銘興山西刀削麵 (和豐行)

營業中

休息中

中午去旺角辦事，趕時間想買埋外賣返公司繼續工作，就試吓你啦揀咗麻辣冷伴刀削麵+豬大腸滷水豬大腸好入味，有好多件叫咗大辣都唔太辣，反而發覺加咗好多麻醬，好香但係感覺肥肥囉望返個刀削麵，好厚實…食咗呢個午餐搞到夜晚都食唔落飯配菜有青瓜絲同埋花生，食落清爽總體感覺可以，下次試吓熱湯嘅刀削麵姐姐有禮貌同快手，外賣只等了兩三分鐘，加分

下午叫個外賣都等25分鐘分量又越嚟越少叫個麻辣手撕雞仲自動幫我走咗麻辣外賣拎到返去唔會再換囉做旺咗就開始差食過幾次越等越耐越食越失望都係要認真評價下今日個場都唔係滿坐得一半人都要等咁耐係啲人做野太hea 除非好得閒等先好食真心無下次其實已經寫完，為咗評分都係要寫夠200字醃蘿蔔係ok，但堂食有外賣係無睇評價好多人都話等得耐落單後真係得個等字其實附近都仲有好多選擇日日係到返工都會四圍食下搵間保持質素嘅食肆真係唔容易

銘興山西刀削麵 - 旺角今次去到旺角試試一間網上見到既刀判麵店，環境雖然唔大，同都坐到好多人，感覺有點逼。於是今次叫了兩款刀削麵同兩款飲品。花雕醉雞刀削麵$62先講講花雕醉雞刀削麵，值得一讚的係店舖已經預先製作成一盒盒的花雕醉雞及糖心蛋，令上餐時間都很迅速，而且成盒雞由於浸著花雕酒，令整盒雞都非常入味同濃郁，雞的數量亦很多，但刀削麵的硬度比度淋身而且不太彈牙。過橋刀削麵$62過橋刀削麵有魚蛋，墨魚丸，貢丸，牛丸，豬肚，豬耳，雞絲的配料，份量方面尚算接受，雞絲都有味不是白切的雞絲，不過整體不是太突出，而且這碗的刀削麵的硬度也是比度淋身。華田脆爆 +$8豆漿 +$8另外叫了豆漿及「特飲」華田脆爆，豆漿是一支支裝的「壹品」牌豆漿，所以正常。另外一杯華田脆爆，一杯比較甜的華田表而放了點朱古力脆脆，但是其實脆脆要分開食才有脆脆的口感，合埋一齊就比較一般。

咁啱嗰日睇完戲，諗唔到食乜嘢見到呢間刀削麵 心諗都比較夜所以就入咗去食 入邊嘅店員完全唔識聽唔識講廣東話 而且落完張單完全可以唔記得咗冇咗件事。直到我哋再主動向經理提出經理先即刻落單。上菜速度超級慢。 叫咗個刀削撈麵上到嚟之後，雖然個面夠熱 但係個面煮到有啲淋 而且醬汁完全上唔到落個面度 好似分開食兩樣嘢咁樣。雖然跟左一杯餐飲，不過佢提供嘅飲管係非常廉價嗰啲紙飲管 飲到三份一支嘢已經爛咗啜唔到 雖然佢哋仲有半個鐘就收工但係我哋一食飽 個位員工就即刻收走我哋啲嘢從催我哋俾咗錢先。 服務態度欠佳地理 7.5/10味道 5/10裝修 5.5/10服務 3/10

呢間店鋪都幾奇怪，原來客人要求將醬汁分開上會被拒絕，我叫左個熱拌刀削麵，真心唔明白係乜嘢原因，店員既回答係廚房唔會幫你咁做，佢話只可以幫你放到邊邊，結果黎到既時候成碗落到底都係芝麻醬，要自行處理，真心無理😿😿

銘興山西刀削麵麻辣冷拌刀削麵套餐💲6️⃣0️⃣揀左牛筋腩 有3大舊😍 炆得好腍 好入味 感覺有滿滿既骨膠原 有好多既配料:青瓜絲,花生,芫茜,蔥 食落有多重口感 撈埋個擔擔醬食 辣得好過癮 熱拌刀削麵套餐💲6️⃣0️⃣配料揀左豬軟骨 熱拌既麵質雖然冇冷拌咁煙韌 但都唔會好腍 佢個醬汁超正 非常濃味 再加埋辣醬一齊撈 越食越開胃🤤但係佢份量都真係幾多下 啲豬軟骨食極都有🙃<><><> <><> <><> <><> <><>味道：👍🏻👍🏻👍🏻👍🏻環境：👍🏻👍🏻👍🏻推介：👍🏻👍🏻👍🏻👍🏻<><> <><> <><> <><> <><> <><>🍴 銘興山西刀削麵📍 旺角砵蘭街120-122號和豐行地下A號舖<><>

朋友話平時係紅磡黄埔食開嘅刀削麵，分店開到黎旺角，一於約埋朋友一齊去試下。我叫左花雕醉雞刀削麵加嘢飲🧃，有免費嘅盒装飲品、加錢可配罐装汽水或特飲。碟花雕醉雞大份到有啲嚇親😱，仲配有一隻開邊蛋，幾濃嘅花雕味。刀削麵每條不一，偏厚，咬起上黎都幾有𡁻口，但食到後期真係有啲牙骹攰😂。另外，舖頭有一樽樽嘅醃白蘿蔔可以任食，幾開胃。朋友果然無介紹錯，好抵食👍🏻，性價比高。宜家天氣咁熱辣辣，下次一定再幫襯試下冷拌刀削麵😋。

可以係香港食到師傅現場片刀削麵 實屬幸運。在下叫左麻辣金錢肚刀削麵，好吃到清盤。刀削麵有韌性，燙清且鮮。金錢肚很嫩，麻辣味 好好食。另外叫左涼伴皮蛋，多蒜蓉 配青瓜絲 ，麻辣正合我的胃口，應該有兩隻蛋，分八片。24蚊，超抵食。必再來

前幾日同朋友去開旺角，見到呢間食刀削麵嘅舖頭幾特別，所以就決定入去試吓啦🤣❤️❤️❤️❤️❤️❤️❤️❤️❤️刀削麵麵質夠曬彈牙同滑，而且呢度嘅小食超級大碟，好抵食😍😍😍😍😍😍😍😍😍😍😍麻辣海蜇超大碟,而且好入味，加埋青瓜絲口感超好❤️❤️❤️❤️❤️❤️❤️❤️❤️炸排骨係即炸的，上枱時仲好熱辣辣，超級惹味😋😋😋😋😋😋😋😋😋😋醉雞同樣份量超大，而且好入味，雞肉都好鮮嫩😍😍😍😍😍😍😍😍😍😍拼盤同樣賣相好靚😋😋😋😋😋😋😋😋

🥢牛展刀削麵$58刀削麵略有厚度，煙煙韌韌，頗有𡁻勁。 有個別削得較薄，口感軟軟嫩嫩。湯頭有濃郁牛肉味，牛展本身亦滷得入味。🥢花雕醉雞$52雞皮爽滑，雞肉嫩到不得了。皮肉之間仲有一層啫喱狀嘅膠原蛋白。花雕味道唔算太濃，仲可以食到雞肉本身嘅味道。🥢涼拌豬耳$42豬耳口感爽脆，味道又麻又香，十分開胃。🥢脆脆春卷$30春卷炸得香脆，包住清甜嘅蔬菜絲。只可惜冇醬汁配搭。📍銘興山西刀削麵 (旺角)旺角砵蘭街120-122號和豐行地下A號舖

銘興山西刀削麵 旺角砵蘭街120-122號和豐行地下A號舖行完LANGHAM 行返去大街, 呢間麵店門口係排了條長龍, 刀削麵這門功夫, 要削到條條一致, 中間厚兩邊薄及煮起後起裙邊, 師傅手勢見真章。有飯有麵有小食, 黰十幾蚊起盲食到, 街坊平民價, 咁多人排隊是有原因的。女朋友較為喜歡點小前前菜, 務求人仔細細胃唔大都可以點多幾樣來試。$20郊外油菜 $28涼拌青瓜 $42涼拌海蜇, 涼盤好食, 青瓜爽口個汁鹹香, 海蜇就彈口加辣油好開胃。夏天怕熱湯, 呢度有埋有冷麵架! $48東坡肉刀削湯麵 ,可轉麵類同辣度。唔辣穩陣麵真係好手工，每條都是獨一無二人手削出來。東坡肉入口即化，口中充滿融化掉的油脂。$52 花雕醉雞配溫泉蛋1個, 未放入口, 夾近嘴邊已聞到花雕酒香啦, 雞肉塊同皮都夠滑, 沉到花雕酒香滲了入肉中食D刺激架$42 麻辣豬軟骨, 豬軟骨煮到腍身好入味, 麻辣汁用來加落飯麵度都一樣咁好食。豬軟骨架有膠質同爽口架口感, 加上邊位架肥肉, 仲要麻辣口味,好食到停唔到口。野飲十幾蚊杯, 食物賣咁平利潤不高,點飲品支持下小店。跟餐$8支裝凍豆漿

銘興山西刀削麵开来旺角了！☺️☺️之前聽說這家很火🔥终于有機會来試試！！確實好多人排隊🤣🤣揀lunch去都要排10分钟🙌🙌（冷氣好凍😪😪）睇睇下餐牌，大部分都係💰40-💰80一份跟套餐，同朋友一起，点了两个麵+小食【花雕醉雞刀削麵】💰60好大一份😋我估半只雞都係度吧🤔🤔酒味唔算好强烈，雞肉夠滑，就是雞皮有啲肥😬😬，清汤也很棒！就是鍾意咁有味道的汤，但又唔係濃郁的汤底，刀削麵也好食😋推薦【麻辣手撕雞刀削麵】💰48唔係我想要的個種手撕雞😢（我想要那种滑嫩既）但这个就是经典的重慶手撕雞，有点柴柴的，一定要配上辣椒油酱料才行，我點了小辣，但也是很辣，如果怕辣的妹子要點bb辣了😖😖【凉拌豬大腸】💰42这个其实就是卤水豬大腸+麻辣酱，經典凉拌味道，豬大腸洗得很干淨All in all，好满足💋💋推薦指數🌟🌟🌟🌟🌟性價比非常高，两个人吃的分量好足

星期四又係小編學神學完車去搵食的時間，今日改左去油麻地旺角一帶搵食由果欄一路向旺角方向行沿途都有食店，但都是冷清清的，我又唔想中伏突然看到一間裝潢裝修新速速的食店，現在四點的時間還可以大部分坐滿，那便入坐試試！銘興山西刀削麵旺角砵蘭街120-122號和豐行地下A號舖餐牌:就揀下午茶中最貴的麻辣雞扒刀削麵加杯凍檸茶（辣度有大、中、小），我當然揀小正呀！永遠下午茶都係最抵食$ 40雞扒份量好足，香脆不油，肉質有彈性碗麵一到我就全部配料搞勻，點知小辣都幾辣，如果唔食得辣的朋友，記僅食走辣好了

今日喺旺角行街 竟然見到銘興😱我以為淨係黃埔有哩間嘅裝修Grand好多薄荷綠嘅招牌內籠亦都闊落好多😍我地一貫食冷撈我嗌咗金沙骨冷撈金沙骨真係必嗌炸得香脆又啖啖肉朋友嗌咗豬頸肉冷撈豬頸肉好彈牙😚小食嗌咗豬軟骨同炸春卷豬軟骨每件都有半個拳頭咁大 肉同軟骨各佔一半 平分秋色醃得好入味 加埋蒜蓉辣醬同花生真係人間享受春卷無想像中咁吸引比較細條 但夠脆夠熱 個餡都ok本身想飲奶茶同華田爆脆但水吧停咗所以轉飲豆漿同烏龍茶🤣

之前係黃埔食過一次自己本身都喜歡食麵刀削麵都係我嘅喜愛豬耳熱撈(我)熱撈估唔到都幾好食夾埋醬料成碗嘢都幾夾唔知係唔係刀削麵有厚度超飽肚豬耳正常 無臭味牛展熱撈(朋友)朋友覺得牛展一般麵係好食嘅係會二訪嘅店舖但係其實店舖有啲窄坐得唔太舒服不過食物質素都可以