陳儀興玫瑰餐廳

營業中

休息中

上次同男朋友黎食完牛雜雞煲後，男朋友就愛上呢間既火鍋，變左佢同朋友約會聖地😆。秋冬起，佢見陳儀興推出羊腩煲，近排天氣又凍番，所以決定黎試下。呢道羊腩煲價錢唔貴$398 仲會送一碟菜。 之後可以加清湯打埋邊爐。羊腩煲既湯汁十分濃郁，材料好豐富， 有齊支竹， 冬菇 ，馬蹄竹筍等材料，羊腩肉質鮮嫩多汁，好軟腍，勁好食🤤，馬蹄清爽口感同微甜既味道，可以平衡羊腩既油膩感。枝竹同竹筍吸收哂羊腩湯既精華， 成個羊腩煲真係超正， 又足料，我地2個人食完一煲都7成飽，勁適合多人食用，秋冬真係必點👍🏻食完加入清湯打邊爐，我地叫左粒粒章魚丸拼香菇貢丸，章魚丸大推！真係超香同埋入面有章魚粒，口感爽彈。麻辣香芹餃同芥末西芹餃超有特式，店鋪自家製，皮勁薄，餡料好足，鐘意辣既刺激感岩哂。另外豆腐同西洋菜都係打邊爐必點菜式。飲品必點大大杯凍檸茶，勁抵飲！打邊爐必備😝

同事好鐘意食羊腩煲，今日放咗工，佢帶埋我哋嚟食。員工風趣有禮，招呼周到。我哋點咗個羊腩煲及一些小菜：🐑枝竹羊腩煲，送時菜$398呢煲羊腩煲好足料，炆得勁腍滑惹味，羊肉鬆化，連皮都也炆得軟腍。配料都好食，有枝竹、花菇和冬筍等，吸收晒啲湯汁精華，香口濃郁，我哋當然連湯都唔錯過，用嚟焯生菜一流哈😋🥢果皮蒸鮑魚$144每人一隻，新鮮嘅鮑魚以果皮清蒸，味鮮口感爽脆。 🥒三蝦濃湯煮勝瓜$148以蝦仁、蝦乾、蝦米、芹菜及雜菌等煮成濃湯，令清甜嘅勝瓜多了鮮味。🐟蜆芥鯪魚球$72好耐冇食，一客6粒，外層炸得香口，裡面很彈牙，沾蜆芥醬，好滋味😋。✨羅漢果茶$20 x 3自家製的，清清熱氣🌱

想分享一間係新蒲崗嘅餐廳，個名叫做「玫瑰餐廳陳儀興」。今晚呢幾日翻風凍咗少少，就點咗一個羊腩煲暖暖個胃，同時附送咗一碟生菜，今年冬天都係第一次食羊腩煲，所以好期待。個羊腩煲真係冇令到我失望，鮮嫩嘅羊腩同埋枝竹。羊腩煲裡面嘅羊肉質地鮮嫩，滋味濃郁，枝竹令湯底更加香濃。每一口都充滿了濃濃嘅羊肉香。而且，加埋碟碟生菜，可以搭配煲仔菜一起享用，可以平衡返個油膩感。之後，我哋再加湯可以打邊爐。如果你鐘意打邊爐，咁就啱晒你啦。我覺得間餐廳啲配料都好新鮮，可以根據自己嘅喜好去煮食材。冬天打邊爐真係一個享受，特別係同朋友或家人一齊分享，一邊食一邊傾偈幾開心。我哋仲叫咗一份鮮蝦餃去打邊爐。鮮蝦餃皮薄餡多，鮮甜多汁，同湯底一起煮熟，味道更正！而且餐廳特別推介嘅自製涼茶都值得一試。呢度嘅自製涼茶用料真材實料，唔會太甜，正好可以幫助解渴同降火。雖然餐廳對我嚟講有少少遠，但係呢間餐廳非常之出色，我一定會再去幫襯。

趁住天氣涼涼地，去食羊腩煲打邊爐🥳 平日夜晚接近坐滿😲 大部分都係三五成群打邊爐，大枱都坐滿哂，非常熱鬧🍻🐏枝竹羊腩煲好足料🤤 有新鮮枝竹、馬蹄、冬菇等配料，非常入味😋 羊腩夠羊味，炆得軟腍又入味😋 係得一嚿羊腩切得比較大，有少少難咬開🤏🏾 羊腩煲附有生菜，另外再加咗幾碟配料打邊爐餃子同丸類都可以雙拼，彈牙魚皮餃同粒粒章魚丸都好好味😋 見到牆上推廣貼紙，即場留評價有小食送，店員表示係送胡麻鮮准山，不過食飽咗就冇留到評價換小食🤰🏽🤣飲品點咗圓肉紅棗薏米水，有袪濕、補血同益氣之效，啱哂港女養生👸🏽✨

最近天氣凍咗唔少，除咗食蛇之外羊腩煲亦係一個唔錯嘅選擇，今日就嚟咗超高質嘅陳儀興玫瑰餐廳食羊腩煲同打邊爐。自己一路都有幫襯開，之前食過無蝦有蟹鍋、海鮮濃湯黃金甲鍋等等，所以對餐廳嘅質素非常有信心，就算餐廳位置比較隔涉都無阻嚟幫襯嘅決心。今次叫咗 $398 嘅枝竹羊腩煲，幫襯羊腩煲會送時菜一碟，羊腩煲份量好多，而且羊腩大件又多肉，朋友都話好食。另外仲叫咗黑栢葉、安格斯牛肉、極品黑豚肉、魚皮餃同菠菜餃，每款火鍋食材份量都好多，而且味道都超正。

天氣今日下降左超過五度，即係同老公出去食個羊腩煲先，之前係附近工作認識陳儀興，呢間餐廳係做邊爐同小菜，好彩一早訂了枱，如果沒有訂枱真係冇晒位，估唔到餐廳環境好美觀，唔似一般餐廳甘細，空間感十分大枝竹羊腩煲（配唐生菜）份量十分多，勁足料羊腩燜得好入味，黑山羊腩性價比高，不會太肥膩，仲要超級多配料，特別係枝竹&香菇都好入味，入口沐身同吸哂湯汁雙拼八粒（韮菜餃＋魚皮餃）每款四粒，韮菜餃韮菜超多，帶點肉香，真係足料魚皮餃用上新鮮魚肉，皮薄餡靚，二款配上湯汁十分入味老油條估唔到配上羊腩汁係甘夾，超級入味，好有脆感脆鯇魚烚完仲係好夠香同脆，魚肉超級新鮮，讚龍鳳檸樂(2杯)鹹檸檬同檸檬的配合，再加入可樂同埋大量冰塊，飲一啖真係爽爆這間小店性價比超高，有不同味道的邊爐同小菜，每樣份量都非常足夠，價錢都不算太昂貴，果然名不虛傳。陳儀興玫瑰餐廳@rose_yee_hing_chan#玫瑰火鍋小廚 #火鍋 #新蒲崗美食 #陳儀興 #羊腩煲#打邊爐 #海鮮 #香港美食 #jwf520 #hkblogger

天氣凍最岩就係食唻，梗係就你要打邊爐啦~今日就來食平時好少食既羊腩煲！平時食羊腩煲最怕就係噌味，朋友唔食羊既都接受到。 羊腩好饌又嫩，加上餐廳秘製腐乳煲，真係超級惹味。 仲有支竹，冬菇，冬荀等配料，好豐富~同煲仲有個生菜。招牌手切肥牛花紋好靚，肉質嫩滑，加上香濃既湯底，都食到牛肉既鮮味。 响鈴嗦汁一流，超好食~最後來番個米粉，加上濃郁既湯汁，超滿足。打邊爐甘熱氣，飲埋餐廳既健康飲品羅漢果茶，下火之餘仲潤喉~而且仲唔係好甜，正！

踏入秋冬 天氣開始涼係時間食下啲暖胃野(´ε｀*)咁岩想食羊腩煲 見到哩間好幾多食就試下🔺羊腩煲 $398一上黎已經覺得份量算幾大用明火滾住 個汁既調味絕對係羊腩煲既精粹 唔會太咸又夠濃味羊肉食落都幾大舊 有骨又厚肉唔係雪藏羊肉食落唔算太騷 可接受範圍羊肉點埋腐乳 味道更香濃配料足料 有好多冬筍 馬蹄 炸支竹 同冬菇加埋贈送既生菜一齊食 吸收哂羊腩煲汁既精華 ˘͈ᵕ ˘͈❀🔺鮮肉青拼水魷 $67哩間餐廳有個幾好既位係有一部分既配料可以雙拼可以同時嗌兩款配料 可以試多幾款第一次試鮮肉青 原來係同豬頸肉賣相相似 味道都似似地 食落都幾滑嫩 水魷爽彈 索哂個羊腩煲個汁 正 🔺超爽戈荀 $26份量都合理 幾爽口 味道都唔錯🔺檸樂 $20忍唔住都要嘆返杯檸樂估唔到都幾大杯 💬餐廳免收加一

之前跟同事加班後, 說要應下節開始天氣涼食羊腩煲。見一班人可以CALL車, 也就參與了。怎料是之前都叫過的餐廳, 這間覺得不錯, 價錢又合理地道, 不錯不錯。想不到同事也懂選。我們入坐時周圍都坐滿人。看得出這餐廳都挺受歡迎。叫了杯熱檸賨, 很大一杯, 比平日外邊喝的量大很多。重頭戲來了, 裡邊羊腩不少, 肉炆得軟硬適中, 既有口感又不會太硬, 口感彈彈的。還有枝竹, 蘿蔔, 冬菇等配料, 所以整個煲已很多菜吃。之後再點了盤安格斯牛, 牛肉很嫩, 很香口, 牛味十足。及雙拼餃子, 有白菜餃及黑松露餃, 裡邊餡料好多, 量很夠, 大大隻所以要滾久點, 可吃的時候就覺讚。另外也點了不少不同的菜式, 油炸鬼上抹了滑, 這個油炸鬼選了較硬身, 所以即使下鍋滾也不會太快糊掉, 口感不錯。嚮鈴用來吸湯汁吃一流, 因為湯汁很香濃, 所以配菜配枝竹等都是絕配~這間真的挺適合平民來刷, 價錢實惠, 配料用料也好, 是不錯選擇。

天氣涼浸浸最岩就係食爸爸最愛的羊腩煲,今日黎到呢間老店陳儀興玫瑰餐廳暖下身。除左羊腩煲，仲有打邊爐同小菜喔。職員好熱情，仲好熱心推薦菜式畀我地! 羊腩煲 $398完全冇羊羶味真係對於我呢個一向唔食羊的朋友真係好有驚喜!羊腩慢火燜得好軟腍，配料有枝竹、馬蹄同冬筍同冬菇。湯底超濃稠，爸爸話應該送飯更一流，我地要流肚打邊爐就冇額外再叫飯，佢個份量兩人食真係超級飽肚丫。而且仲會贈送生菜畀你清清個肚仔。 自家鮮蝦雲吞 $53 +$5 獨門芥末西芹餃 (雙拼)好特別可以加5蚊有雙拼，每份就有4大粒，咁就可以試多D身物。我想講真係超足料超大隻，爸爸較喜歡獨門芥末西芹餃，爽脆多汁的西芹搭配柔嫩的猪肉，口感好爽。我就比較鍾意自家鮮蝦雲吞，爆餡蝦肉無比鮮彈，料多到食到好滿足呀! 爽口墨魚卷 $57 +$5 特色鵝紅 (雙拼)呢個墨魚卷脆嫩又爽口 ，其實我都係第一次食，唔錯唔錯，值得一試! 脆鯇魚腩 $78脆鯇魚腩肉質結實、清爽脆口，而且好新鮮。 下次黎好想試佢地個海鮮煲丫。

天氣一凍已經即刻約人食我最愛嘅羊腩煲。陳儀興有幾間唔同focus嘅餐廳，玫瑰餐廳小廚就專做邊爐同小菜，六點幾去到聽到有人Walk in已經冇晒位，好彩提早book咗！枝竹羊腩煲勁足料！羊肉超多仲嚿嚿都又淋又入味，當然唔少得枝竹、冬菇、筍、馬蹄等等，淋少少汁落白飯可以放返幾碗😎 仲有店家特調腐乳醬都好滋味極品黑豚肉 $98六大塊，少少肥又厚又大塊真係極品！冇乜豬臊味而係豚肉鮮甜，配上濃郁羊腩湯底好正滋陰花膠仔煮到淋晒又係好入味仲好滑溜，養生健康又好味。仲有老油條唔打邊爐就咁食已好味，暖暖地又脆口，淥左更加外脆內軟！

開始涼涼地又係打邊爐既時候，今次同朋友黎新蒲崗既街坊火鍋店，裝修雖然似一般茶餐廳，但都幾多人黎食。無蝦有蟹鍋 ＄238呢個火鍋湯底要預先訂，餐廳會每日去揀時令海鮮做火鍋底，保證新鮮！海鮮有花蟹、鮑魚，沙白蜆，花蟹雖然唔算好大隻，但食落鮮甜，肉質結實，鮑魚亦都好鮮嫩，再配埋蕃茄薯仔湯，吸收晒海鮮既精華，味道非常鮮甜，我們都忍唔住飲左幾碗湯。招牌手切肥牛 ＄298 (大)油花比例平均，色澤紅潤，肉質嫩滑，牛味濃，就算淥耐左都唔會鞋口彈牙魚皮餃 $53魚皮餃係自家製，外皮煙韌彈牙，內裏肉質鮮嫩蟹籽墨魚滑 $98墨魚滑爽滑彈牙，再加入蟹籽有脆脆口感，幾好食響鈴卷 $57輕輕一淥，外軟內脆既口感，好吸湯，好正！皇帝菜 $36打邊爐必點既菜，好新鮮野生竹笙 $62竹笙色澤微黃，口感爽，細細條但吸湯力極強，吸收晒海鮮湯既味道脆鯇魚片 $58魚片肉質結實有靭性、食落爽脆清甜潮州手打牛丸 $88牛丸充滿肉汁，牛味香濃，好彈牙手打三寶丸 $98分別有鯪魚球、豬肉丸同蝦丸，鯪魚球打得幼滑無骨，仲混入蝦米碎好香，豬肉丸用左半肥瘦豬肉，仲加左梅菜，入口軟腍好似食緊肉餅咁。蝦丸爽口彈牙，好食！潮州手打魚麵 $48

📍 陳儀興玫瑰餐廳🌍新蒲崗爵祿街33A-37A號百勝工廠大廈地下33A-37A Tseuk Luk Street, Victorious Factory Building, San Po Kong📝整體評分：8／10秋風起，需羊腩煲暖身▸枝竹羊腩煲◂＄３９８（送時菜一碟）✿ 羊腩唔會太肥，口感實而不柴，燉煮入味，羶味好小好小，容易接受✿ 枝竹同冬菇吸飽湯汁，一咬落去就爆哂汁；筍同馬啼勁爽脆，仲好掛汁，所有都好入味！✿ 醬汁濃稠到好似腐乳醬咁✿ 煲底有層隔網防痴底，夠哂細心~▸ 鮮魚腩◂＄６２✿ 厚切大片，新鮮嫩滑，魚骨有但少！✿ 好平！！！平時打邊爐薄片都成百幾蚊，呢到幾十蚊就有～▸潮州手打牛丸 ◂＄８８✿ 牛丸好爽彈，咬落去咇哂肉汁，有陣蒜香～▸獨門芥末西芹餃子 ◂＄５３✿ 芥末西芹呢個組合好特味，味道好獨特~✿ 餃子隻隻都好飽滿，脤卜卜，不過就要煮得比較耐。

🙋🏻‍♂️餓底探員今晚去咗新蒲崗調查呢間潮式火鍋店，餐廳嘅潮州打冷喺區內係老字號，已經有60年歷史，餐廳除咗打冷小菜，仲有潮州菜，牛什粉麵同火鍋店，業務多元化，相信喺新蒲崗居住或工作嘅都會聽過陳儀興呢個品牌🦀無蝦有蟹鍋 $268📸表示個海鮮鍋有蟹，鮑魚同蜆肉三款海鮮，配上蕃茄薯仔湯，面頭仲有紫洋蔥，香芹同芫荽，非常豐富足料，睇見都興奮🙋🏻‍♂️表示個蟹多膏，肉質鮮嫩，鮑魚煙韌有咬口，蜆肉鮮甜，湯頭夾雜幾種海鮮同蕃茄薯仔嘅精華，飲落清香鮮甜，飲晒個湯店員會加入豬骨湯嚟打邊爐🥩招牌手切肥牛 $208📸表示個手切肥牛油花好靚，一塊塊鋪滿隻碟，中間放咗啲花做裝飾，打卡一流🙋🏻‍♂️表示個肥牛食落脂香味鮮，肉質鬆軟🐖黑松露豬肉丸 $78📸表示個豬肉丸將豬肉剁碎加入黑松露搓成，一碟有8粒，每粒都大大粒🙋🏻‍♂️表示個豬肉丸口感好似蒸肉餅咁，脂香嫩滑有咬口，每啖食落都有香濃黑松露味，層次豐富🦑蟹籽墨魚滑 $98📸表示個墨魚滑將墨魚打成膠狀，加入粒粒蟹籽🙋🏻‍♂️表示個墨魚滑食落彈牙，味道鮮甜，每啖都咬到粒粒蟹籽口感過癮🥟獨門菠菜餃｜自家鮮蝦雲吞 $53 （雙拼加$5）📸表示個菠菜餃成粒綠色，顏色吸引，雲吞大大

秋風起🍂有無人鍾意食「羊腩煲」🐐忍唔住要分享一下，老竇好少何對羊腩煲讚不絕口！新蒲崗係佢地頭，佢帶得我哋去食嘅一定係正嘢 ！陳儀興玫瑰餐廳 是老牌大菜館，果然名不虛傳。「羊腩煲」$398玫瑰呢個煲份量夠多，勁足料又燜得好味🤤 黑草羊沿用古法烹調入味，特別係肥美肉厚的帶皮羊腩，港式地道經典。肉質方面，羊腩軟腍，蘸上秘製腐乳吃，入口不膩。湯底濃稠合適，配料十足，枝竹、冬菇、馬蹄，隨煲送埋生菜，可即灼來吃。全部配料都吸盡羊腩煲的醬汁精華，呢個時候可以配烏冬或者一碗白米飯，驅寒暖胃。我自己覺得係今個冬天必食嘅古法滋補羊腩煲，食唔停口，食到好飽。胡麻淮山 $48除左打邊爐，呢度嘅小食同埋小菜都係一流，平日晚上都滿座就知道了！胡麻淮山 口感清涼爽脆，立時中和了油膩感。黃金魚皮 $72黃金金沙嘅外層，滿滿的包裹着魚皮，真係甘香酥脆，出嚟食飯真係唔好計價錢，淨係手工菜都值回票價！霸王雞（半隻）$128霸王雞的雞味足，好新鮮，不太鹹，肉質滑身，鋪滿蔥絲，掛滿雞汁，正宗霸王雞的內軟感覺，十分濃厚，這個也不差。鐵板啫啫通菜 $78用鐵板承載的通菜，熱辣辣香噴噴，每條通菜都充滿蒜香味，口感嫩滑，連埋一塊熱辣辣