行完返去見到有間燒味舖，行左咁耐，食燒味飯就大食啲，咩都要食！嚟咗個燒鵝五寶飯😀😀😀試晒佢全部燒味。油雞髀大大隻，肉質嫩滑，好有醬油香味😋😋加薑蓉撈飯一流，啲燒味記得可以同師傅講想要肥啲瘦啲，而我嗌嘅唔會好肥。 而燒鵝梗係係一大重點，都好厚肉，皮燒到有少少脆，我皮上嘅油脂帶出鵝肉嘅甜香味。👍🏻👍🏻👍🏻叉燒都肥瘦均勻，好有肉汁唔會乾燒腩仔好脆，好有咬口，鹹香味好正。🥰🥰 細細間舖，整出嚟嘅燒味都唔錯👍🏻👍🏻

Pulled pork and pineapple pizza Pizza 勁多料，手撕豬肉足味，cheese味好重，好juicy，我就鍾意Pizza有菠蘿，感覺冇咁流，fresh d haha Grilled agues beef tenderloin & foie gras 肉質嫩滑，唔會好乾，牛肉有厚度，鵝肝都好大塊，夾埋一齊食一流👌🏻👍🏻 Lobster mac and cheese 燒龍蝦尾龍蝦汁通心粉配雙重芝士，cheddar芝士同parmesan芝士，濃濃芝士味，芝士控一定要食，極度推薦🌟🌟🌟 Banoffee cream brulee pancake 厚班戟整得非常輕盈，咬落好鬆軟，拖肥醬加吉士醬混搭好夾，咸甜香味，好yummy 😽😽😽 原來佢仲有個special promotion take away menu： snake cup with sweet lover / alcoholic 我就揀左酸忌廉牛油果醬薯條 + juice 只係 $58 超大兜！！3個人黎西貢買返個慢慢一路行一路食都得😎😎

呢度既餡料同餅底唔加牛油同起酥油，以健康既天然大米酵素同橄欖油製作，主打健康餐廳 🌟Crusta - Juicy beef mince 主力推介，crusta 分開兩層，一層係蒜蓉西蘭花紅蘿蔔，100%新鮮蔬菜，另一層係免治牛肉，餡料好豐富，不加味精，純天然手作，都味道十足 London grilled chicken pizza 餅底勁薄，唔會硬，咬落好厚料，都係冇加牛油，但係每一啖都超juicy 😋😚😋 Sweet photato 用甜番薯炸嘅薯條，味道好獨特，鹹甜鹹甜又唔會太油 BBQ chicken wing BBQ醬好香濃，咬落多肉

呢間西班牙菜餐廳喺上環嘅斜路中間，今次特地黎搵特色餐廳食個靚lunch🤩🤩🤩 Spanish Set Lunch Appetizer: 🍵Classic Spanish Garlic Soup 辣辣地好開胃，香濃蒜香味 Main course: 🥘Seafood Paella 西班牙海鮮燴飯，味道香濃，米飯粒粒分明，好有油香味，有大蜆、海蝦出味 🍖Spanish Lamb Spareribs 羊肉好嫩身，羊肉獨有蘇味非常突出又不流 Dessert Grandma rice pudding 好特別甜品，鹹鹹甜甜，推介👍🏻👍🏻

今次嚟到旺角就試吓韓燒自助餐，見旺角鬧區竟然有一道新裝修大廈，入去見到有間韓燒大叔，一於試下，入到你環境都幾寬敞🫶🏻🫶🏻今次揀左個包埋海鮮刺身，肉類款式好多，一口牛、牛脷、肩胛肉等等😽😽其中，我最鐘意澳洲安格斯牛板鍵，好多肉汁，包埋蒜生菜勁好味 四個人或以上就會送多一條鰻魚😋😋燒落勁香，1d都唔腥，超大條，好惹味 甜品都有好多選擇，呢度竟然可以即製窩夫，自己加雪同配料，高級，真心推薦！

今日嚟到銅鑼灣特色打卡打邊爐餐廳✨✨一定要嚟享受精緻高級火鍋👍🏻👍🏻店內環境好舒服寬敞，仲有特色打卡位，真係要俾個like😘 花滿園 首先梗係火鍋最緊要嘅肉類，呢個係伊比利亞黑毛豬，肉片卷成花形，擺盤好有心思，肉質嫩滑，脂肪比例岩岩好 火鍋點心 🎖️特色必試推薦，呢度嘅小點心都製作精緻，可以擺落火鍋烚熟佢，但竟然係奶黃包，燒賣，水晶餃！！超級好食！！意想不到 七彩餃子 有菠菜餃、芫茜豬肉餃、冬菇豬肉餃等。以食用顏料製成餃子皮，烟韌彈牙，餡料鮮甜嫩滑。 七色丸 手打丸擺盤都好用心，7隻味道有：手工芝士蝦丸、黑松露墨魚丸、青咖哩墨 魚丸、紅咖哩墨魚丸、鹹蛋黃墨魚丸、蟹子墨魚丸、椰芋墨魚丸。我最鍾意嘅就係鹹蛋黃墨魚丸，裏面嘅鹹香味好出色。

呢間荃灣新開日式串燒店開喺路德圍嗰邊，平時掃街可以過黎食，佢亦有幾個堂食位，都幾方便，行過嚟已經勁香，標榜即叫即燒，一定係熱辣辣送上嚟 Menu 上有各類串燒，雞/牛/豬/蔬菜/海鮮咩都有 今日試左紫蘇無骨雞中翼，超貼心☺️☺️勁方便，每一啖都係肉，好嫩滑，又唔會到太乾， 牛肉串大大串，燒完勁有火喉味，仲試左燒墨魚鬚串，牛油燒粟米，都好惹味😋😋😋 除咗串燒之外，仲有炸物同便當set，鰻魚便當、金菇肥牛卷便當、日式炸雞便當，lunch過黎食都有好多選擇！！

Truffle Bikini 本身鍾意松露，就一於試吓，原來係焗多士，包身脆，中間有松露仲有d芝士夾係裏面，雖然睇落好厚身，但咬落好軟，唔好會heavy Deep Fried White Fish Ball with Sweet Chili Sauce 魚蛋皮炸得少少脆，肉質彈牙，甜酸醬吊味，好開胃 Main Tomato and XO Cream Sauce Spaghetti with Scallop 好香XO醬味道，食落好creamy ，一啲都唔漏 Jmoon Pizza pizza有個流心蛋喺中間，醬料係馬蘇里拉芝士加蕃茄醬，又有蘑菇、辣肉腸做配料。好香口😋😋😋 呢度出名cocktail mocktail . 黎到一定要試😝😝😝 mocktail 既andromeda ， 好清新，必試推薦

之前都係係尖沙咀食姚姚，佢竟然起屯門開左新分店，放假近近地可以食到姚姚，好開心😍😍😍姚姚既酸菜鱼辣度全面升级，仲有姚姚蕃茄鱼蕃嚟喇 麻辣香鍋(自選配料五款起) 自選辣度，可以少鹽少油，我地揀左花菜、雞翼、土豆、豬頸肉同雞軟骨。侍應行過嚟上菜嘅時候，已經遠距離聞到好四川麻辣味，勁勁勁香！！！食落好香口，伴飯好正，土豆好傢薯條咁，配麻辣好好食，雞翼同雞軟骨都好脆，推薦🎖️🎖️ 片皮鴨 姚姚新菜式推出！之前菜單都唔見有片皮鴨食，估唔到加左我好鍾意既片皮鴨😍😍😍皮脆，多鴨汁，超多肉，皮好甜絲絲，一流！

今次黎到尖沙咀試日本高級鐵板燒omakase，餐廳每日新鮮空運食材，仲要拎過米芝蓮推介🎖️🎖️餐廳地理位置優越，睇住維港海景真係好chill 🌹 前菜三點 三點分別為蟹肉蟹籽、鰻魚豆腐、同昆布。蝦，師傅係前菜已經好花心思 香煎琵琶蝦 蝦肉厚實，仲有蝦膏醬，味道超濃郁 濃湯煮羽太。伴日本香蔥油 石班超級滑身，好嫩口，師傅用魚骨洧既湯，用三隻款日式蔥爆出黎，特別香 鐵板活鮑魚 南非鮑魚，師傅處理左個肝可以食，有昆布伴食，師傅特製牆汁，吊出鮑魚獨有鮮味，非常搭配😋😋 肉食可揀美國牛柳 / 愛媛縣產雞扒 肉類配玫瑰葉黑椒薯片，碟邊有鹽、黑椒、芥末籽配搭黎食，食出唔同口味，牛肉同雞肉都好鮮嫩多汁，最後可以食埋車厘茄解油😊 黑松露帶子焗飯 帶子勁大粒一舊，焗飯超級高質，純用黑松露提味，好香 甜品 非常貼心可以選擇凍點/熱點。最後食埋抹茶雪糕，欣賞埋個維港夜晚😁 Non-alcohol Special: Refreshing, Lychee 好香濃荔枝味☺️☺️ Harlan's cocktail: Sorrento 杯邊伴餐廳自己種既意大利檸檬葉，香港除左半島酒店外，好少見到會有，拎住杯飲既時侯檸檬葉發出陣陣清香🎐