鐵板大師

營業中

休息中

沙田好運中心早前成個商場進行內部裝修工程，現在陸續進駐新餐廳加入，而這間也是新的餐廳🍴專門是吃扒類的鐵板大師。看到餐牌價錢也很經濟，午市有很多選擇～～～蒜香辣椒橄欖油炒意粉伴鳳尾蝦🍝，蒲燒鰻魚炒珍珠飯，香煎玉米香菇鴨胸，鹽燒厚切牛舌，西西里式漢堡扒拼旋風蛋🍳，香煎什扒拌煎蛋等。而小食也很吸引，炸薯條🍟、酥炸廣島蠔🦪、司華力腸、燒河豚干、香煎帆立貝。脆炸芝士蝦球🍤即叫即炸熱辣辣，非常之酥脆是用上蝦膠包着芝士一起炸，口感香甜。西西里式漢堡扒拼旋風蛋🍳漢堡扒幾厚身肉嫩多汁，旋風蛋🍳加埋醬汁一起吃特別惹味，意粉🍝有咬口。香煎什扒拌煎蛋🥩牛扒豬扒也很大塊，黑椒汁撈意粉真的絕配，還有太陽蛋和腸仔和雜菜，份量足很豐富。

“火焰香煎美國牛柳套餐”($130)“泰式豬頸肉套餐”($90)“司華力腸”($18)沙田幾個商場都多咗好多新餐廳今次就見到呢間主打鐵板餐嘅鐵板大師除咗價錢親民,仲有好多選擇就連田牛雜,雞腿,叉燒,豆腐煮蛋都有晚餐仲包埋任食意粉/白飯而升級套餐就跟埋餐湯,沙律/薯條,汽水真係超級豐富我地先點咗新推出嘅火焰香煎美國牛柳🔥🐂視覺效果一流🤣牛柳點咗5成熟,入面仲係嫩紅色❤️食落完全唔會韌☺️另一份點咗泰式豬頸肉🐷第一次見未切嘅豬頸肉😆食落肉質爽滑😋點埋泰式酸辣汁撈飯岩哂🤤小食揀咗司華力腸$18大大條好抵食😛

知道沙田好運中心翻新大變身咗一段時間，啱啱放假終於約埋朋友去行下。經過見到有間叫 Master Pan 鐵板大師，見幾抵食就決定入去試下！我哋叫咗兩個鐵板餐，每份都包埋餐湯、雜菜沙律同罐裝飲品。我哋揀咗南瓜濃湯，湯質超級濃郁，口感非常滑👍🏻香煎牛柳鐵板餐既牛柳煎到外層微焦，揀左五成熟，牛肉鮮嫩多汁，一落汁就香噴噴，配意粉幾唔錯煎焗比目魚鐵板餐，比目魚煎得香口，配西京燒醬汁帶出魚肉嘅甘甜味，魚肉亦都好嫩滑，帶少少焦香，夠惹味另外，我哋都加咗幾款小食：芝士煙肉大啡菇 大大隻，有少少煙肉同洋蔥，配埋濃郁嘅芝士，焗得幾香！香滑薯蓉質地順滑，帶有濃濃嘅牛油香味，簡單但好好味！ 最後仲叫左朱古力心太軟，流心效果完美🤤外層焗到少少脆口，配埋微甜嘅朱古力醬，正！要特別讚一讚佢哋嘅店員，態度非常好，好勤快又有禮貌，整體服務質素甚至比好多要收加一服務費嘅餐廳更好👍🏻👍🏻而Master Pan 鐵板大師 係唔收加一服務費嘅，性價比真係非常高！

沙田好運中心裝修後有好多好Jeng嘅鋪加入！Master Pan平之餘仲好抵食！
原隻火焰波士頓芝士龍蝦，有少少gimmick店員會加少少酒精點火，視覺震撼！原隻龍蝦好多膏好大隻，蝦鉗肉飽滿到能剝出完整月牙形，裹著芝士和蟹籽！風味八爪魚鬚，好犯規！整條八爪魚鬚好大條，蜷曲起來比我張開的手掌還要大！八爪魚鬚彈嫩再加上廚司特別整嘅混合海鮮汁，簡直爽到爆！夜晚食主餐牌鐵板系列可以任加飯或意粉不過對我嚟講一碗都夠晒

網上食評話抵食，嘗試$120牛柳套餐，牛柳只有一包細紙巾size，又乾又柴，意粉冇味又淋到死，蒜蓉汁完全冇蒜蓉味，套餐飲品仲要加錢，仲衰過大X樂，擺明係中伏，真係唔會有下次

鰻魚大小恰到好處，鐵板上枱熱辣辣，搭配新鮮粟米、甘筍和西蘭花，給整體菜品增添豐富的口感，而且賣相吸引。餐湯南瓜湯濃郁滑順，帶有南瓜的香甜味，炸薯條的酥脆口感，用籃子盛著保持脆口。此外，加$10享有的旋風蛋飯絕對是一大亮點，蛋蓋份量十足，將套餐提升到了另一個層次。火焰香煎美國牛柳出場，精心烹飪的五成熟牛柳在鐵板上倒入香酒形成燃燒火焰，美妙的視覺效果令人讚嘆。搭配意粉、南瓜湯和炸薯條，豐富的味蕾享受，性價比高！小食中的榴槤炸彈、脆皮奶卷配玫瑰醬以及朱古力心太軟也帶給我驚喜。榴槤炸彈榴槤味香濃，脆皮奶卷擠滿奶香，朱古力心太軟則是綿軟可口$28超值。午餐和下午茶餐款式多，中日台均有，眼見老中青食客都有，大概$48-$68一個餐屬平民價。

今日同朋友喺沙田搵嘢食，見到呢個鐵板大師，見到佢個價錢好抵見到佢個價錢非常優惠，我哋就試咗一個鐵板泰式豬頸肉同埋一個鐵板風味八爪魚鬚😆我哋總加$22配咗個套餐，入面有餐湯飯，薯條或者沙律，仲有嘢飲，我哋仲額外叫咗兩隻軟殼蟹鐵板泰式豬頸肉配咗一個泰式醬，呢個好入味好好味，份量亦都唔細，性價比超級高，套餐揀咗個洋蔥湯薯條同埋個七喜😍另外嗌咗個鐵板風味八爪魚鬚，配咗個青汁，加咗個套餐我揀咗個意大利粉，南瓜湯沙律同埋加咗咖啡，因為平時好少有得食八爪魚鬚，呢個味道如果再濃啲會仲好個軟殼蟹都好味，因為出面嘅軟殼蟹價錢都好貴，佢呢個價錢真係好抵食😆我哋食食吓見到人哋嗰啲火焰鐵板好似好正，下次會再嚟食，因為嗰個價錢真係好抵，同埋都食得好滿足

第一次黎試下master pan , 諗住叫得鐵版大師，應該幾香口，野食有鐵版風味。我叫左牛脷飯要黑椒汁 100元正點知全晚最好食係個菜沙律南瓜湯好似漿糊咁又唔熱，可以疊得高。鐵版完全垃圾，倒汁可以無煙出，鐵板可以拎得起咁滯，零香味 。牛脷又薄又細塊。鐵板上所有野係暖，唔熱，包括雜菜，飯，牛脷，同啲汁。唔止我嗰份係咁，望其他人出餐都係咁上下。完全無鐵板香味，無滋滋聲嗰種聽覺視覺。大家樂大快活pepper lunch,求其一間都好過佢。 學咩人叫鐵版大師。根本直升機場 ， 伏伏伏伏。老實講廚房出餐係一個問題， 佢經理都係一個嚴重問題，居然容許廚房出啲咁既野出黎。0分 ， 希望未試既沙田友唔好中招。廢到食完特登開acc黎留評語。定淨係沙田分店係咁？

沙田高CP $60+鐵板餐 超吸睛火焰芝士龍蝦🔥 🔻火焰波士頓芝士龍蝦（半隻）套餐 💰150 鐵板即場炙燒好吸睛📸龍蝦肉爽口帶淡淡芝士香，半隻份量精緻適合女生～跟餐白飯配茄汁開胃又夠懷舊風味🍅 🔻香煎牛柳套餐 💰120 牛柳煎得外焦內軟🥩肉汁鎖得夠！推薦蘸少少海鹽更提鮮～跟餐羅宋湯足料滾燙，飲完成身暖粒粒❄️☀️ 🔻酥炸廣島蠔（2隻）💰28 脆漿金黃鬆化夠搶眼✨蠔仔爆汁無腥味，即炸夠熱抵讚！細細份岩晒Share食～

今日同大家介紹一間喺沙田好運中心嘅鐵板餐廳——「鐵板大師」。呢間餐廳最近推出咗個新系列叫「火焰系列」，晚市仲有鐵板主餐牌，可以任加飯或者意粉，份量多到嚇親人，價錢又平民，性價比超高！如果你係大胃王或者鍾意食鐵板嘢，呢度絕對係你嘅天堂。好啦，廢話少講，即刻同大家分享下我今晚食咗啲咩！香煎牛柳（套餐）首先講吓個香煎牛柳套餐，牛柳煎得啱啱好，外層微微焦香，切開入面仲係粉嫩多汁，肉質好軟腍，完全唔會韌。配埋個旋風蛋飯，蛋汁撈飯真係無得輸，仲有啲薯條做配菜，炸得金黃香脆，食落去好滿足。洋蔥清湯跟餐嘅洋蔥清湯都幾有驚喜，湯底清甜得嚟帶啲洋蔥嘅香味，飲落去好暖胃，完全唔會覺得膩，係個唔錯嘅開胃湯。橙汁飲品方面我揀咗橙汁，酸酸甜甜好解膩，食完鐵板嘢飲返杯真係爽晒！香脆雞翼（三隻）另外仲單點咗個香脆雞翼，一上枱已經聞到好香，外皮炸得超級脆，咬落去仲有啲肉汁爆出嚟，真係食到停唔到口。三隻雞翼份量啱啱好，唔會太多又唔會太少。火焰香煎美國牛柳（火焰系列）最後要重點介紹嘅就係佢哋新推出嘅「火焰系列」——火焰香煎美國牛柳。呢個真係視覺同味覺嘅雙重享受！店員會喺你面前點火，火焰瞬間包住塊牛柳，場面好震撼。牛柳經過火

🔥【沙田$48巨無霸鐵板餐！好運中心驚現時光倒流價👵🏻📼】🔥 真．穿越味蕾核爆！💥 行入好運中心以為撞咗入千禧年美食黑洞——$48蚊鐵板雞扒大過我塊面，厚切到遮住個鐵板🔥！上枱嗰陣滋滋聲仲自帶《流星雨》BGM，咬落脆皮噴肉汁，跟足薯條+南瓜湯+飲品，阿媽我今日要幫你報仇食到回本！ 同場海鮮暴動🌊： 🐟 鐵板煎焗三文魚套餐($110) 帝王級享受！魚皮煎到金蟬翼咁脆，仲跟埋忌廉薯蓉同沙律，抵過食酒店自助餐🏄♀️ 🦐 $28蚊4隻鳳尾蝦平過超市急凍貨 🦀 軟殼蟹炸到連殼吞都得，酥脆到懷疑人生 人均$48起食到要解褲頭鈕，仲以為自己翻咗去2003年買緊yes卡📼⋯⋯沙田友今晚即衝！📍 🍴 神級食堂：MasterPan (沙田店) 📍 時空洞穴：沙田好運中心3樓（沙田站A出口行3分鐘） ⚠️ 溫馨提示：搵唔到就問吓街坊，呢度勁多老街坊幫手指路🗺️ #好運中心時光雞扒 #三文魚煎到識發光 #千禧年物價迴光返照 #yayab_foodie認證抵食到喊 #沙田人秘密糧倉

沙田好運中心大裝修之後就多咗好多美食餐廳進駐🤭今日就去咗沙田街坊們大力推薦嘅平民鐵板餐廳🍴「鐵板大師」完全窮人恩物😲鐵板餐都係$100出頭，貼地平民價錢性價比極高，難怪大受附近街坊歡迎🤣🤣鐵板套餐可揀選一款肉類或海鮮，甚至仲有一啲拼盤可以揀🤭而且主食白飯同意粉仲可免費加大添，仲包一罐飲品添😆火焰香煎美國牛柳套餐店員上枱時會即席點火再淋上白蘭地酒，有得食又有表演睇📸記得要準備定相機📷牛柳點了5成熟加上以火焰🔥再將外層燒至焦香，入面嘅牛肉仲係帶點粉紅色嘅😆肉質相當軟稔👍🏻煎焗三文魚套餐海鮮類鐵板餐都有唔少選擇，我哋就揀咗煎焗三文魚配西西里蕃茄汁，三文魚柳厚身嫩滑，配上開胃🤤微酸嘅蕃茄汁🥫💯香煎帆立貝小鐵板盛載住香草🌿煎帆立貝，就算放咗一陣都仲係暖身嘅😆香脆雞翼一客有三隻雞翼，每隻嘅外皮都炸得相當脆身，但咬落去竟然係爆哂汁😲估唔到炸物都十分出色👍🏻

絕對係以平民價錢提供高質鐵板料理嘅餐廳🍴。無限量加飯或者意粉🍚，性價比極高。西西里式漢堡扒拼旋風蛋套餐呢個套餐嘅西西里式漢堡扒鮮嫩多汁，香草味濃郁，配搭旋風蛋嘅滑溜口感🥚，食完真係超滿足😋。只需$58就可以享受到咁高質素嘅餐，真係超值。香煎牛柳套餐牛柳煎得啱啱好，五成熟嘅牛肉香濃，再加黑椒汁，味道更加突出🥩。配搭意粉同外脆內軟嘅薯條🍟，仲有南瓜濃湯暖胃🥣。呢個套餐$120，份量夠哂，絕對飽肚。香煎羊鞍套餐羊鞍煎到五成熟，肉質軟嫩無羊羶味，配搭黑椒汁同意粉，口感極佳🍝。薯條同洋蔥清湯亦都非常好味。呢個套餐$120，食到頂級美味，絕對值得。

今日又去朋友屋企附近開餐佢話有間食鐵板嘅好抵食 唔收加一睇完餐牌 又真係唔貴喎每款鐵板加22蚊就可以升級套餐有湯 沙律或者薯條 同埋嘢飲🍲湯有得揀洋蔥清湯或者南瓜濃湯作為南瓜lover 一定叫南瓜濃湯啦夠晒杰身 又夠甜 重南瓜味 🎃🍟薯條係粗薯條 炸得都幾出色飯 意粉仲可以無限食 😲另外有唔同種類嘅小食🦪酥炸廣島蠔炸到金黃脆皮咬開隻蠔仲熱辣辣🦀酥炸軟殼蟹成隻蟹28蚊就有炸得好酥脆 🍼脆皮奶卷配玫瑰醬 一咬開好重奶味 玫瑰醬比較偏門 夾埋一齊食又唔會覺得怪喎🐥炭燒雞肉串 串燒醬汁甜甜哋 小朋友一定鍾意食🐷泰式豬頸肉-套餐泰式豬頸肉 配泰式酸辣汁豬頸肉好大塊 原塊上肉好厚身 啖啖肉 好好咬口 而且juicy沾小小泰式酸辣汁 同豬頸肉好夾🐮香煎牛柳-套餐香煎牛柳五成熟 配燒汁牛柳本身都有啲黑椒好易就切得開 慢慢切完 已經差唔多變到7成熟 🤣 即刻食得無乜筋 👍🏻燒汁再撈意粉食 好快清碟每塊鐵板都有一大嚿西蘭花粟米 紅蘿蔔仔同蕃茄仔今次見到隔離枱叫火焰鐵板 幾吸引下次試埋先

已有一段時間沒去沙田了，昨晚去到好運中心，這裡有很多不同類型的食店，見到有一間專門吃鐵板餐的，而且環境舒適，便入內一試。餐牌上有很多款式的鐵板餐，肉類的鐵板餐有12款，海鮮類的也有8款。套餐包括餐湯、薯條或沙律、飲品。還有的是跟餐的飯或意粉是無限添加，也不用收加一服務費，十分抵食！火焰香煎美國牛柳-套餐（$130）香煎牛柳-套餐（$120）我們都是牛肉愛好者，鐵板餐必然選牛柳。五成熟的牛柳處理得恰到好處，牛柳十分厚身，有很香的牛肉味。意粉也軟硬適中。芝士煙肉大啡菇（$28）芝士和大啡菇味道配搭得很好。