錦麗 (創紀之城五期(apm))

營業中

休息中

今日有嚟到錦麗食lunch啦！繼續我叫咗我最鍾意食嘅牛丸河，另外叫咗綜合粉，同埋越式春卷！好快啲食物就來到啦，佢有好多配菜，例如芽菜、青檸同埋其他配料，而我就好鍾意加青檸汁，酸酸地咁好清新好開胃。佢啲牛丸真係有彈牙又多汁，好好食，而且個湯底都做得好好。綜合粉啲牛肉加埋佢嘅辣醬同甜醬一齊食，都好好食㗎！而佢嘅越式春卷，同平時酒樓食嗰啲，面頭有層皮，好脆嗰種唔同，佢係有小小軟皮，好有咬口嘅感覺，加埋生菜一齊食，感覺冇咁熱氣。另外佢個會香茅青檸梳打，真係好出色每次嚟到都係必叫嘅！

依家原來有好多分店之前都係食過一次 今次再試試其他嘢食！首先係好鍾意食嘅米紙卷有三款 牛油果蝦肉 雞肉 扎肉一份30幾但有4舊都算足料嘅都還可以點埋個汁酸酸甜甜好開胃 唔錯！豬扒撈檬 好招牌嘅越南嘢食份量都多 豬扒唔算硬 有少少乾撈埋啲配菜同汁幾好食！

係門口等位指示不清，分唔到頭同尾，好在食客都自律。好快有位，其實選擇唔多，點左個生牛肉河加個小食同香茅青檸梳打。生牛肉湯河，上枱好熱，香噴噴，每人都有一杯芽菜香葉青檸，可自行按喜好加入。但一落快子，發現個河粉係一餅野，成舊叉得起，呢個感覺唔識形容，而且個湯啲熱力好快俾呢舊河粉餅消耗左。未食到三份一已經唔熱了。個小食好明顯見到大蝦札肉，用料尚算新鮮，配上醬汁，十分清新開胃。個香茅青檸梳打不錯呀，但略嫌香茅味唔夠出，如果上枱前可以拍開左枝香茅就會更出味。呢度侍應無服務可言，可能出名既舖頭就係咁。雖然好肉賣傳統正宗牛湯，但用新法經營⋯令到碗面失色不少，個牛湯亦唔算好突出。

今天去了觀塘APM 的越南餐廳錦麗。我叫了一碗牛粉。今天剛好是12點左右去還不算很多不用等位，鮮牛肉的味道很好食。份量也很大碗，配合的香草，芽菜和辣椒也很足夠。牛粉的湯看上去很鮮甜應該沒有用太多的味精。但很可惜不是一間我會專程在回去的越南餐廳因為並沒有什麼特別之處。之後我叫一個越南咖啡，可能是我近來賣點就是感覺越南咖啡的味道帶點除了甜還只有甜，沒有咖啡的香味。侍應的服務態度和一般茶餐廳一樣，也不能要求太高對吧。

今日嚟到apm想食得快餐 但見到間間舖頭都好多人等 我地拎左茶木同錦麗ge飛 雖然錦麗好多人等 但個mobility好高 好快就入得😍😍😍 我同朋友想揀左錦麗綜合粉 貪佢有齊牛腩 牛丸 牛肉片🤪🤪🤪 叫左無耐就有得 湯甜咸咸地 飲完吾會口渴 牛丸一開半 得3粒😢😢 4件牛腩都幾大舊 另外仲有生牛肉片 半浸住湯 逞粉紅色😝 配料仲有芽菜 青檸 九層塔 河粉滑嫩 份量都好多 我一個女人食完都好飽😚😚😚😚推薦:⭐️⭐️⭐️⭐️

近來終於在香港開分店！排隊的時候看見入場的人吃得津津有味，實在是種很殘忍的折磨😭.河粉選擇不多，大部分人會點 （有：生牛肉、熟牛肉和牛丸），一次過滿足你三個想試的口味！當然每款分量不多🙈.如果怕油的不宜到此🙈因爲湯面浮著不少油，以保存湯的熱力把生牛肉滾熟🍲.味道🤔還是越南正宗的好味🙈或是對我  期望太高？為了越南河粉！吃貨一定會再回越南😍就算街邊隨手找間地mou小販，都吃到超乎預期的味道！.味道：6/10環境：6/10價錢（抵食）：5/10是次消費：$58

平時經過觀塘同九龍灣嘅錦麗，總見到一大堆人在打曬蛇餅排隊入內，所以入去試食嘅意慾就大大減退，直至今日大約一點多鐘去到見冇乜人 排隊就下定決心入去試一試這間「名店」。 可能今日是星期日，再加上自己一支公的關係，不用等位，一去到就有位坐。 快餐店式的一字排開座位，左右隔離都有人，頗感擠迫， 但算了 ，這種餐廳都是給你填肚走人而不是坐下享受的。點了「越南綜合粉」同埋「大蝦扎肉米紙卷」。大約數分鐘後食物就來了。米紙卷有四嚿 。湯底夠濃，非常有牛骨味， 但對於一個平常吃清淡味道的人來說略嫌鹹了點，有口渴感。湯麵來到的時候，河麵成面餅狀， 要自己用筷子把其鬆開。牛肉丸有三個「半粒」、牛肉有兩三片、牛腩兩舊。牛腩略嫌煙韌及肥膩了點 。 米紙卷細細嚿清淡可口，沒什麼太大特別。 用來把米紙卷點著來吃的越南醬有一點點辣，頗惹味。 整個份量對於一個女的來說已非常飽。 價錢亦都加了很多……綜合粉$66，大蝦米紙卷$30。 感覺的確有點貴。 綜合來說，來這店間中捧吓場沒所謂， 常常來就不了！

今次黎到apm 試一試呢間越式粉。呢間主要是食河粉為主，河粉款式都是牛肉， 唔食牛的朋友可能要諗一諗先黎啦。價錢個人黎講覺得唔算平枱上有溫馨提示食河粉步驟，因為我第一次食，都跟住試一試。每人有一杯芽菜，連埋香葉辣椒青檸，唔夠的話都可以問職員取多杯，正如枱上的貼紙，無限量架。今次的點的是牛肉丸河粉，首先講一講湯，唔好睇佢個樣好似好清，其實牛肉味好濃。牛肉丸幾有驚喜，好香牛肉同埋好彈牙，仲有5大粒！份量方面，我覺得可以大碗少少，食哂成碗之後大概8-9 成飽。

錦麗綜合粉($62)一碗有齊哂生熟牛肉同牛丸 牛丸非常彈牙 亦好重牛味 生牛肉則不夠嫩 湯底好清甜 唔會覺得油膩 河粉好消 另外提供左一杯九層塔、芽菜、辣椒、鴨舌菜、青檸 可按個人喜好加入ʕ •ᴥ•ʔ

成日行過APM都唔知食咩好又見到咁多人排隊食呢一間咁就入去試吓食下係咪真係咁值得排咁耐，同老公兩個就帶咗一碗綜合粉同埋豬扒撈檬。粉裏便係有熟牛肉，生牛肉，生熟牛肉，同埋牛丸嘅。你可以跟着自己嘅飲食喜好加上唔同嘅配料有青檸，辣椒，芽菜，九層塔等等放晒落去碗湯嗰度，十分之香濃個湯底原本係食得出用左好多材料精心炮製而成味道清甜而且超級好入口。易啲牛肉亦都做得唔錯公牛院係我最欣賞嘅一個地方爽口彈牙牛肉味重而且河粉煮嘅時間啱啱好口感軟滑令人食個不停，果然係牛肉河粉嘅名店

有日放假行完APM唔知食咩好見到錦麗 之前開咗都冇去過試於是就去咗食 我哋好好彩係最尾嗰兩碗粉叫咗兩碗綜合粉有生牛肉熟牛肉同埋牛丸牛丸真係超濃牛味 又好juicy 彈牙可惜牛丸開半 其實係得一粒半 有啲唔夠喉😂😂😂所以生熟牛肉對比下 真係比下去熟牛肉有啲un 生牛肉不過不失下次黎會叫牛丸河 開心啲😂我哋仲叫咗兩個小食越式春卷炸得好脆牛油雞翼大大隻 炸得好香 面頭有啲蒜蓉食落去好多肉汁 好juicy 唔會過咸 又有微微蒜蓉味👍好味

過江龍錦麗，在越南嚮負盛名，亦被譽為全越南最好味的牛肉河。開宗明義主打專賣牛肉粉，有5款選擇：綜合粉、熟牛肉粉、生牛肉粉、生熟牛肉粉和牛丸粉。可以依照自己的喜好加入九層塔、鵝蒂、青檸、辣椒及芽菜等配料。牛丸粉 ($60)湯底以多種材料精心熬製，味道醇香清甜、牛肉味濃，不過偏油膩。湯頭非常清香超好入口，香料味平衡，而且熱騰騰。平常吃粉不會喝湯的我，也忍不住喝完一口接一口！牛丸爽口彈牙，牛肉味重；河粉薄而通透，口感軟滑，整體令人讚口不絕，不愧是牛肉河粉的名家！

小弟對各國湯粉麵情有獨鍾，平時見呢間咁多人排隊，想試左好耐。今日難得冇乜人倍，終於可以試。兩個人點左兩杯飲品、一碗綜合粉、生熟牛肉粉及牛油雞亦。一試之下...果然得！簡單講，湯香濃而不膩；粉夠滑而不會太淋；牛肉亦夠淋，牛丸彈牙多汁；加入香料，好有越南風味，份量又夠；雞亦都唔錯，好香口亦Juicy。性價比高，可以Encore!!如果要講缺點，免強可以話成日要排隊，同唔坐得耐。但對我而言，以咁既食品質素絕對可以cover以上缺點。如果屋企樓下有分店，我諗我一個月至少會食幾次！

錦麗生熟牛肉粉 入座後會俾一杯越南香料（九層塔、芽菜、青檸、香葉、鴨舌草、辣椒）俾你配牛河食👅一黎已經聞到好香濃既牛骨湯味🤤湯底牛骨味濃郁，唔會好有味精感覺，唔會覺得頸渴😝不過我覺得鹹咗少少！無其他人所講既清甜🧐河粉質感軟滑，係我鍾意既口感！上枱時係一餅等客人用筷子整散開的！(⁎⁍̴̛ᴗ⁍̴̛⁎)牛肉同牛腩質素就普通 不過份量就好多 食極都有٩(˃̶͈̀௰˂̶͈́)و-越南炸春卷 即嗌即炸脆卜卜熱辣辣超正的٩(˃̶͈̀௰˂̶͈́)و而且用料多 有芋頭粒、粉絲、紅蘿蔔絲、豬肉、粉絲等，口感好紮實🤤點埋個酸酸地既汁都幾正😝-椰汁涼粉 一般般 不推介！椰汁味很淡⋯-沒有想像中咁正 但都唔差！🧚🏻‍♀️

錦麗打住越南旗號過江龍黎香港，當然有佢威力，因為我曾經都去過越南，試過d大餐廳既牛肉河，都係不外如是，反而街邊戲好食好多，所以今次試都係一個挑戰，今次叫左個生筆肉湯粉，先飲個湯底，好好飲，有牛肉既香，帶d甜，肉好滑冇過火，會再來