鋿晶館

營業中

休息中

今日要去上水工作，早上11:00就早啲食個午餐。行左過去上水匯，見到一間餐廳就行去睇下。呢間餐廳食物選擇非常之多，午市套餐、鑊氣小炒、點心、燉湯、荷葉籠仔蒸飯都有，連啲飲品都好有特色。真係花多眼亂。入秋就嗌一個燉湯潤一下，另外再嗌荷葉籠仔蒸飯同埋紅豆咖啡冰。首先上了咖啡紅豆冰，我點了少冰，呢杯咖啡紅豆冰用紅豆以玫瑰花造型展示，真係好靚好打卡😃，紅豆腍而入味，同凍咖啡好配合。原盅無添加養生燉湯都有成10幾款，今次嗌了姬松茸螺片燉赤肉湯好清甜、夠熱，飲完都覺得好補身，四季都好啱飲。蒜香石斑片蒸飯，一上菜時蒜香氣撲鼻，石斑片夠滑夠新鮮，炒飯底配上石斑片真係非常之夾，簡直停唔到口。姬松茸螺片燉赤肉湯同埋蒜香石斑片蒸飯係即嗌即整，所以都等左15分鐘左右。呢間餐廳裝修企理，亦有很多食客。同服務員傾過幾句原來呢度師傅背景曾就職於日本東京富麗華多年，專為高管達人和明星服務，回港後在多間米芝蓮酒店及大型連鎖酒樓集團做主管，經驗豐富，真係臥虎藏龍😃食物水準好高，下次一定要同屋企人再嚟食。

之前黎過幾次呢間鋿晶館✨嘆茶，自家製品牌💡所有點心現場即點即做，手作點心廣受街坊歡迎👏🏻👏🏻師傅更曾就職於日本東京富麗華多年💁🏻‍♀️專為高管達人及明星服務，回港後於多間米芝蓮酒店及大型連鎖酒樓集團做主管，經驗豐富，做出滋味人氣菜式🔥今晚就約埋朋友試吓晚飯小菜同人氣大熱既燉湯😋🔹姬松茸螺片燉赤肉湯滋陰養顏、增強免疫力一流，飲落味道好鮮甜，加入螺片大大增加鮮味，香濃滋補！🔹海底椰百合無花果燉赤肉湯有助止咳潤肺、滋陰潤燥，呢排成日都口乾舌燥，呢個湯就岩哂我啦～湯品平潤，幫我滋潤去燥！🔹豉汁欖角蒸鱔飯白鱔處理得好，完全無腥味無泥味，加入豉汁、欖角同蒸，味道調配得恰好，唔會蓋過白鱔鮮甜味，魚肉爽口彈牙，香甜又軟嫩，底既白飯索滿豉汁欖角精華，超正～🔹黑醋豬扒甜酸味恰到好處，豬扒入口鬆化多汁，味道酸酸甜甜，夠哂開胃，大人小朋友都岩食。🔹南瓜海皇浸菜心香滑南瓜配多款海鮮，新鮮菜心翠綠軟嫩，健康之選！🔹吞拿魚牛角酥烘至熱辣辣上枱，酥脆充滿牛油香既牛角酥包裹份量十足吞拿魚，每啖都好滿足～🔹雙檸可樂冰夏日炎炎，一定要叫返埋凍飲爽一爽，可樂好夠氣，加入雙檸就更酸甜舒爽！鋿晶館✨📍上水龍琛路48號上水匯2樓20

禮拜日同屋企人一齊嚟食，叫左個常餐沙嗲牛肉公仔麵。沙嗲牛肉個味還可以，但啲肉好韌咬唔到，最後都冇食到啲肉，個麵亦都偏硬，跟餐嘅包同火腿蛋就普普通通。反而屋企人叫午巿套餐蓮藕炆腩仔飯就幾好食，份量亦足夠。但跟餐凍鴛鴦就差左少少，落咗太多奶，冇左咖啡味。環境衛生都良好，啲檯櫈都幾大張，坐落都算舒服。地下冇乜垃圾，衞生情況理想。但以一間餐廳嚟講，沙嗲牛肉嘅表現真係差強人意，如果可以提升一下就表現完美了。

天氣開始凍，都想食啲暖笠笠既野。今日好隨意係上水匯食鋿晶館。呢間餐廳都見佢係自家品牌。兩個人叫咗香芒貴妃大蝦球、炸金磚豆腐、雪梨豬肉燉湯、豉汁欖角鮮肉荷葉蒸飯。全部餸都好好味👍🏼特別係香芒貴妃大蝦球，佢個蝦球十分之爽口彈😋必食之選👍🏼 另外荷葉蒸飯都10分出色，啲飯唔會過腍或者太乾，每粒都有少少煙靭。師傅真係好出色，不愧係係日本東京富麗華餸過👍🏼見到餐牌價錢唔貴，超級貼地，下次會早上試試佢啲即場整既手作點心😋

放假時帶媽媽來這裡飲茶用餐，是個不錯的選擇！「鋼晶館」提供早、午及晚餐時段提供多款炒麵和飯。「鋿晶館」在旺角、上環、荃灣等地也有分店，但今天我們特地來到上水分店。### 晚餐推薦菜式1. **雪梨乾無花果燉赤肉湯** 滋潤養生，適合全家共享。2. **蒜泥扒青瓜（小食）** 小辣開胃，是絕佳的開胃菜選擇。3. **班頭腩蒸荷葉飯** 香氣四溢，米飯充分吸收了肉汁的美味。4. **香芒貴妃大蝦球** 口感鮮嫩，搭配香芒，令人難以忘懷。5. **脆皮椒鹽豆腐** 外脆內嫩，是素食者的理想之選。### 主廚背景值得一提的是，上水分店的主廚曾在日本東京的富麗華餐廳工作多年，並擁有在米芝蓮酒店及大型連鎖酒樓的豐富經驗，為我們帶來高質素的美食體驗。無論是與家人聚餐還是朋友聚會，鋼晶館都是一個理想之選！

上水中菜小館夠鑊氣🤤人人都著重吃有營的食物，餐廳的原盅無添加養生燉湯，好適合任何人👍🏻今晚的靚湯有《雪梨燉川貝》！超級好味！很清新！很滋潤！令喉嚨好舒服呀！👍🏻又足料！《蒜香龍躉件荷葉籠仔蒸飯》必叫！賣相已經好吸引！用上了新鮮美味的龍躉，荷葉香，炒飯底有蛋香，龍躉很嫩滑，蒸得時候剛好！👍🏻香芒貴妃大蝦球（六件）鑊氣滿分的菜式，大蝦的確是很大隻！更是非常彈牙！😋香芒的烹製方法令大蝦甜甜的，很惹味開胃！脆皮椒鹽豆腐（小食）港式風味，難忘美味，香脆可口，薄皮豆腐嫩滑，做到外脆內嫩，為豆腐帶來酥香口感，內層仍然非常軟滑！蒜泥拍青瓜，新出的廚師推介小食，有辣味的，酸酸甜甜非常開胃，青瓜又夠清新！

🎉🎉 上水鋿晶館🎉🎉芝士火腿沙律牛角包外皮金黃酥脆的牛角包裡面夾著超多層的芝士和火腿，每一口都是滿滿的幸福滋味～，絕對是午後小憩的完美選擇！咖啡紅豆冰這款飲品可是鋿晶館的熱門之一，紅豆煮得綿密綿綿，和冰凍的咖啡融合在一起，甜而不膩，冷冽中帶著一縯咖啡香，夏日解渴的首選！雪梨乾無花果燉肉湯湯頭鮮美，肉質鮮嫩多汁，無花果的香甜與雪梨的清甜完美結合，湯頭裡還蘊含著淡淡的香氣，喝一口就讓人回味無窮～咕嚕大蝦球這道菜可是鋿晶館的人氣王！每一顆蝦球都超大超彈牙，裡面還有滿滿的蝦肉和，配上特製的醬汁，一口一個根本停不下來！

今日去到上水匯既鋿晶館食晚飯，餐廳係自家製品牌，晚餐有主食果啲，仲有手作點心，現場即點即做～餐廳師傅曾就職日本東京富麗華多年，回港後亦係多間米芝蓮酒店同大型連鎖酒樓集團做主管，好有經驗。💫 燉湯 - 沙參玉竹燉赤肉湯 / 淮杞圓肉螺肉燉赤肉湯 $18 （跟主食追水）好足料而且飲落好鮮甜👍🏿💫 香芒大蝦球 $118蝦球共有6件，每件都好厚身同大隻🦐，炸到外層脆身，而蝦肉好彈牙；配搭酸甜既芒果汁🥭💫 蒜香石斑片蒸飯 $98蒸飯份量超多🤭飯底係炒飯底黎；上面既石斑片啖啖肉，加啲豉油勁提味🤤💫 雪糕朱古力 $38 / 青梨梳打 $38

🥟鋿晶館👨‍🍳👣 值得科勞指數：🏃🏻‍♂🏃🏻🏃🏻🏃🏻‍♂上次光顧 鋿晶館位於旺角的分店，今天在上水居然發現另一間鋿晶館，一同看看這分店水準如何！🍽️香芒蝦球︰香芒蝦球成為了這餐的主角，讓我印象深刻。首先，香芒蝦球以其外脆內嫩的口感贏得了我的心。蝦球裡的鮮蝦肉質彈牙，外層裹著金黃的脆皮，搭配上香甜的芒果醬，讓整體味道更加清新，仿佛在夏日中品嚐陽光的滋味。🍽️酸菜魚︰魚片鮮嫩滑口，湯底則是酸辣適中，酸菜的風味恰到好處，讓整道菜品增添了層次感。湯汁濃郁而不膩，讓人忍不住一口接一口，特別適合搭配白米飯，令人食指大動🍽️豬扒包︰豬扒搭配鬆軟的包子，口感層次分明🍽️龍仔斑片蒸飯︰米飯吸收了魚的鮮味，粒粒分明，香氣撲鼻📍 地址： 上水龍琛路48號上水匯2樓204A & 205AB號舖#鋿晶館 # 上水美食 #自家製點心 #手作點心 #蒸飯 # 上水飲食 #香港美食 #香港必吃 #香港點心 #食評 #探店 #旺角餐廳 #followme #followmetasting #香芒蝦球 #酸菜魚 #龍仔斑片蒸飯

平民化晚價錢，高級酒店級數的享受。食神香芒大蝦球＄118真係超級好食，估唔到店家要加食神兩個字。蝦肉真係大大隻好爽口好新鮮，個汁調味好好，而且個炸到非常香口，食到去好好餸飯，我同太太食完都讚不絕口，好食到不得了。另外想讚下佢既斑頭腩蒸荷葉飯 ＄88咁大碟竟然只賣88蚊，而家份量十足，蒸既時間，調味都係非常之岩岩好，食到冇停口。我地仲叫左雪糕朱古力特飲，我覺得係必點之選，係香港已經買少見少，仲有得飲呢d特式野真係要好好珍惜。

我今日約同好友去上水行山，順道去位於上水龍琛路48號上水匯 2樓 204A & 205AB 號舖的 鋿晶館食早餐，環境舒適，坐得舒服。我點左個 豬扒蛋米粉，鮮油菠蘿飽，餐飲係 凍檸蜜；好友點左個 蛋沙律牛角酥，穀飼牛仔肉番茄濃湯貝殼粉，餐飲係 熱咖啡。整體黎講係好有心的餐廳，食物份量不少，熱辣辣的鮮油菠蘿飽好好味，蛋沙律牛角酥味道唔錯。店務員服務態度良好，上菜速度合理，收碟都快。原來餐廳有中菜供應的，廚房師傅要11時後才開工，希望我地下次來食小炒。

今日陪老公係上水教波，教完波之後就喺附近覓食，老公係中餐愛好人士，但係又唔想去酒樓食飯，於是決定再戰「鋿晶館」，去食自家製品牌嘅中餐！今次我哋叫咗苦瓜炆䱽魚，苦瓜炆得好腍，唔會係死苦嘅味道，䱽魚煎完先再加芡汁去炆，所以入味得黎又唔會爛晒，甚至仲食到煙煙韌韌嘅魚邊邊位置！跟住叫左咕嚕燴蝦球，啲蝦球真係用一隻隻蝦去炸，無雪藏嘅味道！加上酸酸甜甜嘅醬汁，無得頂。配菜有青椒、菠蘿等等，中和一下成碟餸嘅油膩感。再叫咗個炸魚柳菠蘿包，魚柳炸得好香脆，加上生菜、蕃茄、青瓜，唔錯。特別在於個菠蘿包，令到成個魚柳包生色不少。侍應介紹我地食佢地好受歡迎嘅日式鰻魚飯，啲飯煮得粒粒分明，鰻魚汁好惹味，上面嗰隻蛋又煎得啱啱好，半熟流心咁，熱辣辣好好味，完全明白點解佢咁受歡迎！！最後叫咗兩杯嘢飲，凍冰冰，正！！不得不再提一下！！！大廚曾經係日本東京富麗華做左好多年，係煮野食比高管達人同明星食架，返左黎香港之都係好多間米芝蓮酒店同大型連鎖酒樓集團做過主管，經驗豐富，所以無論煮西餐中餐日式都好好食架！

鋿晶館去上水探朋友，行過見到呢間鋪滿座就查下間鋪資料，原來師傅曾經就職於日本東京富麗華多年，專為高管達人和明星服務，回港後在多間米芝蓮酒店及大型連鎖酒樓集團做主管，經驗豐富，餐廳係自家製品牌，所有點心現場即點即做，手作點心，唔怪得生意咁好💛 超抵食精選自主套餐 $238✨中式蜜桃牛柳入面有牛柳、洋蔥、蜜桃，配上酸甜醬汁牛柳軟身有牛味，酸酸甜甜好開胃✨ 啫啫通菜煲入面有通菜、雞柳、洋蔥、紅椒炒得好入味，通菜吸哂味好惹味，好快就食哂成煲菜✨蒜香班頭腩蒸飯上枱有驚喜到，荷葉底包住左好多魚😋蒜味好香噴噴，班頭腩新鮮好味！配上炒飯底、蔥花都好夾，一下子就食哂✨奶茶紅豆冰 +$18玫瑰花冰造型上真係好靚😍 奶茶味好濃郁，紅豆好綿密✨荔枝烏龍 +$18熊仔造型好打卡😍 好睇又好飲價錢：$274（兩個人）⭐️⭐️⭐️評分：8.5/10⭐️⭐️⭐️📍鋿晶館 (上水)上水龍琛路48號上水匯2樓204A & 205AB號舖

招牌荷葉籠仔蒸飯 - 蒜香海斑頭腩蒸飯$88 用心制作炒飯底 粒粒分明 粒粒都有蛋包住😍淡淡既荷葉香味 加上超肥超滑既斑頭腩 個皮勁厚 鱗都打得好乾淨👍🏻啫啫通菜煲 $77 配菜多蘿蘿😻 個味道好濃郁 有大大隻蝦乾🦐 蜜桃京都豬扒 $78 唔同平時既京都骨咁酸 呢款落左密桃偏甜 豬扒鬆軟掛汁紅豆冰 超可愛😍 大朵玫瑰係冰 🫰🏻超級貼心 係有紅豆雪成 唔怕愈飲愈淡👍🏻鋿晶館 (上水)📍上水龍琛路48號上水匯2樓204A & 205AB號舖

晚市叫了三個小菜，蒜蓉西蘭花，魚香茄子煲，椒鹽豬扒。蒜蓉西蘭花不過不失，西蘭花偏硬，蒜蓉味尚可，份量充足。魚香茄子煲不夠魚香，茄子亦不夠入味和偏硬，不用妄想送飯了。椒鹽豬扒，亦是最難吃的一碟。先不說火喉不足沒有獲氣，而最令人生氣是整碟豬扒十件有八件都是骨頭，想找到一件沒有骨的也很困難，試問一碟豬扒怎會有七至八件連骨的豬扒件？應該是頭頭尾尾再炒一碟來節省成本吧。環境衛生方面，地方潔淨程度尚可，但椅子上有飯也沒有人清理。