阿叔泰麵 (西菁街) (已結業)

今日終於唔使孤獨食，食麵都可以有人陪，同朋友仔嚟元朗食泰式湯麵。好，坐低睇吓有咩好食先。牛肉船麵，首先飲下個湯底，夠濃稠夠香，牛肉夠厚大大件，炆得夠腍，牛丸彈牙，炸豬皮幾脆口。冬蔭功湯麵，湯底夠酸夠辣仲有椰香，好有泰式風味，配料有蝦、青口、蟹柳，仲有豆卜可以吸湯食，河粉夠大片，又唔會易碎。碟豆花檸檬蜂蜜特飲，每次去泰國我都會買碟豆花做手信，碟豆花獨特嘅口味，真係好特別，今次配左檸檬蜂蜜嚟飲，酸酸甜甜，解渴涼快。