更多
2021-11-10
75 瀏覽
金鳳係一間耳熟能詳食鐵板扒嘅專門店,每每諗起要食扒,第一時間就會諗起佢!今次去咗山林道嘅分店,裝修比較華麗、有設計感,卡位亦都坐得非常舒服!一如以往,鐵板嘅item最吸引到我嘅眼球😍價錢亦都非常合理,同時有多個部位可以選擇👍🏻餐湯熱騰騰,味道非常濃郁,而餐包亦都經過處理,處於微溫狀態,兩者配襯,簡直一流!同朋友都點了牛柳,我仲加埋帶子添😬,鐵板一到,姐姐就會好細心咁叫大家拎起紙巾,擋住彈出嚟既油煙,汁有蒜蓉同黑椒可選,一落汁就會咋渣聲,鐵板非常夠熱👍🏻不得不提係可以選擇加生蒜(加兩蚊),可算係金鳳嘅特色,蒜同牛真係可以非常夾,未試過咁食,簡直係遺憾!牛柳肉質非常淋,而我鍾意食五成熟,完全冇overcooked,重點係喺扒底會墊著薯條同翠玉瓜,咁就唔會比熱騰騰嘅鐵板影響牛嘅熟度😬另外,奶茶嘅茶底都非常香濃,非常建議喺度飲奶茶😙咁高質嘅食物都係呢個價錢,而且係呢個咁方便嘅地段,認真抵食👍🏻
今次去咗山林道嘅分店,裝修比較華麗、有設計感,卡位亦都坐得非常舒服!
一如以往,鐵板嘅item最吸引到我嘅眼球😍價錢亦都非常合理,同時有多個部位可以選擇👍🏻
餐湯熱騰騰,味道非常濃郁,而餐包亦都經過處理,處於微溫狀態,兩者配襯,簡直一流!
同朋友都點了牛柳,我仲加埋帶子添😬,鐵板一到,姐姐就會好細心咁叫大家拎起紙巾,擋住彈出嚟既油煙,汁有蒜蓉同黑椒可選,一落汁就會咋渣聲,鐵板非常夠熱👍🏻
不得不提係可以選擇加生蒜(加兩蚊),可算係金鳳嘅特色,蒜同牛真係可以非常夾,未試過咁食,簡直係遺憾!
牛柳肉質非常淋,而我鍾意食五成熟,完全冇overcooked,重點係喺扒底會墊著薯條同翠玉瓜,咁就唔會比熱騰騰嘅鐵板影響牛嘅熟度😬
另外,奶茶嘅茶底都非常香濃,非常建議喺度飲奶茶😙
咁高質嘅食物都係呢個價錢,而且係呢個咁方便嘅地段,認真抵食👍🏻
張貼