金鳳大餐廳 (D2 Place TWO)

營業中

休息中

同男友提起好耐冇据扒男友提議搵鐡板好耐冇聽到吱吱喳喳聲🤣上網搵西餐見到"金鳳"就諗起好耐之前係太子舊店食過果間勁等位後尾搵到其他分店揀咗D2 呢間偏僻d點知都係要等位😅好彩都係等大約15mins👍🏻嚟到更係食扒啦😬男友鍾意食肉眼原來肉眼係薄片所要侍應建議我哋碟上咁就跟佢意思👉🏻美國安格斯肉眼扒👍🏻😋好juicy 冇根同冇渣冇雪味配黑椒汁👉🏻美式什扒餐可以食到幾種肉(主要豬扒好大塊,牛扒,雞翅,腸仔,火腿)豬扒煎得好香配蒜蓉汁原來用一支牙籤穿住晒 d 肉🤣其他肉係底下跟湯有紅湯 & 白湯我地比較鍾意飲羅宋湯好足料酸酸地少少辣好開胃跟餐個餐包好軟熟宜家佢用木碟裝住比以前舊店靚d 杯檸茶好好凍茶底好好不論凍定熱唔怪得周邊好多人都飲啦另外跟餐可以加錢轉其他飲品

久唔久就會掛住一下金鳳，因為有真正香港扒房嘅感覺， 同美式扒房完全唔同嘅風格除咗掛住塊排，更加係掛住嗰個羅宋湯每一次都係勁鍾意呢個湯，夠辣夠味，而且裏面嘅配料仲有好多好，飲到直情係想拎埋朋友嗰碗嚟飲今次朋友叫咗一個晚餐，所以有沙律同雪糕我自己就叫咗個羊扒餐一睇相就知道塊扒係有幾大塊， 仲大過塊鐵板 ，羊架嘅數目又有好多，係真係可以完完全全食到飽一飽今次要咗黑椒汁，黑椒汁比較濃味最後上咗一個雪糕，雪糕食落都好有驚喜，朱古力味濃最後覺得店舖的服務員態度非常好，雖然佢哋好忙，最尾想問佢哋拎杯水食藥都好快拎黎，而且非常有禮貌值得一讚店舖比想像中多人，食晚餐時間要等位，如果要食大家要預多少少時間

晚市必定坐無虛席的餐廳，朋友點咗肉醬意粉，意粉是扁身，茄醬濃郁，另點了$188晚市鐵板餐，前菜先上了羅宋湯和麵包，羅宋湯有鮮茄和辣味，去呢種舊式茶餐廳最喜歡的一定係牛油配餐包，熱辣辣又鬆軟，牛排叫了五成熟，淋上蒜蓉汁時渣渣聲響,建議四成熟會更軟稔薯格鋪底時間耐左會稍軟，份量比較多細食嘅朋友最好同朋友share一個餐

久唔久都會想去港式扒房鋸扒，而金鳳絕對係我既首選晚餐時間金鳳門外長期出現人龍，幸好今次等了15分鐘左右就入得。我和友人點了蘇格蘭牛扒餐和西冷牛扒餐，點餐不久後侍應就用鐵板捧住大大塊牛扒熱辣辣送到我地面前。我地當然已做好指定動作將餐巾打開，一邊用餐巾擋住，一邊聽住侍應落汁時發出既渣渣聲作為一個愛蒜之人我除左要左蒜蓉汁之外仲要左多蒜，成塊扒都滲滿晒蒜蓉汁，好正牛扒好淋，淡淡肉，熱辣辣。隨餐仲附送薯條，餐包，餐湯，餐飲，食完好飽好滿足。不過胃口細既人可能會食唔晒

今日最後一日可以堂食，就食下d屋企食唔到既野，就係用鐵板上嘅扒房啦🤣🤣揀左呢間係因為裝修懷舊得黎又好靚，好吸引，同埋最緊要坐得舒服，唔似舊式餐廳迫迫夾夾咁。扒既款式都幾多選擇，睇左好耐先揀到，樣樣都想食😆😆最後揀左呢兩款：⭐️鴛鴦扒餐（$128）有餐包，餐湯同飲品鴛鴦扒係豬扒加雞扒，兩件扒都超大件，飲完個湯同食左個餐包都飽飽地😂見到兩件扒咁大件，以為一定食唔曬，點知食食下又比我食曬，豬扒好香脆，肉質都嫩，雞扒又唔會有雪味。最下面有薯條墊底，不過吸曬d油淋左。⭐️每月精選晚餐：西冷牛扒拼香煎鵝肝（$198）套餐除左有餐包，餐湯同飲品，仲有沙律同甜品。牛扒大件到嚇親，勁厚。第一啖就緊係食鵝肝，好香好正，牛肉都煎得夠滑。餐廳做緊優惠，食夠$300以上送小食，有雞翼，吉列蝦或者魚柳揀，我地揀左魚柳。最後真係食到勁飽😆

今天和友人到荔枝角鋸扒，我哋去D2 Place行咗一陣，見到好出名嘅金鳳餐廳居然都喺度開咗分店，所以就去食。呢度嘅裝修比較現代化，坐得比較舒服，環境好舒適。價錢都非常合理，唔算好貴，種類選擇都好多，又有扒餐，好抵食。佢嘅餐湯可以揀忌廉湯，湯底濃郁，好好味。又有粟米粒。又有蟹子沙律做錢財，沙律好清新，好新鮮。餐包新鮮出爐，所以好熱辣辣，魷魚好好味。呢度食夠$300 ，就會送小食，我哋揀咗雞翼，好香脆，有蜜糖味。海鮮大蝦餐，佢嘅蝦好大隻，味道好新鮮，鐵板大蝦好好食，肉質鮮嫩幼滑，好抵食。西冷扒，都好好味，入口即溶，用料上乘，鮮嫩幼滑，頂級靚牛扒。我哋仲食左甜品， 朱古力雪糕，非常之滿足，值得再食。

D2 place呢個寵物有善嘅商場吸引咗附近唔少養寵物嘅家庭同埋情侶去行街食飯。金鳳呢間餐廳，裝修比較開放式，所以出邊嗰幾張枱，都係可以比主人帶埋狗狗一齊嚟食飯，非常方便。黎到金鳳梗係要食佢地最出名嘅扒餐，我同朋友分別叫左無招牌牛柳餐同T骨牛扒餐，價錢係$133同$168。牛柳有兩大舊，份量仲多過餐牌上面張相，好難得😆牛柳嘅肉質好冧，一啲都唔乾柴👍🏻T骨牛扒連骨所以好香，纖維感比較重，所以食落有啲咬口，而且幾有牛味。😆總括嚟講，食物份量都幾足，價錢又唔算好貴，平過出邊西餐廳，適合食肉獸。

冇服務，頂級安格斯6成出嚟變咗well done,難食到嘔，不過呢個價錢都係咁上下218加一，一定冇下次，垃圾中既垃圾，杯餐飲細杯到你以為係煮飯仔啲玩具，又係難飲到pk….

荔枝角好多餐廳，行開D2 place 二期，見都呢間有人等位，就知一定唔差得去邊!餐廳走港式西餐風，lunch set 都係$60起，仲包餐湯+餐包+主菜+凍飲，簡直要食到你飽為止。匈牙利豬扒餐 -$60大癲!佢塊豬扒仲大過我隻手掌lol 重點係豬肉煎得香脆軼稔，即使被茨汁埋左，食到最後都係脆架! 碗飯都係大份到食唔晒，而且旁邊仲加上粟米、翠玉瓜等時蔬伴碟，再加埋似羅宋湯味既濃郁茨汁，真係好好送飯，簡直務求食到你飽。洋蔥豬柳拼雞排餐-$68兩塊巨扒又係大到傻左，飽到晚餐都唔洗食!由於巨份量，決定揀配薯菜。薯條經炸脆，鹹鹹地; 一啖雞，一啖薯條，搞到成個肥仔咁! 點埋洋蔥汁食，連茄汁都唔洗落了。呢到竟然有好內無見既茶記名物-唂咕! 其實就係濃D既朱古力，不過有得飲都覺得開心，好多餐廳都無了。

人大了開始對港式茶記情有獨鍾🚶🏼‍♀️下班後與朋友約在這間懷舊的港式扒房 - 金鳳大餐廳餐廳整體設計極具懷舊氣息，平日的晚飯時間，餐廳內亦坐無虛席，7點後大概等了15分鐘便可入座 🍞 餐包 - 微暖且鬆軟，配給的牛油也不錯🥣 羅宋湯 - 椰菜份量多，味道足，偏辣 🍴 西冷牛扒餐（蒜蓉汁）（$133）扒餐份量十足，與友人分享剛剛好👍🏻店員會在你需前淋上蒜蓉汁😆非常有港色扒房的特色，我還額外加了蒜蓉(+$2) 蒜蓉份量多得誇張😮 西冷牛扒點了七成熟，中間還保持粉嫩，肉質軟腍 🍴 野菌忌廉煙三文魚意粉（$98）煙三文魚及野菌份量算多，加$20轉了套餐 🍵 熱檸水🍹 雪糕紅豆冰（+$18）紅豆冰是用椰汁，而雪糕嚐得出是熟悉的維記出品😛紅豆亦夠腍 *需加一

哈哈，比我揾到在荔枝角晚餐時間据個扒又抵食既餐廳。綜觀整個D2 Phase 二期，金鳳大餐廳應該係最旺場既餐廳，沒有之一，我地晚上食呢個幾鐘，一直都keep住人入，睇黎大家都好識揾食🙈餐牌有好多選擇，有各種牛扒、豬扒、雞扒、羊扒餐⋯⋯扒餐係套餐，配牛油餐包、餐湯&飲品。另外餐廳仲有各種意粉、焗飯、沙律、小食⋯⋯我哋主要order咗美式什扒餐 同埋 西冷牛扒餐：美式什扒餐有一塊牛扒、一塊都厚超過1cm既豬扒、火腿片、雞翼、香腸、同埋薯條，真係無估到佢咁多料另外呢塊西冷係好抵讚，有成15 mm厚👍🏻👍🏻 西冷扒充滿肉汁、口感好正。可配洋蔥汁 & 黑椒汁，我個人就比較推介黑椒汁，另外好值得加埋生蒜蓉（只係加$2），好野味。我們仲加配左茄汁意粉、白飯黎送肉食：餐廳叫滿$300（未計加一）就送一碟四隻即炸的鳳尾蝦，我地叫咁多食的都係剛過左$300😆 餐湯就有羅宋湯同埋忌廉湯，配牛油餐包：野飲方面就叫左凍鴛鴦、雪糕紅豆冰，雪糕紅豆冰真心唔錯😋😋最後埋單連加一唔駛$350，我們都覺得今餐性價比好高，金風絕對係間高CL值既餐廳，我下次應該同埋其他朋友再黎試下其他扒。

一段時間無來，發現佢加咗價，而且質素下降無以前咁好食。我揀了匈牙利炆豬軟骨，而我同事就叫了夏威夷雞扒，其實一開頭我都一直諗緊要豬軟骨定雞扒好，因為心入面想食豬軟骨，但係又覺得要比多$8唔係好值，不過最後都叫咗豬軟骨，而黎到的時候我就知自己衰咗。Set Lunch有包到餐湯、牛油餐包同餐飲，餐飲冷熱同價。匈牙利炆豬軟骨配意粉$68，豬軟骨一般貨式，味道都係一般，配菜好濕，好似浸咗好耐咁樣。夏威夷雞扒飯$60，件雞扒都好似煎得唔錯，我同事話味道都OK。

中午揾食經過這裡，好多人等位，本著趁熱鬧的心態，人排我又排，終於有位啦。😘餐牌有好多選擇，非常肚餓，梗係揀最多人食的牛柳，我比較貪心，揀左大蝦牛柳餐，要黑椒汁，餐湯同麵包好快送到，羅宋湯又熱又夠味，麵包🍞鬆軟，搽D牛油，肚餓之時覺得好好食。😋大蝦牛🐮柳跟著上台，效率很高，快靚正。😀本來對港式西餐期望不高，但又出奇地好味喔。🙃牛柳嫩滑，鮮味可口，大蝦新鮮肉爽，蝦頭有膏，配上黑椒汁的牛柳，非常惹味，份量又足，兩大塊牛🐮柳，加上薯條，紅羅蔔，椰菜，翠玉瓜和粟米，顏色鮮艷，味道清新，葷素搭配，健康快樂。🤩食飽飽後，再叫一杯熱檸檬水，不加糖，解膩。😜看著忙碌的員工來來往往，就知道這裡多受歡迎。👍

話說終於到咗朋友生日高峰期嘅尾聲，而呢餐生日飯係為咗我一個相識咗8年嘅兄弟而慶祝。其實本身諗咗好耐食咩好，而我最後揀咗嚟呢度食，貪佢啖啖肉，應該大家都ok嘅～·洋蔥🧅忌廉芝士雞肉意大利粉我呢個朋友對白色情有獨鍾🤭佢一睇menu就揀咗呢款。佢話雞肉食落有肉汁，而且雞皮整得好脆，仲有白汁同芝士係永遠嘅朋友，夾到冇得輸！最後有少少🤏🏻香草🌿散落喺碟意粉上面，提鮮提味，提埋個視覺效果添～👍🏻👍🏻·忌廉湯🥣當然～我呢個朋友係要飲埋忌廉湯嘅🤣佢話有草菇🍄粒同忌廉味夠重就得，咁佢話都ok喎～·美國安格斯肉眼扒餐🥩好好笑😂😂侍應哥哥問我要幾成熟嗰陣，我話：「5成呀～唔該！」，佢提我話：「碟上會有血㗎喎～靚仔！」，我同佢講：「我就係要見血呀～唔該晒！」🤣 多謝侍應哥哥嘅細心提醒，我係覺得有親切感嘅！嚟到見到有好大塊扒，同埋我童年回憶嘅脆薯格，仲要有大量茄汁就超開心😃 至於塊扒就煎得啱啱好，唔乾仲有大量肉汁。點知仲有細個跟爸媽扒房食必有嘅阿拉丁神燈🧞‍♂️🧞裝黑椒汁，啲汁見到好多一粒粒黑椒，足料之餘，仲有調得幾好，唔太甜唔太鹹唔太辣，啱啱好～·羅宋湯🥣係我嘅摯愛🥰 我鍾意佢夠辣，more spicy 🌶 係

就係懷舊兩個字就行左入去，諗住無衰啦……叫左兩個餐，野菌鑊仔牛扒，沙茶雞扒，餐湯羅送湯，個湯係ok嘅，唔好以為真係好飲呀，只係夠熱咋，餐包ok,唔好又以為好食，夠軟咋吓……扒餐到……，塊雞扒，夠膽死完全唔熱，仲凍嘅，就咁淋d所謂沙茶汁上去，加一堆所謂沙律，完事上枱，有料！牛扒只係比塊雞扒暖dd……全餐我只係飲個湯係熱嘅！本身諗住叫杯黑牛飲吓，見識過塊冷凍雞扒後，我已經唔想加＄18去叫杯黑牛喇，仲搏？唉