錦麗 (創紀之城五期(apm))

營業中

休息中

今日去到APM 搵食, 見到錦麗都開左一段時間而且次次都咁長龍今日條隊又唔係太長而且又有時間就去排一排. 等左唔算耐5分鐘左右, 見到佢地都一枱起身新客人就會即刻坐落去, 真係坐無虛席. 店員個個都做到木口木面... 有D 燥燥地, 態度真係好一般. 終於到我地有位啦. 坐底睇下個MENU 選擇好有限. 所以我地叫左2碗粉同埋2個小食. 除左河粉係冇其他既選擇例如金邊粉呀... 都係冇既. 呢個蝦餅其實只係2件開4, 個中心位係凍既. 外面好油! 食落去好似係一早炸左放左好耐咁. 食落都唔係好彈牙, 不過欣賞既係中間有D D 芹菜同馬蹄個D. 口感上幫到小小. 呢個係生熟牛肉湯河, 黎到見到係好細碗. 不過係熟牛肉而唔係生熟牛肉... 牛肉好乾柴好痴牙. 絕對唔係廣告宣傳講到咁勁咁好食. 有D 雷聲大雨點小. 呢個係老公既綜合牛肉粉, 呢D 牛肉都係好老柴既... 不過唯一既可取之處就係個湯底係夠熱同有牛肉味. 最後呢個都係一般唔算好食, 又唔係話難食... 冇特別! 

一場黎到錦麗，又點可以唔試佢既「錦麗綜合粉」？驟眼睇相當吸引，份量充足。上枱個刻，碗粉熱辣辣，明顯即叫即製，湯底飲落唔會過咸、帶甜、有層次，先係飲到濃濃牛骨味，半刻後就嚐到生牛肉的肉味。生牛肉呈半生熟，肉質偏瘦，有口感，牛味香濃。味道相當唔錯。而熟牛肉選用牛腩，偏瘦，自己覺得有d 不夠腍，鍾意生牛肉多d。河粉滑溜，彈牙，唔會淥的太腍，亦無粉粉哋嘅質感。整體黎講，錦麗綜合河都食到我好滿足，足料之餘，亦食得出師傅用心制作，都值得排隊！

錦麗牛肉河係我食過咁多個牛肉河最好味嘅一間！湯底又濃又好味，但最出色係個牛丸，又juicy又彈牙，咬落去真係有牛肉湯汁，而生牛肉都不過不失，牛腩就厚度適中，爽口唔韌。

話說我非常鍾意食佢哋呢度嘅牛肉丸，貪佢裏面嘅牛筋好多，食落好有口感，於是今次我就叫咗一碗牛丸河粉，老公仲問我，上面全部都係牛丸，你唔會厭嘅咩？我仲答佢肯定唔會...點知當碗河粉嚟到嘅時候，平時嗌綜合粉係只有幾粒半粒嘅牛丸，但係如果你叫牛丸河粉嘅話，佢就係五粒全粒嘅牛丸，原來無論佢幾好食都好，都真係會厭架！佢既牛肉丸真係好好食，但係成碗都係牛肉丸嘅話，真係太寡了！下次我都係少食多滋味，叫返碗綜合河粉就算啦

屋企人試過之後一直念念不忘, 而且極力推薦給我!不過我每次經過都必定會見到長長的一條人龍, 而且一定要排隊, 無得㩒飛, 無號碼籌派, 比較麻煩。要企定定等位, 所以就一直沒有興趣試啦。這天屋企人又出觀塘, 指明 lunch time 要來這。點知 apm 又要排隊入停車場, 來到餐廳門口又要排。排來排去搞足一個鐘先至有得食!無聊就影下門口 ... 都算光鮮明亮時尚。先來一客蒸粉包兩個人 share, 有大大粒蝦肉的, 清新爽口之選! 😋每人一份芽菜, 香葉, 青檸! 唔夠可以再拎。河粉選擇不多, 只有 5 款, 想試齊生牛肉, 熟牛肉, 同埋牛丸, 於是兩個人都叫左兩碗 "錦麗綜合粉"。唔錯喎, 湯十分熱, 牛肉味濃郁!熟牛腩有三大塊, 生牛肉有不少, 牛丸是切開半粒的, 看似有 3 粒, 實際只有 1.5 粒, 不過所有配料加起來, 就非常豐富了。很滿足! 😋😋😋另外 order 左椰汁涼粉冰同埋越式凍咖啡, 都唔錯哩。這店中午 lunch time 是沒有套餐供應的, 飲品一定要另外 order 的, 但不貴。咖啡很香, 椰汁夠濃味。全日不收加一, 還會再來。

間中都會有條癮想食下牛肉粉，錦麗基本上係我既首選， 但今次去發現佢又加左價😭1個人lunch去食 叫左個綜合粉 $66蚊 ， 有1。5粒牛丸， 2舊牛腩， 2片生牛肉。。。咁就$66蚊，但佢既湯底真係充滿牛味。。仲叫左杯 $25蚊既 椰汁涼粉冰，吾甜既，成陣罐頭椰汁味 😏😏下次可以飲水算呢度最好係可以加大量芽菜，免費任加架

平日既lunch time大約12:30去. 放飯時間, 人好多, 要等位, 不過唔洗等好耐. 因為人流都算快. 我地3個人等咗10分鐘. 第一次去食, 叫咗個綜合河粉, 有牛丸, 牛肉, 牛腩. 大約$50. 果然係嚟自越南既餐廳. 有果種我喺越南食生牛肉河粉既味道. 牛肉和牛腩都好有料. 大大舊. 絕對唔係得啲碎碎. 牛丸好有牛味. 同平時喺街食到既唔一樣. 食過一次都好滿意. 係飲品好貴. 特色熱飲都要10蚊起跳. 上菜都算快, 價錢又ok. 絕對會再黎食越南既味道.

平時冇乜幾何會就踏足觀塘今日嚟到觀塘 APM 嘅錦麗人齊先可以入座 首試越南河粉 餐牌除咗牛肉粉 小食同飲品就冇其他啦 兩個人 嗌咗 一碗錦麗綜合粉 $66一碗生熟牛肉粉 $63一份越式炸春卷 $38另外入座時 員工就放低兩隻放有香葉 青檸 辣椒🌶️ 同芽菜嘅杯 俾我地的因應自己需要放落碗粉度一齊食綜合粉喺除左生熟牛肉之外仲有牛丸湯底香濃 牛肉味濃郁 牛肉淋👍🏼👍🏼👍🏼有驚喜越式春卷 上枱熱辣辣 口感實實在在 幾足料 埋單嘅時候 都只不過8點幾但係聽到話牛肉已經賣哂 Cut 單了

今天和家人來了這家食店吃晚餐。兩個人點了兩份綜合粉。裡面有生熟牛肉和牛丸，加上配料：青檸、九層塔等，讓味道更出。牛肉汁濃郁，可是較多油。熟牛肉有點硬。真懷念越南的牛肉河。另外較了春卷，春卷挺足料，炸得剛好，有口感，可是皮有點厚。最沒讓我失望的是越南咖啡。越南咖啡裡面帶有茶味，再加上煉奶，味道苦中回甘，讓人一試難忘。餐廳食物的價錢大概也要60多元一碗河粉，稍貴。服務算是不錯，環境也可以。想念越南的人可以來試一試。

第二次食錦麗 星期六大概六點唔使排隊 同老豆一人叫咗一碗什錦牛肉河粉 好快就送到嚟什錦即係有生牛肉牛腩同牛丸 香料同埋芽菜就另上 鍾意落幾多就落幾多 唔夠仲可以問店員再攞 個湯好清甜 又唔會太鹹 飲落又唔會覺得口渴 應該冇落太多味精 牛肉同牛腩就正正常常 反而牛丸更有驚喜 咬落去居然會有肉汁 唔係一般冰鮮牛丸 美中不足嘅係 肉嘅份量好足夠 但係河粉就唔夠多 男仔食完一碗都可能覺得唔夠飽 如果可以加多啲河粉就更加好下次會試埋其他小食同飲品

朋友一直話好想試吓錦麗就同佢嚟咗觀塘嘅呢一間度試吓佢呢間主打就係牛肉粉 所以除咗牛肉配料之外冇其他粉面嘅選擇我就叫咗個綜合嘅湯粉睇落去個湯好似好清咁樣只要有牛丸牛腩同埋生牛肉而粉面呢就係河粉啦首先講吓湯底先啦湯底好濃郁雖然望落好清 但係其實好足料食得出係應該熬左好耐而嗰啲河粉就吸收晒嗰啲湯嘅濃郁味道牛丸非常好食 咬落去好多肉汁 仲有一粒粒牛筋添 相信應該係由真牛肉去打成嘅牛腩嘅話第一啖咬落去比較硬試過第二夠嘅話就比較好少少 可能係佢切左啲比較硬嘅邊位俾我啦而生牛肉就麻麻啦比較鞋口成碗牛肉粉我覺得非常正宗最緊要係個湯底非常濃郁牛肉就一般般啦我個人比較鍾意牛腩多過生牛肉但係整體上都唔錯我諗我下次都會再試過嘅

錦麗的pho真係幾好食， 我間唔中都會到錦麗吃pho， 今次與好姊妹一齊來食個tea。 因為我好飽的關係.，所以我們叫了一個牛丸粉$58一齊食， 法式牛油雞翼 $34，大蝦扎肉米紙卷 $28，玫瑰龍眼茶 $18。每次入座店員就會立即送上一碗配菜，入面有九層塔，芽菜，辣椒， 青檸，還有兩支醬料食pho用。牛丸粉 ~ 一碗五大粒牛丸，香濃的牛肉味，最愛錦麗的湯底，牛味極濃。法式牛油雞翼 ~ 外脆的雞皮，滲入牛油的香味， 還有雞肉嫩滑。大蝦扎肉米紙卷 ~ 晶瑩通透的米紙，透出大大隻的大蝦，還有紅蘿蔔絲和椰菜絲，令到米紙卷的顏色特別吸引，米紙卷的皮非常薄身，點埋甜酸醬料一起吃，清新又美味。玫瑰龍眼茶 ~ 足料的玫瑰龍眼茶，入面有幾粒甜甜的龍眼，還有玫瑰花的清香， 入口舒服潤喉。錦麗是我其中一間喜歡到的pho餐廳，每一碗粉都夠份量，質素也很好。

今日相約好姊妹向apm見面，姊妹提議食錦麗越南菜，我未食過就一於去試下，門面亮麗，感覺整潔，我地大概2:50黎到，唔需要等位就可以入座，一坐低侍應就遞上兩杯香料，分別有九層塔，辣椒，青檸，芽菜，枱面上亦有建議食法，餐牌上選擇唔算多，不過作為牛魔王嘅我地一定揾到好野食，今次我地就揀左：大蝦扎肉米紙卷（$28）米紙好薄，可以清楚睇到餡料，蝦夠大隻又爽口，配合埋酸酸地嘅醬汁，好醒胃，法式牛油雞翼（$34）雞翼炸到好脆口，牛油味香濃，錦麗牛丸粉（$58）牛丸大粒又夠晒彈牙，河粉好滑，湯底亦做得唔錯，熱玫瑰龍眼茶（$18）龍眼肉有6-7粒都算幾多，甜甜地，加少少玫瑰花，味道清香，呢到唔收加一服務費，埋單$156，總括黎講食物味道都唔錯，可以再encore。

《🍲食住錦麗想起金來😭》😫又再一次講，官塘真係好難搵食呀！又貴，份量又少，又多人！想逼我日日帶飯咁🤡——————————————————-係無得揀之際，就去左食碗牛肉河～之前剛開既時候，我曾經對錦麗有一絲既期待～因為我曾係越南🇻🇳食過，越南既錦麗的確好味！但一黎香港就⋯⋯⋯🥴GG——————————————————-錦麗綜合粉。 $62😋越南河湯底，配菜是靈魂～湯底都算還可，不過不失，唔會係味精湯行貨～但一睇到配菜就想講😩頂～D 配菜咁求其咖～少而唔新鮮😑算算算，試牛啦～都算ok, 唔過肥，牛丸唔係粉多過肉，好食既～但份量呢～男仔一定唔夠食！——————————————————-一黎杯雙檸水，我差D講粗口～🙄點呀？「天地檸水」？點呀？點呀？點呀！早知飲滾好過啦！——————————————————-😒好好好～我冷靜番個人，以連鎖店黎講，算啦～ 但講真～ 咁既價錢，我出去食碗好好味既港式牛雜河好過啦！😢突然想起金來呀～

今晚約左朋友去打羽毛球，做完運動成個人舒服曬，難得放假可以去伸展下。朋友話想食越南菜，晚上就近近地去左觀塘APM 4樓錦麗食晚飯，6pm左右去到，不用排隊等位，放假早D食飯就吾洗同人迫，因為一到食飯時間又會好多人。黎得食越南菜，就梗係要叫河粉啦，今天叫左個熟牛肉粉，牛肉較厚，又淋又好味。另外叫左個牛丸粉，牛丸好重牛肉味，好正👍不過湯底個人覺得比較咸左少少。牛油果沙菜米紙卷，味道就較清淡。二人晚餐，共144元，不用加一。