落大埔陳漢記, 自己之前已試過, 將車泊在附近, 叫了白粥, $9, 魚腩粥, $27, 叉燒腸, $15, 魚肉腸, $15, 白粥太鹹, 唔夠綿, 魚腩好滑, 腸粉做得好滑, 料亦好多, 屋企附近有間就好啦!

今天去了陳漢記，個煲仔飯真的很滋味。可能係天氣凍凍地。北菇滑雞煲仔飯，d飯一粒粒，d雞好香有陣酒味。牛肉蒸腸粉，就好差，好"粉"個咸肉粽，好夠味，大小啱啱好。不過d位，就太迫了，而且桌面仲有d食物汁未抹掉。扣少少分。下次想試，牛肚河及其他煲仔飯

今個月食左兩次，第一次吃了公司煲仔飯、叉燒腸和雲吞X丸麵。第二次食左滑雞排骨煲仔飯$30、炸兩、蝦米腸，仲有一樣唔記得。腸粉好滑好薄好好味！蝦米腸勁足料。煲仔飯既飯煲得勁靚！剛剛熟好幼嫩，滑雞&排骨雖細細粒但好滑。怪不得十點幾都咁多人。來這裡一定要吃煲仔飯！好味又唔貴。侍應做野好快手。

粥,腸粉,牛肉河都是我的喜好,以前在大埔居住時,它是我的飯堂,搬走了之後,也不時回大埔回味一下,我在此向大家推介

兩個人食左蝦米腸x 1 , 牛肉腸x 3 , 蟹粥x 1, 煲仔飯x 1腸粉好滑煲仔飯好香蟹粥好味好好味~~ 正!

叫左蝦腸粉!好滑啊想起又想食..........仲有一個雞腊味煲仔飯。真係好味道。下次要食蟹粥...個日真係好凍.又多人等位~~~真係好得哎呢間野~~點解我住大埔咁耐都無食過架~~~??仲有:老闆計平左我。多謝哂~~~~~~~~~~~~~~

五點幾鐘踩完單車就黎左呢度食飯...因為未有煲仔飯住, 所以就叫左牛筋,蟹粥同X燒腸先~唔知係咪太餓的關係, 覺得D野真係好好食呀~~~牛筋好夠味~~~蟹粥勁甜~~~X燒腸好滑好足料呀~~~一夠6點即叫煲仔飯, 1.白鱔煲, 2. 公司煲連D飯焦都特別好味....!雖然好飽...但臨走都仲要食多個炸兩....傻左呀我地~~食咁多野~~~~~一次半次好啦...如果唔係踩幾耐單車都冇用呀...XD

我和男友叫了蟹粥,牛肉煲仔飯同蝦米腸,好好味,我最愛個煲仔飯,好有味好香架,不過要等,可能係即叫即做啦,個蝦米腸好多蝦米架好滑如果大碟d就好了!!個粥都好味,不過我覺得應該有味精因為食完好口渴架!

搬左黎大埔半年..幾次都想食陳漢記,但係次次一去到就見到門口大堆人等位而被迫放棄有一日我同我隻佬早左食飯,終於有得食喇!!!野食方面:1.黃鱔立鴨飯 其實我唔識分黃鱔同白鱔..先叫左黃鱔 鱔好爽口彈牙,立鴨亦好香口,好有鹹香味,好送到飯而唔會鹹死實。飯方面,由於有立鴨既關係,令到d飯都香d(證明佢唔係飯有飯整,餸有餸整而係一齊煲既)|,d飯偏軟,唔似煲仔飯果種乾身;不過岩哂,我鍾意食軟身既飯既~~2.公司煲仔飯 朋友介紹既,所謂公司煲仔飯原黎就係將d立腸同潤腸整醉撈埋d飯黎煲。成煲飯真係好香,飯同腸好均勻,唔會得好少腸醉。但係我隻佬就話梗係差d野咁,因為煲仔飯始終有d肉做餸好食d,佢就似一個好食既炒飯囉~服務方面:無咩特別~~價錢:1.果個就$50蚊,2.果個就$35,價錢中等唔貴,而且佢真係落足料!

次次嚟都會叫蟹粥今次叫外賣水準依然超高一打開直情見到有黃油浮面粥又鮮甜蟹又好味仲有蟹膏!一碗蟹粥都只係賣廿零蚊真係無得彈!

我住大埔嘅,所以常常到大埔墟,我最欣賞這舗嘅食物係"豬潤腸" 我覺得佢無"壓味"又好滑. .....Good !!

病倒在家睡得不知天地萬物的日子肚餓亦沒有氣力到街上去買食物一開眼但見老公千里迢迢買來的粥肚子立刻得到安慰粥底是稀薄的是水多於米的狀態肉是普通的肉絲味精也下得太多出品不算很好吧..但吃那份心意已覺心甜..