鐵板大師

沙田的「鐵板大師」最近更新了主餐牌，推出話題新品「鐵板巨人三重奏」，再加上香煎安格斯牛板腱扒等招牌鐵板菜式，讓人食慾全開。好窩心嘅係晚市主餐可任意加飯或意粉，更吸引的是這裡居然沒有加一，性價比極高！ 餐廳環境乾淨明亮，鐵板香氣瀰漫空氣中，坐下即聽到「滋滋」聲起，視覺與嗅覺同時被喚醒。 香煎美國安格斯牛板腱扒-套餐首推香煎美國安格斯牛板腱扒套餐，牛扒外層焦香，肉質嫩滑多汁，牛香滲進鐵板底的醬汁裡，拌飯一流。配搭的薯條金黃酥脆，忌廉湯香滑濃郁，每一口都有甜潤味。飲品選了大杯柑桔檸檬鴨屎茶（凍），清新果香中帶點烘焙茶韻，頓時解膩又提神。 脆香巨型雞脾-套餐另一款「脆香巨型雞脾」份量驚人！外皮香脆、肉質嫩滑。配上旋風蛋飯柔滑香甜，蛋香混合鐵板溫度，味道更添層次。南瓜濃湯綿密厚滑，帶自然甜味，喝起來格外滿足。 雲呢拿泡芙（3件）最後以「雲呢拿泡芙」作結，酥皮香脆、內餡甜而不膩，三件剛剛好滿足甜點胃。 整體而言，「鐵板大師」無論是火候掌握、餐點份量還是價錢，都具誠意的鐵板料理店。給想以親民價品嚐鐵板風味的朋友！ …查看更多

鐵板大師真係令人食過返尋味！今次試咗其中一款招牌，用心同有水準，講真，性價比好高。✨柚子雜菜沙律✨ 清新醒胃，柚子果香夠晒突出，配埋爽脆雜菜啱曬想開胃嘅你。唔會太酸，帶點天然果香同微微甜味，好適合夏天或者飯前先嚟一碟。✨南瓜濃湯✨ 懷舊鄉村味，上桌已經聞到南瓜嘅自然香甜，質地滑溜卻不濃稠過火，入口溫暖，暖胃又舒服，係餐前暖身首選。✨德州雞鎚✨ 外皮炸得香脆，帶少少煙燻味，肉質保持多汁彈牙，辣度適中唔會蓋過雞肉味道，惹味又好食！✨雙式芝士波士頓龍蝦意粉✨ 龍蝦好大隻，啖啖肉。芝士🧀鋪面烤得金黃，還有香草點綴，賣相吸引。還可淋上芝士醬，濃郁不膩，芝士度滿分‼️😍意粉吸汁，食落層次豐富難怪係招牌之作，食落唔止滿足味蕾，仲滿足視覺。✨香水檸檬鴨屎茶✨ 鴨屎茶本身苦韻突出，但配合檸檬嘅清香去調和，帶少少花香，入喉反而不會太甜，都幾好飲👍🏻❤️。款式非常多，價錢實惠，環境空間足夠，下次會再嚟試新款！想睇更多介紹，馬上Follow我啦😁。 …查看更多

餐廳：鐵板大師 (沙田)地址：沙田橫壆街1-15號好運中心3樓3107-3108號舖沙田好運中心自從上年翻新完之後就迎嚟好多新餐廳進駐🍽️，當中全新打造嘅「潮人巷子」 同「潮食大街」更加吸引到唔少人過嚟搵食😋。今次就去咗鐵板大師豪食佢哋性價比高又平價嘅鐵板扒餐🔥，除咗唔洗加一，喺餐廳消費滿$250就送$28以下小食一份，滿$500仲送紅/白酒一支添🍾餐廳環境都幾闊落，座位夠多容納到接近100人。接近晚市嚟到，掃QR code見到佢哋有多款肉類、海鮮、飯、意粉、健康有營套餐🥦，仲有兒童餐同悠閒時光下午茶餐。比較特別嘅有超邪惡香煎鵝肝、啱晒大胃王嘅鐵板巨人三重奏(美國安格斯封門柳、厚切牛舌同煎蛋)、潛艇漢堡、巨型雞髀🍗、火焰波士頓芝士龍蝦🦞、醬燒原隻魷魚🦑、松露香菇軟殼蟹珍珠飯等，就咁聽都覺得吸引🤩叫咗兩個套餐，分別喺香煎美國安格斯牛板腱扒套餐($160)同香煎羊鞍套餐($120)，包咗薯條🍟/沙律🥗、湯同飲品，晚市叫任何主餐牌鐵板系列嘅食物仲可以任加飯或者意粉😍，包你食到飽為止😆沙律喺柚子雜菜沙律，酸酸甜甜食完好開胃🤤；之後就有豆腐麵豉湯同磨菇忌廉湯，前者足料有好多豆腐粒，後者creamy一啲都唔馬虎；飲品就加$6叫咗杯即磨Cappuccino同Latte☕️，另外仲有其他無酒精飲品可以揀重點就緊喺兩份足料嘅扒啦🥩，安格斯牛板腱脂肪較少，5成熟煎到啱啱好外焦香內紅潤，仲附帶啲筋膜喺中間，食落多肉汁又有咬口，牛肉羶香相當出眾👍；兩塊羊鞍微羶唔會太濃味🐑，相信一般人都會接受到，肉質軟嫩附有肋骨同脂肪層，羊肉油脂香而唔膩，值得一試😌，另外有好幾款醬汁比你揀，今次就揀咗黑椒汁同磨菇汁，亦可以蘸黃芥末嚟提升鮮味，伴碟仲有洋蔥🧅、粟米🌽、車厘茄同西蘭花🥦，真心唔洗驚唔夠食🤓…查看更多

同事放工話去沙田食晚飯，沙田的美食地圖上，佢話不如試吓鐵板大師，大份量和平民價格吸引著眾多食客。絕對符合性價比高的標準，餐廳環境簡約舒適，感到輕鬆自在，適合與朋友或家人一起聚餐。餐廳的晚市主餐牌以鐵板系列為主，可以任意加飯或意粉，選擇非常靈活。特別推薦的菜式包括「鐵板巨型雞脾」和「特濃爆蒜牛仔骨」，讓人期待。特濃爆蒜牛仔骨~套餐鐵板特濃爆蒜牛仔骨，色香味俱全，鮮嫩多汁，在熱鐵板上滋滋作響，伴隨著香氣四溢的爆蒜，令人垂涎欲滴。特濃爆蒜牛仔骨是廚師的推介，熱鐵板上牛肉鮮香，爆蒜的香氣令人垂涎，彷彿在口中融化，讓人感受到肉的原汁原味。旋風蛋飯接著是旋風蛋飯，蛋香濃郁，搭配豐富的配料，感到滿足。薯條、磨菇忌廉湯、大杯咖啡此外，薯條的口感酥脆，搭配磨菇忌廉湯，南瓜濃湯湯汁濃郁，十分美味。而大杯凍咖啡則為整餐增添了一絲清新。司華力腸、日本蟹肉忌廉餅司華力腸酥香，品嚐日本蟹肉忌廉餅，外酥內嫩，蟹肉忌廉鮮美，一口接一口。脆香巨型雞脾-套餐脆香巨型雞脾，雞脾肉質鮮嫩多汁，搭配特製的醬汁，令人食指大動。雞脾在熱鐵板上香氣撲鼻而來，忍不住想立刻品嚐，增添口感層次，每一口都讓人享受。…查看更多

這次來到鐵板大師，餐廳光猛舒適，座位不少，這裏的套餐非常抵食，今次叫咗兩款特色鐵板餐，套餐包括飲品，前菜和鐵板餐，高質美味，值得推介💗🥐 脆皮奶卷配玫瑰醬外層酥脆的奶卷，一咬下去就能感受到濃郁奶香，內餡柔軟綿密，搭配特製的玫瑰醬，花香與奶香交織，甜而不膩，層次感豐富👍🏻玫瑰醬的酸甜平衡了奶卷的濃郁🫶🏻🧄 特濃爆蒜牛仔骨蒜香愛好者絕對不能錯過！牛仔骨肉質軟嫩，蒜味極其濃郁，每一口都充滿蒜粒的香氣，醬汁鹹香帶點微甜🤤薯條炸得金黃酥脆，沾上牛仔骨的蒜香醬汁，更是絕配！ 🍄 磨菇忌廉湯濃郁的蘑菇湯，湯體順滑細膩，奶香與蘑菇的鮮味融合，喝起來溫暖又滿足😌🥩 香煎牛柳這個牛柳朋友叫左全熟，但都煎得好好食！外層微焦，內裡肉質不柴，簡單的黑胡椒調味就已足夠突出牛肉的鮮美💗雜菜沙律新鮮爽脆，淋上油醋汁，正好平衡了牛柳的厚重感👍🏻🎃 南瓜濃湯香甜濃郁，南瓜的自然甜味與奶油香氣結合，口感綿密滑順✨🥤 雪碧 & 道地鴨屎香檸檬茶雪碧清爽解膩，而道地的「鴨屎香檸檬茶」茶底帶有獨特的蘭花香氣，清新又解渴🫶🏻💬 必點菜式：脆皮奶卷、爆蒜牛仔骨、南瓜濃湯…查看更多

琴日2025年11月12號，晏晝同阿爸睇完戲，喺附近搵嘢食，沙田嗰頭啲嘢都唔係好啱，唔係太貴就係唔啱口味，咁啱行過Master pan門口望吓Menu又幾好，店員都好熱情介紹菜單，所以就入咗去食。叫咗個漢堡扒牛舌鐵板飯，啲肉調味偏淡，應該冇乜點醃過，但肉質好靚好Juicy，$88絕對冇得彈，醬汁都多選擇，揀咗忌廉汁，應該係我自己選擇問題，加埋比較淡味，揀返黑椒汁果類應該比較好，建議餐桌可以擺返胡椒同鹽等調味料方便我呢啲食得重口味啲嘅人。同埋平日午飯時間好似生意差少少咁，可能位置問題，但呢個質素絕對值得更多人見到！…查看更多

沙田市中心平靚正既餐廳，呢間一定有份。兩個人食甘多野埋單$300。風門柳鐵板套餐200g $199：份量超多，牛肉味重。然後個餐配有意粉、小食同飲品。成個鐵板比你慢慢燒，秋涼去食好有feel。南瓜湯真材實料👍超級熱同好濃，好容易食得出係新鮮整，一定要試試。小食甜品全部$20-3x就有，推薦蟹肉餅同心太軟。呢度無加一架！好難得。🥢鐵板大師 🌏沙田橫壆街1-15號好運中心3樓3107-3108號舖…查看更多

琴日同個Friend撐枱腳，去咗沙田嘅「鐵板大師」食晏，佢哋主打鐵板餐，估唔到街坊價錢但質素冇欺場！鰻魚飯鰻魚主要系切粒，落埋個飯度炒，厚身又唔腥，燒汁甜度剛好，撈飯食真係一秒清盤。「珍寶雜扒」冇改錯名——真・珍寶！牛扒、豬扒加芝華力腸，鐵板上枱嗰陣「滋滋聲」，特別係塊牛扒，以呢個價位來講夠嫩唔韌，抵讚～邪惡小食三連擊全部即叫即炸，熱辣辣脆卜卜。雞翼同雞鎚醃得入味，蟹肉忌廉餅咬開拉絲，唔係得個名！朋友嗰杯香水檸檬鴨屎茶正常甜，我嗰杯要咗無糖——結果我贏了！茶底清香帶回甘，檸檬天然果酸好清新，完全唔需要額外加糖已經夠好飲。朋友試完我杯之後，仲偷偷哋搶咗幾啖飲，哈哈～總括來講，呢間絕對係沙田區隱世平民餐廳，人均$100左右食到捧住個肚走。侍應手腳又快，服務幾好。下次想再encore佢哋個鐵板羊！…查看更多

浪費時間，浪費金錢，浪費食物，跟過見到呢間入去試下，就咁樣就中伏，伏到不得了，鐵板巨人三重奏，$170，封門柳差到一個點，魚柳意粉，薯條隔夜一樣，魚柳又腥，賣相又差，普通大x樂餐廳好過佢，全部無食過就埋單$228立即起身走人 ，豪比佢做下善事，從來未食過咁差嘅西餐。 香港飲食業難做，食物質素咁差，點會有生意，食物及服務質素做好啲先喇，正常見到客人無食過立即比$ 走人，都會去了解下問下發生咩事，可進下問題出係邊到…查看更多

-平時經常喺沙田食飯 大型商場入面多數都係連鎖店 已經食到我好厭 🧐 原來行過少少去沙田中心 多好多嘢食！😋香煎紐西蘭草飼牛柳 220g 🥩 配飯牛柳煎得恰到好處，外脆內嫩，味道濃郁，真係一口咬落去就感受到肉質的鮮嫩，搭配上特製蒜香醬汁，每一啖都令人回味無窮！😍🥰雙式芝士波士頓龍蝦(半隻）🦞 配意粉呢道芝士龍蝦真係無得輸！龍蝦肉鮮甜，最驚喜係店員貼心提供鉗子🔧，方便我拆龍蝦肉，但其實最後我根本用着個鉗，因為啲肉完全唔會黏住殼，輕輕一挑就成條出晒嚟🤩 配埋香濃嘅芝士醬意粉 絕配😍本身個餐已經有無限添嘅飯🍚或者意粉🍝～ 我仲貪心少少選擇咗升級套餐，$22就包咗今日餐湯（我試咗南瓜濃湯 好滑～），仲有雜菜沙律或者薯條，飲品亦包埋，真係超值！🥤店員服務唔單止親切，仲好細心，但竟然係唔使加一服務費！👏 價錢嚟講 幾十蚊至到百幾蚊就已經可以食到咁多嘢 唔夠仲有飯同埋意粉任裝 除咗抵都唔知講咩好🤑環境又舒適，下次一定會再來！💖鐵板大師 Master Pan📍沙田橫壆街1-15號好運中心3樓3107-3108號舖…查看更多

今次嚟到沙田好運中心嘅鐵板大師搵野食，扒房格局加上鐵板香氣四溢，一坐低成個人都醒神咗！🍗 脆香巨型雞脾套餐（$100 +$22）雞脾炸到外脆金黃，淋上燒汁汁更有層次。肉質嫩滑，配薯條、南瓜濃湯同橙汁一齊食落，更加開胃又飽肚！🔥 鐵板巨人三重奏（$148） 鐵板熱辣上枱，香氣騰騰，主菜份量十足，適合食肉獸或者想一餐食齊三味嘅朋友！呢度套餐每款食物都誠意十足，價錢親民，分分鐘兩人分都啱晒。快啲mark定，下次去沙田絕對要試！🍖 極上蜜餞豬肉叉燒套餐（$110 + $22）叉燒入口油香四溢，蜜餞甜味滲出嚟，每口都Juicy得嚟唔會膩，啲薯條炸到外脆內軟，配埋滑溜海鮮忌廉湯同巨峰提子，齊齊打個perfect combination，感覺超滿足！…查看更多

沙田好運中心(鐵板大師)座位寬敞，店員服務週到，餐廳下午茶時段款式有多款選擇外，還有晚市食主餐牌鐵板系列，可任配飯或意粉👍。溫馨提示餐廳全日免收加一😊❣️黑椒牛肉潛艇配薯條個潛艇包烘到外脆內軟，黑椒牛肉多到滿瀉，仲有爽脆生菜！薯條即炸熱騰騰，脆卜卜撈埋黑椒碎，鹹香惹味❣️香煎美國安格斯牛板腱扒套餐💥塊牛扒煎到滋滋響，外面燶燶哋好香口，切開仲係粉嫩嫩！咬落去超好味，啲肉汁「咇」出嚟，牛味濃到化唔開。個邊脆卜卜，蘸少少芥末😋💥柚子雜菜沙律爽脆雜菜配清甜柚子，清新爆汁，勁fresh！酸甜醒胃💥海鮮忌廉湯海鮮味濃郁，非常creamy❣️酥炸軟殼蟹脆卜卜金黃色，咬落去"咔嚓"聲，鹹香爆棚！蟹膏甘香，蟹肉一絲絲，連殼食晒勁過癮。點啲沙律醬，解膩又惹味❣️朱古力心太軟外皮脆卜卜，一篤開D朱古力漿就流晒出嚟！味道濃得嚟唔會太甜…查看更多

話說住沙田朋友帶我去食平價扒餐。本來諗住平價嘢唔會有期望，點知有驚喜…. 平民價錢，性價比高，份量夠大火焰波士頓芝士龍蝦（半隻）-套餐$156 （主餐牌鐵板，可任加飯或意粉）店員會喺你面前點火，龍蝦肉彈牙，芝士夠濃，撈埋蝦膏，意粉一齊食，抵食夾大件，套餐超值，跟埋薯條、磨菇忌廉湯（綿滑creamy，蘑菇碎都多）加$6 有香水檸檬鴨屎茶。都好香檸檬味。煎焗三文魚$88外皮脆卜卜，魚肉嫩滑，啖啖油香又唔腥酥炸軟殼蟹$38炸得夠酥脆，成隻連殼啱啱好入口，食到蟹膏甘香味。芝士煙肉大啡菇$28一咬爆汁！煙肉鹹香夾流心芝士，大啡菇厚肉 Juicy👍…查看更多

去沙田行街，行過呢間餐廳望到佢門口嘅餐牌，鐵板燒選擇多，而且價錢平民，又唔加一，忍唔住入去試😋果然性價比好高🥳 職員服務態度好好，食到差唔多嘅時候會過嚟問你味道如何，真係貼心！..➊ 🦑 醬燒原隻魷魚套餐 $110魷魚燒得好香，醬汁有啲甜味而且唔會過鹹，特別推薦一定要搭配埋佢個阿根廷青醬，會更加惹味😍 魷魚鬚特別香口🤩 配麻醬蟹籽沙律🥗 同埋蘑菇忌廉湯 🍄‍🟫 加$10重可以變旋風蛋飯，想食得豪華啲冇問題🤣..➋ 🍗脆香巨型雞髀套餐 $90一上到枱「嘩」一聲，隻雞髀大到有兩隻手掌咁大😱 雞髀炸到金黃鬆脆，肉質嫩滑重好juicy😛 跟餐配可以配薯條🍟雖然配菜但係都好大份，而且脆卜卜😎 跟餐仲配埋湯同飲品。..加左啲小食，香脆雞翼（$22/3）、香煎帆立貝（$38/2） 同香滑蒜蓉（$22）。…查看更多

Weekend去新城市廣場附近行街，行到好運中心遇到呢間極抵食又貼地嘅鐵板大師！午市同下午茶set $50 - $80就有鐵板主食，加$12有齊飲品同湯，經濟實惠，真係平民之選。今日湯品係用打碎南瓜蓉煮成嘅南瓜湯，質地濃郁甜美，素食朋友都啱飲🎃。主食叫咗香煎美國安格斯牛板腱扒同火焰波士頓芝士龍蝦（半隻）。牛板腱扒份量十足，肥瘦適中，肉質結實帶肉香，啖啖都滿足🥩；龍蝦經店員即席點火，芝士融化香氣四溢，好有儀式感🦞，肉質彈牙又入味！簡單一餐性價比高，味道穩陣，下次經過再黎幫襯！…查看更多