錦麗 (創紀之城五期(apm))

營業中

休息中

週六來到APM逛逛商場，晚上想簡單食碗撈檬，最後幫襯錦麗。雖然有幾個人排隊，但入座速度都算快唔駛點等，入座後以QR code落單點菜的。特色小食併盤 $70併盤包括金絲網蝦春卷、越式蔗蝦、法式蒜蓉牛油雞翼、香茅豬扒各兩件。春卷以金絲網外皮香脆酥化，蝦餡肉不少，做得不錯。蔗蝦蝦膠彈牙，雞翼就有超濃牛油香，好邪惡。而豬扒厚切啖啖肉，可再砍細件上就更好了。蒜香雞翼撈檬 $66撈檬都有保證，重點係個越式魚露檬汁好味，檬粉彃牙份量唔多，配有三隻雞翼，只夠女仔食量而已。青檸咸檸檬梳打 $28比期望有點落差，只能用酸字來形容，每啖都酸到閉一閉眼，只能說味道一般。

人均消費：$70-120性價比：8/10在香港，要找到一碗美味的越南粉不易，要找到一碗美味又就腳的越南粉更加不易。「錦麗」的存在似乎滿足了這兩個要求。每次來都會點綜合粉，有生熟牛肉與牛丸，滿足了你所有的訴求與慾望。湯底清甜帶肉香，卻不油膩也不帶肉羶味，河粉爽滑，生熟牛肉與牛丸都充滿啖啖牛味，同樣地沒有肉羶味，配上九層塔、香葉、青檸、辣椒與生芽菜，清新又開胃。我喜好肉又喜好菜（簡稱：為食），為了平衡一下菜與肉的比例，於是點了一道牛油果米紙卷，蔬菜與牛油果的配搭很清新，口感也很好，點上酸酸甜甜的春捲魚水，更加開胃滋味，但略嫌米紙卷有點硬。

適逢要去銀行辦些事情，剛巧限聚令晚市放寬到九時，便順道與太太晚飯。本來說好食泰國菜，後來又說牙痛而改食越南菜，就揀了觀塘 APM 的一間有50年歷史的越南菜館。由於不能訂位，所以一放工就行過去，好在即時有位。我們點了推介的胡志明綜合粉 ($68)、香茅豬扒香濃雞湯金邊粉 ($60)、小食有家鄉魚餅 ($20)及越式蔗蝦 ($16)，飲品有凍鹹檸檬青檸梳打 ($28)。差不多所有菜色都一起到來，小食的家鄉魚餅香茅味很重，略帶微辣；越式蔗蝦的蝦膠帶點煙韌，但味道較為淡，無論蝦味及鹹淡方面都有改善的空間。胡志明綜合粉有生熟牛肉及牛丸配越南河粉，湯底牛味濃郁，當然少不免加了不少味精。生牛肉標明是用澳洲肉眼，仍有點紅色，比熟牛肉滑得多，而牛丸亦煙韌有彈性，越南河粉也很幼滑。香茅豬扒香濃雞湯金邊粉的金邊粉相對之下就較為糊口，雞湯只是如過橋米線般帶一層黃色的油，但雞味就一點都未見濃。還好豬扒味道不錯，仍帶肉汁而不致於柴，且很大塊，可是只是隨便切幾刀而沒有切開，也沒有另外分碟上而放在湯粉上，即使不是與人分享，用筷子夾起整大塊豬扒來食，真是有點窘態。凍鹹檸檬青檸梳打的味道還算不錯。

The restaurant was quite cramped when we got in, so don't expect to sit comfortably for the whole dinner.But the most disappointing part is the food itself. When the pho was served at the table, I was captivated by the bountiful sprouts and thought it would taste awesome? I was wrong.. Their generosity wasn't extended to the portions of beef fillets, which I wasn't surprised by as it's much more costly.But the soup was quite bland... like usually the soup in Pho was made with many herbs like bla

之前行apm 朋友已經想食呢間但排長龍，今次終於見到無咩人，所以就入左去。由於用手機scan QR code 點餐，我地是但叫左個二人餐食。全日二人同行優惠$118 （原價）有兩個主食，兩杯野飲。我地再各自叫左一人一道小食（$20一樣，$40兩樣）錦麗生牛肉河粉 個湯幾好飲，朋友怕辣無落side dish 調味都一樣好食。大蝦扎肉撈檬平時好少食撈檬，因為個汁決定成碗麵好唔好食。今次我倒一半汁入去，成碗撈檬感覺幾fresh，個扎肉都唔錯。蝦就硬左少少。呢個價錢都抵食既。兩款小食一齊上碟。金絲網蝦春卷 + 越式蔗蝦 由於小妹都幾鍾意食蝦，所以就揀左兩道都係蝦既小食。個春卷清爽唔算太油，夠蝦味，點左個泰式酸辣醬就完美啦！個蔗蝦就朋友比較喜歡。個飲品唔ok 太salty

叫完份外賣，等左1個鐘以上，餐廳先至cancel我張單。然後打10幾個電話比間餐廳都冇人聽。非常之冇責任心，價錢又唔係平，絕對冇下次。咁差嘅服務都有。我唔會再幫襯

今日入完長洲 諗住出返觀塘工廠區食韓國野 點知太遲book唔到位 就轉去apm揾野食 見到錦麗排隊人數唔多就去左試下點菜好簡單 用返qr code 門口好大張海報貼住第二份半價 仲要係全日套餐 錦麗生牛肉粉配咸檸檬青檸梳打 原價$66 而家第二份半價 兩份總共$99都幾抵 可能呢個套餐相關熱門的關係 一點菜唔駛五分鐘就上菜 唔知侍應係咪太忙 完全冇畀牙菜香葉 湯底還可以 牛肉都好嫩滑 有牛味套餐可追加小食 我哋就叫咗越式蔗蝦 金絲網蝦春捲 兩款小食都只係加$36 條春捲好幼 入面好似冇餡淨係食個皮咁 另外越式蔗蝦d肉仲小過長洲大魚蛋 兩款小食唔難食 但無特別 法式蒜蓉牛油雞翼 $45因為係即點即炸 熱辣辣 但雞翼就唔夠入味只係外皮放上牛油 炸得好硬 整體味道就一般般 因為雞肉真係冇味餐廳被華爾街日報評為胡志明市最好食嘅牛肉粉 可能胡志明市真係好食 但香港嘅錦麗真係麻麻地唔會再去

雖然錦麗既價錢係比較貴左小小，但係佢又真係好食喎，食過德福，銅鑼灣，觀塘，喺食物方面都係好食，個湯底真係好正，今次仲係撞正做緊50年優惠，叫左個餐，都幾抵食，有2碗生牛肉河，同2杯鹹青檸水，另有仲可以用優惠價錢追加小食，蒜香牛油雞翼一定要食啦，支持😋

非常熱衷於越南菜，越南菜有自己獨特的一種味道，特別善用不同種類的香料製作美食，越南菜的酸辣味與眾不同，食落非常開胃！錦麗綜合粉實在係大愛，生牛肉的質感好正，滑嫩，而且唔會係好肥嗰d牛肉，個人更喜愛食偏瘦的。湯底好香濃，平時好少會喺出面食麵飲埋d湯，但呢個味道太吸引，酸酸辣辣，我會擠曬d檸檬汁落去，加埋幾粒辣椒，成個味道更上一層！

最近經過APM錦麗，門口大大塊牌寫住錦麗堅持50年，香茅豬扒香濃雞湯金邊粉配一杯美祿（凍或熱）買一送一，平均每份$34。今日lunch就專登為左呢個買一送一同同事落黎食下，餐廳都已轉左同QR code落單，但係搵黎搵去搵唔倒轉凍美祿🙄算數，杯飲品並唔係我今日黎食嘅主菜😬。店員話今日呢個餐要轉撈檬，我心諗，呢排咁鬼熱，食撈檬清清爽爽仲醒胃😋。撈檬黎到，唔好以為買一送一就就細細份，一大塊炸豬扒撻左係度🤣，仲有好多肉鬆、青瓜絲，紅蘿蔔絲同芽菜，跟餐仲有一杯撈檬汁，淋埋落去酸酸甜甜，清清爽爽，好鬼好食，豬扒雖然唔講得好有肉味，但係熱辣辣炸出黎， 香茅味好香，真係要講多一次好鬼好食😋。不過杯美祿就好難飲，啲水應該唔夠熱，美祿粉沉澱左係底，攪極都唔多勻，仲甜到爆晒燈，最後只係飲左一啖就放棄啦😝。

第一次食錦麗就獻左俾APM呢間分店，因為朋友介紹話好食就試啦😄錦麗牛肉粉$58湯底就一般越式味道不過不失，牛肉就幾好軟嫩得黎又有牛肉味，唔會鞋口，另外跟青檸同芽菜，金不換係都新鮮，芽菜夠飽滿😉法式牛油雞翼$34好有驚喜嘅小食，非常之脆好一口咬落去好似食薯片咁，好正又過癮👍🏻，之前係其他越南餐廳都食過，但都冇錦麗做得咁脆身，肉仲好嫩滑總結：暫時牛油雞翼係我食過最正嘅，為左佢會再返黎嘅😋😋

傳聞中越南過江龍，身邊好多人都推介過，可惜一向對越南菜興趣麻麻，所以提唔起心肝食。 但今日朋友揀左想食呢間，唯有陪下佢。叫左個雜綿，貪心啲希望一次過試晒佢所有餸款。芽菜同香葉係另上的，呢點真係要讚下，可以自行調整自己想食既份量。牛腩肉比較乾同紮實，油脂少，所以食落麻麻。生牛肉唔知係咪湯唔夠熱，需要浸好耐先開始轉色，屬正常牛肉片，沒有太大特別。牛丸好食，可惜一只有一粒半，唔係好鍾意裝久類切開一半再上，視覺上令客人覺得份量多，但令到牛丸水份同肉汁不能被鎖住，而且一係就俾兩粒，咁樣切開一粒半扮三粒，真係唔夠大方。炸春卷無肉，內裡只有素菜絲，而且味道怪怪。但夠熱的。

2/5(中英雙語，Chinese and English review)除咗豬扒同牛油雞翼正常小小。湯底麻麻，個麵成餅嘢。炸嘢油淋淋，春卷甜都唔緊要，個餡得粉絲。(Google translate)In addition to the pork chops and butter chicken wings are normal. The soup was meh, and the noodles became cakes. The deep-fried wonton is dripping with oil, and the spring rolls are sweet and poor filling only with vermicelli. #queenbeoly_comdine #foodblogger #foodporn #food #foodie #foodphotography #instafood #foodstagram #foodlover #foodgasm #yummy #delicious #QueenBeoly

疫情下好多公司都wfh，觀塘區都少左好多。呢日黎apm，人流少，感覺上都好啲，如果仲係人多都幾弊。唔駛排隊就有張多人枱俾我哋，同事講平時店員態度麻麻，今時今日接你入餐廳時四萬咁口。戴口罩有手套都係基本。生牛肉粉，63元。黎親越南嘢，都係鍾情撈檬系列，豬扒撈檬，65元。加魚露無得輸，配料都夠嘅。豬扒煎得唔錯，香茅味就淨小小。多小小人就可以叫下小食，大蝦札肉米紙卷，30元兩件，蝦夠爽口，好有口感。炸手作蝦餅，40元2件，好食，蝦味夠，係熱上，唔係翻整。法式牛油雞翼，40元4件，都幾香牛油味，我個人怕太油，佢還好啦。

本身就唔係因為某個食評話佢係全香港最正宗所以先入去試嘅，但係因為APM入邊啲餐廳都食到悶悶地，所以就就不如入去試吓睇吓有幾利害啦咁咁。其實都好多人食，所以被安排坐喺近門口嘅地方，咁食個快嘅晚餐咁都冇咩所謂啦。Menu入邊選擇唔算太多，越南野都係湯河類啦，炸嘅雞翼呀，咁目標係想試嘅所以每類都叫咗少少嘅。講個湯河先啦咁，其實d 湯第一啖飲落去真係覺得話OK喎，個味道好濃厚，好刺激食慾，加上香料，芽菜，辣椒，配起上來真係幾好食，但係繼續食落去呢就發覺，"咦佢係咪好似加咗味精呀？"因為越食越口渴咁樣，我本身冇嗌飲品，所以忍唔住啦要去拎幾杯水返嚟，係真係會渴。咁碗粉入邊有牛丸啦生熟牛肉啦咁，牛丸係好食嘅，但係個牛腩就好鞋好韌，好誇張好難咬同吞，另外生牛肉都熟晒咁滯個雞翼炸唔錯嘅加埋牛油真係好香，個價錢唔平但係如果你係一人一兩隻其實我覺得都OK既小食來講。咁另外嗰個卷呢佢係正常發揮既，食落去都好清新嘅，加埋個source 其實就食落好舒服，要講只能講入邊嘅蝦其實浸冰水浸浸到冇晒味，而且唔夠爽。咁以快既晚餐來講，其實整體都OK嘅，價錢唔算太平，如果有朋友提出想去食嘅話我都會再去食既