金鳳大餐廳 (山林道)

營業中

休息中

之前都有食過覺得CP值都ok, 但今次食覺得食物完全唔合格囉。入到餐廳，得幾枱客，幾個侍應，但係都冇人得閒帶枱，都係自己坐低先有人過嚟擺餐具🍴晚餐點左兩樣食物都係啲好Common嘅嘢。分別係：燒牛肩扒、焗葡國雞_飯。過咗1分鐘就有紅白湯同餐包食，但係等咗成15分鐘先有得食主菜，仲要係唔好食嘅…首先講個牛扒，叫五成熟，上嚟得三成，表面全窿裏面全生，唔知點食，薯菜冰凍嘅。再講個焗葡國雞_飯，啲雞好似湯渣咁鞋，啲汁係無味，焗葡國雞同白飯係分開嘅。

我跟太太於今日嘅下午茶時段前後坐咗係餐廳裡面，想向女侍應索取扒類以及下午茶嘅餐牌。女侍應只係一直咁話下午茶時段未到喎！連餐牌都唔想俾我地，我心諗只係睇下餐牌唔駛死啩？遲幾分鐘再嗌咪得囉！做野咁死板點得㗎？到咗14:32了(下午茶14:30開始)，難得佢仲敢不經大腦對我地講下午茶時段仲未到喎，好頂瘾！好嘢！倒不如你唔好做，番屋企把啦！跟着我地向另外一個女侍應想攞三杯熱水，見佢行咗去做第樣野，冇哂下文，我地要再問一個男侍應先至真正攞到三杯熱水。我地之後想攞喼汁同埋芥辣，配合牛扒一齊食。上面提及嘅男侍應攞咗喼汁嚟，但就話芥辣要等陣先。之後佢又係冇哂下文，我地"等了又等"，終於又係要問另外一個女侍應先至攞到芥辣。負責落我地order嘅女侍應話，下午茶時段係唔駛加一嘅！之不過我點咗一份鐵板牛柳餐，埋單收銀嗰位居然就因為咁要收我地呢份扒餐嘅加一！十幾蚊好少事啫，只不過：1)你龍門任意搬，好似你想點都得，一人講一套，冇制度；2)你對我地以上咁嘅所謂服務，我俾你一蚊雞加一真係都嫌多！我地做咗一次白老鼠，經歷到咁嘅教訓，唔敢有下次㗎啦！D野點好食都係咁話……

以前成日覺得隻隻扒都係一樣味今次朋友叫咗一個安格斯扒同埋一個晚餐一齊食，終於食到係有好大分別朋友叫咗一個安格斯肉眼扒餐原本以為冇乜期望,實際竟然食落係有牛肉味而且仲係有牛肉嘅質感唔係拿到死曬一食另一個普通牛扒就知道真係分別好大另一個晚餐牛扒係冇安格斯咁好食，但係上面嗰兩粒帶子真係彈牙好食晚餐仲配咗沙律、 餐湯麵包同埋雪糕，價錢平… 食得大滿足另外呢個意大利配方雪糕係勁正…綠茶味… 睇落唔係好深色… 但係好重綠茶味另外要留意唔係次次都見到呢個晚餐餐牌真係記住問一問店員另外今次食覺得侍應嘅服務態度好咗好多會主動收返啲鐵板，同埋幫手抹枱，而且禮貌都好好

港式鐵板好多香港人都好鍾意食，熱辣辣渣渣聲！而我都唔例外，即刻揀返個帶子牛柳扒鐵板餐食，又有餐湯又有飲品都係$158，價錢都好合理！首先餐廳俾你有得揀紅湯定白湯，而我就最鍾意飲羅宋湯嘅，羅宋湯好足料，唔係剩係得齋湯，仲有牛尾同埋菜湯渣，大大塊大大嚿，醫住個肚先！呢度凍飲都唔使加錢，好少可茶餐廳會可以唔使加錢任凍飲，而我就叫咗杯凍檸水，食鐵板餐都係飲凍飲爽啲！最後主角終於嚟啦！上咗鐵板之後，店員就會問你想要咩汁，我又係揀咗我自己最鍾意嘅黑椒汁，一倒汁，鐵板就即刻咋渣聲，即刻用張餐巾遮住自己，以防彈親，啲牛柳真係好嫩口，一啲渣都冇，又唔會好難趙，呢兩粒帶子真係好大粒，好好食添呀！好推介身邊嘅人一定要黎試下！

記得以前細個拍拖嘅時候好鍾意嚟金鳳鋸扒，而家人老咗都想重拾返呢一份情懷，今次假日嘅中午嚟到金鳳餐廳、雖然佢哋有好多茶餐廳式嘅炒粉麵飯午餐，但我依然都係鍾情於鋸扒多啲。叫咗小牛排鐵板餐，一如以往嘅濃濃忌廉湯同埋軟熟餐包配牛油，每一個畫面都充滿着回憶，鐵板餐上台嘅一刻最期待都係揸住張餐巾，滿心期待店員將美味嘅醬汁淋上鐵板嘅渣渣聲🥰估唔到咁多年之後佢哋嘅薯條依然都係冇變，擺喺個鐵板底下，淋到爛晒嘅😆唯一變咗嘅係佢哋餐飲品終於不再好似以前咁孤寒，凍飲都俾隻BB杯你仲要超多冰，而係終於變返正常嘅凍飲杯啦！鋸扒要好味嘅未必係金鳳，但係如果要食懷舊香港情懷同回憶嘅話，就一定係金鳳啦！你懂的！

今晚同老公嚟到一間由小時候已經開始幫襯過的懷舊港式扒房<金鳳大餐廳>，要鋸返個港式大碟夾抵食嘅鐵板牛扒，當然要嚟呢度。原來宜家金鳳仲有其它更高質嘅美國牛扒同美國和牛可以選擇添呀！選擇比以前更加多，而且價格同樣抵食。餐湯有幾款，有忌廉湯同羅宋湯，如果加$20仲可以upgrade轉龍蝦湯。今次我哋選擇咗忌廉蘑菇湯，味道非常濃郁，而且仲好creamy。餐包都好新鮮，而且仲好大個添！！～<貴族牛扒餐 五成熟 $188>貴族牛扒好厚好大塊，牛扒嘅肉質都好腍，而且油脂分佈平均，仲冇乜筋，牛肉味道夠濃，配埋薯格同秘製蒜蓉汁，非常好食。<西冷牛扒餐 五成熟 $116>西冷牛扒絕對係重量級king size，牛扒煎到五成熟剛剛好，沒有過老，而且肉質同樣非常嫩非常腍，牛肉味道出眾，鐵板上仲保持到熱度，抵食又好食。值得一讚嘅係，呢度嘅凍奶茶喺唔需要加錢㗎，而且杯凍奶茶仲非常之大杯，奶茶味道亦夠濃夠滑，好飲推介！！餐廳入面地方環境都非常寬闊，坐得舒服，最重要係，呢間餐廳供應嘅牛扒，肉質確係唔錯，而且價錢相當之經濟實惠，絕對係大碟夾抵食，抵食推薦吖！！～

Today, we go to a famous, traditional Hong Kong restaurant, Golden Phoenix Restaurant. We order Lamb Chop and Pork Chop + Extra garlic set, together with butter bread, Cold lemon tea and Hot Honey with lemon. We also upgrade the soup to Bisque. The bread is hot and soft. The Bisque is super yum, strong flavor. The best combination to eat with the bread. For both Lamb Chop and Pork Chop, we choose garlic sauce. Lamb Chops are large and juicy. Seasoned well. Pork chops are juicy too, perfectly mat

仲記得中學時期食金鳳就要係太子道排隊等位, 宜家愈開愈多分店, 裝修仲舒適左好多!今次黎到食個快飯, 水準依然不變!叫扒必有既餐包同湯, 紅湯好飲, 餐包又暖!似乎近排新出既貴族牛排, 所以試一試, 賣相超厚身, 大大件, 金鳳一貫作風!切開見到粉紅色, 煎得相當唔錯, 5成岩岩好!!肉質好滑, 而且牛肉味濃, 比一般既西冷肉眼好吃! 另外叫左個皇牌豬排飯, 炒飯底好多汁, 所以1D都唔乾, 豬排都好淋, 好好食!

點解宜家既金鳳難食左咁多既🥴🥺星期一既晚上7點3入座，8成滿，但等到差唔多8點先有牛扒食。😣😣餓死了！雖然去得金鳳都係為左食個風味，唔係預要食d乜嘢靚牛扒...只不過。。😩😫今次真係唔ok lo! 牛柳餐 $112（有加一）係平既，但唔值。一上黎見到斷開左既牛柳，似係d頭頭尾尾既部位真係唔開心ga。我地加$2要蒜蓉，但得個小小, 好彩蒜蓉新鮮好食夠香🥺😓黑椒汁冇黑椒味就一直以黎都係，所以無乜特別。而個牛柳一分為二都唔緊要，如果好食既話。。平時食都知佢勁多鬆肉粉（雖然佢聲稱唔係用鬆肉粉）, 但今次拿到肉既纖維完全冇曬，搞到食落好似蒟蒻般口感係哂玩法🤷🏻‍♀️。一d牛肉味都無，係小小都無，無成舊都無味。我食過好多次金鳳，但今次真係最失望😩想喊。。。雖然今次嘅體驗係唔好，但係我都會繼續支持港式扒房。

細細個最鍾意同爸爸去食西餐，果種味道好耐未試過，今次去金鳳回味下。 聽人講好多人排隊，我地好早到，唔使排隊就有位坐。入到去就有種懷舊嘅感覺，紅色卡位加上侍應紅白格仔制服，而家好少見。Menu上美式扒餐好吸引，揀來揀去，嗌左份貴族牛扒同一份羊扒，為左健康，仲嗌左份馬拉盞通菜。頭盤餐包同羅宋湯，餐包又熱又鬆軟，羅宋湯暖笠笠。炒通菜好驚喜，價錢唔貴又大份，味道亦剛剛好，唔會太鹹，令我地胃口大開。之後上扒餐，賣相已經好吸引，淋左蒜蓉汁後好香。牛扒5成熟，鐵板煎一煎剛剛好，好淋身，超易入口。羊扒就有小小肥，不過真係好惹味，撈蒜蓉汁口感一流。食飽飽後嗌餐飲，細個飲黑牛飲得多，金鳳自創紅牛，嗌杯試下，有氣利賓納加士多啤梨味雪糕，真係冇唸過可以咁樣配搭，但又好好飲。我地埋單時差唔多8點，出邊開始排隊，呢個懷舊扒餐勝在性價比高，有細個嘅味道。

朋友知道我喜歡懷舊，知道山林道有間金鳳大餐廳，餐廳裝修和食物都好有懷舊感，扒餐價廉物美，值得一試！今晚佢就請我過嚟感受一下！所有扒餐都配牛油餐包、餐湯和餐飲，加蒜蓉只需兩蚊，餐湯轉龍蝦湯加20元。鴛鴦扒餐，係豬扒和雞扒，話加咗蒜蓉會好味啲，我就試吓先，熱辣辣鐵板盛載豬扒和雞扒上枱，真係份量十足，大大份，侍應會問要蒜蓉汁還是黑椒汁，我選了黑椒汁，侍應便將醬汁倒入扒上，即時發出沙沙聲，香氣四溢。豬扒和雞扒厚切，肉質鮮嫩，黑椒醬汁加埋蒜蓉真係特別好味！味道更香更濃。朋友的香燒羊扒餐都好大份量，煎得熟度剛剛好，肉質都好嫩，又唔會羶味。懷舊雪糕紅豆冰，跟餐只需加$18，好抵飲，紅豆林甜，加雪糕又滑又creamy!黑牛即係朱古力雪糕加可樂,朋友話味道都唔錯。

金凰之前食過佢係太子個間，好鍾意佢嗰種古色古香嘅味道，係我爹哋由細食到大嘅，知道佢係山林道開咗一間新嘅分店，一於去試下佢keep唔keep到水準先。新鋪位置唔難揾，行入山林道一鐘左右就會見到㗎啦。六點鐘到未到高峰時間，都己經坐左一半人，好彩早少少到。裝修唔算懷舊，餐牌都可以選擇用唔用鐵板上，但係食得港式鐵板餐，梗係要個鐵板嚟打卡啦。貴族牛扒餐 ($188) 同埋 美國極品牛小排 ($168)，兩個都係跟餐有餐飽，餐湯，同飲品。餐飽同餐湯都係港式餐廳嘅例牌，無太大驚喜，不過不失，不過自己好鐘意呀，所以食到係開心嘅。前者叫咗三成熟，後者叫咗五成，上菜嘅時候竟然真係可以keep到自己嗌嘅程度！因為出邊食開有啲餐廳都係賣港式扒，有時好驚佢哋上菜嘅時候會過熟………兩個都叫咗黑椒汁，切開嘅時候真係見到啲肉汁會滲出來，牛本身亦唔多筋，全部都啖啖肉，正😄 配菜有幾塊薯角同翠肉瓜。自己淨係知有黑牛，連餐牌上面嘅黃牛白牛都無聽過，又見好似好耐無飲過利賓納，所以餐飲叫左紅牛(+$18) 同雙檸雪碧(+$18)。 紅牛入面係士多啤梨雪糕加利賓納再加梳打水，雖然加梳打水入去嗰一刻有啲麻煩，會好快起好多泡，但味道

金鳳係一間耳熟能詳食鐵板扒嘅專門店，每每諗起要食扒，第一時間就會諗起佢！今次去咗山林道嘅分店，裝修比較華麗、有設計感，卡位亦都坐得非常舒服！一如以往，鐵板嘅item最吸引到我嘅眼球😍價錢亦都非常合理，同時有多個部位可以選擇👍🏻餐湯熱騰騰，味道非常濃郁，而餐包亦都經過處理，處於微溫狀態，兩者配襯，簡直一流！同朋友都點了牛柳，我仲加埋帶子添😬，鐵板一到，姐姐就會好細心咁叫大家拎起紙巾，擋住彈出嚟既油煙，汁有蒜蓉同黑椒可選，一落汁就會咋渣聲，鐵板非常夠熱👍🏻不得不提係可以選擇加生蒜（加兩蚊），可算係金鳳嘅特色，蒜同牛真係可以非常夾，未試過咁食，簡直係遺憾！牛柳肉質非常淋，而我鍾意食五成熟，完全冇overcooked,重點係喺扒底會墊著薯條同翠玉瓜，咁就唔會比熱騰騰嘅鐵板影響牛嘅熟度😬另外，奶茶嘅茶底都非常香濃，非常建議喺度飲奶茶😙咁高質嘅食物都係呢個價錢，而且係呢個咁方便嘅地段，認真抵食👍🏻

我琴日同男朋友食完嚟。一開頭坐的位係4人位，之後有個職員A叫我哋坐後面二人 因為有檯7 人嘅 都okay 我明白 我之前都做過呢啲餐廳，唔緊要。等到有餐了，我切緊牛扒，職員B準備要臨汁 我同佢講唔使了唔該我哋自己落（係 我知我唔記得講另上）佢就話你講另上啊嘛，感覺好似唔耐煩。之後，我同佢講唔該，佢就話等等啦，咁你都要俾啲回應我，我講幾次唔該先講我幫緊客人淋汁。姐我想講人多，爆忙都唔使咁，你呢間餐廳嘅面積，話大唔大，話細唔細，對比我之前間餐廳起碼大多一倍，就算爆忙，人多啲態度都唔會差

以前太子金鳳餐廳要排曬長龍 ，我見到尖沙咀有金鳳嘅分店，就決定一試。鋪頭裝修懷舊得黎，帶點 現代化 ，有冷氣，坐得舒服 ，好近地鐵站。套餐有，麵包，餐湯，野飲，呢個價錢非常抵食 ，呢個價錢喺尖沙咀，食到咁高質素嘅扒餐 ，非常之抵。佢嘅餐湯羅宋湯， 好香濃， 好多材料。餐包軟綿綿 ，暖笠笠， 非常好食。仲有紅豆冰飲， 非常之開心。沙律都好新鮮,有車厘茄 ，粟米等等。佢嘅白湯係忌廉湯，好香濃嘅忌廉味， 粟米粒, 非常好飲。呢個係美國牛肩扒， 職員倒黑椒汁落去, 已經香味四溢，非常之香， 牛更加入口即溶 ， 嫩滑。食得出係高級靚牛扒。我點了一個雜扒 ，有豬扒，牛扒，腸 ，雞翼 ，好多野食，味道都好好食， 豬扒都係入口即溶，所有材料都好新鮮。仲有雪糕甜品。