阿叔泰麵 (西菁街) (已結業)

我哋會支持小店但5代表盲撐, 咁嘅質素,5會再幫襯第一次叫外賣, 3個都係飯豬手、肉碎、咖喱牛腩3個飯D飯質都太淋, 一 pat pat豬手太甜..肉碎同咖哩牛腩冇乜味...因第一次實在太5好吃,但可能因為外賣關係,就俾多次機會,第二次堂食,叫咗牛肉船麵同冬蔭功湯米船麵係好味,牛腩夠淋冬蔭功湯就椰汁偏多,5多like, 同埋冇乜料,5多抵食另外服務態度,嗰日星期六可能客人多得滯嗰位四眼妹妹態度5多好, 見到比我哋遲入坐嘅人都有嘢食, 咁咪問吓囉！以為漏單嘛一句得埋嚟:黎緊啦(嗰樣係黑口黑面)就算你真係好味,但咁嘅態度,係5會再黎囉可惜係味道只係算oK再加咁嘅服務態度, 真係請都5嚟！

«729»掛住係泰國食嘅軟淋淋豬手飯😩▷楊叔叔豬手飯 $62▶牛肉船麵 $58呢度有賣泰版層層疊船麵，想試但唔啱時段，只可以食返普通大碗嘅船麵。嗌咗牛肉船麵，每碗有牛腩、牛丸、芽菜、通菜、花生碎同炸豬皮。湯底用新鮮牛骨熬製而成，湯頭非常濃厚！牛腩都入晒味，但我覺得唔夠腍，要用啲力咬。跟機試下「四大調味缺一不可」食法，倒晒魚露、白糖、白醋、辣椒粉落去撈，結果辣粉倒太多辣到pk，即時變成東南亞風味嘅酸辣金邊粉😂 都係鍾意牛湯乜都唔落多啲～豬手飯超肥美，豬皮上晒色，裡面層肉都滷得入味不過我又係覺得可以再腍啲，未有泰國食個種入口即融嘅口感，但配埋蛋同酸菜都好泰架啦！當自己去咗泰國食先啦～😗▷火辣阿嫂青木瓜沙律 $42▶泰式奶茶 $24泰式奶茶幾抵飲！係茶飲店大杯size🥤 好彩有嗌先解到辣🥵 落完單先後加沙律，不過我麻麻地，隻味太鹹唔啱食，冇青木瓜沙律個種越食越開胃嘅感覺～整體而言船麵同豬手飯都係值得去食嘅！餐廳位置比較隔涉唔近旺區，大家唔怕麻煩可以行多兩步過去分散投資，呢段期間都有唔同嘅外賣優惠，詳情可以睇返餐廳ig post🙏🏻﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣

—呢排外賣自取有特價 熊貓嗌夠錢就全單6折試咗4款午市套餐 加埋都係$160!!香葉肉碎炒mama媽媽應該就係泰國公仔麵牌子名?!肉碎喺底所以要撈勻晒先食 香辣惹味但係我都係鍾意食炒河多d青咖喱牛腩飯香氣濃郁就咁撈汁已經好下飯有3條牛腩條 都腍身入味仲有泰國小圓茄子 車厘茄 長豆燒豬頸肉飯表面幾香口 肉質爽彈 份量算多但食多幾嚿有d膩 要蘸酸辣汁先得Share嚟食 每人食d就啱啱好冬蔭功金邊粉湯喺分開裝 偏椰奶辛香味餸就放咗喺粉上面清楚見到有蝦 青口 蟹柳 豆卜仲有餐飲可以揀青檸梳打/泰式檸檬茶...唔洗另外加錢之餘 有保鮮紙包實唔會倒瀉————————————————阿叔泰麵 元朗西菁街20號益輝大廈地下3號舖

次次經過，條龍都長到一個點，今次特登一開門就去到，即刻有得入！舖頭真心唔大，佈置幾有泰國feel, 檯櫈擺得疏落，幾好坐！豬船麵：之前食過第二間船麵，頗Fail, 搞到我對船麵有陰影！今次卒之扭轉我對船麵嘅印象！湯底清得嚟夠味，係未食過嘅味道，配料豐富，蛋麵底好正！粉紅船麵：fd試粉紅船麵，好啱打咭嘅一碗麵，湯底加咗南乳，又係第二種風味！總括嚟講，好食嘅船麵，唔怪得平啲咁多人排！服務好，嘢食ok，又有良心，入嚟元朗國記得幫襯！

個牛肉船麵d湯底好濃, d牛腩好入味, 加埋佢地既教學, 係個麵度再加少量白醋, 魚露, 砂糖同埋辣椒粉, 成個湯底既鮮味更加出更加好味💙💙 個香葉肉碎炒mama麵都好足料, 多豬肉, 個麵帶到少少辣味加泰式酸味, 泰式風吹十足😍😍好鬼正🙌🏻 個泰式奶茶都好好飲, 甜度適中, 成個晚餐都好似真係置身於泰國咁🇹🇭😭😭😭

去完睇向日葵🌻食個早dinner醫下肚～黎到西菁街搵食！湯底好濃郁，味道層次好豐富！甜得黎又唔會好油膩、仲有好香既牛肉味！牛腩入味得黎又夠鬆化，配埋炸豬皮幾正～呢個⋯好失望～唔推薦！。$55蚊都唔平啦、食材只有係一堆乾淨淨既麵同肉碎，感覺好單調同不停食調味粉。如果佢加返隻脆邊蛋會吸引D～食完個麵就想食個甜品開心返啦！點知⋯個芒果睇落好新鮮同甜，實質食落有陣草青既中味，唔太了解係咩芒果品種、個感覺好奇怪，唔係我杯茶！總括黎講船麵整得好出色！推薦大家試！其它野野麻麻地，有待改善。

好耐之前去泰國旅行，試咗船麵一直念念不忘，但翻到香港一直食唔翻個種。近幾個月啲人成日成日介紹元朗呢間船麵，話好好食，今日終於有機會入元朗國試下😍星期一至五 1130-1800有lunch menu，跟餐有嘢飲，價錢合理👍🏻有酒精搓水液提供，而且筷子筒有蓋，感覺衛生啲👍🏻👍🏻試完原味湯底記得落「四大調味」✨大熱天時，飲青檸梳打好爽～ 泰式奶茶本身偏甜，但可以接受😋跟餐加$15配無骨鳳爪，爽口又開胃。跟餐加$15配篤篤炸丸，幾彈牙，點泰式甜辣醬好食😋主角船麵 —— 牛肉船麵！好大碗，而且好多配料，當然要相機食先！個湯底超濃郁，落埋「四大調味」，酸甜辣味都齊晒，好香好好食😍牛肉夠腍又入味，炸豬皮同魚蛋都好食😋食唔停口，大碗又好食👍🏻👍🏻燒豬頸肉飯～豬頸肉份量足夠，入面嘅肉質好嫩，但外層燒得有啲太乾身，唔夠juicy，有進步空間💪🏻元朗國出名多好嘢食，呢間船麵絕對係必食之一💛

疫情蔓延，可以出走嘅機會微乎其微，唯一止下遊行癮嘅方法就係搵啲特色又有外國風味嘅餐廳試下🤤•今次去左元朗一間幾出名嘅餐廳「阿叔泰麵」試下，顧名思義，食物主打泰國船麵，亦提供唔同泰式小食同飲料😋食物選擇唔算特別多，但起碼每個種類都有幾款選擇。我就叫左雞肉船麵同泰式奶茶🥤🐥雞肉船麵賣相吸引，有幾分泰國街檔嘅味道🤪湯底味道好濃，河粉索哂啲湯汁好入味🤤配料就有雞䭔、雞什、芽菜、通菜以及炸豬皮。份量對女仔嚟講啱啱好，男仔就建議追加小食啦🥶🥤泰式奶茶食麵食到熱辣辣，最爽就係飲杯冰凍嘅泰奶降溫🥶泰奶一般以煉奶特調所以味道偏甜，但阿叔就提供埋甜度選擇，十分細心💛茶底好香濃，同知名泰奶連鎖店有得揮💪🏻👍🏻小店整體水準都幾高，價格相宜，服務周到，絕對會再幫襯支持💛推薦！

今日胃口不太好，行街散步中經過一間位置偏僻，人流比較少的麵店。鋪仔細細，但內部裝修獨特，壁畫好有特色。店舖以泰國船麵為主，所以就隨便叫了個船麵，試試。剛好適合無咩胃口的我，船麵有牛腩、牛丸，湯底濃，牛腩好入味，牛丸也好彈牙。朋友就叫左個冬陰功湯麵，除咗麵還有河粉、米粉、粉絲、金邊粉選擇。但個湯偏咸左少少。剛好配上象啤啤酒🍻⋯⋯再嚟一杯當地熱買的碟豆花檸檬🍋蜂蜜特飲，雖然個杯沒有見到新鮮檸檬🍋片，但都有檸檬🍋加上蜂蜜的味道⋯⋯

今日終於唔使孤獨食，食麵都可以有人陪，同朋友仔嚟元朗食泰式湯麵。好，坐低睇吓有咩好食先。牛肉船麵，首先飲下個湯底，夠濃稠夠香，牛肉夠厚大大件，炆得夠腍，牛丸彈牙，炸豬皮幾脆口。冬蔭功湯麵，湯底夠酸夠辣仲有椰香，好有泰式風味，配料有蝦、青口、蟹柳，仲有豆卜可以吸湯食，河粉夠大片，又唔會易碎。碟豆花檸檬蜂蜜特飲，每次去泰國我都會買碟豆花做手信，碟豆花獨特嘅口味，真係好特別，今次配左檸檬蜂蜜嚟飲，酸酸甜甜，解渴涼快。

一向知道黃店有光環，但絕唔係咁就大曬。今次幫襯第二次，同朋友去，大家都點咗杯嘢飲，因為不嬲少飲凍嘢，所以都想少冰，落完柯打醒起唔記得講少冰，就即刻回頭講句要少冰。其實我都知少冰通常都講咗等於冇講，不過都要係咁意講下，嚟到真係有驚喜！成世人真係未見過咁大舊「少冰」。都算係畢生難忘，嬲到震，第一次寫食評，仲要打夠200字就係為咗俾個嬲嬲你，離曬大譜衛生又唔覺特別好，張枱痴笠笠咁，感覺一般般，諗返起舊冰都嬲，不了。

入完元朗搵太陽花🌻，跟手親要搵野醫肚啦🙆🏻‍♀️餐廳裏面嘅裝修好有特色，好多泰國風既畫係牆身，仲要播住泰國歌，可以暫時止一止旅行癮😭👆🏻凍香茅班蘭特飲😻去到泰國呢個係必飲既奶茶，出面麵好小搵到呢款，班蘭味麵幾濃，加埋奶茶既香味，就係呢浸泰國味啦，冇得去旅行住只可以靠呢個泰國味解下悶氣先👆🏻豬肉船麵😻上面係炸豬皮，變成條狀好飲食緊M記扭扭薯條咁，船麵湯底濃郁加左特色香料，薄切豬飲片，豬肉丸都彈牙，加埋爽口通菜同配左金邊粉，好有泰味😼👆🏻冬陰公湯麵😼冬陰功味好香，加埋奶香重，配以金邊粉，口味唔算太辣，酸酸地開胃啱晒夏天食

在各大媒體上以層層疊麵聞名於世, 今日去嘆個晚午茶(雖然無茶餐😅)點了牛肉船麵同燒豬頸肉飯, 仲有拼盤桌上佐料充足, 鋪頭賣點是正宗泰式, Google說正宗船麵乍看似牛肉湯, 實際上因為加入豬紅質地較濃稠👀再看看食譜, 光是湯底就有十數種香料。 泰叔的船麵似香港的牛肉清湯, 有細細條炸豬皮, 除此以外, 吃起來滿滿越南風味😲燒豬頸肉飯是好吃的燒豬頸肉飯🐽$68小拼盤有雞翼4隻(紅咖喱同香茅各兩隻, 各有千秋) 甜品2件(一般泰式甜品大菜糕同椰汁西米各一), 還有無骨泰式鳳爪6隻, 勁辣!

疫情關係無得去泰國，香港泰國餐館好多，但主打食船麵既餐廳唔多，平平地係元朗呢到食返碗船麵止下癮先。牛肉船麵，餸有牛腩、牛丸同炸豬皮，有5款麵底揀，分別係金邊粉、河粉、米粉、粉絲同蛋麵。我揀左最傳統既金邊粉，貪其口感較河粉硬身，浸係湯到食唔怕好快淋。湯底偏甜口，好濃牛香味。牛腩煮到軟腍易咬，牛丸細細粒好彈牙。豬皮趁未被湯浸林前食，好香口！另一個冬蔭公湯麵好惹味，酸辣既冬蔭公湯好開胃，餸有蟹柳、蝦、青口同豆腐卜， 豆腐卜索哂湯汁夠入味，正！嫌唔夠辣，可以自己加多d辣椒粉~包辣到食到出哂汗應該係即叫即燒既燒豬頸肉，等左一陣先上菜，邊邊位燒到焦香，食落仲係Juicy 唔乾，好食～

二零二零年六十二十八日兩點九黎到元朗西菁街"阿叔泰麵"遠離西鐵站 不過值得行過黎食下午兩點九都仲好多人等等左15 分鐘就可以入座店仔細細 枱都擺得闊落 唔會坐得太迫仍然需要先探熱 消毒雙手先入座冷氣都足夠菠蘿特飲濃郁菠蘿味但略嫌細杯左d 泰式玫瑰奶茶粉紅系 唔算太甜冰就多左d 豬肉船麵 $55腐乳唯一豬骨湯底粉紅色 店員見我飲哂d 湯 仲主動話可以加湯超闊河粉 無係香港食過而且份量都好多配料有炸豬皮 芽菜 通菜 花生碎 豬肉片香茅魚露雞翼$46 6 隻熱辣辣上菜 脆卜卜外皮濃郁嘅香茅魚露味