影片
港鐵九龍站 C1 出口, 港鐵九龍站 D1 出口, 港鐵柯士甸站 D1 出口
繼續閱讀
電話號碼
36197123
開飯介紹
是一家融合正宗閩南菜與廣東美食的高級中菜廳。餐廳裝潢優雅，設有落地玻璃窗，讓食客品嚐美饌同時飽覽壯麗維港景色，打造寫意且尊貴的用餐體驗。
繼續閱讀
營業時間
今日營業
12:00 - 15:00
18:00 - 22:00
星期一至五
12:00 - 15:00
18:00 - 22:00
星期六至日
11:30 - 15:00
18:00 - 22:00
以上資料只供參考, 請與餐廳確認詳情
有關獎賞計劃
位於ICC 101樓，完美飽覽維港景色，加上裝潢優雅，淨係環境已經贏晒。而食物嘅質素一樣令人印象深刻，絕對高質。先來兩款精緻開胃前菜 - 椒香脆芥蘭芯 及 頭抽芥末伴海螺片。前者將爽脆芥蘭心切成細片，配上魚子醬，味道帶椒麻香；後者以鹹鮮頭抽及微辣芥末調味海螺片，味道鮮香。再來禪衣帶子皇，以薄脆禪衣包住珍寶帶子，賣相滿分，食之前淋上配上酸甜醬汁，令鮮嫩帶子皇味道更出色。荔浦黃金匣絕對印象深刻。酥脆外層裡面包住綿滑芋頭蓉，外酥內嫩。加淋上秘製豬頭肉黑松露醬汁，美味非常，難怪成為得獎菜式。主菜大紅袍乳鴿同星加坡胡椒蟹亦非常高水準。前者應該係我食過最皮脆肉嫩嘅乳鴿，沒有之一。而且以大紅袍香清雅香搭配乳鴿香，意想不到地配合；胡椒蟹絕對啱哂喜歡濃味人士，辛、辣、胡椒香，完全滲入蟹肉！鮑魚肉絲炒麵球，每個脆炸炒麵球上都有一隻肥美鮑魚，食之前可選擇淋上肉絲芡汁。最後來一碗荔枝石榴露，酸酸甜甜，入面仲有果肉，大滿足。
繼續閱讀
近來人氣高企嘅高級中菜廳，好多人都大力推薦，到底係唔係真係咁吸引？今日一試，只能說，不論環境、服務、食物精緻度、味道，都一試愛上！餐廳裝潢優雅，多處用上落地大玻璃窗，飽覽壯麗維港景色，絕對寫意。除咗大廳之外，亦都設有多間私隱度高嘅箱房。餐廳融合正宗閩南菜同廣東美食，將好多常見嘅食材變得不平凡。✨椒香脆芥蘭芯將芥蘭心切成細片，刀功盡顯。口感非常爽脆，但有微微椒麻香，面頭仲配有魚子醬，再加上紅醋，非常喜歡💕✨頭抽芥末伴海螺片海螺片鮮嫩爽脆，加入微辣芥末香，再配合鹹鮮頭抽，味道富有層次感。✨禪衣帶子皇外型精緻到十足。珍寶帶子非常肥美，外層以薄脆禪衣包住。配上秘微酸嘅秘製醬汁，感覺高貴又美味☺️✨荔浦黃金匣先將芋頭蓉進行多次壓榨，令口感變成非常綿滑，再將其炸至外層酥脆，絕對係外酥內嫩。再加上黑松露醬汁，額外加上一份鮮香，個人非常喜歡😍 難怪成為得獎菜式！✨星加坡胡椒蟹一上菜已經聞到令人垂涎欲滴嘅胡椒香🤤蟹件將富有層次嘅胡椒辛、辣、香完全吸收，令人食到欲罷不能！✨大紅袍乳鴿係我食過最皮脆肉嫩嘅乳鴿！一打開個蓋已經聞到大紅袍融合乳鴿嘅香氣。乳鴿香配上大紅袍嘅清雅，再帶有少少花椒麻香，呢個組合富有層次亦好新穎。✨鮑魚肉絲炒麵球炒麵球炸至非常香口脆身，每個炒麵球上面都有大大隻有嚼口嘅鮑魚。臨食之前再加入肉絲芡汁，非常不錯。✨荔枝石榴露味道甜甜酸酸，荔枝同石榴香味完美配合，當中仲有果肉，完美地為呢餐作結💖
繼續閱讀
今年年初，喺高聳入雲嘅ICC環球貿易廣場101樓☁️，一間嶄新嘅餐廳——閩粵軒，靜靜咁揭開咗佢神秘嘅面紗。呢度唔單止專注於炮製最正宗嘅閩南同廣東美食，仲有令人心曠神怡嘅景色同埋高到驚人嘅樓底🌃。畀呢啲吸引住，我決定親自嚟呢度，體驗一下佢嘅晚飯。一入門口，嗰種震撼嘅氣派即刻撲面而來，未食已經覺得超值。更加難得嘅係，呢度私隱度極高，有好多間豪華包廂，成日都有唔同嘅名人喺度出入✨。—————————————————🔹 十年黃金醬蘿蔔呢個醬蘿蔔用咗十年黃金醬醃製，味道濃鬱，食落去脆口又開胃，真係一流！🔹 鹽焗花螺用鹽焗嘅方法煮花螺，保留咗佢原汁原味嘅鮮美，每一啖都係海洋嘅味道。🔹 禪衣帶子帶子真係好大粒，外邊包住一層香脆嘅禪衣，入面嘅帶子鮮嫩多汁，再加埋秘製醬汁，真係人間美味！🔹 瑪瑙松茸燉雪絨初時以為雪絨係菇類，點知一飲先知原來係豆腐，真係對廚師嘅刀工佩服到五體投地。仲有松茸同菇菌，呢個湯真係好滋補。🔹 閩南甘香蝦蝦用閩南特有嘅方法煮，甘香十足，每一啖都係幸福嘅味道。🔹 生啫東星班東星班用生啫嘅方法煮，肉質鮮美，仲保留咗魚嘅原汁原味，真係食過翻尋味。🔹 大紅袍乳鴿一打開蓋，嗰陣香味即刻湧出嚟，乳鴿肉質細嫩，入味到每一個角落，真係停唔到口。🔹 豬油渣炒菜芯呢個菜用咗好多豬油渣，仲見到好多肉粒喺上面，食落去又香又脆，真係好下飯。🔹 雲海杏仁茶杏仁茶滑捋捋，杏仁味又香濃，飲完真係成個人鬆晒。
繼續閱讀
早排屋企人生日🎂，我哋全家人一齊去咗新開張已經超難book嘅《閩粵軒》擺咗一圍食晚餐🥰 我哋坐喺超大嘅包廂，環境同夜景都超級靚🌃😍🌟 茅台水晶肉水晶肉晶凝通透，鹹香十足！🌟 鹽焗花螺花螺炸甜大隻超肥美，鹽焗完更香更juicy！🌟 禪衣帶子呢個帶子超大隻，外面包上香脆薄皮，再淋上秘製醬汁，香甜好開胃！🌟 瑪瑙松茸燉雪絨呢個湯好滋補！有松茸、菇菌，仲有切成花形嘅豆腐，好香！🌟 生啫海星斑海星斑好多魚肉，仲蒸得好嫩滑好香！🌟 大紅袍乳鴿一打開蓋就超香！乳鴿皮又薄又脆，肉汁豐富又鮮嫩！🌟 香酥法蔥燒雞蔥燒雞都大份又嫩滑！🌟 閩南甘香蝦閩南甘香蝦香炸過，皮脆好食，啖啖蝦肉好彈牙！🌟 上湯豆苗豆苗鮮嫩脆綠🌟 泉州特色滷麵第一次食泉州中滷麵，加入多種海鮮濕炒，好食！🌟 芋蓉燉鮮奶芋蓉燉鮮奶香滑，老少咸宜！🌟 生日壽桃適逢家人生日，當然都要叫埋每人一件壽桃喇～
繼續閱讀
早前到訪了位於市中心的中菜館「閩粵軒」，嘗試了他們的 $1188 套餐，菜單內容包括：魚子醬百塔配帕瑪火腿、襌衣帶子王、燕窩海皇羹、清蒸馬來西亞黑貴妃、香煎日本 A5 雪花和牛、黑蒜炒西蘭花苔、鍋燒松露海味炒飯，以及楊枝甘露作甜品。單從菜名看，期待值頗高；但整體體驗過後，只能說表現中規中矩，稱不上令人印象深刻。🍽️ 食物評價：* 魚子醬百塔 略帶腥味，火腿質素尚可，但味道未見層次。* 帶子王與海皇羹 味道屬正常發揮，無明顯亮點。* 黑貴妃魚 實為淡水魚，蒸得恰當，肉質尚算嫩滑，但魚味較淡，並無特別矜貴之感。整體感覺更像是一碟擺盤精緻、火候得宜的蒸鯇魚，與菜名所營造的高級感稍有落差。* A5 和牛 味道與口感皆一般，與期望中的「入口即化」有一定落差。值得一提的是，服務員在介紹時誤稱其為「5A 和牛」，略有失禮。* 松露海味炒飯 炒得乾身分明，但香氣及口感層次不足。* 楊枝甘露 味道清新，但亦屬常見甜品水準，無太大驚喜。💬 用餐環境與服務：* 員工之間在場內交談聲浪偏高，影響了用餐氛圍。* 服務整體中性，未見細緻或貼心之處。* 對菜式的介紹較為簡略，欠缺高級中菜應有的專業度。🔚 整體而言，此套餐的定價與餐飲表現只能說「剛好匹配」，尚未達至物超所值的程度。短期內暫不會考慮再次光顧。
繼續閱讀
您可能會有興趣的...