阿叔泰麵 (西菁街) (已結業)

疫情蔓延，可以出走嘅機會微乎其微，唯一止下遊行癮嘅方法就係搵啲特色又有外國風味嘅餐廳試下🤤•今次去左元朗一間幾出名嘅餐廳「阿叔泰麵」試下，顧名思義，食物主打泰國船麵，亦提供唔同泰式小食同飲料😋食物選擇唔算特別多，但起碼每個種類都有幾款選擇。我就叫左雞肉船麵同泰式奶茶🥤🐥雞肉船麵賣相吸引，有幾分泰國街檔嘅味道🤪湯底味道好濃，河粉索哂啲湯汁好入味🤤配料就有雞䭔、雞什、芽菜、通菜以及炸豬皮。份量對女仔嚟講啱啱好，男仔就建議追加小食啦🥶🥤泰式奶茶食麵食到熱辣辣，最爽就係飲杯冰凍嘅泰奶降溫🥶泰奶一般以煉奶特調所以味道偏甜，但阿叔就提供埋甜度選擇，十分細心💛茶底好香濃，同知名泰奶連鎖店有得揮💪🏻👍🏻小店整體水準都幾高，價格相宜，服務周到，絕對會再幫襯支持💛推薦！