影片
開飯介紹
人氣潮式打冷店「陳儀興飯店」旗下餐廳之一，推介菜式包括鹵水鵝件、鹵水鵝腸，均以鎮店傳統鹵水炮製。另一特色菜是生醃螄蚶，用汕頭出產獅蚶，加上參考傳統製法而特別調配之醬料而成。
繼續閱讀
營業時間
今日營業
11:00 - 22:30
星期一至日
11:00 - 22:30
以上資料只供參考, 請與餐廳確認詳情
有關獎賞計劃
朋友介紹原來鰂魚涌間陳儀興係星期一至四夜晚有$88小菜好抵食 所以放工去試吓餐廳環境寬敞舒適 裝修帶點懷舊氣氛 幾適合家庭日常聚餐 $88小菜系列都有唔少選擇 如果多幾個人可以來試多幾款菜食物未上枱前 店員還奉上了功夫茶 好好飲最後點了鵝肝（半份）、潮式酸菜煮魚片、欖菜肉碎四季豆；上枱小菜份量剛好鵝肝嫩滑 味道濃郁 底下還配搭了滷水豆腐 一齊食會冇咁漏潮式酸菜煮魚片湯底酸香開胃 魚片細嫩 鹹酸度拿捏得剛好 不會過鹹 配埋白飯或者潮州粥都一樣正欖菜肉碎四季豆炒得夠鑊氣 欖菜鹹香突出 肉碎不會太肥膩 四季豆爽脆 整體十分惹味埋單時得知原來太子分店星期一至五都有做呢個$88小菜 大家可以去試吓潮州家常菜
繼續閱讀
喺英皇道樓上店既陳儀興尚潮樓係保存60年老字號採用傳統手法製作手工潮州菜，手工潮州菜喺香港越來越少～一坐低店員就會提供功夫茶～佢哋推出咗迷你精緻小菜，裏面有多款手工菜可以選擇，而每個菜式都只係$88～今次揀左下面啲菜式 ：✨🪿滷水鵝肝半份招牌菜滷水鵝肝必點，鵝肝厚切入口即溶～好食到半份都唔夠～✨迷你精緻小菜：✨🦑🐖精緻滷水雙拼（墨魚片拼元蹄）墨魚片爽脆又有咬口，元蹄滷得超入味👍🏻✨精緻魚露浸花蛤花蛤嘅擺盤非常吸晴，花甲完全冇沙冇泥，魚露亦都提升咗鮮味既層次～🤩✨🌶️自家製辣椒油自家工場製～係潮州式辣椒油，裏面有炒香左蝦米～非常足料，我一次過買咗三樽同屋企人分享💯🤣呢度嘅店員服務非常之好，令你可以好好享受手工潮州菜嘅味道～
繼續閱讀
位於太古既陳儀興尚潮樓，主打食潮州菜，近期推廣多款$88精緻小菜，兩個人食份量啱啱好👯而一班人黎食又可以試多幾款😆性價比幾高👍🏻🍴滷水鵝肝半份（$138）鵝肝肥美，綿滑入味👅滷汁香味十足。滷水豆腐嫩滑👄墊底吸收晒滷汁同埋鵝肝嘅精華😋🍴精緻潮樓醬燒骨（$88）排骨大件啖啖肉，表面炸到微微香脆👐🏻肉質軟嫩🤤表面裹滿酸甜嘅醬汁，送飯一流🍚🍴精緻荔芋香酥鵝（$88）外皮酥脆，芋蓉綿滑，有芋頭香，鵝肉鹹香👅口感層次豐富👍🏻配搭酸甜嘅醬汁，食落冇咁漏~
繼續閱讀
一直以為佢哋係老派打冷店，點知偷偷轉型開咗超多新潮分店！今日同老best突擊去左食幾道潮州小菜，滿足下佢有一顆潮州嘅心🤭🦪汕頭煎蠔烙 ($88)蠔仔多到溢出來！外皮煎到金黃酥脆，裏面大大粒蠔肉，蘸少少魚露更帶出層次～潮州人嘅邪惡comfort food無誤！🍖尚潮醬燒骨 ($88)醬汁酸酸甜甜好開胃，仲有濃郁到黏嘴唇！表面炸一層，肉質鬆化，一啖扯開直接骨肉分離，送潮州粥真係無得頂（默默追加一碗） 🦆滷水鵝片滷水香到癲！鵝肉嫩滑得嚟有嚼勁，滷汁完全滲入肉紋，朋友食第一啖即瞪大眼：「呢個先係真正潮州靈魂啊！」 🍲軟綿綿潮州粥米粒煲到開花，湯底清甜帶米香，暖粒粒咁治癒！撈埋滷水汁食… 救命，真係好夾！突然間覺得公司附近有間咁高質潮州菜，好危險…（個荷包）🤣
繼續閱讀
朋友講話鰂魚涌開咗間好味嘅潮州嘢，於是就諗住父親節同屋企人嚟。訂咗6:00 ，已經早咗10分鐘上去，都差唔多已經坐滿晒。有個小插曲，係佢哋安排一張細枱俾我哋，但全部都係圓嘅摺凳，坦白講一見到我真係好唔滿意，我真係唔想老人家要坐喺啲摺凳上面食飯，當時我同服務員講，你哋起碼換咗兩張正常嘅燈比老人家，後生啲嘅挫折凳都冇辦法啦，老人家跌親就好大件事。好彩佢哋都好快就換咗，仲要連其他嘅凳都一次過換晒。食物水準真係值得稱讚嘅，亦都冇因為大時大節求求其其，我哋叫咗佢哋出名嘅水煮蜆、豉油黃鵝腸、鵝片、炒海參、蠔餅，同埋一大鍋蠔仔粥。個海參好足料，煮得好入味好腍，最欣賞！蠔仔粥D蠔又多又大隻，仲有鮮味👍🏻。叫咗兩個甜品，佢哋仲送咗壽桃包俾老人家食！
繼續閱讀