長洲鐵漢

夜晚嚟到長洲，碼頭一落船就見到鐵漢串燒，鋪頭裝修勁有Feel，牆上貼滿晒八九十年代嘅電影海報，周星馳嘅女神們😍，回憶返晒嚟！成條街都香噴噴，忍唔住入去掃街啦！脆脆平安包（流沙奶皇）🥯：嚟長洲點可以唔食平安包？佢哋嘅脆脆平安包真係好特別！外皮烤到脆卜卜，入面嘅流沙奶皇餡熱辣辣，一咬即爆漿🤤！甜而不膩，口感豐富，正！👍 絕對要試！黎姿（荔枝豚肉）🥓：個名改得好搞笑！🤣 豚肉包住荔枝，燒過之後荔枝嘅甜味滲入豚肉，食落甜甜鹹鹹，幾得意嘅配搭。不過豚肉肥肉多咗啲，燒完細咗舊，包唔住啲荔枝，如果瘦啲會更好。🤔狂野魷魚 🦑：大大隻魷魚串燒，燒得啱啱好，唔會太乾，保留到魷魚嘅彈牙口感。加上秘製醬汁，惹味十足！😋 食落好過癮，真係夠晒狂野！下次嚟都會再Encore！💯整體嚟講，鐵漢串燒嘅食物有創意又好味，價錢又合理，絕對係長洲掃街嘅好選擇！下次嚟長洲一定會再嚟幫襯！🥳…查看更多

好耐冇嚟過長洲喇， 即刻上網check吓有咩好食😋， 咩都想試吓所以搵d輕食食吓， 見到呢間都幾多人推介， 所以鎖定呢間試吓。點咗8樣嘢： 脆脆平安包（流沙奶黃）， 粟米， 雞腎， 台灣雞腿卷， 雞皮餃子， 風琴豆卜， 辛辣明太子手羽， 花枝丸。呢間風格有d似台式串燒店， 店內裝潢好有懷舊feel。 食物方面， 大致都不錯， 雞皮餃子十分驚喜， 雞皮燒得好脆， 餃子餡好Juicy， 非常好食😋， 早知叫多串😂😂～～另外雞腿卷和風琴豆卜如果可以再乾身d就非常好喇，乾身d可減低油膩感。整體來講都算唔錯， 不妨一試。👍🏻…查看更多

今日去咗間好有特色嘅小食店，真係畀到我好大嘅驚喜呀！一入到店裡面，就覺得好有生活氣息，裝修簡潔又唔失溫馨。我點咗長洲椰子冰、炸雞翅、炸雞塊同車仔麵。先講下呢杯椰子冰，一入口就感受到好濃郁嘅椰子香，冰冰涼涼，甜度剛剛好，仲有粒粒椰子肉喺口度爆開，真係好滿足。再講講炸雞翅同炸雞塊，外皮炸得金黃酥脆，咬落去“咔嚓”一聲，裏面嘅肉質卻又鮮嫩多汁，配埋佢哋特製嘅醬料，酸甜之中帶一啲微辣，好解膩。車仔麵都唔錯，麵條好彈牙，拌埋啲醬汁，每一條麵都吸滿咗味道，食落好入味。呢度嘅食物真係好食到爆，下次一定會再嚟試其他嘢！…查看更多

工作關係平日入長洲，就來試試長洲鐵漢，之前睇youtuber 介紹，今日終於有機會試到平日12:00-14:30有午餐set $45 有兩串肉一串蔬菜，加$3蚊有埋個麵我就要左燒翠肉瓜、豚肉秋葵卷、金菇肥牛卷、胡麻醬撈烏冬，再加$28試埋signature嘅燒奶皇平安包串燒燒得香口，好食，流心奶皇包超流心👍食到一半，發現有咖哩魷魚，難得來一次長洲，就叫埋，細細一碗，有10片魷魚左右，辣，惹味👍一個人食得好滿足😄…查看更多

今日係佛誕，應該有唔少人會入長洲睇飄色以及搶包山應下節🤪唔少得要攞返個平安包寓意平平安安啦😛之前我都久違地去咗長洲玩返半日，見到有間串燒店主打脆脆平安包串燒，咁特別一於試吓。餐廳牆上貼滿不少八九十年代嘅電影劇照，唔少係周星馳嘅女神們，回憶返晒嚟！不少串燒改名都幾有玩味，好似黎姿、狂野魷魚、鐵漢少女心、冚家富貴set等，見到都會心微笑🤣🤣🥯脆脆平安包（流沙奶皇） $28嚟長洲點可以唔試平安包，不過就咁食平安包冇乜特別，呢度就有脆脆平安包，做到外脆內軟，裡面爆出流沙奶皇餡🤤好有特色，可以一試😋🦪串燒金蠔 $68、狂野魷魚 $38海鮮有幾款串燒同炸物。蜜糖金蠔食得多，串燒版本比較少見，燒到金蠔漲卜卜，食落除咗帶蜜糖嘅甜香，仲有突出嘅桂花香幾特別😚狂野魷魚認真狂野地大大隻，唔會燒到乾，保留彈牙口感😙🍗台灣直送雞腿卷 $38、鹽燒牛舌 $32雞卷啱晒鍾意啖啖肉嘅人，雞皮燒得好脆，內裡雞肉啖啖肉😽食到爆出嘅雞油好邪惡😈牛舌就正正常常都幾爽彈。🥓黎姿（荔枝豚肉）$28、豚肉京蔥卷 $28黎姿呢個名都好耐冇聽😂將豚肉包住荔枝，充滿荔枝甜香。京蔥版本幾爽脆，帶點辛辣感嘅京蔥同豚肉無疑係好配搭。不過豚肉本身脂肪位佔多，所以燒過之後變得好細塊包唔住京蔥🤣🥬娃娃菜 $18、翠玉瓜 $15蔬菜類都係正正常常，不過娃娃菜份量偏少。🍝鐵漢撈丁 $25見到菜名加咗鐵漢兩個字忍唔住試吓😆賣相有啲似indomin，以為食落都會好似，但係調味不同，公仔麵加入蝦乾、蝦米、蒜油等，鹹鹹辣辣幾惹味😛推介指數（10分為滿分）：7分…查看更多