鐵板大師

營業中

休息中

今次探訪鐵板大師，這家位於沙田的餐廳以鐵板料理為主，感覺充滿現代與復古結合的風格。餐廳環境以木質設計為主，窗邊還擺放了迷你的汽車模型，增添趣味性。🌟旋風蛋飯蛋包飯的賣相令人驚艷，金黃的蛋包滑嫩，醬汁帶著微甜的口感，飯粒分明，配合得恰到好處。🍴 9/10🔥火焰香煎美國牛柳套餐牛柳火焰表演頗具視覺衝擊力，牛肉七成熟，外層焦香內裡保留嫩滑，加上配菜的南瓜湯、薯條及道地解茶，營養均衡。🍴 9.5/10🌭司華力腸這款簡單的小食，烤得油香四溢，口感結實，鹹香剛好。🍴 8.5/10環境餐廳氣氛寧靜舒適，特別適合朋友小聚，餐牌選擇多樣，從健康套餐到鐵板特製都有覆蓋。價格合理，服務態度優質。整體評分： 🌟 9/10如果你也愛上即席烹調的美味，這家餐廳絕對值得一試！

鐵板大師「Master Pan」係沙田好運中心開左分店，夜晚時間經過經常都見排晒長龍，今日終於有機會黎試下，7點開始已經坐落客，好有人氣。餐廳主做鐵板料理，100蚊唔使都已經食到一個Set Dinner，仲要係西餐廳嘅質素，咁抵食難怪咁多人排長龍都要黎食。叫左個「火焰香煎美國牛柳」套餐，五成熟嘅香煎美國牛柳配黑椒汁，好高質嘅牛肉， 又嫩，真係高性價比。南瓜湯好實正嘅一碗，好creamy又甜甜地 ，好似食緊南瓜蓉一樣，食完一碗都飽左3分。跟牛扒一齊嘅仲有配菜西蘭花，栗米同紅蘿蔔，全部新鮮野食得落口果啲，唔係得個睇字：）跟餐有野飲，雖然得罐裝嘅可樂，咖啡，忌廉等等，不過咁嘅價錢同質素有野飲算係冇得輸餐廳仲有好多小食可以揀，見小食好平叫左個酥炸軟殼蟹試下，即整即上，$28蚊超抵食！

火焰香煎美國牛柳套餐🥩 $130牛柳可以揀五成熟或者全熟，醬汁有三款可以選擇，牛柳如果唔食得咁生嘅話，都可以揀五成熟，然後再用鐵板嘅餘溫煮熟啲～幾欣賞呢度肉類同埋蔬菜好均衡，比較少餐廳會提供咁多款式同埋份量嘅side dish，感覺上食都食得健康啲，套餐都配咗飲品 或 餐湯，另外就揀咗配薯條～香煎羊鞍套餐🐏 $130一份有兩件羊鞍，套餐包咗飲品或者餐湯，我幾推介大家試吓佢哋嘅洋蔥清湯🧅，非常之清甜，仲有少少芝麻嘅香味～ 另外配白飯、意粉、薯菜，或者大家可以好似我哋咁加$10轉旋轉蛋飯🍳酥炸軟殼蟹🦀 $28軟殼蟹即叫即炸非常酥脆，配埋沙律醬一齊食就最夾啦！佢哋仲有好多款唔同嘅小食，價位都好實惠，幾有性價比！

有次經過發現開咗間新餐廳係食鐵板餐 一於去食下先 餐廳主打唔同款嘅鐵板🍳菜式 豬牛雞海鮮基本上都有 但竟然有羊鞍、牛肉漢堡田雞、牛雜🤩 一啲少見冷門都有👍🏻 價錢由$40+起 +$22就可以轉套餐😚真係幾抵食🔥🐮惹味牛雜-套餐 $120 味道有啲似食緊出面五香牛雜，但以鐵板上 感覺好特別😝 好keep到熱辣辣🔥牛雜🐮款式有齊 金錢肚、粉腸、牛肺、牛肝等 味道好濃郁惹味 帶有咬口👍🏻 餸飯一流😋😋蛋包飯 份量十足 炒蛋好嫩滑😋 🐮火焰香煎美國牛柳-套餐 $130 店員會即場加酒火燒牛柳🔥 牛柳表面更帶焦香感 牛柳熟度適中 色澤粉嫩☺️🧅洋蔥清湯用料十足 有大量嘅洋蔥🧅 味道好鮮甜😋😋🍄‍🟫小食 芝士大啡菇 $28 香烤過的大啡菇 連同融化的芝士🧀 一齊食 味道超夾😋 大啡菇🍄‍🟫質感柔嫩 充滿奶香☺️🦀酥炸軟殼蟹 $28 軟殼蟹炸到外脆內軟 內裏保持蟹肉汁 👍🏻👍🏻

上次食完糖水已經留意到呢間主打鐵板嘅餐廳，重點係唔收加一價錢亦唔算貴，相當親民，性價比高。鐵板餐好多選擇，所有菜式都是用鐵板上桌見有牛雜咁得意就叫左黎試下朋友就叫左份羊鞍餐除左白飯/意粉/薯條仲可升級配蒜香飯鐵板牛雜我覺得幾驚喜份量十足，牛雜仲好香玫瑰露酒味羊鞍就煎到好香好脆，食落去唔會太勁羊騷味,黑椒汁都好滋味蒜香飯香氣十足，值得一試新鮮炸起的粗薯條，唔錯另外仲叫咗個清炒時蔬，平衡一下下次再去試下其他款先得

平民價鐵板餐天寒地凍，放上飯枱既食物都好快凍。但鐵板大師食飯上至鋸排，下至小炒，都可以滾燙地享受😍當醬汁淋上鐵板，「沙沙沙」沸騰的聲音，撩人的煙霧，簡直美妙。重點價錢不貴🤭而每份鐵板的蔬菜量也很足。餐湯：蜆肉洋蔥湯大大隻蜆在中央。洋蔥味甜，一點都不肥膩，滿滿的洋蔥絲告訴你是真材實料，不是混湯混水。🥩香煎牛柳如拳頭大，7成熟肉心微紅，加上黑椒汁確係無得彈，如果大件D就更正🥰🍗脆香巨型雞脾真得很巨大，鐵盤快容不大下！巨脾外皮炸香脆，雞皮Juicy鹹味，食肉獸必點！配上薯條和可樂真係可以揮低茶餐廳。🐟煎焗比目魚為小寶貝而點的。比目魚烤焗得乾身，加上燒汁很日式，配上蒜香飯更滋味。地址：橫壆街1-15號好運中心3樓3107-3108號舖

沙田好運中心開咗呢間新嘅餐廳，專食鐵板餐，大份夾抵食。打開餐牌，見到有好多選擇。今次點咗兩個鐵板套餐，首先係煎焗三文魚套餐，大大件嘅三文魚煎到好香脆，配上蛋包飯同可樂，好豐富。另一個餐係煎田雞腿套餐，都幾特別，出面好少鐵板燒又田雞腿，有家常嘅味道。田雞腿嘅肉好嫩滑，配上薯條，唔錯。鮮脆萵笋煮雞柳健康又好味，萵筍嘅口感幾爽脆，煮得都幾入味。食咗咁多嘢，埋單都係$288，幾抵食，下次經過會再encore！

呢晚喺沙田行完街，見到呢間港式鐵板扒房，價錢幾平民，又有唔少街坊食緊，所以就入咗去鋸吓扒🍴火焰醬香蜜餞叉燒呢個真係勁啱打卡，店員會即席淋上茅台去整出火焰效果🔥 叉燒肉質軟腍，味道甜甜地哋，幾推介大家叫呢個，睇得又食得👍🏻脆香巨型雞髀呢隻雞髀真係好大隻，外皮炸到金黃香脆，一淋黑椒汁，嗰個嗞嗞聲即刻超有港式鐵板嘅感覺🤗小食餐廳仲有好多款小食，我哋都叫咗幾款，包括酥炸軟殼蟹、芝士大啡菇、炭燒雞肉串、府城蝦捲，每款各有特色，最鍾意係府城蝦捲🤩套餐附送鐵板餐會有主食同餐湯或飲品，主食方面，一個揀咗旋風蛋飯同薯條，餐湯就叫咗洋蔥清湯同可樂做飲品🥤呢間餐廳嘅食物份量都幾大，仲要唔收加一服務費，算係幾抵食嘅，難怪有咁多人嚟食飯啦😲

沙田新開鐵板主題新餐廳👍🏻小店設計出多款以鐵板為賣點的菜式，全店套餐都是以鐵板上的，相當有創意，有驚喜！不只是西餐菜式，更有不同國家的菜式融合，相當有意思！火焰醬香蜜餞叉燒 $110/套餐好有驚喜！以火焰為賣點！熊熊烈火，很震撼呀！叉燒是自家製作的，口感軟熟！另包括餐湯和意粉/飯。香煎珍寶虎蝦 $110/套餐配搭自家調製的紅蝦忌廉汁，非常惹味！同樣地是用鐵板來奉上的，珍寶蝦的確是啖啖肉，充滿彈性！另外加$10可改跟旋風蛋飯，雞蛋滑嫩，撈飯一流 此外小食有脆皮奶卷配玫瑰醬。更有自家製的甜品，流心的心太軟，外層暖暖很軟熟。

月頭變糧尾？鐵板大師幫到你😂 CP值超高嘅一間餐廳，佢哋嘅午餐套餐真係超抵食，幾乎每款都係$100樓下，飲品$10一支🙉 份量充足，味道唔錯，冇中伏。平民價錢好抵食。*香煎什扒拌煎蛋*配上燒汁同意粉，味道鮮美，煎蛋外脆內嫩，肉類嘅香味都好夠，讓我一口接一口。仲有*洋蔥湯*口感滑順，味道濃郁，令人一飲而盡，暖心又暖胃。*香煎玉米香菇鴨胸飯*鴨胸煎得剛剛好，外皮香脆，肉質鮮嫩，搭配香甜嘅玉米同香菇，整體味道相得益章。*煎焗比目魚*亦唔可以錯過，魚肉嫩滑，搭配輕盈嘅調味，完美地突顯出比目魚嘅鮮味，味道唔錯。至於甜品方面，我選擇咗*心太軟*一口咬落去，內餡流心，甜而不膩，完美為呢餐畫上句號。另外，小食方面，*酥炸軟殼蟹*同*炭燒雞肉串*都係必試之選，酥脆嘅外皮加上鮮美嘅肉質，令人一試成主顧。

餐廳環境唔錯，價錢親民👏🏻選擇非常多，同屋企人點咗兩款主食加碟菜share～⭐️香煎美國牛柳套餐跟南瓜濃湯&意粉呢款同另外幾款係Menu上係見唔到嘅，要掃QR code先見到個湯不愧叫做‘濃湯’，真係超級濃郁！😵 好似飲緊南瓜泥咁👍牛柳好厚身，煎得幾香，肉質都唔錯❤️煎焗比目魚套餐跟洋蔥湯，轉蒜香飯比目魚無骨，魚肉嫩滑，係其中一款我都幾鍾意食嘅魚😬蒜香飯冇白飯咁寡，都幾推薦試吓👍洋蔥湯幾甜，不過個人認為質感有少少似芡汁，我覺得南瓜湯好飲啲😅❤️清炒時蔬用鐵板上炒菜有啲日式餐廳嘅感覺😂白菜幾爽脆，蒜蓉都幾多幾夠味

🐑香煎羊鞍 $98配露絲瑪莉燒汁，鐵板夠熱，一倒汁就聽到標準既咋咋聲 。羊架嫩滑同juicy，跟薄荷同芥末醬，點醬可以去除羊架既羶味，同埋令羊架既味道更突出 🐮香煎牛柳 $98配黑椒汁，簡左五成熟，火喉掌握得岩岩好，牛柳夠juicy，切落去紋理唔錯 加$22，可以升級做套餐，配意粉/飯/薯條，仲有汽水/湯酥炸軟殼蟹 $28原隻軟殼蟹，炸得好酥脆酥炸廣島蠔（2隻） $28外脆內軟，炸粉唔會太厚，岩岩好 餐廳環境企理，唔會坐得太逼 。份量足夠，價錢夠大眾化 。

沙田有好多平靚正食肆 最近去咗間開張唔夠一個月嘅鐵板專門店食嘢 主菜小食款式多 價錢相當親民-🍖鐵板薑蔥爆田雞腿 $110巨無霸田鷄腿嘅份量好足 先油泡再放喺鐵板上面 攞上枱嘅時候 蔥爆香味勁吸引 再跟個白飯🍚 直頭似喺大排檔食鑊氣小菜🥢-🍗鐵板脆香巨型雞髀 $90我order嘅呢個餐 絕對係懷舊finger-food combo🤩 雞髀有手掌咁大 雞皮脆卜卜 揸喺手然後大啖大啖咁咬開扯開啲雞肉食 嗰種豪邁嘅感覺 非常過癮 現炸厚切薯條🍟亦相當唔錯 -🦪酥炸廣島蠔 $28如果淨食唔點沙律醬 酥炸嗰種口感 完美呈現 口腔唔油膩 廣島蠔好肥美😙-🍤香煎鳳尾蝦 $28剝埋蝦殼 每隻啖啖肉而且爽口彈牙 有四隻咁多 份量足 性價比高😍-🍢燒河豚乾 $28

經過沙田好運中心美食街見新開左間食鐵板既"鐵板大師"~係門口睇餐牌見價錢非常經濟, 最平$48有個鐵板飯, 咁抵食就入去食喇~~~~餐廳都幾大喎, 好多張2/4人餐枱, 拍埋枱仲可以多人用餐添餐牌好多鐵板選擇!! 有主食有小食, 所有食物都係鐵板上主食可選單點或套餐, 幾十蚊就食到鐵板餐, 價錢相宜~~酥炸軟殼蟹 $28一大隻軟殼蟹$28就食到, 堅呀!!!軟殼蟹熱辣辣, 炸得金黃酥脆, 蟹肉又鮮又甜香煎帆立貝 $38兩粒巨大帆立貝, 表面微微焦香, 貝肉厚實彈牙, 味道鮮美芝士大啡菇 $28大啡菇 表面充滿融化左既香濃芝士, 味道濃郁香煎珍寶虎蝦 $88珍寶虎蝦好大隻呀!!!蝦肉爽口彈牙, 鮮嫩多汁~沾埋醬汁食味道更豐富香煎牛柳套餐 $120包飯&飲品~~~牛柳要左5成熟, 師傅煎得剛剛好呢!! 牛柳肉質鮮紅嫩滑, 味道濃郁, 肉質彈牙~~醬汁仲有幾款口味揀呢和牛生菜包 (消費滿$300贈送)超正呀!!! 食滿$300仲有和牛生菜包送~~和牛肉質細膩, 油脂豐富~ 同清脆既生菜搭配, 口感一流, 清新又美味

這間新餐廳以鐵板料理為主題，創意十足。無論是主菜、配菜甚至甜品，全部都在鐵板上完成，視覺與味覺效果兼具。價錢親民，不用加一。我們點了兩個套餐，主菜是🏅西京燒比目魚和🏅刁草忌廉汁三文魚，配上香滑的意粉以及清甜的粟米、西蘭花、、紅蘿蔔和蕃茄仔。魚類火候掌握得宜，特別是西京燒比目魚，口感細膩軟滑。三文魚的刁草忌廉汁用來拌意粉非常好味。套餐附送的🏅洋蔥湯值得一讚，湯底清甜，洋蔥煮至綿滑，絕對比普通飲品更值得選擇。小食方面，🏅酥炸廣島蠔外脆內鮮，🏅芝士大啡菇濃郁滑順，而🏅香滑豆腐煮蛋更是令人驚喜，細緻入口即化，鐵板的香氣提升了整體層次。甜品則是🏅朱古力炸彈，外皮酥脆，內裡濃郁的朱古力流心，為整頓飯畫上完美句號。