阿叔泰麵 (西菁街) (已結業)

好抵讚的泰國美食小店老公生日想食泰國野，搵到元朗呢間好似幾有特色。店員都好好，有野在社交平台查詢都好有禮貌咁答，而且幾有人情味。地方細細，11點10左右到都差不多Full House. 啲座位比較逼，都要坐得幾密下，不過成個環境既設計都好有心思，壁畫好靚。野食方面叫左老公好想食的咖哩麵（泰北黃金麵），賣相好靚！不過個湯底偏咸，雞脾肉唔算好嫩。馬上叫多杯泰奶解下渴。然後ＦＦ，如果佢個Corner專賣泰飲外賣都可以同旁邊野飲店Fight下XD 我就叫左個牛肉船河。湯底同麵正常，但好欣賞「四大調味，缺一不可」呢樣野。牛丸好重黑椒味，炸豬皮好正，連平時唔食內臟的我都係咁密密食。雖然坐唔到好耐，不過論味道、裝潢同理念，都係值得支持下的。

某天同朋友來到元朗國去到外地人生路不熟求其係openrice搵左間叫阿叔泰麵的食店醫肚見到個香葉肉碎炒mama呢個名咁出色所以叫左黎試原來炒媽媽好似公仔麵咁，麵條比較幼身炒麵質感淋淋地，好香的肉碎，辣辣地，肉碎好足料，反而麵既份量感覺較少🤣多啲就好啲喇另外叫左個燒豬頸肉飯，就反而覺得啲肉唔係好夠送飯，最後用左炒mama的肉碎送飯了～𝙱𝚝𝚠,豬頸肉味道合格的，香口無肉腥味🤘🏻另外有加佢個小食泰式鳳爪，味道還可以，酸酸辣辣都幾開胃店內裝修都幾有特色架，好別致既感覺呢可以一試🤘🏻

今日入左元朗，又好想食泰國嘢，咁就係IG見到呢一間泰國餐廳，主要係食船麵，從而吸引咗我過嚟呢一到試一試。佢門口具有異國風情嘅味道，顏色十分鮮艷，都好適合大家過嚟影相打卡。咁過嚟呢到真係要試一試佢哋嘅船麵，而我就叫咗佢哋豬肉船麵配金邊粉，當中亦都有豬肉丸、炸豬皮、同埋香茅等。根據個人嘅口味你都可以落一啲辣椒粉、魚露、糖同白醋，而佢哋就建議四樣調味料都落晒。個湯底好鮮甜，反而個豬肉就一般般，而個炸豬皮就好香口，個人建議落晒四樣調味料就比較好啲！另外，叫咗一個冬陰功海鮮米粉，都非常之多料喺入邊，而冬陰功湯底唔會好油同好辣，如果唔係太食得辣嘅朋友都可以叫嚟試一試，而係海鮮方面佢哋都有青口、蝦、蟹柳。我亦都叫咗佢哋泰式奶茶，味道都幾好飲唔會好甜！

環境：店舖小小，大約有8張4人枱，聽講平時要排隊😛但我周末下午去到唔洗排哦～ 裝修融入左多種泰國🇹🇭元素，例如有代表泰拳既褲、代表泰國潑水節既水槍💦 好有心思！但我就唔鍾意燈光藍藍紅紅咁🙈.♡.牛肉船麵 $58有三大件牛腩，4粒牛丸，炸豬皮，好足料😌 湯底係牛骨湯，枱面有4大調味（魚露、白糖、白醋、辣椒粉）餐廳建議我哋落晒去船麵嘅湯底，再食！ 唔知係咪加左四大調味就重味左，有少少怪，下次試下落小d😆 慢慢試味泰北金邊 $62椰汁🥥咖哩湯太濃味，配雞髀，味道麻麻，$62🤔偏貴阿叔拼盤（小）$68無骨鳳爪、香矛魚露雞翼、紅咖哩雞翼、椰汁糕點☺️ 雞翼炸得好香，糕點做飯後甜品岩哂💓菠蘿🍍梳打 $24酸酸甜甜幾好味😋

老朋友見面，都是在區內搵食。阿叔泰麵位於西菁街的街尾，不近輕鐵和巴士站，因此食客多是區內居民。正因為元朗的交通，令這區的食店都隱藏起來。店內裝修簡單，天花掛上不少特色物品。我與朋友分別點了一個湯麵和撈麵。牛肉船麵$58船麵的湯底十分濃郁，從湯底的色澤都可以。船麵有牛丸、牛腩和炸豬皮。牛丸質地不像潮州牛丸般彈牙，更不像食神中能取代乒乓球的情節。阿叔泰麵的牛丸咬下去像普通手打肉丸的質感，反樸歸真，不刻意追求彈牙爽口，味道更佳。而牛腩燜煮火候十足，用的是牛肋條，但筋膜和肉都入口即化，不用咬上半日的時間。泰北金麵$62泰北金麵是咖喱湯配雞髀粗蛋麵。咖喱湯其實更像咖喱汁，給我一碗白飯都可以餸飯了，他的味道出色，夠濃夠好味，亦有小小辣，如不食辣的朋友，請多加注意。加一杯青檸可樂$18，將一日的辛勞都嗝出。

今天在元朗逛街，逛到肚子有點餓，於是上網看看附近有什麼餐廳便宜又好吃，見到這間餐廳的評價不錯，所以就試一試～ 門面裝修很有異國風情🥰🐂 牛肉船麵 $58有牛腩同牛丸，我選了金邊粉，麵質不錯，不會軟爛～ 湯底很香，牛腩有四大塊，軟腍入味，牛丸亦彈牙。果然是招牌之選👍🏻🥭 芒果糯米飯 $58去泰國菜餐廳必點！白糯米飯的口感煙韌、有咬感，點着椰漿吃更香口。芒果清新香甜，份量不少，飽肚又好吃👍🏻🧋 泰式奶茶（少冰）$24原本想點蝶豆花特飲，不過今天沒有，所以職員推介他們自家製的泰式奶茶/咖啡～ 果然是好介紹，奶茶色澤漂亮、偏深橙色，味道香濃且甜😋 希望晚上睡得著😂 值得嘗試👍🏻很欣賞這裏每台都有酒精搓手液，裝修和餐具都色彩繽紛，令人心情愉悅😙 餐廳名字是阿叔泰麵，但員工都是年輕人😆

呢間阿叔泰麵我一直save系openrice，諗住經過元朗一定要去試吓，系openrice睇過相、食評，以為好好食，點知。。。今日終於去元朗，帶來嘅只係無窮嘅失望！今日我哋一行二人叫左：1. 牛肉船麵 + 泰國鳳爪小食+ 泰國奶茶2. 青咖喱牛肉飯+ 雞丸小食+ 青檸梳打🍲牛肉船麵 肉：牛肉故名思意係牛肉片，不過上菜嘅係三塊牛腩，心想：嘩，有三塊牛腩，都幾抵食喎！？點知一咬入口，舊牛腩得個甜字，無其他香味，而且作為一塊牛腩，炆得唔夠「林」，食起嚟癡牙湯底：正宗泰國船河濃郁嘅湯底係加有豬血，因此個湯顏色會較濁；相反嘅係呢間麵舖嘅船粉湯粉雖然好黑，但清到可以見底！問我係乜味：除左甜味，食唔到其他味⋯⋯ 成個粉嘅精髓在於湯底，個湯唔好食，配料好食都無用😅個粉有咩值得表揚：豬皮幾香口，幾條通菜無渣，肉丸幾香🙂食淨咁多直接叫佢收走👇🏻係有小小浪費，我有問家人舊牛腩好可好拎返屋企喂狗，但家人話費事喎🥲🐤泰國鳳爪小食調味一般，撈得唔夠混！一咬入口就只呷到浸泡鳳爪嘅水味，並非調味料及醬汁嘅香味。有何可取之處：洋蔥夠辣，生菜夠新鮮🧋泰國奶茶杯奶茶一送到，我都好好奇點解杯茶係橙色，一試冇乜茶味、亦冇乜奶味

假日去到邊間良心店都排哂長龍👨🏻‍🤝‍👨🏾，去到哩間話仲有兩台就揀佢喇。等左二十分鐘應該到我地，但店員搞錯左號碼俾左後我地一個號碼入先，之後同佢講佢先話睇錯。雖然好無奈😅但對方已經就座左都無計。再等左二十分鐘先入座成功。入座後我地揀左一個麵一個飯，結果足足等左三十分鐘先有得食😣，隔離同時間入座既食客都同樣等左咁耐。燒豬頸肉飯 $55睇落去唔錯，點知食落去個豬頸肉🐷好韌，好難咬碎，唔知筋多定咩原因。佢跟左個酸汁，真係好酸😖，食唔出其他辣味甜味，食到少少青檸味🍋，我覺得同個豬頸肉唔係咁搭。豬肉船麵 $55有豬肉丸🐷同肉片，豬肉丸細細粒好易入口，肉片都正正常常，唔會有雪味個啲。碗麵雖然就夠哂熱辣辣🔥，但湯底認真失望，可能係泰國食過好濃郁好重口味既船麵🍲，哩個湯底明顯高下立見，只係食到豉油味加啲甜味，無咩層次既味道。可能排隊人數令我期望太高，結果不如人意。然而，我覺得可以改善空間好大😅，出餐時間以麵食黎計都比較耐，希望下次會有進步喇。

本身唔食牛，購買錯卷堅持不肯轉雞，只強調卷不可換，只是把牛轉雞都不可能嗎？ 價錢都是一樣，下次不會再去，味道一般，不值得推介，第一次去這樣的黃店，只跟你就條文細則。

💛💛2月14日初四情人節，下午茶時間等了一會入場。店舖裝修有特色，好泰。叫了牛肉船麵份量不少，牛肉大大嚿，感覺滿足，口感似牛腩，湯底面底也有水準。篤篤炸丸，有兩款丸子，上枱時熱辣辣脹卜卜，過一陣便漏氣了。 泰式奶茶，個樣不似奶茶飲落非常奶茶。同事招呼好，食物質素可以，價錢非常經濟，💛💛💛值得幫襯💛💛💛

之前喺大圍見到已經想食，估唔到元朗都開咗分店。星期六嘅兩點幾嚟到大排長龍，等咗20分鐘先有位，奇怪嘅係一點打嚟嘅時候話忙沒有排隊😞。泰式牛肉船麵，見係open rice 最多人食嘅，我同朋友各自叫了一碗，一個叫蛋麵一個叫粉絲，我覺得個湯略嫌爭少少🤏味，但係自己加咗辣粉之後就perfect 最好飲係個奶茶🧋下次上嚟試吓佢其他嘅泰北咖喱麵，同埋basil 肉碎炒麵

呢間船面成日都好多人排隊,今日特登過去會一會佢,好彩都唔係好多人. 等左一陣就可以入去坐低， 叫左牛腩船麵粉絲同金邊粉叫咗飲品同埋香茅魚露雞翼。水吧完全做唔切碗麵差唔多食曬飲品先到, 雞翼熱辣辣明顯係生炸的, 好香香茅味。碗船麵就真係幾令人失望,湯底落得太多冰糖得個甜字, 完全唔係嗰種牛骨湯嘅清香，個炸豬皮夠晒脆就真嘅。呢間鋪試過過癮下便算數完全唔值得排隊再食。食飽後見店出面仲有成十幾人排隊等位，真係好誇張。

完全一d 都唔好食 真係難食到嘔 自己亂9甘煮個麵都好食過佢 第一口 飲淡湯 有d 怪怪地。。溝埋落d 麵到 重嬲 食左兩啖 我同條女 都唔夠膽再食重有幾個 調味。。 去食既人 真係諗清楚 嬲到我第一次係open rice 到留言 去話間野

揸車成日經過見到都想黎試，呢日終於都黎左食，好好彩，唔駛等位，遲多5-10分鐘黎就已經坐滿座要排隊喇篤篤炸丸（牛丸同豬肉丸雙拼）同喺泰國食嘅一樣，都係細細粒每張枱都放左酒精搓手液，同埋個筷子座都好特別👍🏻叫左杯熱青檸蜜，杯幾靚，大大杯，唔係好甜，幾好香茅魚露雞翼有六隻，食到魚露、香茅味，但唔會好咸，幾好我同老公都叫左豬肉船麵大大碗，又多料，我地都係叫左河粉，d河粉係粗河粉，好似陳村粉咁，好軟糯，又索湯，好食！枱面上都放左4款調味料，想酸、甜、咸、辣，都可以自己調味；可能因為索湯嘅關係，我地都食唔哂碗粉，好飽！

二人食牛肉+雞肉牛肉有兩塊牛腩，偏乾柴，牛丸重味精雞肉有四件雞錘+兩雞腎，雞肉有雪藏味，雞腎一般湯底“驚艷”，第一次食可能唔識貨，但是睇曬食評，點解我地湯底黑到似老抽溝水，有人湯底又帶啡色唔識欣賞偏清淡餐牌選擇少，分量似下午茶，價錢又偏高，性價比不高。環境裝修不錯，好多情侶學生哥，但是坐得唔舒服，明白香港地寸金寸土唯一覺得炸豬皮唔錯，無油溢味，好脆飲品凍菊花同熱飲，一個少甜，一個無糖，可以自己加糖，感覺比較健康養生中伏