銘興山西刀削麵 (和豐行)

營業中

休息中

好耐無行呢個位，路過見佢新新地，記憶中佢之前係皮革舖都已經成9點，但間舖都仲好多人，好彩單拖易搵位。其實都幾鍾意食刀削麵，因為一般都係即叫即削，夠彈牙煙靭，無乜得見佢有酸蘿蔔，不過唔知係咪夜，好多瓶都所剩無幾咁。不過因為我張枱無，問佢，佢就攞到一瓶仲有好多，我都夾左一碟仔。酸蘿蔔非常爽脆，酸甜適中。好彩夾起左一碟仔，因為轉頭比佢收左比第二枱。若果每枱有一瓶就好喇。醉雞半雞都份旺都幾足，隻雞都算厚身，雞肉都好實，酒味都幾濃，仲有一隻少少糖心嘅糖心蛋。刀削麵份量其實唔係好大，不過眾所周知刀削麵嘅粉量好多，所以其實好飽。一如其他刀削麵，都係新鮮彈牙。個湯都好清，唔似有味精，亦唔油，都好好味。

今日經開旺角搵朋友食lunch, 就想試下刀削麵🤭 之前見好多人排隊，今日見直接入去都有位了。一入去，都幾乎滿座，我見每張枱都有任食醃白蘿蔔。 係呢個天氣咁熱，食返啲酸酸meimei既野好開胃。 我就叫左一份花雕醉雞湯刀削麵+$3 就有凍飲。👅食評：🌟 花雕醉雞刀削麵 $60 （8/10）花雕醉雞：雞肉肉質好滑，雞皮好簿比較爽口，花雕味好重，食落好入味。雞蛋7成熟 ，食落口感不錯。可惜有少少咸，加埋湯麵就可以中和返。但真心勁大份，好抵食。刀削麵 （湯底）刀削麵因人手製作， 每條不一，食落煙煙韌韌，係我鐘意食既口感。湯底清淡，飲落無咩味精。～整體黎講🍽～無論花雕雞同麵都好食，同埋份量好大，下次會想試熱拌同冷拌。

同事介紹我去旺角新開刀削麵餐廳，好多同事食過都讚性價比高😊 今晚試過覺得好抵食，會回頭～自選涼菜$108可以揀5款，我揀左涼拌青瓜，涼拌黑木耳，涼拌皮蛋，麻辣手撕雞，素菜炸春卷。老公對皮蛋讚不絕口，我都好鐘意涼拌青瓜及木耳，健康又好食。雙拼刀削麵首先講下刀削麵麵條，厚薄適中，唔會煮到過熟而腍哂，仲見到負責人親手削刀削面，誠意十足！個人非常鐘意食呢到豬軟骨，好入味好軟腍，雞扒香脆又不油膩😋麻辣牛展及牛肚，都唔錯飲埋阿華田脆脆及豆漿，完美～

星期日同老公周圍行街，老公話想食吓啲傳統嘢，行吓行吓見到間刀削麵就入咗去試吓。夏日炎炎，梗係叫返佢涼菜😎😎😎😎自選五款$108真係好低食麻辣手撕雞、涼拌皮蛋、涼拌黑木耳、涼拌豬耳、麻辣豬大腸、麻辣手撕雞帶麻香味，不是太辣，配以嫩滑的雞絲。皮蛋是流心的。豬耳和豬腸比較爽滑，有口感😋😋😋😋😋😋溫泉蛋木耳東坡肉刀削麵 $62 麵條又粗又長又有口感，很滑又彈牙，完全一個人食得晒咁大碗麵😋😋😋😋東坡肉又肥美又彈牙😋😋😋😋春卷$30春卷是民間的傳統小食，皮薄餡靚，熱辣辣食，風味十足😋😋😋😋阿華田脆脆$24獨特的麥香風味同脆脆粒口感，一口氣可以飲兩杯😆😆😆😆😆😆總括而言又平又抵食👍👍👍抵食🌟🌟🌟🌟🌟味道🌟🌟🌟🌟🌟

口水雞刀削麵份量大碟，雞都幾鮮同口水汁辣度岩岩好，配埋一碗刀削麵，湯底清清地，食完飽足一個下午。最好係每枱都有樽酸蘿蔔，免費任吃的，微酸食落好開胃。午飯時間坐滿人，要排隊等一陣。素春卷炸得脆脆的，都好味。麻醬撈刀削麵朋友食完話好多汁夠濃味，整體不錯。

＊呢一站旺角＊😍雞扒熱拌刀削麵(9/10)＊刀削麵現場即削即煮，份量超多，口感煙韌＊醬汁係芝麻醬+擔擔麵醬，2種醬汁夾埋都唔錯，好惹味，撈埋青瓜絲一齊食，有清新嘅味道，會想係咁食，停唔到口＊雞扒都幾大塊，煎炸得好香口，夾哂青瓜絲一齊食，會減低煎炸食物嘅油膩感😋涼拌青瓜(8/10)＊青瓜爽口，每粒都好掛汁＊麻辣汁加蒜好濃郁，但麻辣味唔夠，食落一啲都唔辣銘興山西刀削麵旺角砵蘭街120-122號和豐行地下A號舖

行過旺角, 見到呢間好似新既刀削麵, 就忍唔住入去試下, 有啲一讚係枱都有個醃蘿蔔, 自己夾左出黎試下, 唔太酸, 蘿蔔都好爽甜, 好好食我地叫左兩款, 分別係 #花雕醉雞刀削麵花雕酒味都唔算太濃烈, 合到好處, 唔會太苦, 食起黎啲雞好滑, 連雞皮食起黎好都好爽脆, 一啲都唔覺得有肥膩感, 另外, 雞份量都好多, 都有一份【例牌】份量, 絕對唔係得一兩件果啲, 都非常抵食, 另外仲有一隻花雕浸蛋, 好入味, 好食我都幾喜歡食佢個刀削麵, 食起黎煙煙韌韌好有咬口, 唔會太過淋, 因為每條厚道不一, 好似真係人手製作, 好好味 #過橋刀削麵呢個麵非常足料, 好多餸, 包括魚蛋, 墨丸, 貢丸, 牛丸, 豬肚, 豬耳及雞絲, 有配有一個秘製醬, 食起黎少少麻辣,刀削麵又索埋個湯變得好惹味 ,整體都唔錯 飲品叫左 #阿華田脆脆 好濃味, 脆脆又夠多, 好好飲, 另外叫左#凍奶茶, 就比較似珍珠奶茶果隻茶底, 比較偏同淡, 感覺如果襯返珍珠可能會夾啲—————#路邊食好西速遞 #路邊研究事務所 #路邊研究 #6B29 #先食奇兵 #Cineatkp #Foodie #food #eat #H

食品很好，味道很到位。第一次食，試了過橋刀削麵$62及花雕醉雞刀削麵$60~~麵質可算近年來吃過最好吃的一家，怪不得常常排長龍。這店除了有湯刀削麵，還有炒刀削麵、熱拌刀削麵、冷刀削麵，很多款色，可以再試幾次。但堂食的感受真的一般，坐的位置很窄，沒地方放袋，全程要揹住，想找位放都沒有，希望可以坐得舒服都難少少。而店員服務真的有待改善，還未食完就來收，還有餸的，還在吃的，有這麼趕嗎？知道這樣很沒禮貌嗎？

之前我有吃過黃埔分店的刀削都覺得酸酸辣辣地很好吃這次經過旺角就也打算買他的外賣回家吃本來對這店的外賣有很高的期望..但這次他的手撕雞有一陣怪味拌好後連麵都變臭了 根本就不能吃比起黃埔分店又少了花生跟酸菜連辣椒油也不一樣了在黃埔分店的辣椒油是那種炒過的 很香的在旺角分店只是一些甜辣汁 圖中所示橙橙紅紅的醬 好像鳳爪排骨那種汁的味道 跟黃埔店差得遠兩間應該不是分店吧？如果兩間是同一個老板的話應該要改善一下吧？不是的話希望就別再用人家的名字😅真的很難吃兩間的水準差很遠 不會再來…

深夜放毒😈😈😈 #旺角美食 #刀削麵 #平價美食 食完紅磡個間分店，見到旺角又新開左間，果斷入左去食😎次次食親都食湯面，今鋪要試新野😛我就嗌左 #熱拌手撕雞刀削麵 小辣🤏🏻一黎到成碗都係配料，好似唔洗錢咁🤭好香麻醬味，個pat辣椒🌶️夠晒辣，完全係成碗面既點綴之處，係個主角🐥”鞋”左啲囉保姆唔食辣🤷🏼‍♀️本身想食炒刀削麵，諗住咁特別，唔係唔食嘛，結果個姐姐話無🫠咁就食 #温泉蛋木耳刀削麵套餐 加炸雞翼拼金沙骨，正常水準👌金沙骨有南乳味，幾特別喎又。。。小食就嗌左碟菜心同涼拌海蜇，不過不失啦，超多花生🥜正🫶🏻同上次一樣，飲翻杯 #阿華田脆脆，呢杯有驚喜，甜度啱啱好，解辣一流😎邊個叫有人唔食得辣都堅持要食🤭埋單$2xx，平均價錢$2x-6x，晚市都好爆，排曬隊～吃貨膠遊，睇到就俾個like啦🫶🏻⛩銘興山西刀削麵旺角砵蘭街120-122號和豐行地下A號舖

🧡🧡🧡銘興山西刀削麵 - 旺角分店🧡🧡🧡經過旺角肚餓，見到呢間都幾多人食就想試吓啦（羊群心態XD🧡花雕雞刀削麵 $65. 🤩8/10第一眼睇落就已經俾起平時食嘅雞大碟好多，師傅俾咗差唔多半邊雞，有哂雞髀同雞翼🤭🤭花雕雞好嫩，不過酒味好重，食唔慣嘅人可能覺得有啲奇怪😙刀削麵煙煙靭靭麵質有勁道，配埋個湯底就咁食都夠哂味！🧡最特別係佢有蘿蔔泡菜任食，不過唔係每台都放住，記住問店員拎啦！配著刀削麵特別清（我哋食咗起碼十塊😝 🤩10/10‼️🧡麻辣手撕雞冷拌麵 $55 🤩 7.5/10夏天出面好熱唔想食湯麵可以試吓，入面有花生、青瓜絲、芫荽等等，總體嚟講係一個好開胃清新嘅麵😉，唔鐘意手撕雞都有其他配料可以選擇，牛肚、唔係好食得辣都唔緊要，呢度可以揀唔同嘅辣度，不過我哋建議可以試咗小辣先🥵🥵

💚銘興山西刀削麵💚▫️麻辣豬頸肉冷刀削麵（小辣）$60小編覺得佢餐牌都有少少難明😂 簡單嚟講，揀特色冷撈刀削麵就冇餸，但有佢提供嘅配料（牛肉絲同雞蛋）；揀餸就會冇咗配料。小編今次揀咗豬頸肉，份量都多嘅，但肉質偏韌同乾。麵質地煙韌，軟硬適中，份量還好。因為見到好多話麵多到一個女孩食唔哂，但小編表示真係還好，冇咁誇張，咁當然如果雀仔胃個啲另計。小辣可接受，如果食得辣可以直接叫大辣都得。▫️花雕醉雞 $52見人人都贊佢嘅醉雞，決定叫嚟試下。酒味濃，濃到苦😂 如果個酒味可以舒服返少少會好啲。 份量好多，肉質算嫩。整體OK。p.s. 衝住個麵質同個味，可再幫襯🙆🏻‍♀️

高估了自己的胃口，勁大碟花雕醉雞上星期行過呢間刀削麵店，見到好多人排隊都諗住試吓，今日見冇乜人就入咗去食。叫咗個「花雕醉雞刀削麵」$60估唔到個花雕醉雞咁大碟，醉雞翼得好入味好香，肉質嫩滑，忍不住連皮都食埋😋刀削麵又係好大碗，口感煙煙韌韌，比較飽肚。所以我覺得我高估咗自己嘅胃口。最後兩樣嘢都只係食咗一半，已經好飽。湯底其實冇乜味，勝在夠熱。餐廳環境都算大，唯一有啲唔習慣就係播緊disco歌，有啲嘈。銘興山西刀削麵 (旺角)旺角砵蘭街120-122號和豐行地下A號舖

銘興山西刀削麵開來到旺角啦！ ☺️☺️ 之前聽朋友話呢間好出名，終於有機會來試試！ ！ 的確去到好多人排隊🤣🤣，睇吓餐牌，大致上都是💰40-💰80一份跟套餐，叫左兩個面+小食 【花雕醉雞刀削麵】💰60 差唔多半隻雞上，份量ok🤔🤔酒味唔係好強烈，雞很滑。刀削麵個湯都好jeng！但唔係個種好濃郁的湯底，刀削麵也好吃😋推薦 【麻辣手撕雞刀削麵】💰48 唔係嚮往個隻手撕雞😢肉質有啲老，一定沾上佢個辣椒油，叫左小辣，不過辣到飛起，如果怕辣的朋友仔要叫微辣了😖😖 【涼拌豬大腸】💰42 鹵水豬大腸+麻辣醬，經典涼拌味道，豬大腸洗得很乾淨，唔會話有陣味。 總體來說，滿足💋💋推薦指數🌟🌟🌟🌟性價比非常高，兩個人食的分量都好足，非常飽

冇諗過公司附近開咗一間專門食刀削麵嘅連鎖店，其實我都幾鍾意食刀削麵，所以我就決定今日食刀削麵啦！🍜🍜呢一間刀削麵嘅人客量比得上附近嘅譚仔人客量，🧍‍♀️🧍‍♂️見到佢哋有好多外賣單，門外都有好多人排隊，相信呢一間應該唔會令我失望嘅😂我就決定咗要試一試「麻辣雞絲刀削麵」，有啲可惜嘅係麻辣唔可以同雞絲分開上，由於我唔係好食得辣，所以我就揀咗小辣，但係小辣真係好鬼死辣，基本上我有半兜都食唔到，所以就浪費咗🥹然後我嘅同事叫咗「秘製牛筋腩飯」，當我見到侍應送上一碗飯上嚟嘅時候，我個口當場呆左，我相信戈碗飯係我三餐嘅食量🍚🍚🍚我同事們一致讚賞豬軟骨真係好入味😋😋😋而且仲大大份😃最後，當然唔會少得刀削麵，見到廚房嘅師傅攞住一大舊麵團，係一大煲熱水上面刮呀刮，刀削麵就咁出咗嚟啦🤤🤤麵嘅口感都比較煙韌🤤個湯底就還好啦！「麻辣雞絲刀削麵」$48「秘製牛筋腩飯」$60無+1服務費🥰