鏞鏞．藝嚐館

營業中

休息中

梅菜扣肉應該差唔多所有人都食過，肥得嚟油香十足啱曬送飯一齊食，不過自己整工序又好複雜，出去食好多都太過肥，搞到都冇咩機會再食。鏞鏞就係少數我好中意食嘅嗰間，間唔時就想去食多次，好多人都覺得梅菜扣肉淨係食舊肉，不過其實梅菜都好緊要，佢可以中和啲油膩感，而且梅菜香味都可以令佢更加有層次感。而塊扣肉就更加重要啦，鏞鏞係用本地豬嚟整，當係支持下本地產業都唔錯，而且佢肥瘦適中唔會食得一塊就唔想食，而家天氣突然凍咁多食下依啲暖胃嘢都係一個好選擇嚟。

尖沙咀咩都多，人多車多好嘢食都多，但有時都想搵個地方可以hea下畀自己放鬆，當放自己半日假。K11係近年文青最中意去嘅地方，樓下同期都會有唔同文化藝術相關嘅活動舉行，反而樓上嘅餐廳就有時都幾靜，不過鏞鏞就都算多食客，上次見幾啱就去試下。首先個裝修好靚好年青，唔會又係啲舊式嘅風格咁悶，而且都幾適合K11 本身嘅style，但係食物方面都係啲傳統嘅粵菜再加啲新意做到類似fusion菜咁都幾特別。試咗個家鄉梅菜扣肉，賣相已經好吸引，用瓦鍋小火爐上檯keep住熱咁嚟到，一打開就有好香嘅梅菜香味搞到隔離檯都望過嚟，豬就係用本地豬，肥瘦適中，唔會食兩啖就唔想食，加埋個白飯好快就食曬。價錢雖然唔平，不過唔會坐多陣就趕人走，睇下個靚景hea下hea下咁，之後又可以落去睇下啲展覽，咁就過咗半日都幾唔錯。

頭先一家五口去食飯，明明叫兩隻鵝脾，侍應回覆全部賣哂，要即場燒一隻燒鵝，跟住5min 就到，隻鵝一嚟到完全吾熱！！！堂堂$800一隻燒鵝，食完成肚氣！咁大間餐廳居然甘樣欺騙人！

次次即興想來此處，因為時常book滿，所以好多時都幫襯唔到，今次终於來到。 裝修簡簡單單中有氣派，線條簡約橡木色椅幾喜歡，綠色瓦磚牆想起中式屋頂青瓦磚，白磁茶壼有醇厚感，還有一對順滑木筷子，及一套青磁食具，湖水綠純掃點金，清雅中帶點貴氣，呷啖香茶，摸模杯子，看看精美藝術品，未食，已滿足精神享受！ 今次由波士發板，先來葱油餅$58，用深啡色平圓碟盛上，有朵小黄花，放在白色黑點麻石枱上，颜色對比好特出吸引，餅皮香酥薄脆有口感，葱足熟香甜，好過后園，好個上次三星葱。 惹味陳皮欖角骨$88，熱騰騰，半肥廋肉炸脆，骨脆可嚼可咬，件件有骨，只嚐到欖角甘香但不多，但陳皮味舌頭鼻孔感覺唔到，縱是如此，也不失其美味。 手捲雪茄$80，好矜貴，得一碌，用烘熱咗厚厚型格水晶玻璃冒煙灰缸的器皿盛上，七味粉灑卷頭，作燃點着，黑芝麻碎扮煙灰，擔番口大雪茄，餡鵝肉絲鞋，not juicy，without鵝香，話說鏞記開，出名係鹅，何解？波士建議為何不拆鹅頸肉絲作料又香，又唔肥。以此價貴在創意上。 新豬肉鮮蔬素腸粉$65，比我揀我一定唔揀，我唔喜歡食物經過精制去扮肉。餡有波菜紫薯粒，新豬肉碎像乾菌，質一般，味淡，腸粉

日常生活中，時遇長輩與後輩不咬弦的狀況，就此引伸出新與舊必然是磨擦碰釘、格格不入、水火不容的定律？！其實世事又豈會一面倒，民以食為天，不如將兩者關係放諸於飲食，位於尖沙咀一個時尚商場裡，找到接近八十年經典粵菜品牌與潮流創意融合為一的好例子，馬上要跟大家分享一下這新與舊擦出的美麗花火！「鏞鏞‧嚐藝館」— 疊字作起首的店名帶來了青春感，放低了「鏞記」老字號的形象，同時以嚐藝館三字表達對粵菜精髓與手藝承傳的主旨！觀乎其中西合璧、傳統與時尚共冶的用餐環境，客人置身其中，透過視覺率先感受藝術的氛圍！輕食與主餐兩區以現代感的中式拱門分隔，方檯及可共享的長檯代表著輕食區！而分佈大小圓檯和紅色餐椅的則是主餐區！主餐區所連接的戶外用餐區令人眼前一亮，所佔面積是整個商場食肆之最，充裕空間感固然不在話下，景觀更是開揚，中環及尖沙咀一帶景物近在眼前，若是略帶秋意的黃昏在此用餐，簡直是雙重享受！坐擁如斯美好的戶外景色，酒吧與美酒有助燃美食的效果，自認年青的自己就非常之 Buy！是日正午陽光燦爛，我們還是留在室內用餐較為愜意，哈哈哈！菜苗帶子餃 HK$68/3隻碧玉鮮露蝦餃皇 HK$58/3隻甘筍鹹水角 HK$5

喱日我升咗呢做咗一個下晝經理兼董事長勁！其實大家都可以同我一樣去升呢，只要搵到好地方就得嘞。喱個好地方就係鏞鏞藝嚐館佢係中環鏞記嘅後生線，裝修食物都行型仔路線啱晒我喱啲*後生仔*哈哈。除咗有空間感十足嘅室内仲有好舒服嘅室外座位，聽聞喱道仲可以攪婚禮添。不過天氣仲鬼咁熱都係入番室内嘆住冷氣食好啲！身心都準備就緒喱場升呢晏仔一觸即發。首先食點心第一粒係菜苗帶子餃，面頭有隻好新鮮嘅帶子同脆卜卜嘅魚子食落好鮮味喎。然後食蝦餃肥肥白白嘅身型好得人鍾意，蝦餃皮唔會痴牙入面仲塞滿爽彈嘅鮮蝦好高質。我最like食鹹水角不過整得好食又唔油嘅真係唔多，喱個甘筍鹹水角造型盞鬼，糯米皮炸到夠脆又唔油，入面嘅豬肉餡都好夠香比例仲啱啱好真係掂。升呢時候到嘞我得到喱枝大雪茄仲唔充生晒扮經理咩嘿嘿！脆皮扮嘅雪茄、黑芝麻扮煙灰加埋緻細到雪茄嘅著火位都做埋，真係唯肖唯妙玩味十足。喱枝鏞鏞手捲雪茄其實係雪菜鵝肉春卷，食落脆卜卜入面仲好香鵝肉味好正㗎。做完經理再上一層樓做董事長好威水！只要識食喱個流心西施炸蝦丸就可以做到董事長㗎喇。 因為喱粒流心西施炸蝦丸入面有甘董事長食嘅腐乳，靚仔嘅流心味道咸香細緻，鮮味彈牙嘅蝦丸加埋脆卜

全日紅雨黑雨都受惠唔到，只可以食去發洩心中嘅憤怒。和鏞記酒家不同，鏞鏞．藝嚐館走現代路線，餐廳擺設、侍應、到菜式設計都同酒家有啲唔同。脆皮燒鵝真嘅，真係脆皮，鍾意食肥嘅朋友可能會失望，但個人喜歡偏瘦嘅肉，咁先可以食到肉嘅味道。蝦多士假嘅，因為入邊有帶子同埋蝦，細細粒好易食，值得一讚嘅係上碟嘅時候十分熱 👍欖菜骨汁醬十分好吃，份量適中。椰汁白肺湯椰汁白肺湯準備嘅時都要好多時間同心機，好好彩呢一度有呢一個湯，即刻要試吓。值得一提嘅係好足料，湯味濃郁，值得推介。西湖牛肉羹西湖牛肉羹就略嫌失色，芫荽味道濃郁係讚嘅，但係嘅質感就略嫌薄弱。

邊個話我傻我請佢食燒鵝！哈哈好Old School但又充滿童年回憶，說到燒鵝鏞記的出品當然是膾炙人口吧！而鏞記亦隨著時代步伐開設了年輕品牌鏞鏞．藝嚐館，這天我們就來會一會這老字號新感覺啦！座落於K11 Musea的鏞鏞．藝嚐館裝潢很摩登而且充滿現代感，地方非常寬敞內裡更設有露天茶座及酒吧，中西並融又型格十足絕對飛甩老套。遇著好天氣可安座於露天茶座欣賞著可愛的微笑菠蘿包，心情即時大靚胃口亦大開是時候回室內享用午餐了。率先品嚐我最喜歡的點心環節，我們得到有菜苗帶子餃、蝦餃和甘筍鹹水角，三款點心的賣相也很精緻，而那中原一點紅吃得出是我喜愛的辣椒醬品質牌呢！蝦餃身形豐滿摺位工整外表夠吸引，吃下澄皮爽滑內裡更藏著滿滿鮮味的蝦肉，吃了第一件點心後已萬分期待餘下那兩件了。然後到品嚐這件菜苗帶子餃＄68/3件，碧綠外皮同樣煙韌爽滑更添上了一絲清新，帶子彈性十足亦鮮甜內裡還混上不少香菜來增添風味。這件造型可愛的是甘筍鹹水角＄55/3件，炸得香口不油膩皮咬下外脆內軟糯，餡料調味恰到好處吃得我很滿意。接下來是玩味跟吃味也非常有驚喜的鏞鏞手捲雪茄＄80，造型唯肖唯妙的雪茄其實是雪菜燒鵝春卷。有可愛又貪玩的車爸

喺尖沙咀咁多嘢食選擇，依一間幾有驚喜，K11本身環境已經唔錯，而且佢仲要喺高層可以睇到個海，景色依part好高分。而食物都好有驚喜，將傳統粵菜結合西式新派嘅做法，有新意得嚟又唔會冇咗中菜嘅味道，燒鵝例牌好多汁皮又燒得脆口，加埋酸梅醬真係我食過最好食嘅燒味之一，而且個腐乳炸蝦丸真係好特別，完全冇諗過可以有咁嘅組合，腐乳味道濃得嚟唔會搶曬個味，勁有驚喜，最後個甜品大白兔糖奶凍有幾分細個食嘅嗰隻味，最重要係奶香味夠濃，食完飲啖茶啱啱好。三個人食食咗1200蚊到，都可以接受，主要係當試下啲新嘢。

前排晏晝成日突然落大雨走都走唔切，上次就入咗去K11 MUSEA避雨又咁啱見肚餓就一條友睇下有咩食，上到去見到裝修環境幾靚就入去試下啦，睇唔出原來係食中菜嘅。試咗個原隻鵝脾，$290蚊唔算平但上到嚟大大件咁其實好抵食，炭香味十足又多汁，完全唔會覺得滯，一個人食完依件脾之後都已經飽到7-8成，最後加咗件童年大白兔糖奶凍做甜品，白免糖味幾濃，係幾有細細個食嘅嗰隻味。一個人坐喺樓下睇住條街嘅行人同埋落下嘅維港真係幾舒服，咁啱食飽就停雨，真係啱啱好。

今晚去半島酒店staycation，入左酒店房後，到酒店四圍行，好行到黄昏，又是食晚餐的時候了。我們到尖沙咀K11Musea揾野食，可能是第一次去，揾左好耐先揾到7樓，見到鏞鏞·藝嚐館就入去。店內環境優靜光猛，只有幾枱客，服務員安排我們坐在最後一枱。我們點了鏞記正宗燒雞脾、乾燒咖哩蝦球粉絲煲、腿茸餐肉燴冬瓜、銀棯醬帶子豆腐等。～燒雞脾肉肥美味，我們都搶着吃，可惜太细碟，好快食完。～蝦球粉絲煲，咖哩味濃，蝦球大，好吸引，撈飯一流。～腿茸餐肉燴冬瓜好大碟，外觀吸引，也適合撈飯，冬瓜清涼，適合夏天進食。～銀棯醬帶子豆腐也很適合配飯，銀棯醬味濃吸引，只是件數不多，好快食完。食物味道好，但不大碟，價錢較貴。.

同朋友去到尖沙咀突然想食中式嘢，上網見到依間就嚟試下，畀門面裝修吸引曬注意力，因為真係一啲都睇唔出依間裝修咁靚嘅餐廳係食中菜。可能閒日去唔太多人佢畀咗張大檯我，坐得舒服又望到個海景，坐低咗就叫咗啲點心同燒鵝例牌，點心皮薄餡靚，份量都叫足夠，起碼兩個人食係夠飽。不過燒鵝就真係估唔到咁好食，可能之前多數喺燒味鋪買過嗰啲質素都參差啲，但依次真係好好食，皮燒到脆脆哋又唔會太油膩，少少嘅炭香令隻燒鵝更加香，完全唔會好似之前試幾舊就已經唔想食。價位嚟講當然唔算平，不過嘢食好食，而且環境舒服又有得睇下海景，都係可以接受嘅範圍。整體都好滿意。

前排成日落雨，約咗朋友喺尖沙咀食飯點知突然落雨，就近近哋試下鏞鏞，一開始睇啲裝修以為食西餐，點知原來係中式嘢嚟，都幾驚喜下，嘢食都幾唔錯，份量上有調整過，冇傳統中菜咁多搞到食唔曬，啱曬我依啲三心兩意嘅人。不過最中意嘅都係個景，落住雨舒舒服服坐喺度望住個海食飯真係幾好，濛濛哋睇住個海真係好靚，下次可以再嚟試下其他嘢食。最有驚喜嘅係龍躉魚扒，佢哋將西餐嘅擺盤mix埋中餐先會見到嘅龍躉，一嚟個視覺效果已經好吸引，而且食落都好正，龍躉本身肉汁唔算多，不過配埋佢哋個醬汁係幾夾，真心推薦。

前排生日，滿心期待諗住試下呢間中菜…去之前都做定少少功課，叫左4道菜炭燒鵝髀 - 價值200幾蚊呢隻髀，皮脆肉嫩，食落味道係唔錯既！題外話：餐廳會另外俾刀叉我地自己分隻髀，食用係有些少麻煩🤔流心西施蝦丸- 見好多好評，但食落真係一個好普通的蝦丸😕竹笙時菜- 未試過出面食菜，個高湯係冇味既🙃呢個豆腐吹左成個鐘先出，一般屋企都做得出既水準🤨整體黎講，餐廳性價比較低，走貴價既住家餸😌 值得一提係餐廳睇到日落🌄同埋餐廳用自動送餐機送餐係有啲得意。但應該唔會再光顧住啦🤭

鵝又瘦又老，上菜已經凍，衰過酒樓果d水準個花膠鮑魚雞煲簡直垃圾，雞又老又hi口又唔入味，成個煲靠d汁去上味， 好睇唔好食，得個菜係正常，大家真係要睇路，食中菜廳好過，真係可一不可再