錦麗 (東薈城名店倉)

營業中

休息中

星期一至五東涌自從開關後人亦愈來愈多，雖然本身商場餐廳嘅選擇都唔少，但好食而又性價比高嘅，我首選隸屬於太興集團嘅錦麗12點去到，難得有2位唔洗等，一人一個餐，飲品另外加錢，所以冇叫生牛肉金邊粉 - 唔算太生，最鐘意佢唔算太多味精，湯飲落亦唔鹹，但係幾油既，不過不過不失，肉都唔算少，$81非常ok火車頭飯 - 又大碟又多飯，雞翼、香茅豬扒燒得好香，唔太乾亦依然有肉汁個太陽蛋撈飯一流，不過如果有啲蔬菜就好啦，不過一定夠飽，飯量又夠多

約咗朋友去outlet買嘢，順便食埋飯，今日同朋友異口同聲都一致想食越南嘢，就去咗錦麗。同朋友兩個人叫咗越式蟹肉餅蕃茄湯檬粉，4件金絲網蝦春卷，馬拉蓋時蔬，大蝦扎肉撈檬，飲品就叫咗椰汁紅荳冰同藍蝶花青檸梳打，甜品就叫咗椰青椰汁糕。越式蟹肉餅蕃茄湯檬粉，好足料，有豆卜，蟹肉餅，蔥同芽菜，唔會淨喺得檬粉，個人覺得佢個餸同粉面個比例幾好。蕃茄湯底唔太鹹，連湯底食都唔會話好口渴，幾清甜。金絲網蝦春卷，即叫即炸，我同朋友都覺得好好食，外面脆卜卜，春卷餡料都食到蝦肉，搵埋甜酸辣醬，正，推薦👍🏼馬拉蓋時蔬，開頭諗住好普通叫個菜食，又真係幾好食，就算冇馬拉盞d⼀菜心本身都烚得啱啱好，幾有口感，有時出街食飯都需要叫碟菜食吓😂最後我地叫咗飯後甜品，越式椰青椰汁糕，一份有兩件，兩見到個OK好食，我個人鍾意椰青糕多啲，好refreshing 👍🏼

今日又帶媽咪去揾食，而我地都係去番最多野買同行街街既地方😝又俾自己有藉口去outlet行街🛍️平日過嚟少人啲，行都行得舒服啲啦😌行到around 5點幾，仲有下午茶食，而呢到係我第一次食，估唔到都驚喜滿滿，而且價錢係東薈城黎講真係出奇地平🤩又俾我揾到間好物，even係附近番工既人都可以過黎食，十分方便，怪唔得6點左右已經坐爆哂人啦。🐒午餐-越南咖喱咖喱豬扒飯💰$53👉🏻越式椰子冰咖啡+$22👉🏻越式蒜蓉牛油雞槌(2件)+$25。🐒下午茶-魚丸扎肉雞湯金河粉💰$59👉🏻家鄉魚餅(1件)🐒香芒生椰乳💰$28我地嗌左一個午餐同下午茶，可以互相share，另外佢都可以以優惠價加配唔同小食，呢我地呢個晚餐更加豐富😍。🐒馬拉盞時蔬💰$42🐒酸芒斑蘭糯米卷💰$48🐒大蝦扎肉米紙卷(2件)💰$46推薦既小食仲有佢個酸芒斑蘭糯米卷🥭同芒果糯米飯係兩回事，呢到既糯米卷係佢地自創甜品，用米紙卷埋斑蘭糯米同芒果，再額外配埋個椰汁🥥➕on top仲有椰絲增加口感，真係必食

今日同老公行完東涌嘅outlet， 血拼完一輪，梗係要食返啲好嘢補數，但買咗好多嘢又唔想食咁貴，又想食得有質素，見到呢間喺東薈城7樓嘅錦麗，就入去食啦原來都有唔少選擇，有飯，有河粉，金邊粉，仲有好多唔同小食特色飲品選擇，而且價錢好合理我同老公都嗌咗河粉，但係大食啲嘅老公就叫咗安格斯火車頭河粉，入邊有好多料，有牛丸，牛腩，肥牛，牛筋，扎肉兩粒牛丸好彈牙，安格斯肥牛片好有牛味好滑，牛腩亦都好淋，牛筋一大條充滿骨膠原，扎肉好香黑椒味，而河粉亦都好軟熟好彈牙，湯頭亦十分之鮮味而我就叫咗胡志明綜合河粉，配料同老公嘅安格火車頭河粉差唔多，但少咗一條牛筋，亦都同樣好出色另外，我哋嗌咗大蝦扎肉米紙卷，蔥油雞翼，仲有一個叫做綠白嘅蔬菜，其實就係用馬拉盞炒銀芽同時蔬大蝦米紙卷嘅米紙好煙韌，好友趙口蔥油雞翼炸得好香口，加埋我最鍾意嘅蔥油，真的不錯而馬拉盞炒銀芽都好惹味另外我哋仲嗌咗兩杯特色飲品，就係牛油果生椰乳同埋芒果生椰乳，兩杯飲品都唔會太甜，而且芒果生椰乳有一啲脆脆係上面，好好食的叫咗咁多嘢，都唔使$400，真係好抵食

而家放假都喜歡同朋友去大嶼山行山後返東涌行街，因為東薈城啲嘢又平有多嘢買，最正就係喺附近仲有好多品種嘢食，逐層行來到7樓，見到錦麗，朋友話之前喺第二度食過呢間感覺唔錯，問我有冇興趣，有好嘢食我當然有興趣。錦麗越南菜餐廳位於東薈城名店倉7樓703號舖，職員態度禮貌又好喺度食嘢感覺都幾舒適。餐廳位置雖然唔大，但座位坐得很舒服，因坐位寬闊，有卡位同梳化位，天花有竹製的燈罩，好似越南的斗笠，亦可用QR code落單方便快捷。首先叫是特色小食拼盤，裡面有金絲網蝦春卷、越式蒜蓉牛油雞翼、香茅豬扒同蔗蝦，份量十分豐富。成個小食拼盤非常搶眼， 顏色靚味道正。 蔗蝦肉爽鮮甜， 金絲網蝦春捲幼長鬆脆， 蒜蓉牛油雞翼皮脆肉嫩， 蒜香味濃 ，仲有香茅豬扒 ，炸得啱啱好，金黃多汁， 酸蘿蔔絲啱啱好起平衡作用。 每樣小食都整得好出色。接下來是主食，安格斯火車頭河粉，正宗越南牛骨湯，先飲一啖相當濃厚，再配上安格斯牛小排、牛筋、扎肉、熱牛肉及牛丸，油花均勻甘香嫩，十分惹味好食，肉鮮嫩，河粉煮得剛好，不會太淋，加上特製湯汁，非常好味。主食後叫蟹肉牛油果香芒沙律，配上魚露，十分令人開胃，甜甜酸酸，蟹肉配上牛油果同芒果，感

嗱！講到食物，我就忍唔住要講返啲好味嘅泰式雞翼撈檬、紫薯春卷同清甜甘蔗汁！真係太正啦！😍🍗🍋🥟🍹泰式雞翼撈檬，酸酸辣辣，帶有泰國風味，啖啖都係鮮香多汁！一口咬落去，真係勾起咗我對泰國嘅回憶！😋🌶️🌿紫薯春卷，外皮炸到香脆，內裡裝滿咗紫薯絲同其他蔬菜，一口咬落去，口感豐富又有嚼勁！配上甜辣醬，真係絕配！🥟🔥🌶️清甜甘蔗汁，冰涼解渴，又係天然甜味，一飲而盡令人心曠神怡！🍹☀️🌴總括而言，呢三樣食物唔單止好味，價錢都好合理！加上環境舒適，最好係行開東涌Outlet一邊逛街一邊享受美食，冇得輸！真係一個抵食又方便嘅選擇！🛍️🍽️

We ordered a takeout of a lunch set and a tea set of medium rare beef pho noodles, both of the noodles were the same size and portion. Also we requested the beef being only slightly cooked and mostly rare beef and even requested putting the meat in another box so the meat is still in a raw ish texture (which costed money)the beef ended up being over cooked and dry. I would never order from this restaurant again, please don’t your waste your money at this restaurant.

落風球後，同老公去東薈城搵食，見到平時門庭若市的越南菜「錦麗」竟然無咩人排隊，決意一試。餐廳設有卡位雅座，同時都有二人細枱。用上QR CODE 自助下單，方便快捷。選擇困難症的我們選擇食二人餐就算，兩個主食+ 特色小食拼盤+ 飲品+ 甜品（加錢）。特色小食拼盤（蝦春卷+蔗蝦+香茅豬扒+牛油雞翼）：烤蝦捲比較長身，入面是芋頭蓉加一粒蝦肉仔，餡料十分少。牛油雞翼真係好有牛油香，唯吸油紙都吸吾曬牛油，上菜時仍有一堆已溶牛油，油膩！不過香茅豬扒好驚艷，食落爽彈香茅味突出，仲有蔥油係表面提香。蟹肉餅蕃茄湯檬：蟹肉餅食到一絲絲蟹肉，呷一口湯頭，蕃茄味濃郁偏酸，茄膏一定有加，不過整體湯頭欠缺層次，差左沒有九層塔香料等提鮮，檬粉比較硬，不是浸湯變軟個款。香茅豬扒香濃雞湯金邊粉：豬扒另上，但一整塊充滿肥膏，同埋即使大塊但好薄，無咩口感。雞湯飲得出用雞熬煮，起碼吾會飲完口渴。椰汁紅豆冰：椰汁淡奶味好順滑！好多碎冰，咬冰人士大愛，紅豆🫘偏硬身有口感，椰漿味濃！越南滴滴咖啡：好有儀式感，慢慢睇住用上越南咖啡滴漏出黎，仲有煉奶係底，咖啡香濃到上頭。椰青椰汁糕：椰青糕好清甜清新脫俗，椰汁糕有馬豆清熱解暑，仲有可自

**下午茶** $60香茅豬扒雞湯金邊粉,包一款自選小食，餐飲。加$9追加一款自選小食。豬扒口感鬆彈，肉質嫩滑，香酥而不油膩，調味到位，一大件碎上，熱辣辣上枱，份量也不小-- 雞湯金邊粉 --湯底湯郁，拌大量清葱，乾蒜，使整體味道更豐富，美中不足是金邊粉量略小下午茶包一款自選小吃選了蔬菜春卷 ， 味道不過不失，加$9追加牛油雞翼 ，口感比較油膩**餐飲**-- 熱青檸咸甘桔 --真材實料，半嚿咸金枯和一片青檸檬，健康又益身

我經常搵啱啱啱嘅食肆去嚐嚐新滋味。最近，我發現咗喺東涌嘅錦麗越南菜，佢哋以佢地嘅精緻越南菜聞名喺香港。我對佢地嘅食物質素同味道都好高嘅期望，幸運嘅係，錦麗東涌絕對冇令我失望。頭先，我叫咗佢哋嘅招牌菜 安格斯火車頭。呢道菜真係令我驚艷到咗。安格斯牛肉滑嫩多汁，入口即化。佢哋特別嘅煮法令牛肉保留咗原汁原味，加上醬料嘅酸辣風味，真係好出色。每一口都令人愉悅，仲想再食多幾口。之後，我試咗佢哋嘅越式霸氣招牌粉。呢道菜以佢嘅獨特風味同豐富配料而聞名。粉條有彈性，湯汁濃郁鮮美，真係好回味。入面嘅配料豐富多樣，有新鮮嘅蔬菜、滑嫩嘅豆腐，仲有美味嘅炸春卷。呢道越南粉絕對係一道令人驚喜嘅佳餚，我真係忍唔住食多啲。廚師真係好擅長利用新鮮食材，每一道菜都顯示佢哋對細節嘅講究同對食物嘅熱愛。佢哋嘅菜單仲包括咗其他各式精緻嘅越南菜式，例如檸檬草雞、綠咖哩牛腩等等，呢啲更加令我對佢哋嘅廚藝讚賞。

近排放假都會同朋友去東涌行街,因為東薈城啲嘢又平有多嘢行,最正就係喺附近仲有好多嘢食,呢排我哋經常都會幫襯呢間連鎖集團 錦麗 越南菜,餐廳位置 東薈城名店倉7樓,餐廳地方闊落,坐位空間感好足夠,職員態度禮貌又好喺度食嘢感覺都幾舒適。越式霸氣招牌金邊粉 ,牛肉上枱仲有少少紅,拖一拖過熱湯就啱啱好,牛肉食落去非常嫩滑,牛肉味好香濃,食落去又香又嫩腍,加咗蔥,越式調味令到個湯底更加鮮甜,金邊粉非常幼滑整體配搭得啱啱好。配上越式滴滴咖啡,咖啡味道香濃,帶少少甘香,滴滴咖啡時間比較耐。越南咖哩牛筋腩飯,牛筋腩做到好香好軟淋好入味,食到滿口牛肉香味,配搭上咖哩令到牛肉的香味更加突出,呢度嘅咖哩唔會太辣,咖哩香味比較突出。配越式蔗蝦,蔗蝦食落去香口彈牙,外脆內熱,蝦肉味鮮甜,真係香口又惹味。豬肉米紙春卷,春卷皮做到好酥脆,食落去卜卜聲,入面嘅材料仲係熱辣辣好香口。越式椰青椰汁糕,糕點做到好爽滑,味道好香,食落去椰香味重又唔會太甜。

越法 fusion😋🍽法式燴牛頰肉撈檬🐮牛頰肉🐮：肉質軟腍，又入味，唔會柴口，肉汁濃郁，撈飯/檬一流紅蘿白塊🥕：味道好甜，炇到好入味紅蘿白半條🥕：味道蕃茄🍅：新鮮，好脆口芽菜🍀：肥肥的，fresh紅蘿白絲🥕+青瓜絲🥒：fresh豬肉鬆🐽：味道正常檬粉🍜：天氣熱食唔錯越式魚露汁：酸酸辣辣

同朋友放工去東涌東薈城的outlet行街買波鞋，買完嘢之後諗住喺附近食晚餐，朋友話想食越南嘢，於是上了位於七樓的錦麗。餐廳位置雖然唔大，但座位坐得很舒服，用QR code落單方便快捷。我們叫了晚市風味二人套餐$232主餐兩款：1,升級越式霸氣招牌粉 +$18 2,香茅豬扒🐷撈檬特色小食拼盤：有兩條絲網蝦春卷， 兩件越式庶蝦🍤， 兩隻越式蒜蓉牛油雞 翼，仲有香茅豬扒 ，中間放咗啲酸蘿 蔔套餐飲品叫了兩杯自家製凍薏米水🥤🥤越色霸氣招牌粉有牛小排、兩大嚿牛尾，啲肉煲得好淋好滑，仲有一條肥美嘅牛筋，同樣煮得也很淋，湯入面有洋蔥🧅、芽菜同埋香菜,加啲青檸🍋同辣椒🌶️一齊食，增加了不少風味。啲湯是用牛骨和牛

天氣開始熱，想食清清地同消暑的食物。今日收工後到左東薈城行街，七樓係錦麗。錦麗在多個商場都有分店，經常排長龍。今日平日不用等位，終於可以一試。錦麗位於東薈城的7樓，坐位寛闊，有卡位同梳化位，天花有竹製的燈罩，好似越南的斗笠。今日我品嚐一個兩人餐$232，蟹肉牛油果香芒沙律$88，斑蘭糯米糍$48兩人餐十分豐富，當中包括兩個主菜，一大盤小食拼盤，兩杯餐飲主菜胡志明綜合粉大大粒牛丸，十分彈牙🐂生牛肉，十分嫰🐃熟牛肉，好淋🐄現場熬煮23小時的牛骨、牛肉湯底感受到一碗正宗越南的牛肉粉的吸引，湯底好清越南咖哩牛筋腩飯🦬香濃椰汁，可以選擇正常辣或者唔辣牛筋腩好多，薯仔係薯角送飯一流特色小食拼盤有法式蒜蓉牛油雞翼，香脆，雞肉嫰滑🐣蔗蝦 上檯時炸到金黃色，外脆內嫩，好有食慾🦐金絲網蝦春卷 炸到脆卜卜，配上泰式辣醬，十分惹味🦐香芧豬扒 大大塊，好厚，啖啖肉🐖餐飲越式滴漏咖啡☕️底部係煉奶，好香既咖啡香味冰底係另上飲落相當消暑椰汁三色冰🧋大大粒紅豆，綠豆同綠色的珍多條十分足料蟹肉牛油果香芒沙律🥭配上魚露，十分開胃，甜甜酸酸蟹肉配上牛油果同芒果，感受新鮮，好適合夏日斑蘭糯米糍配上椰醬軟糯的口感，好有越南風味整

正宗越南餐廳錦麗，食物種類多，有粉麵有飯又有越南特色小食🇻🇳錦麗熟牛肉粉🍜一款好有越南特色嘅河粉，啲牛肉煮得好嫩，再配上啲爽口嘅米粉同清新嘅酸辣汁，味道平衡得好啱啱，真係好好味啊！🤤錦麗生牛肉粉🍜同熟牛肉粉湯底一樣，但啲牛肉會較嫩滑而且配合啲蔬菜同埋調味料食落去好開胃🤩金絲網蝦春卷件🍤越南版嘅春卷，啲蝦肉同啲蔬菜夾埋一齊，外面嘅金絲網炸得酥脆，一咬就係啲香脆聲，味道鮮美☺️家鄉魚餅🐟一款越南特色嘅魚餅，啲魚肉好嫩，同埋啲香料配合得好好，味道香濃😻越式蔗蝦🦐好特別嘅美食，啲蔗汁清甜，再加上啲鮮蝦，味道好鮮美，再配上啲越南特有嘅調味料，味道更加出色😍越式蒜蓉牛油雞槌🍗雞肉嫩滑，同埋啲蒜蓉牛油嘅香氣，味道豐富而且帶有一種特別嘅風味，好好味啊！☺️ 新鮮椰青 (推介💕)🥥超級清爽嘅飲品！啲椰青新鮮得嚟，飲落去有啲甜甜嘅，又唔會太甜，嘆返杯就有一種舒服嘅感覺😙清甜甘蔗汁🍹一款好適合天氣熱嘅清涼飲品啦！啲味道清新得嚟又係甜甜嘅，一飲而盡之後真係有一種涼快嘅感覺😉越式椰青椰汁糕💕啲椰汁糕軟綿綿嘅，再配上啲鮮嫩嘅椰肉，味道香甜得嚟又唔會太膩，一口接一口都唔膩口，真係好正啊！🥰