金鳳大餐廳 (D2 Place TWO)

營業中

休息中

一段時間無來，發現佢加咗價，而且質素下降無以前咁好食。我揀了匈牙利炆豬軟骨，而我同事就叫了夏威夷雞扒，其實一開頭我都一直諗緊要豬軟骨定雞扒好，因為心入面想食豬軟骨，但係又覺得要比多$8唔係好值，不過最後都叫咗豬軟骨，而黎到的時候我就知自己衰咗。Set Lunch有包到餐湯、牛油餐包同餐飲，餐飲冷熱同價。匈牙利炆豬軟骨配意粉$68，豬軟骨一般貨式，味道都係一般，配菜好濕，好似浸咗好耐咁樣。夏威夷雞扒飯$60，件雞扒都好似煎得唔錯，我同事話味道都OK。

中午揾食經過這裡，好多人等位，本著趁熱鬧的心態，人排我又排，終於有位啦。😘餐牌有好多選擇，非常肚餓，梗係揀最多人食的牛柳，我比較貪心，揀左大蝦牛柳餐，要黑椒汁，餐湯同麵包好快送到，羅宋湯又熱又夠味，麵包🍞鬆軟，搽D牛油，肚餓之時覺得好好食。😋大蝦牛🐮柳跟著上台，效率很高，快靚正。😀本來對港式西餐期望不高，但又出奇地好味喔。🙃牛柳嫩滑，鮮味可口，大蝦新鮮肉爽，蝦頭有膏，配上黑椒汁的牛柳，非常惹味，份量又足，兩大塊牛🐮柳，加上薯條，紅羅蔔，椰菜，翠玉瓜和粟米，顏色鮮艷，味道清新，葷素搭配，健康快樂。🤩食飽飽後，再叫一杯熱檸檬水，不加糖，解膩。😜看著忙碌的員工來來往往，就知道這裡多受歡迎。👍

話說終於到咗朋友生日高峰期嘅尾聲，而呢餐生日飯係為咗我一個相識咗8年嘅兄弟而慶祝。其實本身諗咗好耐食咩好，而我最後揀咗嚟呢度食，貪佢啖啖肉，應該大家都ok嘅～·洋蔥🧅忌廉芝士雞肉意大利粉我呢個朋友對白色情有獨鍾🤭佢一睇menu就揀咗呢款。佢話雞肉食落有肉汁，而且雞皮整得好脆，仲有白汁同芝士係永遠嘅朋友，夾到冇得輸！最後有少少🤏🏻香草🌿散落喺碟意粉上面，提鮮提味，提埋個視覺效果添～👍🏻👍🏻·忌廉湯🥣當然～我呢個朋友係要飲埋忌廉湯嘅🤣佢話有草菇🍄粒同忌廉味夠重就得，咁佢話都ok喎～·美國安格斯肉眼扒餐🥩好好笑😂😂侍應哥哥問我要幾成熟嗰陣，我話：「5成呀～唔該！」，佢提我話：「碟上會有血㗎喎～靚仔！」，我同佢講：「我就係要見血呀～唔該晒！」🤣 多謝侍應哥哥嘅細心提醒，我係覺得有親切感嘅！嚟到見到有好大塊扒，同埋我童年回憶嘅脆薯格，仲要有大量茄汁就超開心😃 至於塊扒就煎得啱啱好，唔乾仲有大量肉汁。點知仲有細個跟爸媽扒房食必有嘅阿拉丁神燈🧞‍♂️🧞裝黑椒汁，啲汁見到好多一粒粒黑椒，足料之餘，仲有調得幾好，唔太甜唔太鹹唔太辣，啱啱好～·羅宋湯🥣係我嘅摯愛🥰 我鍾意佢夠辣，more spicy 🌶 係

就係懷舊兩個字就行左入去，諗住無衰啦……叫左兩個餐，野菌鑊仔牛扒，沙茶雞扒，餐湯羅送湯，個湯係ok嘅，唔好以為真係好飲呀，只係夠熱咋，餐包ok,唔好又以為好食，夠軟咋吓……扒餐到……，塊雞扒，夠膽死完全唔熱，仲凍嘅，就咁淋d所謂沙茶汁上去，加一堆所謂沙律，完事上枱，有料！牛扒只係比塊雞扒暖dd……全餐我只係飲個湯係熱嘅！本身諗住叫杯黑牛飲吓，見識過塊冷凍雞扒後，我已經唔想加＄18去叫杯黑牛喇，仲搏？唉

唔知點解男人都鍾意食雜扒餐，貪佢抵食夾大件，可以一次過食晒咁多款肉🥴 話說豬先生講左好耐話要食金鳳，今次如佢想願，趁中午人少少（唔洗等位）就去食！羅宋湯足料好飲👍🏻西冷牛扒餐 今次牛扒生熟度剛好，中間有少少粉紅色，唔會係鐵板上過熟👍🏻 牛扒厚切有咬口，但絕對易切唔會韌❣️ 今次我竟然食晒翠玉瓜等配菜，太耐冇食有改觀✨美式雜扒餐 呢個係豬先生每次嚟到必點item😂 有豬扒、牛扒、雞翼、香腸、火腿，食肉獸至愛❤️

依家日日都冇晚市…望返之前啲嘢食相真係流晒口水🥺好懷念夜晚可以食大大塊扒，同朋友吹水嘅日子。嗰陣時好似啱啱放咗工，然後好想食扒就同咗朋友嚟呢間！！等位都等咗一陣，嗰陣真係好旺～一坐到即刻叫咗小食拼盤，西蘭花同埋帶子牛柳餐！附送嘅餐包+羅宋湯，酸酸甜甜而且都多雜菜幾開胃薯仔沙律，有兩條蟹柳放面，口感清爽嗰日咁岩洋蔥圈賣晒，於是就擺多啲其他款式！全部野都炸得好香口，尤其推薦炸蝦～加埋千島醬好惹味，份量都好大雞翼有蜜糖鋪面， 又甜又脆炸蝦脆到連尾都可以直接食埋芝士西蘭花，睇得出佢原個西蘭花擺上嚟，分量超多😂😂芝士半融狀態，有拉絲效果一睇就知塊扒大大塊，用鐵板上有種濃濃嘅港式風味！現場即落黑椒汁，帶子都唔錯叫咗三成熟切開都見到粉紅色

當日叫咗鐵板牛扒同沙律，沙律方面整體都新鮮，都有好幾遍三文魚，溫度夠凍🙆🏻‍♀️分兩日都唔細，可以同朋友share做頭盤🤤而家比較少港式茶餐廳有鐵板扒餐，店員會即時喺你面前淋啲醬汁落去🥰係唔錯嘅童年回憶🤣味道方面都唔錯嘅，如果想感受下懷舊風味不妨試吓😉另外飲品方面有啲比較特別嘅嘢飲，我哋嗰日就叫咗一杯雪糕紅豆冰，雪糕加埋棉密嘅紅豆蓉，有沙沙口感之餘亦都保留到紅豆一粒粒嘅口感😙推薦‼️餐牌：環境：餐廳環境乾淨，整體座位都好闊落，不過食飯時間會比較多人需要排一陣隊。

忽然好想食港式扒房，特意乘車到D2 place尋找美味，店面走懷舊風格，座位寛闊舒適發現有午市套餐，價錢相宜但因為我們想吃鐵板牛扒，還是點了扒餐，有88折還另外加了雪糕紅豆冰+18,雪糕可以選朱古力味先來羅宋湯和餐包，餐包熱辣辣非常鬆軟，好味，羅宋湯酸甜適中西冷牛扒餐（黑椒汁加蒜蓉$2) $106份量非常足料，最啱食肉獸，牛扒有牛味之餘又不會被鬆肉粉"拿"得口感太軟，仍然保留肉質和肉汁，不錯牛柳餐（蒜蓉汁） $104份量雖然比西冷牛扒少，但我認為肉質更佳更好吃兩款牛扒下面都有配薯條和配菜，保證吃得飽附送餐飲凍奶茶，雪糕紅豆冰加$18飽得捧着肚子走，下次必定再來

本來諗住去西餐廳鋸扒，但係原來發現茶餐廳都可以食到，仲好出名添。咁啱今日早收工，就過嚟試吓喺呢一度到食扒餐，會送餐包同埋餐飲，計返埋都幾抵。餐包味道鬆軟，同埋熱辣辣，另外有比到牛油，係自己落嘅。我哋兩個人就叫咗兩個餐，分別係帶子牛柳餐，同埋羊扒餐，因為我哋兩個都好鍾意食蒜蓉，所以就加咗蒜蓉。上菜嗰時，侍應會叫你準備好餐紙，因為佢要表演當場落汁，塊鐵板熱辣辣，啲汁會彈到周圍都係，真係好正|講返嘢食嗰邊，牛柳鬆軟，食得出唔係落咗鬆肉粉，味道都好好食，有牛味，我會俾佢8分。帶子方面呢，都係好大粒。而起羊架方面，我哋就叫咗五成熟，所以食落就啱喘好，另外，要留意就係鐵板仲係熱嘅，所以通常五成熟，食下食下就會變咗七成，所以如果叫得太熟，有機會就變咗全熟㗎喇。我會再嚟呢間餐廳有機會嘅話。

金鳳大餐廳屹立香港50幾年，相信好多人都食過佢嘅扒餐，真係好大塊扒，而且價格合理，好開心我成日出沒嘅荔枝角都有分店😍帶子牛柳$148我揀咗鐵板餐，真係好夠鑊氣😻 上枱就出哂煙咁，啲肉味香到呢🤤牛柳肉質很嫩，口感軟腍，冇咩筋，個人相當喜歡🥰牛味夠濃，配黑椒汁好好吃😋肉很大塊，吃完會非常滿足！.周打忌廉湯好足料，味道鮮甜，口感creamy 喝一杯凍檸茶，是很道地茶餐廳的味道👍.還附送餐包，超飽肚😹

午餐找食，在呢頭都有難度，到處都是人，只好等到兩點幾，不過仍不會空空。D2 有這像是懷舊的餐廳就一試吧！我見平時都很多人，今天晏了，不需排隊。午餐叫了鴛鴦扒，有豬扒同牛仔柳。這午餐有紅/白湯，餐包，可配即磨咖啡，或凍飲不需加錢，看來幾抵。午餐$61，鴛鴦扒有牛仔柳配豬扒都很抵。先來白湯同餐包，一看個包皺晒皮，想切開塗牛油，但感覺硬，質素真差。個白湯過鹹了，舔包都覺得鹹哩！這樣已經沮喪了。來了主菜，切一切牛仔柳，六十蚊來說對得起，成正比的。肉質不靭、不鞋，都仲有點牛味和肉地。但是塊豬扒就真的麻麻，相信是所謂巴西豬扒，又硬又鞋。叫了凍咖啡，完全沒有咖啡味，像水一樣淡淡的。如果因為平而來，外邊有更平的茶餐廳。如果因為質素而來，或者我只是食午餐而不是鋸扒，所以我嚐不到。

📍D2 place 2期成日經過D2 place 都見到呢間餐廳好多人等位😳終於到我去試下公司過去都幾近，6點半左右去到，都已經有d人係門口啦，不過唔係等左好耐就有位啦😉入到去聞到好香扒味😂即刻要叫返個扒餐頂頂癮😙扒餐有跟紅湯白湯同餐包個人覺得紅湯好味啲呢～可能因為有少少胡椒味，同埋酸酸地比較開胃，連入面既菜都全部食哂🤣🔸帶子牛柳餐（蒜蓉汁）（三成熟）$158睇menu 見到呢個餐好吸引🤩有帶子又有扒😋因為用鐵板上😆就叫左三成熟～另外再加咗$12加蒜蓉上餐果陣會即場淋蒜蓉汁🤤一淋汁上去即刻炸炸聲同埋出煙🤗個鐵板好夠熱牛柳大塊多汁，帶子鮮甜，仲好細心用牙籤吉住👍🏻🔸美國德州頂級西冷餐（蒜蓉汁）（五成熟）$173呢個係美式扒餐，落單嗰陣店員話呢個係用碟上，所以就叫咗五成熟～切開顏色好靚，好嫰，唔會癡牙！但係因為用碟上，而天氣都比較涼，所以會比鐵板快凍呢～隨碟上既薯格好好食😽佢既配菜都難得地係全部都好食～另外餐飲就叫咗凍檸茶整體來講，地點就腳，環境唔錯，座位闊落，再以呢個價錢食到扒餐性價比好高～

疫情將再次令餐廳晚市停止堂食兩星期，剛巧要到荔枝角辨點事，就襯還可以堂食，就去D2 place的「金鳳大餐廳」鋸扒滿足一番！*不是每款扒都會用鉄板上，肉身較厚的才會用鉄板，其實比較薄身的肉朳就會用碟上。所以如果想有鉄板的話可先問問職員*要吃就吃好點的！點了個最貴的《貴族牛扒(美國牛肩肉) $188》！免費配牛油餐包、餐湯、餐飲餐湯我選擇了羅宋湯，飲品點了凍檸茶自選五成熟並配蒜蓉汁。喜歡醬汁倒上鐵板時發出的咋咋聲，很有熱度發新鮮的感覺，而且香氣撲鼻！輕輕切開可見色澤粉嫩，肉味濃厚，鮮嫩軟腍又多肉汁，底下還舖上炸薯格和薯菜。另外點了《經典蕃茄蓉芝士肉醬焗扁意粉 $76》+$20轉餐：配牛油餐包、餐湯、餐飲餐湯同樣選擇了羅宋湯，飲品點了凍檸茶賣相吸引，加上芝士覺得特別焗得惹。但醬汁如果應濃稠一點會更好，我比較喜歡茄味重一點的肉醬焗意粉。吃不到晚市，可考慮一下午市。

次次去親D2 Place行街都見到呢間餐廳爆哂場，好多人企係出面等位👍🏻👍🏻搞到我想食好耐🤤今日公司早放，可以早啲黎等位😝時間仲早，唔洗等太耐位就可以入座😜終於有機會可以食到呢間🥳🥳我同朋友叫企一款牛扒同一個意粉☺️意粉加左$20轉套餐，而牛扒本身已經係餐，就唔洗另外再加錢😋套餐會包飲品、餐包同埋餐湯☺️☺️餐湯有白湯同紅湯😛我地兩款都有叫😛😛餐湯味道濃郁，飲完十分開胃，令我地都好期待接住落黎既美食🥰🥰🥢貴族牛扒 $188呢款牛扒姐係牛肩肉😝係美國進口既靚肉☺️我地叫左5成熟，再用鐵板上餐🤤自己再調教火喉，望住粉紅色既肉汁🤤🤤真係流哂口水🤩入口即溶😛肉質鮮嫩，口感結實又具有彈性，牛味真係十分之濃厚😻😻記得要加$2要埋蒜蓉，滿滿既蒜蓉滿佈係牛肩上面，增添左唔少味道🥰😻除左美式牛扒之外，都仲有港式既牛扒，性價比都好高😚👍🏻質素都唔錯架🤩🥢咖喱雞扒扁意粉 $74扒餐份量太大，驚叫兩份扒會食唔哂，所以我地叫左個意粉share食😋咖喱同意粉係分開上👍🏻唔會拎意粉浸到淋哂😜雞扒份量都唔少架，仲件件都啖啖肉，嫩滑無比🥰撈埋咖喱汁，令食落去吃感有更豐富更有層次😍🤤

聖誕節除咗選傳統西餐，這些港式扒房也是我愛到的地方之一！當然平常也會吃 ：）今天和朋友叫了兩個扒餐分享。❤️美國德州頂級西冷餐 HKD 173 (包牛油餐包、餐湯和餐飲) - 這個不是用鐵板上，因為會影響熟的程度，是比較生的牛扒，大約是平常叫的medium rare，點了蒜蓉汁。牛扒有驚喜，平常出去吃到的西餐點牛扒都大約也要二百多元，這個包了餐包、餐湯和餐飲，也只要百多元！牛扒是有質素的，肉質夠嫩，有牛味，而且煎得香，配上薯格，是一份很滿足的set❤️❤️招牌牛柳餐 HKD 118 (包牛油餐包、餐湯和餐飲) - 比起上面嘅西冷扒，這個有點遜色，不過價錢也比較便宜，材料也有不同，這個是平常去港式扒房吃到的牛柳，肉質十分淋，比較沒有口感，配上黑椒汁，性價比也不錯。牛油餐包夠熱，牛油也是剛剛好可以塗上餐包即時吃，選了羅宋湯，材料足，味道也剛剛好，不會過濃，服務也不錯，六點多已經很多人等位，吃晚餐建議早一些來。