陳儀興玫瑰餐廳

營業中

休息中

在香港無出其右，晚晚爆場的火鍋，陳儀興當之無愧，今晚又爆場了，因為真心抵吃最新推出了羊腩煲，馬上來試試，果真不錯！🐑枝竹羊腩煲$398.0唐生菜🥬羊腩煲一上桌就已經超稔，入口即化有夠滋味，濃郁的南乳味完全蓋過了羊羶味裏面還有冬菇，竹筍，腐竹，有夠入味！魚雲$108.0色澤鮮明，一看就知新鮮！放到濃郁的南乳湯中，又是入味之選芥末西芹餃-菠菜餃 $58.0$58雙拼餃子🥟，大大顆馬上手包，用料也是豐富，芥末味相當突出，菠菜有夠多，比美餃子專門店牛骨髓$78.0另一款入味之選，無味的牛骨髓當之無愧！真心抵吃，味鮮，值得一再到訪

天氣一凍點少得食羊腩煲暖身知道佢哋出咗羊腩煲即刻嚟食一煲份量好多，羊腩煲跟左一份生菜，入面配料炸枝竹，花菇，馬蹄，炸枝竹好入味好香，生菜同羊腩煲嘅湯底好夾講返主角羊腩，食落啖啖肉，味道唔羶，夠哂淋食完仲暖笠笠，我地仲加左少少火鍋配料用個湯底黎打埋邊爐必叫自家製魚皮，熱辣辣又脆口，就咁食或者一沾湯食都係勁夾佢哋火鍋料可以雙拼，叫左自家製雲吞同韭菜餃餡料爆滿，好滿足就算飽，都要叫埋個烏冬吸湯食仲有龍鳳檸樂，大大杯好解渴

天文台話下個星期冷風到温度急降❄️，凍凍哋當然去食羊腩煲啦！食羊腩煲一定去陳儀興，佢嘅羊腩煲係no.1👍🏻🥘枝竹羊腩煲$398份量都幾多，足夠2-3人份量，羊腩肉質嫩滑，肉味鮮甜。最吸引係個羊腩汁，加入了當歸（應該係🤔），有少許藥材味，令整體味道層次提升。濃稠度剛好做到掛汁，再配合羊腩和其他配料如馬蹄、冬菇、枝竹、筍，還有生菜，食過返尋味😋食完羊腩還可以加湯繼續打邊爐，火鍋配料都不少，價錢合理，品質都可以。就算平日晚上都幾乎滿座，可見受歡迎程度。大多三五成群，適合一眾朋友同事或家庭眾會。

🌹 陳儀興玫瑰餐廳 (新蒲崗) 🌹📍 地址：新蒲崗爵祿街33A-37A號百勝工廠大廈地舖天氣突然轉涼，是時候打邊爐暖暖身！我平日6:30去到都已經滿滿人潮，可見大家的熱愛！🍗 驚蔘鐵棍雞 $188/半隻雞肉嫩滑，湯底中加入海參和藥材，帶來豐富的風味和香氣，非常適合在寒冷的天氣裡暖身，絕對是打邊爐的首選！🥩 招牌手切肥牛 $208/細手工切割的肥美牛肉，肉質鮮嫩多汁，油花豐富均勻，每一口都散發著濃郁的牛肉風味。搭配打邊爐的湯底，熱騰騰的肥牛片在口中融化，給人一種無比的享受感。🐷 極品黑豚肉 $98品嚐一口極品黑豚肉，肉質鮮嫩，口感豐富，絕對會讓你愛不釋手！🍲 潮州手打牛丸 $88一咬即爆出濃郁肉汁的潮州手打牛丸，口感綿密，肉汁四溢，絕對是味蕾的享受！如果你想要一個溫暖舒適的用餐環境，我強烈推薦你來這裡品嚐一番。記得提前預訂，以免向隅！🍽️😊

黎緊星期六冷風又到除左食煲仔飯我仲有好介紹就係食羊腩煲！滾下滾下已經感覺好溫暖而且食完羊肉真係會成身暖笠笠不過我都好怕羊羶味所以我只會去陳儀興玫瑰餐廳食佢個羊腩煲好啱我口味濃而不膩羊肉唔羶份量又多件件都肉多骨少🤭配料枝竹、馬蹄、冬菇入味冬菇夠厚馬蹄又爽加埋生菜滾一滾又食得諗返起又想食😂除左羊腩煲我都鐘意食佢地嘅小菜鑊氣嘅有家常嘅有今日食完羊腩煲我地就加左個薑蔥桶蠔桶蠔外脆內嫩❤️香口鹹蛋蒸肉餅肉餅鬆軟唔死實鹹蛋味香好好送飯🍚九層塔燒汁胡椒脆雞雞球炸得香香脆脆外層蘸上燒汁入口甜甜地到中段會有胡椒香幾特別次次黎親都至少一人一碗白飯食到勁飽先肯走🤭

近幾年新蒲崗已經由一橦橦工廠大廈轉變成有食店有娛樂嘅一站式娛樂地區，而今日襯天氣急降，就即興過左來食翻個羊腩煲暖暖身。💖😋 好幸運地被安排坐卡位，兩個人舒舒服服坐，不過間鋪本身空間感都好大，所以相對舒服既。羊腩煲，398蚊，煮得骨肉分離超級入味，而且大大舊，絕對係對得住個價錢有餘，配料有冬茹枝竹加一大碗生菜，令人食唔停口。🥹餐廳既自家製涼茶都值得試，真材實料，少甜，打邊爐飲呢啲夠養生夠健康，女士和健康人士恩物。💖前往方法：鑽石山站行15分鐘左右

今天食既係一家位於新蒲崗的陳儀興玫瑰餐廳，這裡是一家以中式料理為主打的餐廳，特色菜式有番茄薯仔海鮮蟹煲和不同既火鍋配料。我這次品嚐了他們的番茄薯仔海鮮蟹煲，裡面有鮑魚、蜆、蟹，連湯都是那麼鮮甜，真是讓我驚喜不已！首先，讓我們來品嚐這道番茄薯仔海鮮蟹煲。一打開鍋蓋，迎面而來的是滿滿的鮮香味！番茄湯底紅亮誘人，搭配著薯仔的濃郁香氣，讓人垂涎欲滴。在湯裡，還有豐富的海鮮，鮑魚的鮮嫩滋味、蜆的鮮甜韌勁和蟹的鮮美肉質，每一口都帶來滿滿的驚喜和滿足感。湯的口感濃郁，卻不膩口，讓人欲罷不能。這道番茄薯仔海鮮蟹煲絕對是必吃推薦！除了番茄薯仔海鮮蟹煲，他們的火鍋配料也非常驚艷。火鍋裡的水魷鮮嫩彈牙。而安格斯肥牛則是肉質鮮嫩多汁，入口即化。這些高質素的火鍋配料絕對能夠令你的味蕾感到滿足。

一到冬天，必吃羊腩煲同雞煲！黎到陳儀興，晚市竟全場爆滿，好彩有book位。今年呀媽嫌煩唔煮羊腩煲，就食佢啦！一大煲超足料，有必食既枝竹、馬蒂、筍、冬菇。啲羊腩炆到軟淋，而份量真係唔少😂餐廳配左個腐乳汁沾醬，非常過癮。到最後兩個差唔多食唔晒，我估三個人食都夠。另外加點佢推薦既花枝丸勁彈牙。個薯粉同個汁都好夾。我諗下年係唔煮了，自己煮要整同買好多配料，黎呢到食真係快靚正呀！食到暖笠笠，滿意地離開😌

今日係新蒲崗收工見都有啲夜，返到屋企啲餐廳都收哂工，所以就叫埋同事一齊食埋晚餐先走，同事提議打邊爐，所以就行咗兩個街口嚟到，本身諗住打邊爐，但係見到枝竹羊腩煲幾吸引，而且近排天氣都幾凍，所以我哋就揀咗食羊腩煲。餐牌食物選擇都好多，而且絕大部份都可以雙拼，呢個雙拼做法非常好，適合啲咩都想食但個胃又食唔到咁多嘅朋友仔。落完單冇耐羊腩煲就好快送到，餐廳非常有誠意，枝竹同羊腩份量非常多，而且又夠入味。另外亦叫咗炸響鈴、鬼馬墨魚膠、豚片同安格斯肥牛，響鈴新鮮炸起所以非常脆口，墨魚滑配油炸鬼呢個食法自己超級鐘意。

踏入冬天，即約埋個fd去食羊腩煲暖暖身！！先叫咗個羊腩煲，成盆咁上入面好多枝竹、羊肉等，十分有誠意☺平時食羊腩好怕有騷味，但呢到好輕微，口感都相當軟稔~ 亦都有腐乳醬點羊腩，但我覺得乜都唔落好夠味！枝竹好吸味，真係好正~食完成個人都好暖~可以邊食邊打邊爐，火鍋配料好多，所以都揀咗肥牛，雪花分佈平均，牛味濃😂響鈴都係必食，吸曬啲湯汁，真係食唔停~加多個米粉，整咗個羊腩米😂真係勁飽😂飲品方面 除咗一般汽水，仲有健康飲品， 要咗羅漢果茶飲落好舒服，味道唔甜！陳儀興玫瑰餐廳⭐新蒲崗爵祿街33A-37A號百勝工廠大廈地舖

近排天氣轉涼火鍋邊爐當然就係絕佳首選，今晚同朋友就到了這裡食飯，一半想食火鍋一半想食小菜店員就推薦了食迎排推出嘅「羊腩煲」，落單後店員先準備了香濃腐乳醬料，當羊腩煲上枱後再在火爐上先滾滾，整鍋都鋪滿了不同美味配菜。羊肉經過充分燉煮，入口肉質酥軟入口即化，而且完全沒有腥味！而配菜方面，有新鮮爽甜嘅竹筍、爽口香甜嘅去皮馬蹄和大大塊嘅炸腐竹，它們都充分吸收了湯汁，口感鮮嫩多汁！整鍋的味道調和得恰到好處，不會過鹹，喜歡食羊腩煲的朋友必食推薦。小食點了避風塘粟米，以大量炸香蒜配上香甜多汁粟米🌽，又係另一種風味，朋友都十分滿意！小菜就落了玫瑰小炒皇，大大碟之餘份量十足，有大大隻蝦乾，蝦乾入口口感煙韌惹味，加埋彈牙魷魚，夾埋清新爽口嘅韮菜一齊入口，又係另一個必食之選！而個人較喜歡💕嘅鹹魚蓮藕煎肉餅，煎得十分香口，肉餅內夾住鹹魚粒，入口會感受到淡淡魚香之餘，還有爽口蓮藕混在煎肉餅，所以十分有口感。食完全身都好暖胃醒神，一個地方可以選擇到自己喜歡嘅食物，這就是人生！

陳儀興玫瑰餐廳 (新蒲崗).平日夜晚但都好爆場，我地八點食緊都幾乎全場爆滿.▪️枝竹羊腩煲▪️.今晚咁啱天氣轉涼了，羊腩煲真係一個好選擇！超香，本身煲都充滿腐乳香，入面有大量羊肉，連皮又嫩口仲有索味配料枝竹，爽口馬蹄，另外仲有一盤生菜🥬.▪️潮式墨魚餅▪️.炸到金黃色，上枱啱啱炸起好熱氣要等一陣墨魚勁彈牙！.▪️蝦乾濃湯娃娃菜▪️.蝦乾好有味，點綴娃娃菜，勁好食.▪️ 蒜茸粉絲蒸蝦▪️.時價但都係$148，價錢合理，全全部開邊巴入味另外再有大量粉絲！.📌 陳儀興玫瑰餐廳 (新蒲崗)新蒲崗爵祿街33A-37A號百勝工廠大廈地舖.環境：⭐️⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️

冬天一定要食羊腩煲，男朋友帶左我黎呢間舖頭試下，間舖頭坐滿曬人，好有大排檔風味，我諗味道都唔錯👍我地叫左1️⃣羊腩煲💰398羊腩煲份量好足夠，裡面有大量配料，包括馬蹄、腐竹、冬菇，當然唔少得羊肉，呢度嘅羊腩連皮，咬落去好軟焾，啖啖肉，點埋腐乳食，更加好食。羊腩煲會送個生菜，用黎打邊爐一流😍2️⃣手切肥牛💰208食完羊腩煲叫左個肥牛打邊爐，手切肥牛油花好均勻，食落好重牛味，肉質好柔軟，好正👍3️⃣胡麻淮山係Google 5 星好評，可以有個小食送，口感清涼，淮山凍食都幾好味😋4️⃣圓肉紅棗薏米水💰20飲落清甜，好香圓肉紅棗味，啱曬食羊腩煲飲5️⃣金銀花茶💰20飲落甘甜，下火一流🥰消費價錢：2人💰646，人均💰323結論：（10分為滿分）味道：7.5/10性價比：7.5/10回頭指數：7.5/10餐廳名稱：陳儀興玫瑰餐廳餐廳地址：新蒲崗爵祿街33A-37A號百勝工廠大廈地舖

朋友🧒喺新蒲崗返工，呢日天氣涼涼哋，朋友🧒話不如帶我食好味羊腩煲，有朋友🧒帶食好嘢，咁我梗係開心出發去新蒲崗啦🤣$398「枝竹羊腩煲」：非常大嘅一煲，裏邊有好多羊腩，羊腩有大件有細件有連骨有淨肉，全部都炆煮得好腍好軟熟，好好羊味😋；其他配料包括 馬蹄、枝竹、筍、香菇、香蔥，材料真係豐富😋；羊腩汁亦都好正，味道勁濃郁，朋友🧒同我都忍唔住飲咗幾啖🤣；羊腩汁 要嚟淥唐生菜，唐生菜吸收晒羊腩汁勁好味🤩；淨係食呢個「羊腩煲」我哋兩個人都飽咗大半👍🤩，朋友🧒同我食完都成個人感覺暖笠笠🤣$148「三蝦濃湯煮勝瓜」：「三蝦」係「蝦仁、蝦亁、蝦米」，要嚟煮勝瓜，令到勝瓜十分惹味🤩$88「椒鹽雞軟骨」：外邊嘅脆漿厚厚哋炸到脆卜卜，香口好食🤩$20「圓肉紅棗薏米水」：飲落感覺好滋潤，仲真係有 圓肉、紅棗、薏米 可以食🤩

羊腩煲，今次都係食陳儀興，即係上次食潮州菜果一間🔥質素依然有料到枝竹羊腩煲份量超多🐑🐑🐑嫩羊腩和滋補的枝竹烹製而成。羊肉經過長時間的燉煮，肉質鮮嫩多汁，搭配枝竹的香氣，味道濃郁。食完羊腩打個邊爐🤩🤩🤩鬼馬墨魚膠墨魚膠通常具有彈性和嚼勁，搭配特殊馬蹄同埋油炸鬼🤝🤝🤝非常有心機！海蝦新鮮，88蚊有8大隻，不錯🔥🔥花膠仔具有柔軟的口感和濃郁的味道，吸曬味，正！🐟🐟麻辣香芹餃包含香芹和辣椒等，有特殊的風味。🔥🔥鮮蝦雲吞和手打鮮蝦丸2個既蝦肉都夠多，份量十足🤝美國桶蠔蠔肉鮮嫩多汁，有豐富的海味和濃郁的口感🍺🍺