長洲鐵漢

營業中

休息中

今日閒日入嚟長洲慢活Chill下，lunch去左呢間長洲鐵漢，午市食lunch set都幾抵，揀左串燒set好味道。串燒種類都唔少，仲有好多特色配搭，例如招牌臘腸肉餅好食又香味濃郁，有臘腸嘅串燒真係第一次食，食落好juicy，加埋咸蛋黃真係特別香！另一樣特色我就覺得係脆脆嘅平安包，入面係流沙奶黃。第一次食烤平安包，外面炸到脆脆哋，中間嘅奶黃唔會太甜又流心，鹹鹹香香，好滋味～鐵漢少女心又係好食，豚肉包住士多啤梨非常夾。豚肉嘅油脂香再加埋士多啤梨嘅酸甜，零舍開胃，口感同味道都好豐富，正！冰鎮黃金咖喱魷魚，平時都食得多，但呢到嘅魷魚同白蘿蔔都係冰凍嘅，咖哩味濃郁，少辣，熱天食辣又涼，好過癮～開頭以為食串燒會唔飽仲叫咗兩碗麵，但佢嘅串燒都幾有份量。好在兩碗麵食都好味道。蝦籽撈粗尤其有港式風味，粗面Q彈加上蟹籽更香又更有口感；胡麻醬撈烏冬呢個係唔會輸嘅配搭，芝麻醬夠香，烏冬滑溜，好快就食完。整體係一間好用心經營嘅小店，值得支持，好食，老闆亦親切！

長洲鐵漢🦾，佢最出名係炸流心奶黃平安飽，不過我哋實在食唔落🤣😭 叫咗幾串串燒嚟試吓，最特別就係佢嘅鐵漢少女心(豚肉士多啤梨) 同埋黎姿(荔枝豚肉)，兩款都同個肉好夾，而且果肉嘅甜可以解咗肉嘅肥膩！

每次嚟長洲都想食，可惜每次喺長洲週圍食嘢搞到每次夜晚都冇容量嚟食，今次決定唔食其他嘢一定要試吓你有幾好食冰鎮咖哩魷魚，好似係招牌嘢，優點魷魚係好爽好彈牙，味道方面都幾好味，缺點係啲粉落得唔夠分散，集中嘅地方食到有啲苦，同埋雖然蘿蔔只係用嚟墊底嘅配菜，但都唔駛硬到好似生咁串燒望落都幾正咁，但嚟到第一件事就話大腸係用唔知乜嘢汁整，所以會深色啲，但我真係分到深色同燶嘅分別囉，不過眼見都未必係真，就好似叉燒燶邊可以整到好燶都冇燶味，但結果我都真係食到燶味，而且第二嗰嚿直頭好似食炭咁，仲有個流沙包，第一件好乾，感覺好似返炸咗幾次咁，第二件就正常會流心，味道都唔錯，至於其他嘢都ok不過埋單要二百幾，性價比就真係唔高

成日喺社交平台度，見到Foodie推介呢間小店。今日放假去長洲就打算一試，去到就嗌咗脆脆平安包，串串金蠔，同埋冰鎮冰鎮黃金咖喱魷魚。脆脆平安包(HKD28)：我哋揀咗芝麻味脆脆平安包。口感上唔錯，但係平安包嘅口味應該係蓮蓉味，而唔係餐牌上所講嘅芝麻味。串串金蠔(HKD68)：呢個幾好味！！！冰鎮黃金咖喱魷魚(HKD42)：純粹係將咖喱魷魚雪凍咗，份量偏少，索滿咖喱汁嘅凍白蘿蔔有啲奇怪。整體嚟講感覺性價比唔高，有啲失望。試一次就夠。

到長洲訪「長洲鐵漢」ヾ(*´∀ ˋ*)ﾉ長洲一間滿有人氣的串燒店 食物名稱都創意十足～ 熱門「脆脆平安包」有兩款 (流心奶黃/芝麻) ⸝⋆︎*試了流心奶黃還不錯 外脆內流心！到訪可值得一試(๑¯∀¯๑)但串燒個人覺得一般… ⚆_⚆ 啊～另外要提提這裡只收現金呢～

以往每次想買平安包，都會被那巨型的份量所嚇窒而放棄😵‍💫現在長洲鐵漢推出的新式平安包size迷你，即使是雀仔胃的遊客都可以將平安放進口中😋———————————————————————炸平安包一串有兩個，size的的式式🤏🏻由於是即叫即整，拿上手熱辣辣🔥炸得非常金黃🌟包皮外脆內軟，質感鬆化，吃起來像炸饅頭一樣😊內餡我選了流心奶黃。流心效果十分出色，一咬開包皮便如瀑布般湧出來🤩味道方面蛋黃味香濃，甜度適中，即使吃掉整串也不覺得膩。———————————————————————這個變奏版平安包外表吸引，味道出色，加上未算飽肚，特意來長洲掃街的遊客都可以一試👍🏻

疫情過後新香港人都主張北上消費😔香港的後花園已經冇咗惜日熱鬧,同人山人海~作為香港人真係感觸良多,都唔知係好事定壞事。對小弟嚟講唔使咁逼固然係好事😅難得放假有咩好得過同家人一起到離島走走食食~今次嚟到長洲呢一間燒烤店,裝修簡約得黎有特色雖然食物唔算精緻,燒好的食物都係一盤咁上~不過份量價錢上算可以~😁我個人最欣賞就係這一款炸平安包傳統之餘真的有長洲特色打卡一流總括嚟講食物唔算十分出色但值得到此一遊👍👍

入到長洲除左食大魚蛋同糯米糍，響長洲角酪aka長洲站附近有呢間長洲鐵漢，號稱長洲獨家港式串燒。① 脆脆平安包 $28呢個賣相已經夠打卡able，將傳統白色的平安包轉換成金黃色平安包，好似炸饅頭咁外脆，中間做到流心奶黃效果，細細個唔怕飽左食唔落其他。（但其實想Encore多份～）② 蜜燒鹹蛋黃臘腸餅 $38呢個都好獨特，無想像中咁甜，口感又唔會太硬，但食落唔算好驚艷，有啲似厚身豬肉乾。可以一試但食完半件，我未有想添食的渴求。③ 軟殼蟹 $48新鮮炸起，係正既！

餐廳佈置幾有特色，好似返到80年代咁，係個打卡嘅好地方！1. 冰鎮黃金咖喱魷魚 $42咖喱魷魚睇落細細碗，不過份量都唔少，而且咖喱味好濃，仲有啲辣，超惹味！2. 鐵漢撈丁 $25呢個係個人必食推介！雖然睇落個感覺似印尼撈麵，但係佢個汁係餐廳，調製嘅醬汁！辣辣地，超好味！食完一次會想再食！😋😋😋食過你就明🤤3. 鹽燒牛舌$32牛舌都幾有口感，燒得啱啱好，唔會好韌！4. 炸雞皮 $12雞皮炸到勁薄，完全冇晒油脂，好似食緊薯片咁，超正！5. 雞腎串 $15雞腎都好食，不過個人覺得可以再厚切少少😝咁樣會更加有口感！6. 山楂蜂蜜梳打 $42餐廳都有港式手工梳打/日本梳打/茶，不過呢啲手工梳打，就唔一定有貨！真係手快有手慢冇！今次我哋試咗山楂蜂蜜梳打，酸酸甜甜，山楂蓋蜂蜜，條配得啱啱好，清涼又解渴👍🏻

假日想去長洲玩，可以去試下呢間咁出名既串燒店：鐵漢柔情下午三點左右去到，唔使排隊直入～座位於唔多，大約有廿個位，都坐得幾舒服不過留意：係要現金付款💰最鍾意食呢個燒茄子🍆唔會太油太咸，調味岩岩好，夾起一絲絲肉好治癒～～～另外仲有試平安包仔串燒有黑芝麻味同奶黃味奶黃個款係流心～～～好加分外面燒到脆卜卜，一咬就有流心餡奶黃味好夠！下次會想試下黑芝麻味！仲有試燒雞腿肉串燒外面脆卜卜雞皮，裡面Juicy雞肉，好有誠意

嚟到長洲要食平安包，呢間都幾多foodie推介呢個脆脆平安包，$28/2個，價錢唔算貴，但除此之外，餐廳其他嘢食都幾貴。如果唔係呢個平安包，應該比較少遊客會選擇入長洲食串燒。我覺得呢個應該係佢嘅宣傳策略，博你會唔好意思淨係嗌太少嘢食，會試埋其他貴價串燒。於是我嗌左三樣野，食完都幾失望。脆脆平安包 $28/2個係平時炸饅頭不過入邊有奶黃餡，作為佢嘅宣傳產品都還好，外皮炸得幾脆，不過真係好油。.椒鹽燒賣 $15/3粒普通嘅炸燒賣，有啲硬，冇乜椒鹽味。.蜜燒鹹蛋黃臘腸餅 $38/1件街邊有幾檔都有賣未熟嘅鹹蛋臘腸餅，諗住試吓好唔好食，再決定買唔買啲生嘅返屋企。係好一般嘅臘腸味，$38好貴。.長洲鐵漢 (長洲)長洲新興街65號地舖

好耐冇去過長洲，趁天氣仲係涼涼地果陣，去返轉長洲就啱哂啦！長洲不嬲都出名多美食，今次就發掘到長洲鐵漢呢間串燒小店，被呢到啲獨家港式串燒深深吸引住🤤串串金蠔💰HK$68係一款好罕見嘅串燒，金蠔係長洲嘅特產之一，烤完之後更香口同更顯金蠔嘅鮮味～金菇肥牛卷(唔辣)💰HK$28肥牛片包住金菇，外面嘅肥牛烤至香軟微脆，裡面嘅金菇爽口又juicy～雞腎串(唔辣)💰HK$15外層微微焦脆，而內裡仍然保留住果份柔嫩多汁，肉質鮮嫩卻又富有彈性，層次感豐富～脆脆平安包(流沙奶黃)💰HK$28第一次見串燒店有得食烤平安包，外層炸到脆脆哋，中間嘅奶黃唔會太甜又做到有流心效果，真真正正做到小店所講嘅外脆內流心，令人一試難忘～蜜燒鹹蛋黃臘腸餅💰HK$38都係呢到獨家嘅串燒之一，表面加咗蜜糖，臘腸肉燒到好juicy，臘腸肉甜味夾埋鹹蛋黃一齊食，超夾～鐵漢少女心💰HK$36外層用豚肉片包圍住粒草莓，中間嘅草莓酸酸甜甜，大大減低咗燒豚肉嘅油膩感，仲令人好開胃添～冰鎮黃金咖喱魷魚💰HK$42呢到嘅招牌菜之一，咖哩味濃郁，偏少少辣，魷魚同白蘿蔔都係冰冰涼涼，減輕咗個辣度，夏天食都好適合～另外，店員服務態度親切，就算係週末時

小店位於長洲中心地帶新興街，一整條街都很熱鬧，相信到長洲遊覽的大家都不會錯過這條街。小店無論店內或店外都充滿風格，處處都是打卡位。脆脆平安包 (流沙奶黃) $28素日都是吃蒸的平安包，這個脆脆平安包外脆內軟，但與傳統平安包截然不同的是，餡料會從包內流出，創新之餘亦保留傳統。鐵漢少女心 （豚肉士多啤梨） $36好幾枱都點了這個串燒，我都不免俗點了一串。以豚肉包裹著士多啤梨，以士多啤梨入饌，酸酸甜甜的士多啤梨化解了豚肉的油膩。蜜燒咸蛋黃臘腸餅 $38咸蛋黃非常香，而且臘腸餅充滿肉汁。本以為聽到「臘腸」二字就會覺得很咸，但臘腸餅與蜜糖一起燒，我的擔心根本是多餘的～冰鎮黃金咖喱魷魚 $42坊間很少冰凍的咖喱魷魚，裡面除了魷魚，還有蘿蔔，蘿蔔十分入味，魷魚有嚼勁，微微辣。炸花生麻糬丸子 $28這種香甜軟糯的口感，令人難以拒絕❤️ 外脆內軟的麻糬中間是花生軟心，咬開一半，花生香氣溢出，令人忍不住一口接一口。豬茜 (豚肉芫荽) $28以豚肉包裹芫荽，豚肉燒得焦脆，芫荽吸滿了豚肉的肉汁和油份，芫荽味沒有被豚肉遮蓋，芫荽愛好者必試。😋娃娃菜 $18 翠玉瓜 $15總要吃點蔬菜中和一下邪惡感吧。🤣 燒娃娃菜

近年長洲都幾多人講既一間鋪頭(⁎⁍̴̛ᴗ⁍̴̛⁎)主打多款串燒，不過一場嚟到都係想試特色串燒依到裝修都好靚好有心思🤩同埋可以拎埋附近既長洲角酪飲品入嚟都得👍🏽💪🏽脆脆平安包（流沙奶黃） $28/串好難得平時都可以食到平安包，炸到外脆內流心😋😋本人超中意食炸饅頭，所以覺得超好食(˶‾᷄ ⁻̫ ‾᷅˵)重要入面超流心，熱辣辣，大推！重可以打卡🥳💪🏽蜜燒鹹蛋黃臘腸餅 $38/件係長洲周圍都見到既特產，未試過都可以一試佢味道比較濃，又咸又甜咁係唔錯😆但感覺就係欠缺一碗飯！送飯一流🤣💪🏽鐵漢少女心（豚肉士多啤梨） $36/串依款好特別！用士多啤梨既酸甜去中和豚肉嘅肥膩感🍓而且咬落去有少少爆汁嘅感覺😝都係可以值得一試嘅特色串燒✨💪🏽煉奶油炸鬼 $18/串以為油炸鬼會係好脆，但咬落去有啲太硬🥺同想像中有啲出入，覺得麻麻地🥲另外男朋友試左鹽燒牛舌同豬頸肉，都覺得唔錯但我哋個胃已經冇位試更加多嘅串燒🤣🤣

走過長洲嘅小街，隨意尋寶，竟然搵到一間串燒店舖嚟填飽肚子！👀先講講佢哋嘅和牛漢堡，真係一啖屋企味，肉汁滿溢！再嚟個荔枝豚肉，鮮甜荔枝震撼住我嘅味蕾，好正喎！突然間，花枝丸要黎搶鏡，彈牙又多汁，我都唔知花枝丸可以咁上鏡架。😍講到茄子串，真係正中下懷！孜然味咁香咁濃郁，茄子外脆內軟嘅口感絕對五星級，但士多啤梨配豚肉就有少少失手，味道配搭得太突兀，唔係我杯茶喎！🙅‍♂️🍓飲品方面，Asahi烏龍同普洱手工啤就普通普通，冇啲特別。但係好在係，串燒嘅味道夠靚夠正，已經至滿足！💯無論係長洲居民定係返島遊客，我諗呢間店都值得一試！記住帶現金過來啊！