陳儀興尚潮樓 (英皇道)

營業中

休息中

陳儀興尚潮樓 Chan Yee Hong Sheung Chiu Lau📍鰂魚涌英皇道1001號7樓1號舖嚟咗港島區返工之後，一直想周圍覓食，識下唔同餐廳。呢晚終於俾我搵到另外三位識食之人，同我一齊試下一間潮式打冷。佢哋嘅招牌菜有潮汕滷水、傳統潮州手工菜同各式各樣嘅特色湯羹、小菜。我哋會揀佢，因為佢完美將懷舊潮菜同新派元素結合，令無食開潮式料理嘅人，都可以更容易接受；而且佢算係陳儀興呢個老字號嘅高檔版，裝修具有中國古典優雅風，檯與檯之間都有古色古香嘅屏風相隔，好適合三五知己聚腳。介紹食物湯品前，不得不提呢度嘅一大特色，就係功！夫！茶！餐前餐後都會奉上，茶濃味甘，既開胃又解膩。功夫茶嘅選料好嚴格，烘焙嘅方法亦好有學問，所以沖泡功夫茶係一門非常講究同費功夫嘅手技。 💰$88涼拌海蜇頭 🐙我哋叫咗兩款前菜，先介紹涼拌海蜇頭。海蜇頭色澤偏黃，口感Q彈厚實兼爽脆，咬落去會有索索聲！佢嘅調味偏酸帶微辣，仲有麻油嘅清香，食落非常醒胃。 💰$68涼拌雲耳 🍄涼拌雲耳口感爽脆，醬汁微辛，份量好多，係另一必點醒胃前菜！ 💰$338滷水拼盤 🍱一個價錢，食齊各樣滷水名物，包括大腸、生腸、墨魚、腩肉、元蹄，性

今日放工係樓下同同事食埋飯先返屋企，揀咗陳儀興尚潮樓開餐，陳儀興喺香港有好多唔同種類嘅食肆，有打邊爐、粉麵、米線、茶餐廳等等，雖然唔知係咪同一個老闆，不過自己之前都有幫襯過陳儀興打邊爐真心唔錯。餐廳用啲餐具都幾講究就連個茶壺都非常精緻。自己超鐘意食呢個涼拌海蜇頭，口感超正又爽又肥美，性價比高必點涼拌菜。小炒皇雖然係好簡單嘅菜式，但係要炒得好真係唔容易好睇廚師嘅功力，同朋友都覺得呢個小炒皇唔錯夠鑊氣又多料，真正色香味俱全。潮式魚丸肉碎煮汕頭白材料有肉碎、方魚、津白等等，湯底非常香同清甜，魚丸爽口彈牙有魚味。同朋友都叫咗鹹菜花蛤湯，花蛤湯味道非常濃郁，而且四隻大花蛤鮮甜肥美。

上次帶完父母嚟食潮州菜，今次到同老公嚟食😎一坐低，店員會先放低咸酸菜及功夫茶☕，聽說這是潮州人待客之道。平時食潮州菜都係似打冷為主，今次我地就主打手工菜，睇吓岩唔岩口味😆護國菜：係湯既一種，但喺名字上完全搵唔到任何有關食材的資料，所以非常好奇點樣護國🤨 於是問服務生，回答說係類似菠菜蓉。正所謂出街一定要食菜，於是就即刻下單。嚟到以為佢個質感會好杰，但佢又唔使粟米羹果種落勁多粟粉果種。食落無菠菜既青草味，似係中式版既菠菜濃湯👍🏻傳統普寧灌漿：食材其實好簡單，但做法就複雜。將白蘿蔔切條，加入原粒花生🥜蒸熟，再用腐皮包起來炸，香脆可口，食落有淡淡蘿蔔香氣，清清地又唔會覺得太dry。清燉荷包鱔：又係買少見少既手工菜，用清湯浸住一盅兩件，聽服務生講係每日限量製作。用荷葉☘️包住鱔片，荷葉香完美遮蓋鮮鱔既泥味，鱔又肥大肉厚，好有特式👍🏻臨走果陣，店員問我地仲要唔要功夫茶，話啱啱沖好。整餐飯都覺得店員好主動但唔會俾到食客壓力，抵讚👍🏻 店員仲叫我地weekend 返嚟飲茶，話而家做緊優惠，午茶免加一同茶芥～睇嚟又係時間帶屋企人過嚟食唰😎

食飯啦：食潮菜去陳儀興提起鹵水鵝、鹹菜、豬肚、菜甫、白粥等等，大家一定會想起潮州打冷。位於鰂魚涌的陳儀興尚潮樓，非一般打冷嘢，試一趟包你想翻尋味的，點解？🤗🥢涼拌海蜇頭海蜇食得多，但尚潮樓的海蜇望落肥美，咬落爽口味濃而且霎霎有聲，讓人有清新的感覺，仲好有質感添！🪼🪼超好食！🥢鵝三寳🦢邊三寳？一寶🦢係軟滑鬆化的鵝潤，大大片鵝肝入口即溶，香味懸浮齒舌之間實在滋味無窮啊！二寶🦢係脆而爽口的鵝腸，每段鵝腸有番咁上下長度，點埋鵝鹵汁慢慢𡁻徬彿幫口腔做按摩啊！三寶🦢當然唔少得鵝肉，每件肉帶住嫩滑的薄皮，真係飯都食多碗啊！🍚🥢老菜甫燉鮮豬肚🐖豬肚同樣大大件，但煮得香滑爽而軟淋淋，配埋菜甫非常惹味，碗湯潤喉甘甜，上佳之作！👍👍食埋涼拌雲耳，石榴蟹等等，再呷番碗爽神潮州粥（記得要用筷子食）就知道原來潮州人咁識食嘅！埋單時仲有茶味甘香嘅功夫茶俾貴客享用！🫖值得一讚係所有店員阿姐都極之殷勤款待來賓，又很熱情介唔不同菜式的名稱和做法，讓我們對潮州飲食文化更添知識！🥢🥢

自陳儀興集團與港島東開了分店便多了一個高級打冷的地方環境裝潢滿有中國特色，大廳以古樓為設計元素利用薄紗屏風作間隔，氣氛雅致，環境舒適寬敞特設私人房間，私隱度高，適合朋友及商務聚餐店家首先奉上每人兩小杯潮汕功夫茶，味道清香回甘餐前涼拌海蜇頭爽口彈牙，又有麻油的香氣潮汕滷水鵝三寶為鵝肉、鵝腸及鵝肝 ！獨門秘制的陳年滷水醇厚滋味蔬菜方魚炒芥蘭粗幼適中，口感爽脆，沒有苦澀味鹹菜花甲湯有蕃茄和香菜作配襯，每一啖都夾雜着鹹香潮州白粥絲苗白飯粒粒分明，有米香而不黏

近排去完潮州玩返到香港都好掛住啲潮州菜，所以就上網搵下有咩潮州菜餐廳，見到陳儀興尚潮樓都幾多好評，所以今日就去試吓。餐廳無論裝修、擺設、傢俱同餐具都用咗富有中國特色嘅設計，令整個氛圍感大大提升。落完單無耐侍應好快就送上潮汕功夫茶比我嘆吓。雖然係涼拌小食但係份量一啲都唔少，海蜇頭口感柔滑肉厚帶點爽脆而且營養豐富，配返碗潮州白粥就最正。滷水拼盤有大腸、生腸、腩肉、元蹄、墨魚，每款大約有五至六件，拼盤充滿濃郁嘅滷水香味，入口香而不濁。清燉荷包鱔一盅兩件，開蓋後散發出陣陣香氣，清湯有荷葉味之餘仲帶有鱔肉嘅鮮甜，鱔肉肉質軟嫩，唯一不足之處係有小小骨，不過整體嚟講呢個手工菜都唔錯。胡椒鹹菜鮮豬肚湯驟眼睇普普通通，估唔到胡椒味非常濃郁，豬肚洗得乾淨冇異味，另外仲有兩大件鹹菜湯料品嚐。

【鰂魚涌•陳儀興尚潮樓】@sheungchiulauqbππππππππππππππππππππππππππππππ港島太古人氣陳儀興潮州菜館涼拌海蜇頭 88$海蜇頭呈現一種半透明的質地，質感非常清脆。配合著醋、醬油和其他調味料，整體味道非常開胃。潮州魚丸肉碎煮汕頭白 228$魚丸富有彈性，且十分鮮嫩，肉碎的搭配使得整個菜餚更加豐富。而汕頭白則是質地非常細膩，入口即化。風沙安格斯牛柳粒 268$牛肉粒經過高溫快速炒製，肉質鮮嫩多汁，帶有明顯的牛肉香味，外皮炒得微焦酥脆，內裡仍然保持著嫩嫩的質感，口感非常棒。20年老菜甫燉豬肚湯 78$湯底清甜鮮美，讓人喝了之後感到非常舒服。燉豬肚湯是非常有補的一道菜，對身體非常有益。絲苗白飯兩碗 30$陳年普洱兩位 30$餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 794（加一）✨✨✨✨✨✨✨✨✨✨✨✨✨#鰂魚涌美食 #陳儀興尚潮樓 #web3鰂魚涌 #陳儀興尚潮樓 #鰂魚涌美食 #打冷 #潮州菜 #蠔餅 #滷水鵝 #陳儀興尚潮樓 #陳儀興 #鰂魚涌美食 #打冷 #潮州菜 #香港必吃 #香港好去處 #香

陳儀興潮州菜位於鰂魚涌1001既7樓 陳儀興潮州菜先來一味爽口前菜 涼拌雲耳 $68，雲耳咬落好脆口，醬汁少少辣，辣度2/10，好開胃！湯類 二十年老菜甫燉鮮豬肚 $78一碗豬肚軟硬適中，湯好濃味！可以一試😃主菜1 富貴石榴蟹 $118賣相好精緻，好富貴！外皮比較似水餃🥟皮，皮唔會太厚！內餡似蝦滑，不過蝦轉咗做蟹，有實在口感，不錯！主菜2 清燉荷包鱔 $118魚肉新鮮，有少少骨，但只係好少！外皮鬆軟，好易咬開！湯底清新，有陣陣菜香味！主菜3 乾貝春菜🥬煲 $128首嚐春菜，都幾好味！有好多乾貝瑤柱，可提升春菜煲既鮮味！最後試一口純正功夫茶🫖，個人覺得好苦，試下無妨！整體而言，陳儀興潮州菜館有多款手工菜，環境好，枱與枱之間有分隔開，坐得舒服😃有各種海鮮，相信同樣值得一試😀

陳儀興尚潮樓 (英皇道) (鰂魚涌).環境舒服，店員服務好！.▪️涼拌海蜇頭▪️.略嫌少鹹，但海蜇爽口，係清爽嘅前菜！.▪️鵝三寶▪️.鵝肉，滷水豆腐，鵝腸同鵝肝個人對肝麻麻地，但腸同肉配酸汁好食！.▪️方魚炒芥蘭▪️.方魚有啲似鹹肉，作調味用途，芥蘭翠綠好甜！.▪️ 20年老菜莆燉鮮豬肚▪️.老菜莆燉嘅湯黑色而且真係偏濃味豬肚一小碗有四舊！.📌 陳儀興尚潮樓 (英皇道) (鰂魚涌)鰂魚涌英皇道1001號7樓1號舖.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️

陳儀興尚潮樓 (英皇道) (鰂魚涌).屋企人心血來潮想食潮洲野，於是就揀左陳儀興試一試！涼拌海蜇頭.揀左個清爽開胃嘅頭盤，海蜇頭係我地必選之一，食落夠爽口又開胃！.風沙安格斯牛柳粒.牛柳粒略嫌有啲韌，但肉味濃厚！另外仲有腰果，紅椒，黃椒，四季豆等配料炒埋一齊！.清燉荷包鱔.荷包鱔非常特別同精緻菜式，用鹹菜葉包住蒸鱔，浸係個湯入面，不過食嘅時候要小心鱔嘅細骨！.陳儀興尚潮樓 (英皇道) (鰂魚涌)鰂魚涌英皇道1001號7樓1號舖

朋友介紹陳儀興尚潮樓，因為佢喺新蒲崗老字號，現在在太古地鐵站附近有分店可以食到，我哋特別來吃手工菜。點了一份「涼拌雲耳」作前菜，原來份量都好多，麻辣幾強吓，很爽口，幾刺激！「富貴石榴蟹」以前食過石榴雞，石榴蟹就係第一次，外型似開花嘅石榴，真係手工的成果。一份一大粒，外面嗰層夠薄又滑，聽講係雞蛋做嘅，裏面個蟹球很有彈性，我估有蝦有肉混合，非常清甜，個汁都好好味！周不時見到潮州飯店預訂菜式裏面有呢一款「清燉荷包鱔」，原來係咁樣，係個燉湯，用酸菜包住鱔，燉到好軟棉，湯很香甜，有特色好味道。「20年老菜脯燉鮮豬肚湯」滋潤。最後飽肚嘅係潮州名物「沙嗲牛肉炒粿條」，沙嗲醬味道濃郁分量豐富，牛肉都好多，全部都好鬆軟，食完個粉之後大滿足！服務態度唔錯，環境都好企理，價錢公道。

陳儀興尚潮樓位於鰂魚涌, 環境高雅, 好有中國味道, 係集於潮式打冷及懷舊與新派一身, 招牌潮汕滷水, 生醃海鮮, 魚飯, 打冷, 仲有傳統潮州手工菜, 特式湯羹, 小菜等等, 仲有粿同埋甜品芋泥及反沙芋 。入座後店員立刻端上前菜同功夫茶; 我同朋友兩個見到餐牌樣樣都想食, 店趴都介紹叫咗幾款特色食品比我地。涼拌海蜇頭 - $88 呢個見幾枱客人都叫; 海蜇頭滑滑又爽脆, 咸鮮味加椒辣及麻油香味, 酸甜醒胃嘅調味醋, 清新輕盈; 都大碟, 好好味既涼拌菜。滷水拼盤 - $298鎮店陳年滷水混合各種香料去烹調各款滷水食品; 滷水拼盤有大腸、生腸、墨魚、腩肉、元蹄, 仲有放喺底嘅豆腐, 所有嘢都索晒啲滷水汁, 完全入晒味。潮式魚丸肉碎煮汕頭白 - $228 潮式魚丸口感紮實彈牙, 簡單配搭肉碎及汕頭白已經足夠, 仲加入方魚, 芹菜同瑤柱絲, 湯底鮮美而且唔會有過多胡椒味, 味道層次非常豐富。胡椒鹹菜鮮豬肚湯 - $78我好鐘意飲胡椒鮮豬肚湯, 媽咪以前成日煲的。胡椒味唔會濃到辣, 而係香, 加埋鹹菜中和個辣, 更加提升咗個味道, 鮮豬肚煲得好淋, 好好飲呀!食完嘢, 經理問下我哋覺得啲野

又嚟食呢間人氣潮州菜，掛住呢度嘅招牌鵝三寶，同埋老菜甫燉鮮豬肚湯，平日晚市都唔少食客，出品好，招呼又周到。例牌，飯前飯後奉上功夫茶涼拌海蜇頭 $88質感滑捋捋，咸香麻油味招牌鵝三寶 $298鵝肉、鵝腸丶鵝肝，鵝肉片入味，平時比較少食到滷水鵝腸＆鵝肝，所以覺得特別好味，爽脆鵝腸丶粉嫩鵝肝，仲有豆腐片 墊底，下次嚟都會再點。二十年老菜甫燉鮮豬肚湯 $78/位足料好味，有助化痰止咳嘅老菜甫，飲完特別舒喉清燉荷包鱔 $118/位首試呢款手工菜，鹹酸菜葉包住肥美厚切白鱔件丶火腿條、冬菇條，用菜段紥好，放入燉盅內，以湯燉製。

放工同同事食飯，介紹左呢間潮州菜。估唔到餐廳的環境都幾舒適，裝潢好中式。一坐低，服務員就沖呢個功夫茶俾我哋，茶好香但我飲唔出係咩茶，之後我哋揀咗菊花茶，個菊花都好香。前菜小食我哋點左海蜇頭，海蜇頭好厚肉，好爽口。食朝州菜當然要食滷水，我們點左「鵝三寶」。有滷水鵝片、鵝腸、鵝肝，仲有滷豆腐。樣樣都好有水準，鵝片好香肉質嫩，鵝腸夠爽脆，鵝肝又大片，好好味。😋再點左個手工潮州菜「清燉荷包鱔」，係咸菜包住舊鱔肉去燉，所以個鱔肉好juice.再加個鹹菜花蛤湯，裡面加埋番茄，減低左鹹菜的咸，少少酸，又有花蛤嘅鮮甜，花蛤又大粒。

現今嘅潮州菜，除咗打冷，仲有好多不同美食！涼拌海蜇頭潮州菜點可以少得涼拌小食，質感脆爽，入口凍冰冰，開胃又醒神！滷水拼盤拼盤豐富多樣，大腸和生腸口感爽彈，墨魚質感滑嫩，腩肉肥瘦適中和元蹄口感差唔多。手工菜～清燉荷包鱔綠色大白菜做外皮，質感軟嫩，鱔魚肉質味道鮮美，清燉嘅湯汁滲入鱔肉，帶有淡淡鮮香味，好正！二十年老菜脯燉鮮豬肚湯慢燉嘅湯品，豬肚經過長時間燉煮，入口柔軟鮮嫩多汁，帶有濃厚肉香味，同清甜嘅湯頭好夾。