天龍軒

@天龍軒今日同友人去icc食呢間米芝蓮餐廳，餐廳要預先一個月前才book到window seat,呢個海景真係難得呵！入座後職員細心介紹茶葉種類，並奉上好好味嘅餐前小食：虎珀合桃📌中東吉品鮑魚酥撻皮酥脆而不膩,餐廳好細心已經將鮑魚切半,鮑魚有爽彈感,配上鮑魚汁,好食📌黑毛豬叉燒（半份）叉燒好大舊,好淋,有啖啖嘅蜜味,好味下次一定要試下西班牙叉燒（因為今次冇預訂囉）📌蟹肉黃金卷酥皮好脆，吾油膩，內有滿滿嘅蟹肉📌蜜汁脆鱔呢個係有啲失望嘅，炸皮唔夠脆，淡淡魚肉📌帶子窩夫帶子香脆而不膩，配上鬆化嘅窩夫，層次緊豐富📌鮑粒荷葉飯上枱已經聞到震震嘅荷葉香，蒸得啱啱好，每啖都食到鮮味嘅鮑粒總結：望住呢个醉人嘅維港海景，打下卡,已經值回票價食物方面，質素中上水平，唔可以話天花板級數，但係都唔失望服務方面,職員細心友善，見我哋兩個女仔就建議我地叫半份環境方面就唔使講啦100分，打卡位置非常多…查看更多

今日約朋友飲茶，朋友話去天龍軒，因為佢之前去過覺得好正本來我哋要求窗口位置，但係已經俾人訂滿，所以我哋安排坐喺中間,唯有遠望海景:(叫咗幾個點心，當然都有預訂佢嘅叉燒啦，跳咗幾個特色點心味道賣相都非常好，推薦菠蘿叉燒餐包，同埋而家比較少地方有做，又做得咁好食嘅蝦多士，最驚喜係大約一小時之後，佢話窗口位有客離開問我哋需唔要轉過去，雖然我覺得有啲唔好意但係亦都好想坐近望海位置，於是一行四人就搬咗去窗口位置，員工除咗冇不耐煩嘅反應，而且仲10分有笑容幫我地轉枱之後一路招呼好周到，所以令到我哋呢一餐真係比100分滿意，真心推介，大家去試吓…查看更多

媽咪從來都未試過哩啲米之連餐廳，今年決定帶佢來試吓。本來天文台預測天氣差又落大雨，最後天公做美。可以睇到無敵大海景加上藍天白雲，感恩。經過the lounge & bar嘅走廊盡頭到達天龍軒哩個係普通嘅龍軒午餐，我哋幾個都細食。夠晒。最後都係食唔晒，要打包😅第一道菜係蜜汁叉燒拼海鱸魚燒賣。我覺得叉燒係有少少韌嘅（可能因為有筋）如果黑毛豬叉燒應該係正好多。而海鱸魚燒賣食得出好有魚味，都唔錯嘅。天公做美，好靚！第二道菜係我最鍾意嘅糖醋脆鱔球拼三文魚子燉蛋，脆鱔球甜甜哋好好味，肉好彈牙好鮮味。食完兩道菜已經有啲飽飽哋啦😅跟住係黃金蝦仁配蒜片炒芥蘭，蝦肉好彈牙夠新鮮，不過咸蛋黃真係比較漏，食兩隻飽晒😆芥蘭我覺得煮得剛剛好，不過媽咪就話較硬，可能真係年紀大唔夠牙力。最後係炒牛肋肉配蝦乾鮑粒荷葉飯。牛肋肉好有牛味，至於荷葉飯實在太飽，要打包。媽咪生日，送上鮮花一束，氹得媽咪很開心🥳有壽桃生日蛋糕送，甜品係桑寄生桂圓紅棗茶，媽咪覺得太甜，我又覺得剛剛好甜品時間，給媽咪驚喜，由高大威猛靚仔侍應生送上鮮花一束，夠晒sweet😆媽咪很開心☺️☺️☺️後記，荷葉飯入面有4-5隻大蝦乾。感覺很足料，冇渣流灘。另外媽咪大讚侍應生服務好好👍最緊要佢開心🥰不過我都想讚一讚服務真的很好，每個細節也非常貼心，服務100分…查看更多

味道不如街邊小店 如何評為米其林二星 這個餐廳味不配位 非常差勁難吃 東西油膩 甜膩 難以下口 非常難吃 風景很好 幾個經典菜都很難吃 不知道哪裡找的廚師 千萬不要去 浪費了那麼好的地方 難怪現在位置很好訂awful taste , 希望早日换老板…查看更多

今日媽媽生日，嚟到麗絲卡爾頓酒店嘅天龍軒食晚飯慶祝🥢🍽️前菜點餐後，待應就會向每位客人上歡迎前菜，唔需要另外收費嘅，每日應該唔同款式。我哋今次係蟶子豆腐，好好味嘅醒胃菜😋🐷蜜燒西班牙黑豚肉叉燒 $448天龍軒嘅叉燒有兩款，呢款係蜜燒西班牙黑豚肉叉燒。佢係限量供應嘅，價錢會比另一款桂花蜜汁叉燒貴少少，亦都需要至少提早24小時打電話預訂。既然嚟得食，今次我哋就試吓呢款。味道方面，我個人就唔係特別鍾意呢道菜。佢係標準半肥瘦叉燒，但我個人就鍾意食瘦嘅，對我嚟講肥咗少少🤏另一款我哋今次冇試，就冇得比較喇。🦐窩貼大蝦多士 $248蝦多士一份有六件，味道不過不失。有啲失望嘅係多士厚薄不一，畢竟呢個價位都期望賣相會好啲。🦀炸釀鮮蟹蓋 $392炸釀蟹蓋都係呢度出名嘅菜式，我哋今次每人叫咗一份。賣相都算唔錯😁蟹肉好足料，滿滿成個蟹蓋。味道都好，外皮炸得酥脆，蟹肉又保留到鮮味，推介👍🏻食完寒涼嘅蟹肉，又可以食伴碟嘅炸子薑中和返，相當貼心❤️$392一份性價比都算唔錯😄🕊️糖醋鴿肉拼燉鴿肉 $388呢個菜式係兩款煮法嘅鴿肉。四件糖醋、四件燉煮。味道都算唔錯。🍭甜品嚟到晚飯嘅尾聲，餐廳會將所有甜品類嘅放埋同一個盤上嚟。由於我哋今次喺慶祝生日，所以餐廳送咗生日朱古力牌🍫同蠟燭🕯️嚟甜品盤俾我哋。🥚傳統酥皮蛋撻 $49/1個酥皮蛋撻係$196一份，每份兩個嘅。不過如果你要其他數目嘅話，係可以要求，餐廳都係會照除返開逐個計錢。味道方面，我個人就覺得冇太大驚喜，就係普通酥皮蛋撻😅🥢杏仁水晶餅 $33/1個杏仁水晶餅係三個一份嘅，不過同上面蛋撻一樣，可以按需要要求件數，價錢都係照除開計錢。水晶餅味道唔錯，杏仁餡都好味😋🍑迷你蓮蓉壽桃包 $32/1個蓮蓉壽桃包係$32一個，需要提前電話預訂嘅。今次我哋慶祝生日，所以都有訂到。味道就正正常常啦，都ok嘅。🍪送贈甜品就算客人冇叫甜品，餐廳都會送上甜品嘅，同前菜一樣，款式冇得揀，但都冇需收費。今次我哋喺送紅絨曲奇同紫薯糯米糍。呢兩件甜品都好好味，特別係糯米糍，皮軟糯、餡料滑，正👍🏻佢哋仲好食過我嘅另外叫嗰啲甜品，可惜甜品餐牌冇糯米糍同曲奇叫嘅。🏙️景觀方面，餐廳最出名嘅就係景觀，離地四百幾米，係全球最高中菜廳。可惜嘅係，我哋今次好大霧，大部分時間咩都睇唔到。餐廳窗旁嘅枱有限，如果想坐嘅記得至少提早兩至三個月預訂。💰價錢方面，茶錢每人$52，計埋以上食物同加一共$3647.6。我哋四人人均$911.9。…查看更多