長洲鐵漢

營業中

休息中

呢間鋪喺角酪附近，去完角酪買野飲，仲可以拎埋入去飲。因為唔算特別肚餓，只係叫咗少少燒物加小食。1. 小食：🤩冰鎮咖哩魷魚平時食咖哩魷魚都係熱食多，第一次食冰鎮版，食完好有驚喜。一開始以為變凍咗啲魷魚無咩辣味同埋會好硬，點知都keep到辣味同埋彈牙，底嘅白蘿蔔都炆到幾霖，索到啲咖哩汁。如果夏天想食咖哩魷魚，又怕好熱，可以試下呢個。2. 燒物最尾叫咗五串串燒，最令到人深刻嘅都係脆脆平安包同埋臘腸餅。🤩脆脆平安包（奶黃）個感覺好似食緊舊流心奶黃嘅炸饅頭，外脆內軟，咬完之後啲奶黃流哂出黎，同埋好有長洲特色 （最好攤凍小小先食）。🤩臘腸餅平時屋企人蒸臘腸我都唔會食，但係呢塊臘腸餅比我想像中好味，好似食緊一塊好juicy嘅豬肉乾咁，一咬落去啲肉汁唧哂出黎，不過有少少咸。其餘都有食嘅三串，分別係霜降一口牛、鹽燒牛舌同埋台灣直送雞腿燒，三串嘅味道都唔錯，不過無太大驚喜。

星期六到來，午飯時間過後想吃點小食，本來想食魚樂但沒開門，走走吓便來到最近比較吸睛的長洲鐵漢吃點串燒，因剛吃完午飯所以沒點它們的招牌串燒平安包，點了一個串串金蠔（$68.-二粒）二串台灣直送雞腿卷（$38）一串炸雞皮（$12）和一串鹽燒牛舌（$28）和一份金沙鮑魚（$45）。上菜時間很快，叫的食物轉眼到齊，先品嘗串串金蠔，說實話我從沒吃過這麼差的金蠔，皮不脆肉又霉，不知道是蠔放久了還是怎樣！炸雞皮就正正常常，香脆可口！鹽燒牛舌這個我都不知道是鹽燒還是黑椒燒，整個牛舌表面都是黑椒，而且牛舌還有點硬😵‍💫最後台灣直送雞腿卷，這個皮脆肉嫩，只嫌如果能有些味粉供應更佳。風沙鮑魚炸蒜香口，小鮑魚切件炸起不錯。整體來說不過不失，未必會再光臨！

🔸脆脆平安包 (流沙奶黄) $28賣相幾特別，長洲嘅平安包都可以炸😆個包表面略脆，包身都軟熟嘅，不過奶黄就唔太流心，甜甜哋但唔香奶黃味🙈🔸鹿兒島一口豚 $18呢個味道唔錯！肥瘦適中，肉質爽口！🔸炸雞皮 $12都幾脆但係冇乜味…少少失望🔸鹽燒牛舌 $28調味恰度好處，牛味香濃，但係燒得過咗火，邊邊位好乾，咬到我牙骹‘gok’一聲…🔸日本小甘薯 $15香甜軟熟，味道唔錯～🔸豚肉京蔥卷 $28呢個真係好孤寒…勁少豚肉，連包住條京蔥半個圈都冇…Mean少少講，佢個名改做燒京蔥伴豚肉碎比較貼切…🥲🔸豬頸肉 $18味道不過不失，不過份量都係少咗啲…🔸炸雙皮奶 $22似乎炸得燶咗少少，外皮都脆嘅～雙皮奶嘅內餡甜甜哋，奶味唔突出，口感軟滑但唔係流心嘅🔸廣島蠔 $38呢個係所有嘢入面最好食嘅！蠔味鮮甜，一啲都唔腥，調味適中，惹味得嚟都唔會蓋過蠔嘅鮮味～🔸雞皮餃子 $25呢個都係炸得燶咗少少，雞皮香脆，內餡嘅雞肉唔乾，味道不過不失～🔸台灣直送雞腿卷 $38呢個係大大件雞腿肉～大致上肉質都嫩滑嘅，不過有一忽仔可能燒耐咗乾身咗，有啲鞋同痴牙🙈 雞肉唔入味，雞腿卷表面食到有啲五香粉調味，但入面嘅雞肉就冇乜味喇～

長洲嘅串燒餐廳 🤓🤓都係第一次食平安包串燒其實佢係炸咗嘅奶皇包所以一咬落去好爽脆 之後就爆汁😌😍其他嘅串燒水準都好唔錯好多都燒得好juicy 肉質幾好而且個裝修我都好有味道入開嚟長洲嘅話都不妨一試😙

好耐都冇入長洲食好嘢🤤見到好多IG post都話長洲開咗好多新嘅餐廳～就即管去試吓啦，今次連串燒店都有埋喎🍢1️⃣脆脆平安包（流心奶黃）呢樣係我最想試嘅串燒！平時我去飲茶連奶黃包都唔會試㗎😂但一見到係炸過，而平安包又係長洲嘅特色～唔係唔試吓呀嘛😌一咬入口先會咬到好脆嘅包，然後啲奶黃真係好流心爆出嚟！！又唔會好熱又唔會好甜，配合埋個包真係啱啱好👍🏻2️⃣鐵漢少女心（豚肉士多啤梨🍓）間舖頭叫長洲鐵漢，而呢道菜式叫鐵漢少女心，一聽就知係呢間店獨有啦🤣豚肉嘅油膩同鹹鹹地嘅味道～配合埋士多啤梨酸酸甜甜又清新嘅感覺🤩一啲都唔怪！而且非常有趣嘅組合～好值得試吓！3️⃣串串金蠔本身有啲struggle揀金蠔定廣島蠔🤔但廣島蠔又好似成日食所以揀咗金蠔。金蠔其實就係曬乾嘅蠔豉，上面灑咗啲金箔～感覺好似好豪華😆但其實食落真係同蠔豉差唔多，冇話特別好食，相比起廣島蠔真係貴好多😥😥📍總結：-啲玻璃樽裝嘢飲冇得嗌，焗住要嗌超市啲支裝嘢飲，有啲少貴，所以建議大家可能之後出去買手搖飲品仲好😬-餐廳內佈置有啲復古，嚟打卡都幾靚㗎！

長洲咁多小食，食到飽飽地又食唔落正餐，所以就去咗呢間好多人讚嘅餐廳食串燒串燒都幾多選擇，但最特別應該係長洲獨有嘅平安包，本身我都係第一次食平安包，呢度呢個燒到個包面脆脆地，入面仲係流沙奶黃，好正其他串燒都樣樣唔錯，而餐廳仲好好免費送咗碟蜜燒鹹蛋黃臘腸餅，真係成塊都差唔多係臘腸咁濟，好足料👍🏻

平時喺市區食唔少串燒店，今次嚟到長洲都有一間食串燒嘅舖頭，店舖環境乾淨無油煙味。睇有唔少餐單有唔少選擇，部份係燒烤，部份係炸物。燒烤必點茄子，可選辣同唔辣，最後選左唔辣，仍然保流住肉汁，可以一條過夾起唔會爛，唔多味精。流沙奶黃脆脆平安包，翠肉瓜，雞脾菇推介：流沙奶黃脆脆平安包，皮煙韌，有咬口，仍做到流心感，一路食啲奶黃一路湧出嚟。🤤廣島蠔，炸雙皮奶，牛肉，豚肉，雞串推介：廣島蠔 很有肉汁，唔乾身仲有燒金蠔選擇，期待下次再試燒菠蘿，夠甜，唔會有一條條痴絲住啲牙；燒雞翼酥米花雞，食落似台灣鹽酥雞，脆口無肥膏總括嚟講，價錢親民，唔多味精，唔會食完要勁飲水，口痕想食燒烤可試。

而家入長洲真係同以前好唔同，多左好多林林種重唔同野食，唔再淨係大大粒魚蛋但係咁多野食之下，我就俾呢間既串燒香味吸引左我入去食分別叫左勁多串燒、韭菜、雞軟骨、肥牛包菜等等，全部都好野味！！同埋有個極力推薦咸蛋黃臘腸，好特別好好食，估唔到兩個加埋係咁夾架！！撈麵 - 係佢地自己特製調味料，如果食完串燒未飽，叫一碗一試無妨最後埋單，點都抵過市區食串燒。大熱天時可以堂食涼冷氣食串燒，係長洲真係一個唔錯既選擇！

餐廳：長洲鐵漢地區：長洲地址：長洲新興街65號地舖日期：15/7/2022時間：3:30人數：2人 等位： 0mins 價錢： ＄186早兩禮拜見到YouTuber介紹長洲美食😋剛好放大假第一日就去長洲放鬆下去試下😚三點到達食左經典長洲魚旦同其他小食過下口癮就去試長洲鐵漢～⭐️脆脆平安包⭐️第一次食長洲平安包，雖然唔係傳統嗰款😆，平安包炸到金黃色外皮似炸饅頭但又未去到咁脆，一咬開就流出香甜奶黃餡🤤軟綿香甜，食完唇齒留香👍⭐️炸雞皮⭐️炸到金黃色口感酥脆，好香口😝脆到好似餅乾咁😂⭐️金菇肥牛卷⭐️油花豐富嘅肥牛包住金菇，燒好後吸收哂肥牛精華😋灑上孜然調味料味道剛剛好😚⭐️炸花生麻薯丸子⭐️鍾意食麻薯煙煙銀銀嘅口感應該都會幾鍾意，加上花生同埋煉奶香甜又脆口😚，食完就會少少飽肚😅 ⭐️蒜燒原條茄子⭐️呢個係唯一最唔推薦嗌嘅🙊調味夠不過茄肉燒得唔夠淋，冇辦法同醬汁二合為一，個人覺得麻麻地😶⭐️韭菜⭐️係好食嘅燒韭菜，調味得剛剛好👍⭐️薯格⭐️炸得剛剛好，每塊都大塊，正常食串燒就唔會嗌薯格嘅😂純粹個人耐冇食想食😛如果去長洲好似我哋唔鍾意食海鮮嘅，可以留少少胃口去試下佢地既特色野既😚

▫️無黎長洲一段時間，估唔到開左咁多特色小店🤩 其實本身熱到無乜胃口🥵 但經過呢間串燒店，見到有炸平安包😂 覺得幾得意，同長洲限定丫嘛，就俾佢吸引左入去🤣( 左起 ) 👉🏻🍢 蜜燒鹹蛋黃臘腸餅 $38▫️最鐘意試gimmick野🤣 門口poster寫配飯一流，但唔見menu有飯🤣 就咁食有啲鹹，但幾香同幾得意😆🍢 鹽燒牛舌 $28▫️食落爽身，但可以再燒耐少少🔥🍢 脆脆平安包 ( 流沙奶黄 ) $28▫️外面脆卜卜，一咬落去啲奶黄就流出黎🤤 好好食🤩 真係睇得又食得😋🦑 冰鎮黄金咖哩魷魚 $38▫️魷魚爽口彈牙，連埋蘿蔔幾入味，咖哩汁唔會太辣，好欣賞佢係冰鎮，咁熱既天氣可以降下溫🧊

選擇多又好食，脆脆平安包好食，入面係流沙奶黃，真係流心架！呢間野真係好撚有驚喜，一定要試下！鍾意食芫茜一定要食豬茜，豬肉包住勁多芫茜，超好食！個黃金咖哩魷魚超辣，超有咖喱味，鍾意辣一定要食！嚟長洲真係必去啊！

夏天就想去逛逛離島(雖然沒走幾步已經大爆汗🥵)來到一間良心串燒小店💛店名太型喇🤣外協小編揀咗脆脆平安包($28)🤞🏼奶皇不算很流心 勝在外層卜卜脆打卡一試無妨～長洲鐵漢 (長洲)長洲新興街65號地舖.#aiiifoodie#aiiifoodie_cheungchau #aiiifoodie_長洲 #aiiifoodie_黃店

今日好天去長洲行下 行到攰就決定食少少野經過呢間見到menu有咖哩魷魚 就比佢吸引左本身咖哩魷魚配蘿蔔 但因為蘿蔔賣哂所以魷魚份量多左(?) 個汁都幾辣🥵另外仲叫左2串炸花枝丸 1串雞腎 同埋炸雙皮奶炸雙皮奶既口感有啲似以前係酒樓結婚飲宴既炸海鮮卷🫣本身想叫清酒煮蜆好可惜賣哂下次會再黎試💛💛

長洲真係越來越多新嘅小店😍呢一間港式串燒店 最出名一定係佢嘅脆脆平安包😎平時都超級鍾意️食奶皇包❤呢一度仲要將個平安包炸到外面脆卜卜 咬開啲奶黃醬爆曬出嚟 好好食 推介呀😋

🤎𝘾𝙝𝙚𝙪𝙣𝙜 𝘾𝙝𝙖𝙪 𝙏𝙤𝙪𝙜𝙝 𝙂𝙪𝙮長洲鐵漢🤍️近日再訪長洲，想試吓新嘢。路過見到有一間新開、主打串燒嘅餐廳。門口嘅裝修幾有心思，放滿咗串燒水成功吸引我入去食嘢😆𝙭𝙭𝙭𝙭𝙭𝙭𝙭𝙭𝙭𝙭𝙭𝙭𝙭𝙭𝙭𝙭𝙭𝙭𝙭𝙭由於長洲太多嘢食啦，今次淨係試幾樣野先😋流沙奶黃脆脆平安包✨($28) 一入到去即刻俾呢樣吸引咗😍，平安包就食得多但炸嘅都係第一次，炸到外脆內軟流心好正🤤釜燒咸黃臘腸餅✨($28) 臘腸配鹹蛋黃好難唔好食，賣相幾得意，可以一試 ！😆椰汁流心球✨($18) 就算炸過都可以保持到佢本身煙韌嘅質地，但嫌椰汁唔好濃，偏淡味~辛辣明太子手羽($18)明太子都好足料，辣辣地好惹味👅另外，都叫咗雞軟骨串($15)、霜降一口牛($22)，味道唔錯但冇咩特別就唔詳寫啦。食物整體唔錯，都幾有新意，但價值偏貴，路過都可以試吓😁𝙭𝙭𝙭𝙭𝙭𝙭𝙭𝙭𝙭𝙭𝙭𝙭𝙭𝙭𝙭𝙭𝙭𝙭𝙏𝙖𝙨𝙩𝙚: 8/10𝑪/𝑷 : 6.5/10𝙀𝙣𝙫𝙞𝙧𝙤𝙣𝙢𝙚𝙣𝙩: 8/10