影片
更多
2023-09-06
33 瀏覽
而家放假都喜歡同朋友去大嶼山行山後返東涌行街，因為東薈城啲嘢又平有多嘢買，最正就係喺附近仲有好多品種嘢食，逐層行來到7樓，見到錦麗，朋友話之前喺第二度食過呢間感覺唔錯，問我有冇興趣，有好嘢食我當然有興趣。錦麗越南菜餐廳位於東薈城名店倉7樓703號舖，職員態度禮貌又好喺度食嘢感覺都幾舒適。餐廳位置雖然唔大，但座位坐得很舒服，因坐位寬闊，有卡位同梳化位，天花有竹製的燈罩，好似越南的斗笠，亦可用QR code落單方便快捷。首先叫是特色小食拼盤，裡面有金絲網蝦春卷、越式蒜蓉牛油雞翼、香茅豬扒同蔗蝦，份量十分豐富。成個小食拼盤非常搶眼， 顏色靚味道正。 蔗蝦肉爽鮮甜， 金絲網蝦春捲幼長鬆脆， 蒜蓉牛油雞翼皮脆肉嫩， 蒜香味濃 ，仲有香茅豬扒 ，炸得啱啱好，金黃多汁， 酸蘿蔔絲啱啱好起平衡作用。 每樣小食都整得好出色。接下來是主食，安格斯火車頭河粉，正宗越南牛骨湯，先飲一啖相當濃厚，再配上安格斯牛小排、牛筋、扎肉、熱牛肉及牛丸，油花均勻甘香嫩，十分惹味好食，肉鮮嫩，河粉煮得剛好，不會太淋，加上特製湯汁，非常好味。主食後叫蟹肉牛油果香芒沙律，配上魚露，十分令人開胃，甜甜酸酸，蟹肉配上牛油果同芒果，感
而家放假都喜歡同朋友去大嶼山行山後返東涌行街，因為東薈城啲嘢又平有多嘢買，最正就係喺附近仲有好多品種嘢食，逐層行來到7樓，見到錦麗，朋友話之前喺第二度食過呢間感覺唔錯，問我有冇興趣，有好嘢食我當然有興趣。
錦麗越南菜餐廳位於東薈城名店倉7樓703號舖，職員態度禮貌又好喺度食嘢感覺都幾舒適。餐廳位置雖然唔大，但座位坐得很舒服，因坐位寬闊，有卡位同梳化位，天花有竹製的燈罩，好似越南的斗笠，亦可用QR code落單方便快捷。
首先叫是特色小食拼盤，裡面有金絲網蝦春卷、越式蒜蓉牛油雞翼、香茅豬扒同蔗蝦，份量十分豐富。成個小食拼盤非常搶眼， 顏色靚味道正。 蔗蝦肉爽鮮甜， 金絲網蝦春捲幼長鬆脆， 蒜蓉牛油雞翼皮脆肉嫩， 蒜香味濃 ，仲有香茅豬扒 ，炸得啱啱好，金黃多汁， 酸蘿蔔絲啱啱好起平衡作用。 每樣小食都整得好出色。
接下來是主食，安格斯火車頭河粉，正宗越南牛骨湯，先飲一啖相當濃厚，再配上安格斯牛小排、牛筋、扎肉、熱牛肉及牛丸，油花均勻甘香嫩，十分惹味好食，肉鮮嫩，河粉煮得剛好，不會太淋，加上特製湯汁，非常好味。
主食後叫蟹肉牛油果香芒沙律，配上魚露，十分令人開胃，甜甜酸酸，蟹肉配上牛油果同芒果，感受新鮮，好適合夏天吃。蟹肉幾重胡椒香，沙律菜新鮮，牛油果剛熟，芒果好香芒果味，加上越式汁再全部撈埋一齊黎食別有一番感覺。
最後梗係要食甜品， 兩舊心形嘅椰汁糕 ，清香爽甜 ，我哋鍾意椰青糕多啲，因為平時食唔到 。這個甜品係用大菜去整，淋上椰奶，整體不錯不會太甜，椰青幾清香。
飲料我哋叫咗椰汁三色冰和椰青。椰汁三色冰有大大粒紅豆、綠豆同綠色的珍多條，十分足料。而且入面係大粒硬身嘅紅豆、細粒軟身嘅褪衣綠豆，同埋爽彈鮮綠嘅珍多，口感豐富，香甜解渴。椰青好靚大大個，好好飲好好食。
總括來說，價額不高，而食物水準高，湯粉湯底好味，值得推薦俾大家，我哋下次再來要試下其他嘢食。
張貼
