錦麗 (創紀之城五期(apm))

營業中

休息中

同朋友經過觀塘，係度食埋lunch, 佢話呢度有間越南野幾好食，仲要有滴漏咖啡，咁梗要試下。佢點左個蝦紙卷做前菜，個蝦都幾大粒同結實（即是唔梅），係唔錯既。我點左個雜錦粉，乜都有試下。個湯一般，生牛肉唔錯，但係要特別提個牛丸係十萬級出色。完全唔係港式牛丸個種咬落去只係一粒有牛味既丸，佢會爆汁😱，仲要牛味勁香濃，我完全可以為左粒牛丸再黎。到左最期待既凍既滴漏咖啡，等啲咖啡滴落黎都要一陣，食完碗麵就岩岩好喇。然後就搞勻啲奶同咖啡，倒落去啲冰度。完成。真係幾好飲既，都有牛奶咖啡既香濃幼滑。值得一試。

老公收工同佢食粉麵，去左錦麗。聽聞係最正宗最好味嘅越南粉，正唔正宗我就唔肯定，不過確實係幾好味嘅😋，定應該話好難會整得難食🤣😋📍錦麗綜合粉$66👉🏻有齊晒生牛肉熟牛肉牛丸，啱晒有選擇困難嘅我！👍🏻湯頭清徹好味道，牛丸爽口彈牙，牛肉香濃，好好味！📍香茅豬扒撈檬$65👉🏻豬扒醃得入味，上枱時剛炸好，酥脆好味😋配合檬粉醬汁，酸酸味味，好開胃😋😋📍法式牛油雞翼$40👉🏻個人認為必叫，牛油味極香濃，雞翼好香脆，超級無敵正！📍大蝦扎肉米紙卷$30👉🏻米紙卷晶瑩剔透，包有蝦肉、扎肉絲、粉絲和金不換，配上魚露，清新好味道！📍椰青$40，🥥夠凍夠新鮮🍸📍凍薏米水$22，好有薏米味，唔係溝勁多水水果種，覺得幾好👍🏻呢間野確實係幾好味，粉麵好難做得難食，好味實屬正常。但係個炸雞翼真係十分出色，食得好開心。晚餐來講算平價之選💰✅✅

錦麗係我目前為止食過最出色嘅一間越南食店，而我同時間都介紹左錦麗比好多身邊既朋友！👍🏻 佢好味既地方係佢擁有獨特既湯底，出面係食唔到，而佢既牛丸十分彈牙，爽口得黎又多肉汁，六十蚊一碗性價比係十分之高～另外值得推介既都有佢地既滴滴仔越南咖啡～佢咖啡味十分香，並且夠滑～值得一試❤️

黎到lunchtime APM次次都好多人 呢間係比較易等 因為人流得快 佢無得拎ticket 係人肉排隊 雖然睇落好長 但好快就入到去好多人都會叫牛肉河 雜錦個d 但真係要推介大家食佢既牛丸河 佢有6粒 真係好鬼好食 唔似平時d丸 佢係好濃好濃既牛肉味 咬落去係會爆d油香既汁 好鬼juicy 我去過vietnam既錦麗 佢既牛丸都係香港呢間咁正 佢既粉好滑 湯底清而香 佢會俾你加芽菜 青檸 金不換個d香料俾你 加入個湯更香你可以加配埋薏米水 好消暑

點了個熟牛河食，湯頭出奇的又清又甜，應該是我食過的越南粉中湯頭最好的，加埋五層塔丶芽菜丶青檸味道更加豐富，這些都可無限添加。河粉亦有彈性，只是細碗左少少，價錢亦偏貴（$60）。

聽聞越南牛肉粉老店「錦麗」40多年來一直專注製作越南牛肉粉，第一次試吃當然要order 代表作生牛肉河粉，牛肉厚切，有別於一般的生肥牛河粉，入口細嫩，適合偏愛肉質偏廋的人士，湯底濃郁，搭配九層塔、鵝蒂、青檸、芽菜等配料放入湯中，正好中和了原本油膩的感覺。飲品是一個加分之選，點了一杯青檸檬梳打，味道清新，解渴消暑。難得的越南風味，會再次光臨。

運動過後，夜媽媽最好就係食湯粉！叫左一個牛丸粉一個生牛肉粉。一上枱已經聞到濃濃既牛味，湯底香而不膩。牛丸係嚴重推推介！好香牛味，而且好結實彈牙，係好多地方既越南粉都比唔上！

一直對牛丸無感，直到遇到錦麗，不但完全改觀，還念念不忘！第一次是在德福廣場的分店吃的，叫了綜合粉，包括生熟牛肉和牛丸，湯底濃郁鮮甜，一口難忘，更驚豔的是牛丸不僅彈牙還牛味十足。 這天中午和兩好友在APM看完電影，正在覓食之際看到錦麗，毫不猶豫推薦她們也嚐嚐。湯底一如既往的濃郁鮮甜，牛丸亦保持水準。生牛肉是薄牛肉片，熟牛肉是塊狀，同樣牛味十足。熟牛肉相信經過長時間熬燉，用筷子輕輕一夾即一分為二。炸春卷是第一次吃，非常足料漲卜卜，皮脆內軟。連配菜酸紅蘿蔔絲都爽脆可口。牛油雞翼是看到隔壁食客在吃，覺得賣相吸引跟著叫的，炸粉薄身，皮脆肉嫩，也是第一次，色味俱佳。錦麗專做牛河，還有一些小吃，選擇不多，但單是湯底和牛丸都足以讓我久不久就會忍不住向它靠近

老佛爺去了apm替一日工，就約她在商場食個快速午餐，見呢間吾使等位，哪哪聲入坐，地方都闊落。這家主打牛肉粉，分別點了綜合粉，生熟牛肉粉，炸蝦餅小食，飲品凍薏米水和青檸梳打。一坐下會先比一杯小配菜，有金不換，青檸，牙菜等放湯用的，可再添加的。牛肉粉不算大碗，湯頭牛味濃郁，粉夠滑，不錯。綜合粉其實係生熟牛肉粉加牛丸，早知叫下別款試吓。炸蝦魚餅，熱辣辣，外脆內彈牙，有粒粒蝦肉。配两杯冰涼特飲，真的不錯，結帳216元，人均108元，稍微貴了點。

錦麗既分店愈黎愈多，味道亦都間間水準參差。咁多間入分，要數仍是第一店APM店最好食！湯底好香濃，唔會油膩，先試一啖湯，牛味濃！再加上店鋪俾既芽菜、青檸、香草🌿，再試一啖，又另一味道！我個人喜燒再加紅辣椒粒，令到湯底加上一點辛辣，更過癮！🤪🤪🤪🤪牛丸河是我最愛，牛丸既牛味濃郁，外面絕對難以找到對手！比生牛肉河更勝一籌！當然，如果你有2個人一齊食，絕對推薦一人叫牛丸河，一人叫生牛肉河，再自行雙併！👍🏻👍🏻👍🏻👍🏻👍🏻同日用贈券獲得蝦餅一份、上台熱辣辣，彈牙非常！

錦麗，我愛你❤️我寫過幾篇食評，錦麗係最平嘅同時都係最好味嘅次次我都飲晒啲湯甚至都唔會落配菜，驚配菜破壞左清湯嘅味道以前住元朗，嗰度有間好好食嘅牛腩河叫做標記上中學嘅時候，有時同同學忍唔住跑去食，食親都遲到，但係照舊每個禮拜都會去食離開咗香港差唔多10年發現佢冇做一直食唔番佢嗰隻味錦麗味道雖然同佢唔係太一樣但係感覺好相似希望你哋長做長有我以後都食到你哋嘅牛肉粉好鍾意你地呀希望你哋開到好似麥當勞咁多，咁我以後去邊度都食到

叫了碗綜合牛肉粉，首先湯十分夠熱，味道不是最頂級，入口有少許甜，生牛肉特別放最上，以免太熟，鋪排有心思。一食牛丸實在有點喜出望外，可能是我食過最好味的牛丸，入口油脂味十足，咬開竟然有牛筋在入面，很軟的...非常之好味！食過不同國家地區的越南粉，但香港食到這質素的越南粉實在是喜出望外！

夜晚7點左右係APM食，兩位，等左5分鐘左右。環境乾淨整齊。🤩座位正常，逼左少少，不過可以接受。員工幾有禮貌。👍🏻👍🏻我第二次黎食，都係食生牛河。加左炸春卷，上碟時好熱。😍而我好鍾意食配菜，😂😂另外叫員工攞多份。配上配菜更好味。牛肉嫩，麵唔會粉。炸春卷有好多舊，大大份，可以配生菜食，炸春卷點上甜酸醬🥰🥰🥰。價錢合理👍🏻👍🏻十分推薦鍾意食呢種風味嘅你🥳🥳🥳🥳🥳🥳

平日經常見到好多人，今日終於有機會試到。牛丸好重牛肉味同彈牙，比想像中好食，熟牛肉就有啲鞋口，湯底飲落清甜唔覺重味精。另外，雞肉紙米卷爽口味道正常，可以再encore牛丸粉：）

一年前，以從朋友口中得知錦麗這間餐廳，以越南胡志明市那間著名的河粉餐廳而名成，其實我以前去過那邊很多次，有沒有覺得特別的好吃，所以我都幾奇怪為何香港有這麼多分店。聽聞這是太興集團旗下的餐廳，一打開餐牌，價格已經嚇一嚇我了，一碗價值60多元的越南河粉，魅力何在？確實第一口清湯味道濃郁，真的令人想喝了整個碗，然後牛肉質素合格，不會太硬，河粉分量足夠，適合一個人的。說真的，真的同事比越南那間更加好味，好明顯那一種味道是已經符合香港人的味道，怪不得每次午餐應該是多人到不得了，但這個價格真的覺得不太值。如果未試過的話，嘗嘗什麼食越南河粉也是不錯的。