阿叔泰麵 (西菁街) (已結業)

滿懷期待 但第一口已經伏個湯極甜 係加糖果種不自然甜d味好淡同食開船麵根本兩回事個粉不過不失 可以的話林身d會更好完全麵同湯分開 冇融為一體嘅感覺 咁都叫船麵 侮辱左呢個名詞唔難食但唔會再食

🐣雞肉船麵（$55）湯底非常濃郁 豬皮脆卜卜 雞鎚和雞腎非常入味 金邊粉軟硬度適中夾起不會斷開 通菜和芽菜可以中和吃肉的單寡🐽豬肉船麵（$55）船麵含有彈牙的小豬肉丸 和鮮味十足的豬肉片 但略嫌過瘦和對比起雞肉味道有點淡.🍱小阿叔拼盤（$68）👉🏻聖巴東酸辣無骨鳳爪 辣味完全滲透入鳳爪之中 不會維持在口腔很久👉🏻香茅雞翼紅咖喱雞翼 新鮮炸起熱辣辣十分惹味👉🏻精美高點是兩種不同的椰汁糕 留作飯後甜品很不錯🙈

我見OpenRice評價咁高分，今日入元朗，我專登走去試吓，真係失望極了～叫咗豬肉船麵，個湯底真係出事，好大陣苦味，好似藥材味咁，無論食粉絲定係食金邊粉，索曬落啲面入邊，真係唔多頂得順..（利申：無論係泰國定香港都食過船麵，知道係咩味嘅）再講下啲配料，肉丸或者豬皮係OK嘅，但係啲豬肉其他泰式麵正常係會用啲滑滑地肉片，佢唔係，係火鍋嗰隻瘦豬梅肉片，好鞋，口感好似擦膠咁，明明我肚餓到爆燈都真係食咗半碗頂唔住，冇食落去了。飲品值得一讚嘅，泰式奶茶同埋泰式凍檸茶都好飲。服務都OK。整體來講，如果佢主打嘅係泰式面，唔好話同泰國嘅相比，同九龍城或者其他泰國餐廳相比，都真係差。真係名過其實，冇下次了。

牛肉船麵配粉絲：牛肉船麵上枱香噴噴，除了牛丸之外，大大件牛肉，應該是牛腩部位，吃下去軟林林的而且牛味濃郁，船麵湯底是濃濃的牛肉香味。粉絲吸收所有牛肉湯汁別有風味。旁邊有各式各樣的泰式調味料任君選擇，店員會介紹它們有畫龍點睛之效。所有船麵配料包括芽菜、通菜、炸豬皮和花生碎。冬陰功麵配蛋麵：確實是泰式的冬陰功湯味，蛋面質地似生面，當然是會帶點點雞蛋香味的麵條。麵條都是軟身的。配料有爽甜大蝦兩隻、吸湯豆腐卜、青口和蟹柳，非常豐富。冬陰功屬於輕微辣度，可以自己再加辣椒粉。芒果糯米飯：加$25的小食。芒果帶少甜，糯米飯煙銀有咬口，配合濃濃的椰汁，份量適中，要是現在吃完一碗麵後吃它的份量剛剛好。是不錯的甜點。泰式奶茶：顏色鮮艷的橙色。用塑膠杯方便客人帶走享用。奶茶味香，算是特色之作。菊花茶：套餐包含免費的菊花茶，凍冰冰的菊花茶用玻璃杯盛着。飲下去有另一種感覺，清！甜！

過開嚟元朗，去咗朋友介紹嘅阿叔泰麵。本來以為泰式炒菜類嗰啲泰國菜，原來係麵線類，層層疊嗰啲。6點天一黑就到，所以就無乜人。餐廳掛滿泰國嘅紙遮，同度牆畫咗啲泰式畫。小店感覺好泰風。首先叫咗個牛肉船麵、香茅魚露雞翼同糯米飯。我地叫嘅牛肉船麵係河粉，係泰式大大片嗰種河粉。同埋個湯底濃得嚟唔咸，好明白其他人話好正宗嘅泰風味。牛腩好有牛味又唔韌，牛丸細細粒爽口彈牙。不得不提佢嘅豬皮係脆卜卜架 ！唯一份量唔算多，所以食咗一半我地都加多碗冬陰功金邊粉。雞翼隔咗陣就到，佢似乎即叫即整，上菜時熱辣辣！我喜歡佢香茅味剛剛好，平時食嘅香茅成日都整到好重味。魚露味都少少。後加嘅冬陰公金邊粉就不過不失。金邊粉份量就多好多，不過啲配料唔係好新鮮嘅，唔算突出。湯底略嫌唔夠酸。我地仲叫咗杯玫瑰花奶茶，好重香料味，喜歡泰式奶茶嘅一定要試。最後係芒果糯米飯，佢啲糯米飯似乎係即叫即蒸，等咗一陣先送上，啲飯仲係好熱。不過似乎泰國啲芒果送唔到黎，啲芒果好酸。整體係唔錯嘅，我會再嚟，試下佢啲飯。

Tried this small authentic Thai Boat Noodle shop, and was very surprised at the quality of food!Service and food were both great. The soup was very delicious and rich. The waiter showed us the condiments to go with the bowl of noodles which was great (chili powder, fish sauce etc.)There was a line during dinner time and we had to wait around 20 minutes to be seated. But the food was worth the wait! 

O係香港真係好難食到同榮泰一模一樣味道既船麵, 就算去到九龍城咁多泰國人開既餐廳都係食唔到.今次如朋友殷食, 簡直係驚為天人呀雖然野食唔多選擇, 只有湯麵同飯, 同埋幾款小食, 不過都夠哂做啦餐廳又播住泰文歌, 簡直係返左泰國一樣呀牛肉船麵, 雞肉船麵: 湯底夠濃味, 最值得讚賞既就係仲加左幾塊炸豬皮O係面. 成碗麵真係冇得輸炸雞棗: 呢個應該係買現成來貨, 唔係自制. 因為我O係出面都食過一模一樣芒果糯米飯: 反而呢個甜品有少少失色,  好似即叫即杠咁, 糯米飯係夠香既, 但熱左少少...芒果應該用返呂宋芒, 咁成件事就perfect啦雖然位置有少少隔涉, 但我都會再返黎食, 因為實在太太太太好味喇

今日來了元朗話間阿叔泰麵用餐，由於一段沒有吃泰國菜，今日就試一試這間的招牌菜，船麵。點了一碗牛肉船河粉和泰式凍檸茶。食物方面：湯底濃郁，味道和在泰國吃的一樣，十分正宗配料很多很豐富。有豬肉丸，4塊大牛肉，通菜等等牛肉大塊而香軟，一咬下去就會分開，並不是很難咬的美中不足是河粉一大舊，因為不是和湯一起煮，所以不夠熱，較難散開。飲品方面：泰式凍檸茶，和香港凍檸茶味道不一樣。較甜，而且十分貼近泰國的味道。

元朗一間頗有名氣既泰式小店💛當中以船麵較為出名！———————————————.🔶牛肉船麵 $58 (💡7/10)湯底以新鮮牛肉熬製 但味道較淡🙈店舖建議加入魚露 白醋辣椒及砂糖調味真係要加 唔加會冇咩味🙈配料有牛腩 牛丸同豬皮其實都冇咩特別😂屬正常水平唯一係豬皮炸得好脆！———————————————.🔶豬肉船麵 $55 (💡5/10)豬肉片非常韌 而且淡而無味🤷🏻‍♀️口感都幾乾柴😅 唔難食既 但真係好一般😥———————————————.🔶香茅魚露雞翼 $46 (💡8/10)全晚唯一較好食嘅菜式😂雞翼外皮香脆 肉滑嫩juicy而且都醃得入味👍🏻—————————————🔶泰式奶茶 $24 (💡7.5/10)味道都唔錯！唔會一味死甜大大杯又唔會太多冰有茶味 口感都香滑🥰*Ig: 📷sissyfoodie

大概7點半左右到從大棠輕鐵站走過去兩三分鐘,非常近,位置很好找呢個時段門口已經有人排緊一個人就唔洗等位🌝-服務態度好好,店內乾淨舒適除咗d位有少少窄,其他都好好-繁忙時間上餐速度都幾快好似等咗5,6分鐘左右就有得食😋😋-【牛肉船麵】$58牛腩非常好味!! 成碗好似有三四塊🤔炸豬皮都好夾,整體黎講,成碗嘢都好好味個湯都濃,好唔好味就真係見仁見智啦-【泰式玫瑰奶茶】$30大推!! 淡淡的玫瑰味整體唔會太甜很特別的奶茶

香港食泰國野嘅地方有好多，依間位於元朗嘅小店以船麵作招徠，算係幾特別～～餐牌嘅食物選擇唔太多，嚟得當然係要食船麵啦，今次就試下豬肉船麵 ($55)。湯底話係用新鮮牛骨製成，飲落唔算好濃厚，易入口，味道偏甜，鍾意重口味啲嘅就可以落埋枱上嘅調味料(包括魚露、白糖、白醋、辣椒粉)。配料方面有豬肉片同埋豬肉丸，不過個人覺得豬肉片有少少鞋，另外每款船麵都有炸豬皮、芽菜、通菜、花生碎，但係炸豬皮唔夠脆，如果可以脆啲就更好。總括嚟講，價錢唔太貴，五十幾蚊一碗船麵算係合理，可以一試！

中秋長假像是不應高興，但始終要食，結果出左三日街幫襯左8間黃店。本人食黃店甚少中伏，皆因我係數據L，會睇哂D OK同負皮先決定食定唔食。食左幾間特別出色，決定係度分享一下，首選係本身已經好出名既阿叔泰麵，數據再一次叫左本人要叫船麵而非冬蔭公，果然無錯。船麵既湯底高質到不得了，極濃郁既牛骨味卻完全唔油，仲加入八角，同肉骨茶有幾分相似。我揀左粉絲，又滑溜又索湯。食食下再加白醋、魚露同辣椒粉，華體轉身即刻變左酸辣湯，本身唔餓既我瞬間食哂成碗，好想瘋狂Encore唔係講笑。另外有個菠蘿特飲，唔飲甜野既我覺得呢杯好易接受，係好清新酸甜既果甜。嗚呀，正！

作為港島人，好日都唔入元朗，入去緊係貫徹「睇好評、搵好食」嘅做法啦！係唔知實際地點嘅情況下就揀左呢間！舖頭面積唔算好大，裝修方面卻有特式，餐廳內播放住一粒音都聽唔明嘅泰文歌，頓時增添不少泰式風情。泰版層層疊船麵好有趣，可惜撞唔岩時間，只可以食返普通大碗嘅船麵。嗌咗豬肉船麵，每碗有豬肉片、豬肉丸、芽菜、通菜、花生碎同炸豬皮。湯底用新鮮牛骨熬製而成，湯頭非常濃厚！餐廳介紹「四大調味缺一不可」食法，包括魚露、白糖、白醋、辣椒粉落去撈，除了白糖外我每樣都加了一羹，結果辣粉的辣把牛骨湯底的味道覆蓋了，成餐味蕾都浸淫係辛辣之中😂溫馨提示記得逐少逐少落調味料去調味～飲品方面如果飲到香茅班蘭特飲就好啦～踩單車前避免飲奶類制品，最後選擇了蝶豆花檸檬蜂蜜特飲，係辛辣的船麵中呢杯特飲簡直係救星！ 小食方面，都有好多選擇，有芒果糯米飯、木瓜沙律、無骨鳳爪、豬頸肉，小牛扒、雞翼……等等～諗住最後先嗌芒果糯米飯去埋尾，由於碗船麵份量十足，我地芒果糯米飯無緣……餐廳位置比較唔近旺區，唔熟路嘅可能會兜多幾個圈先到。

🔎阿叔泰麵 (元朗) 💛📍元朗西菁街20號益輝大廈地下3號舖-🔹牛肉船麵 $58 （牛腩、牛丸）麵底可選金邊粉、米粉、河粉、粉絲、蛋麵呢個揀咗河粉 係比起平時食嘅幼身好多配料有炸豬皮、芽菜、通菜、花生碎 配料嚟講我就覺得麻麻地 但個船湯就幾好飲 好濃好想keep住飲 跟麵配咗4款調味料 包括魚露、白糖、白醋同辣椒粉 加完更加惹味 少少辣又幾過癮湯同麵我都覺得唔錯 不過牛腩同牛丸就普普通通 牛腩都幾大件 不過唔淋但又唔會韌 牛丸細細粒但又唔夠彈牙 正常操作🔹雞肉船麵 $52 （雞鎚、雞腎）呢個麵底揀咗蛋麵 似係比較少人揀嘅麵底餸就真係一般 雞鎚都算老老地 不過雞腎就爽口嘅不過另外一題就係份量偏少 可能加小食再加埋飲品會好啲💬不過外賣係用紙盒有加分 仲要分埋湯 拎到返去都仲係好熱 啲麵同配料又唔會淋哂🍴搵返相關地區👉🏻 #90sfoodieshare_元朗#食在元朗 #元朗黃店

自從朋友帶我去過呢間食過船麵之後就成日心思思想食，就算一個人都要去，因為個度真係有去左泰國既感覺叫左碗豬肉船麵，湯底好濃味，一定要加埋枱上既調味料，會有層次好多好有泰國風味碗麵都算大碗，餸都唔少,女仔一定夠好掛住泰國呀😣無得去旅行唯有去食野扮去左啦