錦麗 (創紀之城五期(apm))

營業中

休息中

係門口等位指示不清，分唔到頭同尾，好在食客都自律。好快有位，其實選擇唔多，點左個生牛肉河加個小食同香茅青檸梳打。生牛肉湯河，上枱好熱，香噴噴，每人都有一杯芽菜香葉青檸，可自行按喜好加入。但一落快子，發現個河粉係一餅野，成舊叉得起，呢個感覺唔識形容，而且個湯啲熱力好快俾呢舊河粉餅消耗左。未食到三份一已經唔熱了。個小食好明顯見到大蝦札肉，用料尚算新鮮，配上醬汁，十分清新開胃。個香茅青檸梳打不錯呀，但略嫌香茅味唔夠出，如果上枱前可以拍開左枝香茅就會更出味。呢度侍應無服務可言，可能出名既舖頭就係咁。雖然好肉賣傳統正宗牛湯，但用新法經營⋯令到碗面失色不少，個牛湯亦唔算好突出。