金鳳大餐廳 (D2 Place TWO)

營業中

休息中

兒時，父母很少帶我去吃西餐，什麼鋸扒，什麼羅素湯完全沒有概念，加上以前西餐廳又不多。印象中，西餐廳在北角區的，記得有皇x餐廳和溫x餐廳，現在還存在與否，就不得而知了。在古早味的西餐廳已買少見少時，發現茘枝角還存在一間，名為金鳳大餐廳，聽說這店的牛扒，做得相當出色兼有以前吃鐵板牛扒的港式風味。今天晚上，專程去一去吃，尋尋什麼是古早鐵板牛扒港式味道。一到埗，時間只是傍晚六時四十五分，店裡已坐無虛席，證明了這餐廳不是浪得虛名，只好耐心等位好了。一看餐牌，發現扒類有很多的選擇，再不像以往的，只有什麼西冷，免翁牛柳，T bone steak了。這裡的牛扒也分得很細緻，有牛小排、牛肩肉、肉眼扒等等。今晚我點了招牌牛柳餐五成熟。先來羅素湯，別小看這湯，濃得來不會被太多黑胡椒的辛辣味道蓋過，牛柳也是驚喜，淋滑兩字形容最是恰當，更適合上了年紀的我，牙力不夠的也能嘗吧。這店在1969年已創業至今，仍然是迄立不倒，當然有客支持才可持久，出品也要保持水準才能在這龐大飲食市場內生存至今，這間港式西餐廳，完全做得到。

荔枝角工廈附近開咗好多食肆，放工同埋同事過去睇吓，發現金鳳大餐廳 在D2 Place開咗分店，我哋好喜歡食懷舊扒餐，當然不會錯過立刻入座！座上客大部份都係食扒餐，可想而知味道和質素一定唔會差！扒餐可配黑椒或燒汁，加或不加蒜蓉。扒餐奉送是日餐湯忌廉湯和餐包。美式什扒餐配黑椒汁，有豬扒、牛扒、雞翼、香腸、火腿，用牛型鐵板上，熱騰騰份量十足，倒下黑椒汁時咋的一聲，香味四溢，熱氣迫人，就算是高高舉起餐巾，鐵板餐的魅力依然是無法抵擋，牛扒和豬扒超大件，肉質鮮嫩，雞翼嫩滑，配黑椒汁好惹味！香燒羊扒餐配黑椒汁：羊扒份量也不少，已經蓋滿牛型鐵板，羊扒肉質鮮嫩無膻味，黑椒汁味道香辣，十分惹味！雪糕紅豆冰：紅豆煲至細滑起沙，入口香甜，加上渾圓完整的雲呢拿雪糕，味道更香更甜！港式咖啡不太濃。

經常都會喺荔枝角返工，一收工就會同同事去食飯，喺荔枝角都有好多美食，今日就食一間好出名嘅港式扒餐。金鳳大餐廳 ，依間餐廳間間都爆滿，今日好好彩嚟到啱啱有位唔駛等。呢度地方都幾闊，落坐得都幾舒適。點完餐之後首先會上個例湯同牛油餐包，例湯可以選擇羅宋湯 or 忌廉湯 。羅宋湯材料都好多，帶有少少微辣，酸酸甜甜飲完特別開胃。雜扒餐 112 元 加生蒜 蒜蓉汁先用鐵板上，店員為你加蒜蓉汁，一落蒜蓉汁睇住個鐵板滋滋聲，感覺好興奮。雜扒餐真係好抵食，份量非常之多，有豬扒，牛扒，腸仔，火腿，薯條。豬扒好厚身，而且仲好入味，肉質好鬆軟。重點係啲生蒜，配埋啲蒜蓉汁牛扒一齊食，味道都好有層次。貴族牛扒 五成熟 牛扒好大塊而且好厚身，因為用鐵板上，點五成熟加埋鐵板熱力就啱啱好，肉質非常鮮嫩，而且牛肉味好香好重，入口相當Juice，配埋生蒜一齊食，令到牛肉嘅鮮味更加突出。真係好惹味。果然係香港出名嘅扒房，食物嘅質素非常之高，而且價錢好大眾化，性價比好高。我哋食完嘅時候，門口已經排晒隊。間唔中食一餐鋸扒都幾開心。

金鳳嘅老牌港式扒房喺香港都有好幾間分店，呢幾年好多餐廳都一直在轉變，而金鳳餐廳就一直不變舊式嘅招牌，外牆，階磚都有住香港嘅風味好耐以前去過只係山林道嗰間今日第一次嚟到D2 Place地點都非常方便荔枝角地鐵站D1出口行幾分鐘就到金鳳經典扒房一直都深受大眾嘅歡迎，亦係我中學時期嘅一個回憶有各式各樣嘅扒餐選擇，最重要係平靚正又經濟實惠嘅鋸扒餐廳啱啱到咗食飯時間，門口都企滿人排隊，入面亦都坐滿人，證明咗係好多人認同嘅餐廳，門口嘅人潮咁多年一樣都冇減退，見到入面大部份人都以扒類為主個個都會點扒餐再望返個餐牌價錢絕對唔貴入面地方雖然不算太大，但係位置都算闊落見到入邊已經佈置好聖誕嘅裝飾準備迎接聖誕氣氛十足叫咗兩個晚餐晚餐入邊包括左餐包同埋餐湯餐湯可以揀羅宋湯或者忌廉湯我同朋友都揀咗羅宋湯酸酸地入邊仲有好多蔬菜🥬令到胃口大開，入面仲有少少嘅微辣飲落就更加惹朱味香濃又好味晚餐包一杯餐飲叫咗杯凍檸茶夠晒凍茶味又濃，入口心涼透，仲有個甜餐包，上枱嘅時候仲暖暖的連埋餐湯一齊食更加好味揀咗個貴族牛扒餐$188，牛肩胛係平時牛隻做運動嘅部位，所以肉質都較為結實味道豐富牛肉嘅味道亦非常濃郁，我今日叫咗五成熟嘅牛

於1969年創立的金鳳大餐廳，在近幾年不斷開左好多分店。主打港式鐵板扒餐，吱吱聲加丄鐵板香氣撲鼻，實在喚醒不少香港人的童年回憶。今次來到荔枝角D2 Place 2期的分店，外面的霓虹燈招牌，餐廳以木色為裝潢，添上幾分懷舊的味道。先奉上餐湯和牛油餐包。羅宋湯好多料，酸甜中間有幾分辣勁，而牛油餐包也不會馬虎。奉上之前已經翻熱，塗上牛油，沾一點餐湯已經很好吃。等了一會好快有得食，店員貼心提醒淋上汁會有油，著我們用紙巾遮一遮。一淋上汁，香味立即充滿整個空間，令人食指大動。牛小排加蒜蓉店員推介美國牛小排。份量有兩大件，女孩子絕對吃不完。加上生蒜，比多兩蚊，令醬汁更添風味。黑椒汁很香，不是嗆喉的死辣。雖然點了五成熟但真的能做到粉嫩的效果，肉味香濃。牛柳餐爸爸點了這個牛柳餐，牛柳肉質軟滑比較適合長輩。帶橙紅色的蒜蓉汁也很有以前的味道。配上幼薯條的確跟以前在總店的味道啊。餐後兩杯飲品奉上，凍飲不加錢。奶茶唔苦澀，值得一試。

外賣什扒飯 塊牛扒細塊到連柸熱飲個蓋都大個佢 條腸仔又炸到過晒火 已經唔係第一次 上次諗住一次半次實會有 真係極度失望 買外賣係米好蝦d 唉 D2place 呢間越做越差 唔會有下次

今日放工約左朋友喺長沙灣食飯，諗住去D2 商場金鳳鋸扒，順便行下街，平時見好多人排隊，好彩今日等咗陣就入得我同朋友叫兩個扒餐share食，叫咗個美國牛小排鐵板,叫咗黑椒汁五成熟，牛小排有兩塊都幾大份，下面仲有格格脆薯塊，我嘅最愛，跟餐仲有餐湯，有忌廉湯同羅宋湯揀，忌廉湯好香濃，另外仲有餐包加野飲，牛小排五成熟啱啱好又唔韌，好鮮嫩,好好食,超級推介另外叫咗個每月晚餐-帶子配西冷（蒜蓉汁）都係五成熟，兩粒帶子好大粒，仲好新鮮，西冷都唔錯，好大塊同厚身，烤得啱啱好嘢飲方面叫咗凍檸茶,每月晚餐仲有沙律同甜品，甜品係雲呢拿雪糕我同朋友都食到超級飽，買單每個人都唔使$200，超級推介牛小排，好大份，好抵食，下次會再嚟幫襯

平時黎到D2 PLACE都係上去上層光顧平價戲院居多 , 但估唔到原來呢度都有間分店 ,太子總店果間金鳳就食得多 , 呢間未食過今日在附近辦完事 , 順道約老友出黎食個晚飯 , 就諗住近近地金鳳据個扒到達時差不多7PM , 已經全場爆滿 座無虛席 , 門口更有大約20多人在等位大概是臨近聖誕 , 大家都爭住想食西餐 , 据扒等等餐廳樓面約800多呎 , 餐枱20餘張 , 大概可容納80多人吧幸好等左15分鐘左右 就有枱座位都尚算寬敞坐得舒服 , 店員多是阿姐級黎到呢度梗係据扒啦 , 除此外都有其他西式飯類意粉 及小食 任君選擇同朋友落左單後大約唔夠1分鐘 , 餐包 餐湯 就神速上枱牛油餐包暖暖地 , 邊位少脆 , 入口鬆軟羅宋湯鮮甜少許辛味 , 雜菜豐富 , 令人食欲大增忌廉湯則少許雜菌吊味 , 濃稠度都合格 , 識食既會用餐包點埋白湯黎食大蝦牛柳餐 $ 158 + 生蒜 $2 <5成熟> 黑椒汁主角上場大大份牛柳 估計都有250g , 食唔出有雪藏味, 牛肉味濃郁 , 肉質比較實心 , 同時又不失肉汁配上生蒜佐口配搭 將牛肉提升到另一層次而下邊墊低的是配菜 - 紅蘿白

今日星期六都無咩人都覺得奇怪嗌左個羊架餐同什扒餐，首先黎左2碗湯先同餐包.... 一飲碗湯，嚇左嚇，我好似飲緊海水咁紅湯都好d d 但都係咁咸。好啦咁試下食包，熱就熱啦，但個底硬過鑽石真係有d痴線。好，以為主菜同飲品好d啦，嘩，一山還有一山高，最難飲既紅豆冰，應該全港佢係第一間。係紅豆水，真係淡到，好似洗完碗既水放左個雪糕落去咁，完全無法接受！個扒當然好似醃左十年咁啦，咸到食唔到，又Un! 無下次！大家唔好去呀!

呢間金鳳大餐廳係太子分店出哂名多人排隊好彩今次黎咗D2呢間分店，地方又大啲乾淨啲，食物質素都無咩變今次同朋友一個就叫鐵板餐，另一個就食客飯兩個都係套餐，叫咗一紅一白湯，正常發揮，當然我私心推介羅宋湯，無得輸招牌牛柳鐵板餐+蒜蓉不得了，好耐無食，真係好好味😋一上枱就咋咋聲，同埋見到好有分量既蒜蓉呢啲真係港式風味既食法松露汁雞扒飯個飯既松露汁就唔太明顯，都係正常發揮既客飯，下次再黎一定兩個都要食鐵板餐今餐整體都好滿意💯

來到D2 place，感覺唔算大，但餐廳選擇好多，好快就食完成個商場，唯有搵下野食。網上見呢間港式扒房都多人推介，價錢、環境都好合理，咁就不如試試佢啦！餐牌選擇都唔小，不同扒類、焗飯都有，仲有兒童餐，唔掛知得18:00左右已經唔小人坐左係度。叫左2個扒餐，跟餐湯餐包，餐湯依舊有紅白湯選擇，白湯好濃郁，感覺好正，餐包又夠熱，又軟綿綿，幾港式幾正既開頭。今日重點，鐵板雞扒餐，店員建議我地試下加蒜蓉，會令成個扒餐更加好食。既然係咁就試吓去啦，果然蒜白味勁濃勁野味～鐵板剛上台時，店員會幫我地落醬汁，店員亦十分細心提我地餐巾擋住醬汁。炸～～～一聲，港式扒餐特色同風味出晒黎。特別一提，雞扒外皮脆卜卜，雞肉有味亦好食，果然港式扒餐黎講算十分高質！👍🏻另外一個餐就係鐵板帶子牛扒餐，同樣地加左蒜蓉，估唔到牛扒同蒜蓉係可以咁夾！帶子外邊煎到超香，入面依然有彈性，好食。但重點一定係塊牛扒同蒜蓉！牛扒5成熟，夠味又夠淋，外邊香口，入面軟淋，再加小小蒜蓉一齊食，回味無窮！建議大家黎到可以試下加蒜蓉，包你有意想不到既效果。最後，餐飲都有正常茶記既選擇，亦有雪糕紅豆冰、黑牛等特飲，但當日天氣凍，決定飲熱飲算。呢度竟

間餐廳聽過好好耐但從來冇去過，今日咁啱經過D2，仲要中午時間剛剛有位。西冷牛扒餐 $104 （而家午市做緊88折，原價$118) - 好耐冇食鐵板牛牛餐啦，叫咗5成熟，不過一上枱即刻切開，一邊係5成，但另一邊就有7成，不過都ok嘅；黑椒汁好有兒時味道😋。不過個羅宋湯唔夠濃，個人覺得個湯同麵包好似「花X餐廳」好食啲（雖然我都好耐冇去啦）。個餐飲檸檬茶個茶底好淡呀，不過呢個價錢食到牛扒餐包餐湯包餐飲，其實真心抵，冇投訴😅😅

之前一直識開都響太子嗰間❤ 出晒名，每次去親都要排好耐～最鍾意嗰間嘅裝修之外，我都好鍾意同嗰度啲職員吹水，每個都有返咁上下年紀❤超有人情味 ～今次試D2 Place呢一間，估唔到佢會開喺呢度而且比我想像中都好， 嘢食質素不變，牛柳整到好林， 鐵板燒熱辣辣，仲見到店員表演一隻手拎成四五碟🥲🥲可惜冇影到相～呢一間嘅嘢飲就冇分大細杯，位置同環境都比以前舒適左。 價錢方面就不嬲都覺得抵食㗎啦😂😂😂 最後，雖然呢一間好好，但如果有得揀可能我都會比較想去返太子懷舊嘅扒房，鍾意嗰種入到去成間嘢都係煙❤

menu既扒餐有好多款牛扒選擇，但我唔多仲意食牛，所以叫咗個鴛鴦扒，主食有豬扒同雞扒，豬扒口感Q彈，即使擺咗半個鐘都唔柴，依然好食；雞扒肉質鮮嫩多汁，唔錯唔錯；侍應推介加新鮮蒜蓉，大量蒜蓉加埋蒜蓉汁，蒜蓉愛好者必嗌😉。配菜有翠玉瓜新鮮多汁，薯菜好脆，粟米粒甜甜哋。忌廉湯幾好飲，咸淡適中。餐包質感厚實，查埋牛油仲正。熱朱古力濃度適中。呢個套餐份量好足，食到好飽，爽快😍。當時坐室外，經過既路人並唔多，所以都唔會影響用餐。

這間茶餐廳有多間分店，面這間的裝潢是最靚☺️，價格抵食兼大份，吸引了很多人光顧？平日來也要排隊取票等位，好甘誇張😱這裡最出名的就鐵板牛扒，幾乎每枱也必叫.鐵板餐包餐包，湯和飲品，其他要額外叫.於是意粉加了錢換.餐包和湯份量也多，餐包大個鬆軟，塗上牛油底可浸上餐湯飲，一款是羅送湯，令一款是野菌湯，羅送湯味道較濃厚，故更適合配餐包食🥰💠貴族牛扒鐵板（美國牛肩肉）Noble Steak $188 蒜茸汁 + $2蒜茸 配牛油餐包、餐湯及餐飲叫了款menu入面最貴的美式牛排😂可以以普通碟上式是鐵板上，當然用鐵板上的味道更勝一籌！一上已經聽到平三陽陣陣烤的吱吱聲，之後店員會過來幫忙淋上蒜茸汁，店員好細心會遞上紙巾給我們用來擋淋汁時四濺的油和汁🥰👍🏻👍🏻牛扒叫了5成熟，牛肩肉有兩大塊，每塊也是相當有份量厚實😽切開可見到中間鮮紅的血色，牛肉相當肥嫩，肉感細滑鮮嫩😍絕對要加蒜茸，蒜香會令牛肉味道更佳更香口🤟🏻💠經典番茄芝士肉醬焗扁意粉 Baked Spaghetti Bolognese $76+$20配牛油餐包、餐湯及餐飲芝士肉醬意，向來也是頂級味道，絕不會伏.！意粉本身已經用番茄醬炒過，再在上面淋上厚