阿叔泰麵 (西菁街) (已結業)

疫情關係無得去泰國，香港泰國餐館好多，但主打食船麵既餐廳唔多，平平地係元朗呢到食返碗船麵止下癮先。牛肉船麵，餸有牛腩、牛丸同炸豬皮，有5款麵底揀，分別係金邊粉、河粉、米粉、粉絲同蛋麵。我揀左最傳統既金邊粉，貪其口感較河粉硬身，浸係湯到食唔怕好快淋。湯底偏甜口，好濃牛香味。牛腩煮到軟腍易咬，牛丸細細粒好彈牙。豬皮趁未被湯浸林前食，好香口！另一個冬蔭公湯麵好惹味，酸辣既冬蔭公湯好開胃，餸有蟹柳、蝦、青口同豆腐卜， 豆腐卜索哂湯汁夠入味，正！嫌唔夠辣，可以自己加多d辣椒粉~包辣到食到出哂汗應該係即叫即燒既燒豬頸肉，等左一陣先上菜，邊邊位燒到焦香，食落仲係Juicy 唔乾，好食～